VOV4.K’ho-Tàm tu\ tơngai mu\t gơrờm bal mờ dunia, gah lơh tàu sơdàng tàm gùt lơgar tìp uă kal ke, ală hìu măy kờn kis gơs ndrờm pal lơh ngan tam gơl pa. Hìu măy Sơdàng An Khê lơh broă tàm càr Gialai gam lơh uă broă lơh tam gơl pa công nghệ nàng tơnguh jơnhoa cồng nha lơh sa, kă bro.

Ồng Nguyễn Minh Chúc, kis tàm [òn 1, sơnah [òn Ngô Mây, thị xã An Khê, càr Gialai neh lơh bal broă lơh sươn lơh tơrlòng lài dờng tàm tờm tàu neh 3 nam do. Ồng bal mờ ală cau lơh broă sa tàm tiah do crơng gơs sươn tàu ơnàng pơgăp 20 lồ.

Tàm bă tàu do, mpồl cau lơh broă sa bơh ồng dê geh Hìu măy Sơdàng An Khê dong kờl uă ngan bè ală bơta. Kơnờm bè hơ\ mờ tàm 3 nam do, cồng nha lơh geh bơh sươn tàu dê là rlau 120 tấn tàm dùl lồ, uă rlau bàr dơ\ pơndrờm mờ lài do. Kung kơnờm bơh hơ\ mờ cồng nha lơh sa geh sơlơ tơnguh tai loh làng ngan. Ồng Nguyễn Minh Chúc, pà gi\t:

“Bơh ngai lơh bal sươn lơh tơrlòng lài dờng den geh hìu măy dong kờl bè rơndeh rơndồ, phơng sih, ală bơta mờ broă tơnhàu mờ blơi geh hìu măy sền gròi den tàng làng bol bol a` lơh geh priă jền uă ngan. 1 lồ lơh geh 120 tấn tàu, kờp jơh priă tă lơh, den priă cồng lơh geh 80 tơlak dùl lồ. Pơndrờm mờ chi tam ndai tàm tiah do den tu\ do tàu geh cồng nha uă ngan rlau jơh. Tềng đap mat, làng bol bol a` sền go\ là niam ngan”.

Ồng Nguyễn Hoàng Phước, Kuang atbồ Phòng Đầu tư, nguyên liệu gơ wèt Hìu măy Sơdàng An Khê pà gi\t, broă bơ\t bơtàu sươn lơh tơrlòng lài dờng tàm hìu măy neh geh lơh tus tu\ do là 5 nam. Nàng drơng măy mok lơh jơh tàm broă bơtàu tơnguh sươn lơh tơrlòng lài dờng, Hìu măy neh bơcri tai rlau 400 nơm măy lơ òr pràn ngan mờ 8 nơm măy tơnhàu tàu.

Bal mờ hơ\, Hìu măy kung sền dờng màng tus broă kơlôi sơnơng sơntìl tàu pa ai cồng nha uă, gơrờm niam mờ trồ tiah, ù tiah tàm kơnhoàl ù tiah đah mat tơngai lik Gialai. Dùl jơnau kuơmàng ndai là hìu măy bơcri ờ go\ sa priă cồng cau lơh broă sa in tàm jơh ală broă tàm ală tu\ sơngka sền gàr tus dì tu\ tơnhàu tàu tơn.

Mờ bơta dong kờl do, neh dong lơh tơrmù priă tă bơcri mờ tơnguh priă cồng tàm sươn chi, den tàng bè hơ\, lơh geh bơta lơh bal pràn ngan tàm cau lơh broă sa. Ồng Nguyễn Hoàng Phước, pà gi\t:

“Priă tă bơ\t bơtàu sươn lơh tơrlòng lài dờng pơndrờm mờ bè ờs den gơmù bơh 15- 17 tơlak priă pơndrờm mờ broă lơh mờ tê. Sơlơ\u wơl, cồng nha mờ bơta niam lơh geh den uă rlau tus bàr dơ\ den tàng cồng nha bè sươn lơh tơrlòng lài dờng là gơ niam rlau.

Mờ kuơmàng rlau tai là geh bơta dong kờl bơh gơnoar atbồ tiah do dê, pơgồp bal mờ Hìu măy Sơdàng An Khê pơrjum làng bol nàng lam lơh broă lơh do. Mờ ală broă lơh hơ\, neh bơtàu tơnguh geh uă sươn lơh tơrlòng lài dờng, uă bă ù dờng, gơ cèng wơl cồng nha uă ai cau tam tàu in. Pơgồp bơnah ai cau tam tàu lơh pas bơh tàm bă ù bơh he dê”.

Ngan tài bơh cồng nha sền go\ ngan ngồn mờ dipal mờ jơnau sồr bơh Chính phủ dê, den tàng broă lơh sươn lơh tơrlòng lài dờng gam geh ală kơnhoàl, thị xã tàm càr Gialai jơh nùs pơgồp bal mờ mpồl lơh sa kă bro sơlơ lơh uă tai.

Ồng Nguyễn Hùng Vỹ, Kuang atbồ Ủy ban Nhân dân thị xã An Khê pà gi\t, neh geh bơta dipal mờ adat boh lam mờ tàm ală tu\ lơh geh lơh niam, den thị xã sồr crơng gơs ală hợp tác xã jat broă lơh pa. Ală hợp tác xã do geh gơnoar broă kuơmàng tàm broă tàm tơrbo\ bal cau lơh broă sa mờ hìu măy nàng bơ\t bơtàu sươn lơh tơrlòng lài dờng.

