VOV4.K’ho- Tàm jơnau cih bal mờ măt sơnđan: “Rcăng mờ bơyai lơh gơ niam ngan Pơrjum dờng dơ\ 13 bơh Đảng dê, ai dà lơgar mu\t tàm dùl tu\ tơngai bơtàu tơnguh pa”, ồng Nguyễn Phú Trọng Tổng Bí thư, Chủ tịch lơgar đơs nền broă lơh mpồl, kuang bàng pal là bơta tam gơl pa, là “tờm” bơh kơnòl broă “tờm” dê. Ồng Nguyễn Phú Trọng Tổng Bí thư, Chủ tịch lơgar sồr pal sền dờng màng ngan bơ\t bơtàu mờ lơh sàng goh mpồl kuang bàng, ngan là bơ\t bơtàu mpồl kuang bàng kấp dờng màng geh tơl nùs nhơm niam, pràn jak tàm broă lơh mờ geh bơngă pin dờn, ndrờm pal mờ kơnòl broă. Tơngume do neh dờp geh bơta dùl nùs bal bơh uă kuang bàng, đảng viên dê.

Tàm jơnau cih, ồng Nguyễn Phú Trọng Tổng Bí thư, Chủ tịch lơgar neh đơs uă bơta, mơya sền gròi uă ngan tus broă lơh kuang bàng, bè jơnau sồr, gùng dà mờ ală jơnau kờ` Pơrjum dờng dơ\ 13 dê geh pal cribơyai nàng tơlik tàm Kơrnoat. Jăt Phó Giáo sư, Tiến sĩ ồng Nguyễn Minh Trưởng lơh broă tàm Học viện Chính trị Dà lơgar Hồ Chí Minh dê đơs, bơh bơta gơrềng đah kơ\ dơn gùng lòt mờ tam gơl pa den pal geh bơta đòm jăt mờ bơtàu tơnguh. Tàm gùng lòt hơ\ pal lời sang te\ ală bồ tơngoh kơryan, ală bơta kơlôi sơnơng bơngơl gơlan ờ gam kuơ tai, kơn jơ\ kơn ju\t, hơ\ là jơnau sa kuề sa kùa ờ niam, bơta kuơ mpồl bal mờ ală bơta ờ niam ờ kuơ ndai…

Phó Giáo sư, Tiến sĩ Nguyễn Minh Trưởng đơs: Hơ\ là jơnau cih mờ jăt a` den là jrô ơnàng ngan, đơs tus jơh ală bơta, jơh ală broă lơh rcăng lài ai Pơrjum dờng dơ\ 13 Đảng dê in. Kuơmàng là đơs sùm bè ală bơta gơrềng kung bè ală bơta rcăng lài ai broă lơh pơrjum dờng in. Ồng Nguyễn Phú Trọng Tổng Bí thư, Chủ tịch lơgar neh nting tơngkah là pal kơ\ dơn lời te\ jơh ală bơta ờ tơl bơta jơh nùs halà geh ală bơta gơ tơngo\ tìs ờ di den kơ\ nùs krà` cê ai dô lik te\ bơh mpồl đơng lam đảng mờ mpồl đảng tơngai mờr tus geh pồ. Nàng sac rwah ală cau jak ngan, geh bồ tơngoh jak, geh ală tă pơgồp jơh nùs, tă pơgồp tàm broă lơh bơ\t bơtàu mờ bơtàu tơnguh dà lơgar.

Pơrjum dờng Đảng ală kấp wèt tus Pơrjum dờng gùt lơgar dơ\ 13 là dùl dơ\ cribơyai lơh broă chính trị jrô ơnàng làm uă ngan rlau jơh tàm jơh gùt Đảng. Jơnau pơyua bơh Tổng Bí thư, Chủ tịch lơgar ồng Nguyễn Phú Trọng dê ai tơlik jơnau sồr mờ kơnòl broă mờr tus nàng gơ in dipal mờ tơl tiah, tơl gah mờ tơl tu\ tơngai. Bơta hơ\ gơ sồr pal cribơyai mờ sền swì nền, ờ go\ di mìng bơh pơrjum dơlam is đảng dê ờ, mờ kờ` pal geh jơh gùt làng bol tă pơgồp bal jơnau đơs. Go\ geh ală bơta kơlôi rcăng bơh cau lam bồ Đảng dê, tu\ gơguh lơh sa ờ hềt ndrờm pal mờ bơta pràn, cồng nha gam ờ uă mờ gam pal kong mờ uă bơta gơrềng ờ niam bơh kòp dờng Covid-19 dê.

