VOV4.K’ho - Ngai òr (18/12), di tơnkah ngai crơng gơs ling klàng làng bol Việt Nam mờ ngai gùt làng bol sền gàr dà lơgar ngai 22 nhai 12, kuang đơng lam Binh đoàn 15 gơwèt Bộ Quốc phòng neh jào Huân chương Sền gàr dà lơgar geh Chủ tịch lơgar pà ai 10 nă cau là kuang bàng, sỹ quan lài do bơh Binh đoàn dê, “Tài neh geh chồng nha jăk chài tàm broă tàp ling, drơng broă tam lơh, bơ\t bơtàu mpồl ling klàng làng bol, tơnguh broă sền gàr dà lơgar, pơgồp bal tàm broă bơ\t bơtàu CNXH mờ sền gàr dà lơgar”.

                                            Kuang bàng Binh đoàn 15 bơto sồr làng bol tam kòi bơrlu\ bal

10 nă kuang bàng, sỹ quan klài do geh pà Huân chương sền gàr dà lơgar dơ\ do, ndrờm neh geh tu\ at gơnoar broă kuơ màng tàm ală công ty, xí nghiệp, mpồl lơh sa bơh Binh đoàn 15 dê, lơh kơnòl tàm lơgar Lào, Campuchia mờ jăt gah gùng nhàr dà lơgar bơh 2 càr Gia Lai, Kon Tum.

Mờ 35 nam lơh kơnòl bơ\t bơtàu broă lơh sa ndang mờ sền gàr bơta lơngăp lơngai dà lơgar tàm tiah nhàr dà lơgar, Binh đoàn 15 neh lơh geh 44 rơbô lồ phan tam tàm tiah đah tô Tây Nguyên, lơgar Lào mờ lơgar Campuchia. Priă geh tàm nam 2020 kờp du\ geh rơlao 2000 tơmàn đong, ai broă lơh mờ geh priă ring niam 17 rơbô nă cau lơh broă in.

Cau mblàng Ndong Brawl