VOV4.K’ho - Hìu ma\y pờ tơlik ồs đèng An Khê - Kang Nak geh lơh tàm dà dờng Ia pa, di kơnhoàl Kbang mờ [òn drà An Khê bơh càr Gia Lai. Anih lơh broa\  jơnau đơs Việt Nam neh bal mờ ua\ ngan ala\ gah lơh bao\, gah yal tơnggit jơnau neh sùm geh đơs ala\ bơta tìs  mờ gơbàn aniai bơh Hìu ma\y do, Gơnoar atbồ lơgar kung neh ua\ dơ\ lam sồr bơsong, mơya tus tu\ do gam ờ hềt geh lơh niam wơl. Bơta ờ suk tàm làng bol ờ git tu\ lơi hơ\ sồng bơsong geh.

            Tây Nguyên neh mut tàm nhai mìu geh di mờr 1 nhai bloh, ờ  ua\ dơ\ mìu dờng kung neh geh bơh hờ tô dà dờng Ia Pa, mơya gan gan [òn drà An Khê, càr Gia Lai gam ờ hềt geh lơh niam bơh bơta trồ prang mờ bơ\ tiah kis. Tàm tu\ hơ\, hờ đah tô, bơtơt dơng dà Kang Nak, kơnhoàl Kbang mờ  bơtơt dơng dà An Khê, [òn drà An Khê geh bơsir dà kuơ màng ngan, rbòng  dà lòt bềng dà, den hờ đah jum dà dờng Ia Pa,  rùp sa\ dà dờng gơbàn chơt  geh  go\ ngan ngồn ngan. Ờ mìng  bơtơt  dơng dà đah tô dà   bơt nàng geh dà lơh đèng, lơh ờ geh dà hòr mờ gam geh ala\ hìu ma\y sơdàng, hìu ma\y bùm… sang dà bơ\ tus tàm dà dờng, tài bơh dà gơ hòr êt ngan, ờ pràn den  tàng ờ gơtùi  gơ rào pơrdô jơh. Ngai pah ngai, làng bol geh kis bal mờ bơ\ tiah kis. Jơh dùl tiah đah jum dờng ơnàng gơ lơh bè sa\ ja` cau dềt gơbàn kòp ồm  sa ru\ tàm sa\ aniai ngan,  bòl glar ngan tàm bơta kal ke ờ git tu\ lơi hơ\ sồng jơh.  Ồng Lê Văn Cư kis tàm [òn gùng drà 16,  sơnah [òn An Phú,  [òn drà An Khê, đơs:“Jơh ala\ làng bol gơ lơh ờ suk ngan tàm bơta bơ\ bơl bơh dà dờng  Ia Pa. Mơya tàm bơta mùl màl, broa\ đơng lam atbồ bơh ala\ gah, sơnah lơh broa\ tus mờ bơ\t tiah kis den gam êt ngan. Den tàng,  neh nđờ nam do bơta bơ\ tiah kis slơ gơbàn kơnjơ\ ngan rlau”.

          Hơđơm đập An Khê – dà ờ geh gơ hòr dùl êt lơi

            Ờ di la nisơna mờ rềp do,  bơta gơbàn aniai bơh Hìu ma\y pờ tơlik ồs đèng An Khê-Kang Nak neh geh đơs ua\ ngan, bơh dơ\ cri bơyai Gơnoar ala mat dà lơgar tus bùi lơh broa\ bơh atbồ Đảng, Dà lơgar tàm Gia Lai. Sùm tàm  2nam,  Gia Lai gơbàn trồ prang  dờng jo\ jòng ngan. Bơh tam gùl nhai prang dờng, broa\ bơt dà tam gơl gơ hòr tus dà dờng Kôn neh  ai go\ loh ngan bơta  tìs ngan bơh hìu ma\y pờ tơlik ồs đèng An Khê-Kang Nak. Tàm đah jum dà dờng Ia Pa, jơh bal mờ trồ tiah aniai bal mờ lơh aniai kòn bơnus kung geh lơh rài kis bơh rlau 450 rbô na\ làng bol di 7 kơnhoàl,  [òn drà gơtìp ua\ ngan kal ke. Atbồ càr Gia Lai neh sùm dan Gơnoar atbồ lơgar dong kờl, ai ala\ mpồl cau tờm lơh broa\ do den ờ geh bơta tìs lơi jat geh cih. Ồng Võ Ngọc Thành kuang atbồ anih duh broa\ làng bol càr Gia Lai đơs:“Broa\ pơlam lơh den la ờ geh tis, mơya rài kis bơh làng bol den bòl glar kal ke ngan. Den tàng bol he pal sền  wơl broa\ lơh do, gơ geh gơbàn ờ ua\ bơta ờ niam mờ bol a` go\  he pal kờp du\ wơl. Tam pà dà khà lơyah ngan la 4 khối dà tàm dùl jiơi mờ bơh 4-6-8 khối dà tàm dùl jiơi tàm tu\ nhai prang den jat bol a` gam lơyah ngan  mờ pơndrờm mờ bè ờs lài mờ tu\ Hìu ma\y pờ tơlik ồs đèng do  mut lơh broa\\ den gơ lơyah ua\ ngan. Den tàng,  pal sền wơl broa\ lơh nàng tơngguh khà dà geh yuh,  gơtùi tơmù bà broa\ lơh pờ tơlik ồs đèng,  nàng rài kis làng bol geh bơtàu tơngguh  niam  rlau”.