Giáo sư, Tiến sĩ ồng Mạch Quang Thắng, lơh broă tàm Học viện Chính trị Dà lơgar Hồ Chí Minh đơs bè do: Tổng Bí thư, Chủ tịch lơgar ồng Nguyễn Phú Trọng neh geh jơnau pơyua, bơta kơ\p kờ`, ai tơlik uă jơnau đơs tàm bơta bơtàu tơnguh bơh Đảng he dê, bềng bơta chờ hờp mơya kung bè bơta kơlôi rcăng sơl. Bơta hơ\ [ươn wa\, tu\ do broă gơlik geh tu\ do, broă bơtàu tơnguh sơrbac mhar ngan tàm dunia, kal ke gơtùi gi\t lài. ~cau mờ gơtùi gi\t lài geh kòp dờng Covid-19, dunia ờ chài git lài ờ, Việt Nam kung ờ gơtùi gi\t lài sơl, mờ kòp dờng do lơh gơmù bơta pràn lơh sa bơh dunia dê tàm hơ\ geh bal lơgar he. Do là dùl bơta lơh ngan dờng, gơ sồr bồ tơngoh jak, kơ\ dơn bơh dùl đảng ăt gơnoar dê bè Đảng Cộng sản Việt Nam.

Đơs wơl jơnau đơs bơh Chủ tịch Hồ Chí Minh dê “Kuang bàng là bơta tờm bơh jơh ală broă dê. Rbô broă gơtùi halà ờ ndrờm bơh kuang bàng niam halà iơh”. Phó Giáo sư, Tiến sĩ ồng Lê Văn Yên, lơh broă tàm Hìu li\p sră Chính trị Dà lơgar Bơta ngan đơs sùm, bè do: bơta sac rwah kuang bàng kuơmàng ngan. Tài bơh tơngai rềp ndo, uă kuang bàng kấp dờng màng gơtìp tàm bơta ờ niam sa kuề sa kùa, hơ\ là bơta ờ gơtùi dờp ngan tàm mpồl kuang bàng Đảng.

Gơn kơnờm tàm ală bơta lơh ngan jơh nùs, kơ\ dơn tam dră rcăng sơndră sa kuề sa kùa, pơhì pơhà bơh ồng Nguyễn Phú Trọng Tổng Bí thư, Chủ tịch lơgar dê, ồng Lê Văn Yên Phó Giáo sư, Tiến sĩ kơ\p kờ` Đảng pơn jăt tai tơrgùm bơ\t bơtàu mpồl kuang bàng ală kấp, ngan là kuang bàng kấp dờng màng, tơl nùs nhơm niam, pràn jak mờ geh bơngă pin dờn, ndrờm pal mờ kơnòl broă: Jòi geh ală cau tơl nùs nhơm niam, tơl bồ tơngoh jak. Do là dùl bơta mờ Đảng he pal kơlôi sơnơng mờ tàm jơh ală dơ\ pơrjum dờng ndrờm đơs tus bè bơta sac rwah kuang bàng tàm pơdờn. Bơh sơnrờp sền bal kung là di sơl, mơya kung gam ai tơmu\t tàm ală kuang bàng tàm gơnoar broă ờ hềt ndrờm pal bè bơta nùs nhơm mờ pràn jak. Pơrjum dờng bol he kung sac rwah nàng jòi ală cau kuang bàng pal lơh ngan ai broă lơh bơh làng bol dê in, kuơmàng pal tam klăc bal kơ\ kơl jăp mờ làng bol, pal kơnờm tàm làng bol den broă lơh bơh bol he dê geh cồng nha uă.

Broă lơh kuang bàng sùm dờng màng ngan tàm pah dơ\ Pơrjum dờng, là broă lơh tờm bơh Đảng dê. Den tàng bè hơ\, kuang bàng pal là ală cau geh bơta kơ\ nùs mờ nùs sàng goh, ờ huan sa kuề sa kùa bè phan bơna. Hàm hà tàm do, đơs bè Chủ tịch Hồ Chí Minh dê đơs là gơdan ngan lơh broă, gơdan ngan gơguh jak mờ ờ go\ di là hàm hà phan bơna jơtài ờ. Dilah sơrbì geh ală bơta hàm hà bè phan bơna den ngan ngồn kuang bàng geh niam rlau, lơh geh bơta kơ\p kờ`, bơta gơn kơnờm bơh làng bol dê.

Cau cih Lại Hoa- Cau mblàng Lơ Mu K’Yến