VOV4.K’ho - Bol he gam kis tàm tu\ tơngai bơh sơnrờp nam pa Đinh Dậu 2017 dê. Ngai bồ nam pa, nùs nhơm kòn bơnus bềng bơta kơ\p kơnờm pa tàm ală bơta niam bơne\ ngan ơm kơ\p tàm dùl nam 2017. Gơ wèt mờ làng bol Tây Nguyên, sơrlèt gan dùl nam lơh ngan sơr lèt gan kal ke tài bơh trồ tiah tam gơl nisơna, khà priă phan lơh geh bơh sươn sre tu\ gơguh tu\ gơmù, làng bol tàm pà bal mờ gơ\p in ală jơnau nting săp kơ\p kờn niam bơne\, geh tai ală jơnau rơcang lơh pa, ală broă rơndăp lơh pa ai he in, ai hìu bơnhă mờ ai [òn lơgar in tàm nam pa 2017 do.

- Làng bol kòn cau Sơdàng kis tàm [òn Yă Tun, xã Đak Ang, kơnhoàl Ngọc Hồi, càr Kon Tum wă rò satềp chờ hờp ngan, tài nam pa do, [òn neh mùl màl dờp là [òn chài rơgơi kơnă kơnhoàl. 8 kơi sồ gùng lòt bơh anih tòm xã tus hờ [òn kung neh geh dă mờ cài, làng bol sơlơ [uơn ngan tàm broă lòt rê, lơh broă sa. Tàm ngai bồ nam pa 2017, ồng A Muôn, 55 sơnam, kòn cau Sơdàng kis tàm [òn Yă Tun đơs:

“Bè rài kis, broă lơh sa làng bol tàm [òn do neh tam gơl uă jăt mờ uă nam lài. Làng bol tàm [òn sùm geh nùs nhơm tam klăc bal. Tơnơ\ mờ tu\ geh dà lơgar lơh gùng lòt, tu\ do rơndeh dờng, rơndeh lơ-òr, bal mờ ală bơta rơndeh ndai gơtùi lòt tus tơn tàm suơn, tàm mìr kờ` lơh sa, pơn diang phan geh lơh bơh broă lơh sa rê [uơn ngan. A` go\ dà lơgar sền gròi ngan tus mờ rài kis làng bol tàm [òn do. Wă rò satềp nam pa do, Dà lơgar sền gròi, dong kòl ală cau kra bal mờ ală hìu kal ke geh pà phe sa, [ung mi, [òk ngòt, boh, priă kờ` geh satềp hờm ram, chờ hờp mờ gơboh gơbài”.

- Tàm xã Văn Lem, kơnhoàl Đak Tô, càr Kontum, mu\t lơh broă lơh [òn lơgar pa, nam lài, xã neh ai lài lơh phan bơna, lơh gùng lòt tàm ală [òn. Làng bol kung tam gơl jơnau gi\t wa\, uă hìu làng bol ai is ù nàng lơh gùng. Nam pa Đinh Dậu 2017 neh tus, chờ hờp tài bơh sền go\ rài kis phan bơna mờ nùs nhơm làng bol kòn cau Sơdàng dê tàm tiah do bơtàu tơnguh ngan, ồng A Mak, kra [òn Têa Drong, xã Văn Lem, kơnhoàl Đak Tô, càr Kon Tum, chờ hờp đơs bè do: “Nam pa neh tus, a` nting săp mờ kơ\p kờn jơh ală làng bol pơn jat tai lơh jat ală broă lơi mờ bol he neh lơh niam tàm nam lài, bơtàu tơnguh lơh sa, bơ\t bơtàu [òn lơgar ngai sơlơ bơtàu tơnguh rlau tai. Làng bol pal lơh jat niam ală gùng dà broă lơh Đảng dê, chính sách adat boh lam dà lơgar dê, lơh ngan lơh niam rlau tai nàng bơtàu tơnguh lơh sa. Làng bol he ờ go\ di iat jat jơnau đơs bơchồt pơn jồ pơrlồm bơh bol iơh dê, lơh gơlik bơta tam cah is đah ală jơi bơtiàn. A` nting săp kơ\p kờn jơh ală làng bol Sơdàng jơnau kơ\p kờn să jan pràn kơldang, tơl hìu bơnhă, tơl nă cau bơh cau kra tus dì cau kơnòm wa\ rò sơnam pa bềng bơta chờ hờp, lơngăp lơngai mờ gơboh gơbài. Làng bol pal tam klac bal, tàm kờn bal, tàm ròng tàm dong bal, lòt còp, nting săp kơ\p kờn să jan pràn kơldang tàm ngai bồ nam pa”.