Hơđang  đập An Khê dà bềng geh yuh jat rbòng   tus hờ Bình Định lơh geh đèng, hơ\ sồng  geh tơmù tàm dà dờng Kôn.

            Iat jơnau đơs,  jơnau kờ` đơs bal bơh làng bol mờ gơnoar atbồ [òn lơgar, tàm nhai 4,  ồng Nguyễn Xuân Phúc  kuang  gơs gơnap gơnoar atbồ hơđang rlau jơh dà lơgar neh lam sồr Gah lơh sa mờ may mok mờ ka\ bro dà lơgar, Mpồl lơh broa\ ồs đèng  dà lơgar Việt Nam yal bè bơta  bơt bơtàu,  drơng ngui tơnau dơng dà hìu ma\y  pờ tơlik ồs đèng  An Khê-Kang Nak. Bơh hơ\ geh broa\ lơh nàng geh tơl dà drơng tus rài kis lơh broa\ sa làng bol tàm đah jum dà dờng Ia Pa. Kờ` nền nòn rlau lam sồr bơh Kuang  gơs gơnap gơnoar atbồ hơđang rlau jơh dà lơgar, pa do ồng Trịnh Đình Dũng kuang jat jơng gơs gơnap gơnoar atbồ hơđang rlau  jơh dà lơgar neh sa\  tờm tus lòt sền, tơnơ\ hơ\ geh  đơng lam bùi lơh broa\ mờ atbồ càr  Gia Lai mờ ala\  gah, sơnah lơh broa\  dà lơgar kờ` bơsong bơta ờ niam mờ gơbàn aniai bơh Hìu ma\y pờ tơlik ồs đèng do. Tàm lam sồr bơh ồng Trịnh Đình Dũng,  tơnggu me tờm ngan mờ làm jơh la lơh  đèng mơya ờ  geh lơh aniai tus làng bol:“Pal tìp ala\ làng bol, ala\ mpồl mpồl  gùng dra\ bal-mpồl bơtìan, ala\ cau jak chài,  cau geh kơnòl nàng geh cri bơyai, nàng geh bal dùl git wa\. Mìng dùl git wa\ bal  tu\ gơ geh gơbàn aniai bơta kuơ  bal, ngan la bơta  kuơ bơh làng bol. Tài broa\ lơh bơh bol he dê la  lơh ồs đèng la pal geh tơl năng lượng mờ geh tơl đèng lơh sa, ngui tàm rài kis bơh làng bol, tơl làng bol ndrờm geh dờp,  dà lơgar  bơtàu tơngguh mơya gơ ờ go\ lơh aniai tus dùl bơnah lơh bơh làng bol. Dilah gơbàn aniai den bol he pal geh kơnòl,  pal sền nền nòn ngan,  sền kràn ngan wơl”.

          Đập Hìu ma\y  pờ tơlik ồs đèng An Khê

            Neh ua\ nam ngan,  Hìu ma\y pờ tơlik ồs đèng An Khê - Kang Nak neh lơh bè ờ git tus bơta bòl glar kal ke bơh làng bol cau kis đah jum dà dờng Ia Pa. Kơp kờ` la,  mờ ala\ jơnau hòi dan ngan ngồn bơh Gơnoar atbồ [òn lơgar mờ làng bol tàm [òn lơgar, Gơnoar atbồ lơgar geh ala\  jơnau lam sồr mờ sền gròi broa\ mut lơh  dơ\ lam sồr,  bơsong ala\ jơnau gam ờ niam, mờ gơbàn aniai  jo\ jòng bơh broa\ lơh geh đơs la gơbàn  “tìs rhiang nam”- An Khê - Kang Nak.

Ồng Trịnh Đình Dũng kuang jat jơng gơs gơnap gơnoar atbồ hơđang rlau jơh dà lơgar sa\ tờm tus lòt sền Hìu ma\y pờ tơlik ồs đèng An Khê  - Kang Nak

                   Cau cih Công Bắc, cau yal tơnggit K’ Brọp