Ồng Nguyễn Hùng Vỹ, đơs ngan bè do:

“Jơnau kờ` ngan rlau jơh là lơh bè lơi nàng làng bol geh cồng nha uă ngan rlau jơh tàm ală tu\ ngui măy mok rơndeh rơndồ tàm broă lơh sa, tơnguh jơnhoa phan lơh geh tàm dùl bă ù. Mờ kơrnoat boh lam sền gàr là bơ\t bơtàu hợp tác xã jat broă lơh pa, nàng hợp tác xã geh lơh gơnoar broă lơh kòn gùng, tus lơh broă bal mờ hìu măy sơdàng mờ cau lơh broă sa.

Lơh bè lơi, cau lơh broă sa mìng lơh sa mờ hìu măy sơdàng ai ală bơta jak chài măy mok, ngai sơlơ lơh cau lơh broă sa in ngui geh bơta jak chài công nghệ nàng ngui tàm sươn tàu lơh tơrlòng lài dờng tàm thị xã An Khê”.

Ồng Nguyễn Văn Hảo, Phó Kuang atbồ Hìu măy Sơdàng An Khê gơ wèt Công ty Cổ phần Sơdàng Quảng Ngãi pà gi\t, mu\t gơrờm bal lơh sa mờ dunia ngai sơlơ geh lơh kràn ngan. Tơngai ai nàng lơgar he lơh jat jơnau hơ pơrgon gơ wèt tus mờ tàu sơdàng tu\ mu\t gơrờm bal tàm tiah kă bro khat gơboh Asean (AFTA) kung ờ gam jo\ tai. Den tàng bè hơ\, tơngai lài, Hìu măy Sơdàng An Khê neh lơh ngan tam gơl pa công nghệ, ală broă lơh sa, tơnguh jơnhoa pràn jak tàm pơrlòng.

Bơh nam 2015 tus tu\ do, Hìu măy neh bơcri priă rlau 3.600 tơmàn ai ală rơndăp broă lơh tàm càr Gialai in. Tàm hơ\, mìng is Rơndăp broă lơh tơnguh jơnhoa pràn lơh broă Hìu măy mờ bơnah priă pơgăp 1200 tơmàn neh dong hìu măy do geh pràn lơh broă dờng ngan rlau jơh tu\ do bal mờ 18 rbô tấn tàu pah ngai.

Bal mờ tam gơl pa công nghệ, hìu măy kung sền gròi uă ngan tus broă tam klac bal mờ cau lơh broă sa mờ bơ\t bơtàu sươn lơh tơrlòng lài dờng là dùl broă lơh kuơmàng ngan rlau jơh. Tu\ cau lơh broă sa lơh geh cồng nha, jat tàm dùl bơnàng jă jak chài măy mok den hìu măy geh tơl pràn nàng tàm pơrlòng mờ ală cau tàm pơrlòng tàm dơlam mờ bơdìh tiah do.

Ồng Nguyễn Văn Hảo, pà gi\t:

“Công ty Cổ phần Sơdàng Quảng Ngãi- Hìu măy Sơdàng An Khê neh bơcri bè broă lơh nàng mu\t gơrờm bal mờ AFTA, mờ ngan ngồn là nàng tàm pơrlòng mờ gah lơh sơdàng bơh Thái Lan dê. Bal mờ broă bơcri priă tam gơl pa công nghệ, phan ngui lơh broă, lơh geh priă jền gơguh tai ai ală broă lơh sa, kă bro mờ lơh gơlik phan in, den tàm ală nam do, Hìu măy Sơdàng An Khê neh lơh bal pràn ngan mờ cau lơh broă sa.

Kuơmàng là rề ơnàng lơh uă broă lơh sươn lơh tơrlòng lài dờng tàm ù tiah 4 kơnhoàl tiah đah mat tơngai lik càr Gialai. Tus tu\ do, bol a` neh lơh geh 4 rbô lồ sươn lơh tơrlòng lài dờng. Gùng dà tàm tơngai tus, mờ mùl màl là tus nam 2020, Hìu măy Sơdàng An Khê geh bơtàu tơnguh tus 10 rbô lồ sươn lơh tơrlòng lài dờng”.

Rơcang lài tam gơl pa, sơlơ lơh bal niam rlau tai mờ cau lơh broă sa gam là gùng dà kuơmàng bơh Hìu măy Sơdàng An Khê dê tàm broă tơnguh bơta pràn tàm pơrlòng tàm tu\ tơngai mu\t gơrờm bal lơh sa geh lơh ngan sơlơ pràn ngan.

Tàm hơ\, broă lơh sươn lơh tơrlòng lài dờng tàm tờm tàu mờ Hìu măy Sơdàng An Khê neh lơh tàm tơngai lài neh bơh sơnrờp pà go\ lơh geh cồng nha. Broă lơh di jơnau sồr bơh Chính phủ dê mơkung lơh geh cồng nha lơh sa mpồl bơtiàn in tai. Do là gùng dà broă lơh kờ` pal geh dong kờl mờ rề ơnàng lơh uă!

Cau cih mờ yal tơngi\t- Lơ Mu K’ Yến