- Mờ hìu nhă ồng Y Ninh Niê, 58 sơnam, kis tàm xã Ea Uy, kơnhoàl Krông Păc, càr Dak Lak, nam 2016 là 1 nam lơh broă sa ờ geh cồng nha di jăt mờ nùs nhơm kơ\p kờ`. Ală nam lài, hìu nhă ồng geh rài kis rơlao 330 tơlăk priă tàm 1 nam bơh 1 lồ nggùl kơphe, 1 lồ sre, tơngời mờ ròng kơnrồ, sur. Mơya tàm nam pa do, trồ tiah gơbàn prang uă tàm bồ nam mờ mìu uă tàm lồi kàl, den tàng lơh broă lơh sa tàm hìu nhă gơbàn gơmù uă ngan, mìng geh 100 tơlăk priă. Bơh 1 nam kal ke, ồng Y Ninh Niê gam ờ ngòt mờ sùm pin dờn tàm nam pa 2017 do geh cèng wơl uă cồng nha niam: “Tàm nam 2016, đơs ngan uă hìu nhă tàm do gam tìp uă kal ke tài trồ mìu, lơh gơbam dà mờ gơbàn pơrdô jơh kòi tàm sre, tơngời, kơphe… tus nam pa, satềp jơh, kơ\p kờ` ală cau lơh ngan sơlèt mờ kal ke, ba` dil, ală broă neh gơbàn den neh rơlao bloh. A` kung kơ\p kờ` làng bol pơn jăt tai lơh ngan tàm broă lơh sa, kờ` geh jăt mờ jơnau kơ\p kờ` mờ geh uă cồng nha tàm broă tơnguh bơtàu lơh sa uă rơlao làng bol in”.

- Kung tài bơh trồ tiah ờ niam ngan, den tàng hìu bơnhă K’Bit, kis tàm [òn 1, xã Gia Hiệp, kơnhoàl Di Linh, càr Lâm Đồng nam lài lơh geh rlau 300 tơlak priă bơh tiêu, kơphê bal mờ ròng phan. Nam pa 2017 do, ồng K’Bit rơcang ròng tai be mờ sur, tam bơrlu\ bal tai chi sa plai tàm sươn kơphê. Ồng K’Bit đơs: “Jơh sa tềp là hìu bơnhă a` mờ jơh ală cau rơcang lòt lơh sươn sơnđờm dùl nam pa, cau lơh kơphê pơn jat tai sơngka sền gàr kơphê, sơngka sền gàr tiêu, lòt lơh sre. Kơ\p kờn dùl nam pa lơh geh cồng nha uă rlau tai, kơ\p kờn trồ tiah mìu nhàc niam nàng nam pa làng bol lơh sa geh tơnhàu uă, rài kis hờm ram, lơh sa ngai sơlơ bơtàu tơnguh”.

- Mờ xã Dak Gằn, kơnhoàl Dak Mil, do là tiah geh tam uă ngan pơ-ò geh ai broă lơh sa uă ngan càr Dak Nông dê, gơnoar atbồ tàm xã do neh tơl^k rơndăp broă dong kờl làng bol bơ\t bơtàu ală mpồl lơh broă bal, kờ` broă lơh sa geh pơgồp bal mờ tiah tam chi sa plai do tàm nam 2017. Ồng Y Srao, Chủ tịch mpồl cau lơh broă sa xã Dak Gằn, kơnhoàl Dak Mil pà g^t: “Bồ nam pa 2017, bol a` geh bơto di pơgăp bơh 10 tus 20 hìu in bè broă lơh sa bal, mìng tam pơ-ò, tam tòm pơnăt, tam tòm [ơ là ală bơta chi tam di pal mờ ù tiah, trồ tiah tàm do, mờ tàm do dà tuh ờ geh uă. Mpồl cau lơh broă sa pơgồp bal nền nòn mờ UBND xã bal mờ ală mpồl lơh broăbơyai lơh wơl broă lơh sa, tam gơl phan tam, gàr niam rài kis lơh sa làng bol in. bol a` lam sồr làng bol, tàm hơ\ uă ngan là làng bol kòn cau Mnông tàm do tam gơl bè rài kis, broă lơh bè oh mi cau yoan, lài ngan là rơwah ală hìu nhă tơriang tơriồng tàm broă lơh sa, cau jăk bè lơh sa kă bro pal lam lài kờ` làng bol in đòm jăt bal; bơh 5 tus 10 hìu gơs 1 mpồl lơh broă bal, hơ\ sồng hòi jà tai uă hìu làng bol tus lơh broă bal. Dơ\ 2 tai là xã ai wơl ală tiah tam phan di pal. Pal lam sồr làng bol pơgồp bal, crơng gơs ală mpồl lơh broă bal, kờ` tơrgùm priă, ngui broă lơh sa pa tàm broă lơh, lơh jăt broă lơh gơs phan kă bro geh bơta kuơ uă tàm broă lơh sa”.