VOV4.K’ho - Ngai òr (22/11), tàm Hà Nội, Gah lơh broă-cau ling sồt să mờ mpồl bơtiàn dà lơgar neh bơyai lơh pơrjum tơn jơh rơndăp broă dong kờl tơmù rơ[ah kơl jăp tơngai bơh nam 2012 tus 2015. Rơndăp broă do geh mpồl tơnguh bơtàu anih duh broă dunia (UNDP), anih ala măt Iceland tàm lơgar Việt Nam dong kờl, lơh tàm 8 càr là: Cao Bằng, Hà Giang, Điện Biên, Bắc Kạn, Thanh Hoá, Quảng Ngãi, Kon Tum mờ Trà Vinh. Tơnơ\ mờ 4 nam lơh, tus tu\ do, rơndăp broă neh pơgồp bal tàm broă dong kờl ală càr neh geh khà tơmù rơ[ah kơl jăp, tơnguh rài kis cau rơ[ah tàm ală kơnhoàl, ntum tiah làng bol kòn cau, kơh bơnơm, jăt gah dà lềng. Mùl màl, rơndăp broă dong kờl tơnguh bơta pràn mpồl kuang bàng lơh broă tàm ală [òn; lam sồr tơnguh jơnau g^t wă làng bol in, tàm hơ\ uă ngan là cau rơ[ah; tơnguh uă ală broă lơh bơceh pa, tơnguh gơnoar mpồl bơtiàn, làng bol ai să tòm lơh is ală broă tơmù rơ[ah kung bè ală broă tơnguh bơtàu lơh sa mpồl bơtiàn. Tàm tơngai tus, ală kuang bàng đơs là, Rơndăp broă do pal pơn jăt tai kơlôi sơnơng, tơlòng lơh ală broă geh tam pà, jàu gơnoar, tơnguh gơnoar mpồl bơtiàn; mờ tơnguh bơta pràn bal mờ kơnòl cau rơ[ah, lơh bè lơi kờ` ală broă cau rơ[ah dê pal lời cau rơ[ah drơng, cau rơ[ah bơsong is.

       Cau cih mờ yal tơng^t Ndong Brawl