VOV4.K’ho- Bơh ngai 27/5, Hìu măy pờ tơlik ồs đèng tiah hơđang jơnhoa Kon Tum neh lơh jăt broă yuh dà hiòng dà hòr tiah ơm kis bal mờ dà geh yuh pơgăp 3,3 khối dà tàm dùl giây tơm wơl dà ai dà dờng Đăk Snghé in tơnơ\ 90 ngai lơh jăt jơnau dơng dà tàm tơnau dơng dà hìu măy pờ tơlik ồs đèng neh dơng ngơr dà 1 rbô 136 thơk mờ sơrlèt gan ală brong dà yuh dà tus tiah ơm kis.

Nàng kờ` broă hìu măy pờ tơlik ồs đèng tiah hơđang jơnhoa Kon Tum gàr sùm hiòng dà hòr tus tiah ơm kis tơm wơl dà ai dà dờng Đăk Snghé in di khà dà hòr, gàr tơl dà drơng broă lơh sa mờ ơm kis tàm tiah đah đơm in, Sở Công thương càr Kon Tum neh sồr Sở Tài nguyên mờ Môi trường càr pơgồp bal lòt sền.

Tềng đăp bơta hoàc hươr bơh làng bol dê tàm bơh hìu măy pờ tơlik ồs đèng dơng dà lơh gơlik jơnau ờ tơl dà tuh tờm chi tam in tàm xã Tân Lập, kơnhoàl Kon Rẫy, Công ty Cổ phần hìu măy pờ tơlik ồs đèng Vĩnh Sơn- Sông Hinh hơ dong kờl xã dùl bơnah priă jền pơgăp 850 tơlak đong nàng bơ\t wơl bơtơ\t kơryan rbòng dà Đăk Snghé lơh gơlik bơta [ươn ai làng bol in [ồm dà tuh tờm phan tam in.

Cau mblàng Lơ Mu K’Yến