VOV4.K’ho - Càr Gia Lai pa bơyai lơh geh cồng nha pơrjum tìp bơcri priă lơh sa tàm càr nam 2016 mờ cồng nha geh rơlao 30 rơndăp broă mờ kờp jơh khà priă bơcri 20 rơbô tơmàn priă geh k^ lơh broă bal, jàu sră dờp bơcri priă. Bu\ lah bè hơ\, kung gam 1 bơta dờng ơnàng pal sơlèt, kờ` càr Gia Lai mờ anih lơh sa kă bro gơtùi lơh ală broă lơi neh k^ gơs bơta kuơ mùl màl tus mờ ală gah dê.

Hoàng Anh Gia Lai là anih lơh sa kă bro mu\t sơntòm lơh broă tàm càr Gia Lai mờ tu\ do là tập đoàn lơh sa dờng ngan Tây Nguyên dê mờ kờp jơh khà phan bouna tus 50 rơbô tơmàn priă. Mơya, anih lơh sa kă bro do gam tàm tơngai tung lơtang uă ngan. Broă tơnguh lơh sa anih lơh sa kă bro do dê kơnờm tàm broă lơh sa suơn sre gam gơbàn kal ke broă lơh tus mờ ù tiah, tàm hơ\ uă ngan là ală bă ù gơrềng tus rơndăp broă tam gơl 100 rơbô lồ brê sar kờ` tam cao su. Ồng Võ Trường Sơn, Kuang atbồ Tập đoàn Hoàng Anh Gia Lai pà g^t: “Tam cao su den tàm 2 nam sơnrờp tòm cao su hòn gơs niam, mơya tu\ tus nam dơ\ 3 den tòm cao su ờ pràn, còr bơsơ\t ờ geh. Mờ di lah lời sùm bè hơ\ den cồng nha broă lơh sa ờ uă, ờ geh bơsal wơl priă. Bol a` kơ\p kờ`, ală kơnă, gơnoar atồ mblàng wơl broă lơh mùl màl, mờ tus sền kờ` geh broă tam gơl tam tòm chi sa plai, geh ală bơta tòm chi gơdờp tàm ù lơhơ bè tòm thanh long, pơ-ò den geh tơnguh cồng nha broă lơh sa uă”.

Pal tam gơl broă lơh bè ù tiah kung là broă lơh mhar bơh uă anih lơh sa kă bro dê, tu\ kờ` bơcri priă tàm gah lơh sa suơn sre tàm càr Gia Lai, do là càr geh bă ù ơnàng ngan Tây Nguyên dê, mờ ơnàng dơ\ 2 tàm gùt lơgar. Ồng Nguyễn Văn Hoè, kuang atbồ hìu măy lơh sơdàng An Khê, gơwèt Công ty cổ phần sơdàng Quảng Ngãi pà g^t: “Broă kờ` anih lơh sa kă bro dê là pơgồp mờ làng bol, prăp ù tiah kờ` ai măy mo\k mu\t lơh broă mờ ngui khoa học công nghệ. Mơya, broă prăp ù tiah gơbàn ờ uă. Do là bơta mờ anih lơh sa kă bro dan mờ Thủ tướng, ală Bộ, ală gah, mpồl lơh broă mờ càr pal sền ală kơrnoăt bè ù tiah. Tu\ prăp gàr geh ù tiah den làng bol, anih lơh sa kă bro mờ càr Gia Lai hơ\ sồng gơtùi tơnguh bơtàu”.

Kung gơrềng tus mờ broă lơh do, geh uă anih lơh sa kă bro đơs là, càr Gia Lai đơs is, Tây Nguyên đơs bal gam ờ tơl ală kơnroăt krơi is tus mờ broă hòi jà bơcri priă. Bơta geh, bơta [uơn ờ hềt geh bơsal tus mờ ală kal ke geh is tàm tiah do dê, tàm hơ\ uă ngan là bè gùng lòt, broă kă bro. Tiah bơcri priă ờ niam neh lơh ală anih lơh sa kă bro ờ gơboh kờ` tu\ tus bơcri priă.

Dùl kal ke dờng màng tai lơh ală anih lơh sa kă bro ờ khin là sră nggal gam uă ir. Ală anih lơh sa kă bro kờ` ngan geh broă lơh bal mờ ai tơl bơta [uơn bơh gơnoar atbồ kờ` bơsong mhar, niam ală sră nggal, tơl niam broă bơcri priă di mờ broă lơh. Mò Trần Thị Tuyết Mai, atbồ Công ty TNHH MTV sinh học Minh Hoàng Gia Lai, do là anih lơh sa gam bơcri priă lơh sa tàm tiah lơh sa mờ măy mo\k Trà Đa, [òn dờng Pleiku đơs: “Kờ` hòi jà bơcri priă mờ ală anih lơh sa kă bro iang nùs tàm broă kă bro, lơh sa den kơrnoăt sền gàr, sră nggal pal geh lơh niam wơl. Lơh bè lơi kờ` ai tơl bơta [uơn ngan anih lơh sa kă bro in, pleh mờ broă gơbàn kal ke mờ pleh mờ broă lơh jo\ ir, lơh bè lơi di tơngai ai anih lơh sa kă bro in bơsong ală broă kờ` lơh”.

