VOV4.K’ho-Nam do tàm càr Daklak, kàl mìu tus gờ`, dà ko\ dà cò geh tơn tàm bồ kàl mìu, gơlik uă jơnau tàm broă atbồ, lơh mờ ngui ală bơtơ\t tơnau dơng dà hìu măy pờ tơlik ồs đèng.

 Là mpồl lơh sa kă bro hìu măy pờ tơlik ồs đèng dờng ngan rlau jơh tàm càr Daklak, Công ty Thủy điện Buôn Kuốp neh rơcang lài lơh di tu\ ală broă lơh atbồ, lam ngui nàng lơh gơlik đèng geh cồng nha mơkung gàr niam ờdo ờdă tai.

Rlau dùl nhai do, bal mờ broă lam koh nhơ\t, pès koh kơl jơh mpung chi klăp klê, koh chi tàm bơtơ\t dơng dà mờ tuah wàs rbòng dà den rlau 200 nă kuang bàng, cau lơh broă bơh 3 hìu măy gơ wèt Công ty thủy điện Buôn Kuốp dê kung lam kờp sền wơl ală anih tàm tơrbo\ măy ku\p rùp gròi sền, ală jrong thơk đo was dà, k[àng yal mờ kuơmàng là ală bơtơ\t kơryan dà, bơtơ\t lìu dà kờ` sền go\ ală jơnau digơlan lơh roh bơta ờdo ờdă bơtơ\t tơnau dơng dà nàng geh broă lơh kơryan di tu\ tu\ geh ală jơnau gơlik geh nisơna.

Ồng Nguyễn Việt Hoà, Cau atbồ lam ngui hìu măy pờ tơlik ồs đèng Buôn Kốp, gơ wèt Công ty thủy điện Buôn Kuốp, pà gi\t: Tơnơ\ tu\ dờp geh jơnau sồr bơh Tổng công ty dê, jơh ală oh mi tàm anih lơh broă neh lơh ală kơnòl broă ờs mờng, bè: lòt sền, sền swì khà ờdo ờdă ală tơnau dơng dà, broă lơh dơng dà dipal mơkung rơcang lài ală broă lơh gàr ờdo ờdă ai ală bơtơ\t tơnau dơng dà kung bè làng bol kis tàm tiah đah jum bơtơ\t tơnau dơng dà in.

Ồng Nguyễn Việt Hoà, đơs:

“Công ty gam lơh kơ\ kơl jăp wơl gùng lòt, lòt sền ală tơnau dà Buôn Kuốp, tơnau dà Buôn Tu Srah mờ Srepok 3 anih lơi gơtìp ờ niam den he lơh niam wơl. Lơh sră pơrgon mờ ală anih lơh broă yal tơngi\t lài trồ tiah dà ia yal tơngi\t jơnau bè trồ tiah, dà ia. Công ty kung neh pơgồp bal mờ ală kơnhoàl, ală tiah nàng yal làng bol tàm tiah đah jum in nàng geh broă lơh tam pà dà tàm ală tơnau dà gơ in dipal tàm nhai mìu dà ko\ dà cò”.

Kàl mìu tus gờ`, dà ko\ dà cò tih jơnhoa bơh bồ kàl mìu tơn, bulah gơlik geh uă jơnau sồr krà` ngan tàm broă gàr niam ờdo ờdă bơtơ\t tơnau dơng dà, mơya kung lơh geh bơta [ươn nàng công ty thủy điện Buôn Kuốp in tơnguh jơnhoa bơta pràn pờ tơlik ồs đèng.

 Bi Trần Thanh Vàng, kuang bàng đơng lam măy mok hìu măy pờ tơlik ồs đèng Buôn Kuốp pà gi\t, anih lơh broă do neh lam lơh dơ\ drơng sền uă rlau, đơng lam pờ tơlik ồs đèng dùl bă uă ngan rlau jơh:

“Mìu gờ`, dà gơhòr rê tus tàm tơnau dà gờ` den bol a` pal kơrhia rlau. Bol a` iat kơno sùm ală jơnau yal, khà kờp yal tơngi\t lài trồ tiah dà ia bơh jơnau yal tơngi\t lài trồ tiah dà ia tàm pang báo, rơdio, ti vi, mờ tàm internet nàng gi\t sùm, bơh hơ\ he rơcang lài yal mờ kuang đơng lam bồ in nàng geh jơnau sồr, đơng lam jơh nùs nàng bol a` geh gùng dà broă lơh niam ngan rlau jơh nàng geh gùng dà broă lơh niam ngan rlau jơh lam ngui gùng che đèng”.

Jat tơrgùm kờp bơh Sở Công thương càr Daklak dê, tu\ do, jơh gùt càr geh 24 hìu măy pờ tơlik ồs đèng gam lơh broă, mờ kờp jơh pràn lơh broă là mờr 1000 MW. Tàm hơ\, 3 hìu măy bơh Công ty thủy điện Buôn Kuốp dê lơh gơlik ồs đèng ai gùng che đèng dà lơgar in mờr 590 MW, geh tus 60% ồs đèng lơh geh tàm gùt càr.

 Ồng Trương Công Hồng, Phó Kuang atbồ Sở Công thương càr Daklak pà gi\t, bơh tu\ ală hìu măy bơh công ty dê lơh broă tus tu\ do, ờ hềt gơlik geh jơnau aniai ờ niam lơi dờng lơh aniai tus làng bol ơm kis tàm tiah đah jum bơtơ\t tơnau dơng dà hìu măy pờ tơlik ồs đèng. Ồng Trương Công Hồng, đơs:

“Uă ngan ală hìu măy pờ tơlik ồs đèng tàm càr, sền bal neh jơh rơcang broă lơh rơcang sơndră mờ mìu nhàc dà ko\ dà cò. Pe hìu măy dờng, là: Buôn Tua Srah, Buôn Kuốp mờ Srepok 3 den neh rơcang lài lam lơh broă lơh rơcang sơndră mìu nhàc dà ko\ dà cò.

Bồ kàl mìu khi neh tàp broă lơh tam dră mờ dà ko\ dà cò tàm công ty thủy điện Buôn Kuốp, jà ală sở, gah lơh broă mờ ală công ty ndai tus pơgồp bal lơh. Broă lam ngui, yuh dà den công ty thủy điện Buôn Kuốp lơh niam ngan. Công ty kung rơcang dùl anih yal tơngi\t jơnau tàm internet ai Sở in nàng broă gròi sền geh lơh [ươn”.

Dùl kàl mìu dà ko\ dà cò gam tus, trồ tiah dà ko\ dà cò gơlik geh kal ke ngan gơtùi gi\t lài. Ală kuang bàng, cau lơh broă tàm Công ty thủy điện Buôn Kuốp sùm tam klac bal sơrlèt gan kal ke, lơh gơlik ală kw ồs đèng drơng jơnau kờ` bơh làng bol dê, gàr niam tơl năng lượng dà lơgar in.

Cau cih mờ yal tơngi\t- Lơ Mu K’ Yến