Ai tơl^k geh ală broă kal ke, ờ pràn tàm broă hòi jà bơcri priă, càr Gia Lai neh rơcang dan mờ Chính phủ, ală Bộ, ală gah, mpồl lơh broă sền wơl broă lơh krơi is ai càr in bal mờ Tây Nguyên. Càr Gia Lai kung neh lam lài tàm broă lơh niam sră nggal kờ` ai tơl^k broă lơh pràn mhar. Cồng nha geh, nam do càr Gia Lai ơm dơ\ 13 tàm 63 càr, [òn dờng, tơnguh 38 khà jăt mờ nam 2015. Do là cồng nha tơl^k loh ngan ală broă lơh ngan bơh càr Gia Lai dê kờ` tơnguh tiah bơcri priă. Ồng Nguyễn Đức Hoàng, Phó kuang atbồ Uỷ ban Nhân dân càr Gia Lai đơs: “Do là bơta niam ngan kờ` anih lơh sa kă bro bơcri priă mờ a` pin là, bơh ală jơnau tơng^t hơ\, ală anih lơh sa kă bro geh pin dờn tàm broă hòi jà bơcri priă càr dê. Hơ mờ anih lơh sa kă bro là càr geh bal mờ anih lơh sa kă bro bơsong, ờ lời anih lơh sa kă bro tìp kal ke tàm broă lơh sră nggal”.

Lơh broă tàm càr Gia Lai kờ` dong kờl càr do jòi ală broă chồl pràn broă hòi jà bơcri priă, Thủ tướng Nguyễn Xuân Phúc neh đơs tòm, Chính phủ geh sồr ală bộ, ală gah, mpồl lơh broă sền wơl ală kơrnoăt niam krơi is càr Gia Lai in bal mờ Tây Nguyên hòi jà bơcri priă. Mơya, broă hòi jà bơcri priă kuơ màng ngan gam là bơh càr dê, pal lơh ndrờm 3 bal mờ anih lơh sa kă bro là “Drơng bal, lơh bal, tam pà bal”. Ồng Nguyễn Xuân Phúc sồr, broă lơh bal mờ anih lơh sa kă bro pal geh lơh ndrờm bal bơh tàm gơnoar atbồ 3 kơnă, càr, kơnhoàl mờ xã: “Ală kơnă, gơnoar atbồ pal lơh ngan gơs là gơnoar abtồ cri bơyai bal, geh tam gơl pa, bơceh pa. Gơnoar atbồ pal rơcang lơh broă bal mờ anih lơh sa kă bro, bơsong ală kal ke anih lơh sa kă bro in. kơnă càr, kơnă kơnhoàl, kơnă xã ndrờm ai tơl bơta niam, tơn jơh broă kơnau hờ đang lơh niam mờ kơnă hờ đơm lơh kal ke”.

Dờp ală bơta pa tàm broă hòi jà bơcri priă tu\ geh broă tus bal bơh Chính phủ, geh broă lơh ngan bơh càr dê, uă anih lơh sa kă bro tàm lơgar mờ lơgar bơdìh neh rơcang bơ\t bơtàu broă lơh sa, kă bro pa tàm càr Gia Lai. Ồng Ravindranath, Phó kuang atbồ Công ty TNHH OLAM Việt Nam pà g^t, OLAM là anih lơh sa kă bro dờng tàm dunia bè broă lơh gơs phan geh bơh broă lơh sa suơn sre. Mờ bơta geh bal mờ ală jonau hơ càr Gia Lai dê, anih lơh sa kă bro gam tơl^k gùng dà broă lơh sa suơn sre mờ công nghệ cao ndrờm mờ dunia tơn tàm càr do. Tàm hơ\, OLAM di gơlan geh bơcri priă kờ` càr Gia Lai gơs là anih tòm lơh tiêu uă mờ niam ngan tàm dunia. Ồng Ravindranath đơs: “Olam bơcri priă tàm càr Gia Lai bơh nam 2004. Tus tu\ do, bol a` tơnguh bơtàu cau lơh broă tus 1 rơbô nă tàm ală hìu măy tàm càr Gia Lai. Tàm rơndăp broă, bol a` ngui ală công nghệ tuh dà ntờc kờ` gàr niam dà geh cồng nha rơlao. Mờ broă lơh bol a` dê là bơcri priă lơh gơs ală anih tòm, bơh tu\ hơ\, bol he gơtùi bơsram bal bơh ală broă lơh niam neh lơh gơs”.

20 rơbô tơmàn priă pa geh hơ bơcri priă tàm càr Gia Lai. Di lah ală jơnau hơ geh lơh jăt, ală bơta pràn, bơta geh lơh niam, càr Gia Lai geh là anih di pal ngan kờ` ală anih lơh sa kă bro tàm lơgar mờ lơgar bơdìh tus lơh sa kă bro jo\ jòng. Ală broă geh ai là gơnoar atbồ càr bal mờ anih lơh sa kă bro pal geh nùs nhơm kơlôi sơnơng ngăc ngar, kờ` sền di bơta pràn, bơta [uơn, pleh mờ broă dờp is, g^t nđờ tơmàn priă bơcri pa di gơlan lơh geh cồng nha, cèng wơl bơta kuơ mùl màl anih lơh sa kă bro in bal mờ broă tơnguh bơtàu kơl jăp càr rơ[ah geh bă ù tiah ơnàng ngan Tây Nguyên do in.

       Cau cih mờ yal tơng^t Ndong Brawl