VOV4.K’ho- Pơrjum dờng Đảng gùt lơgar dơ\ 13 rcăng geh lơh tàm bồ nam tus geh bơta kuơ dờng màng ngan, bal mờ kơnòl broă sền tìs di Kơrnoat Pơrjum dờng dơ\ 12 gơ jăt bal mờ sền swì jơh ală broă lơh tam gơl pa, lơh nền gùng dà, jơnau kờ` mờ kơnòl broă 5 nam, 10 nam tus mờ bơta wèt sền tus nam 2045. Pa do, tàm jơnau cih bal mờ măt sơnđan “Rơcăng mờ lơh gơ in niam ngan Pơrjum dờng dơ\ 13 bơh Đảng dê, ai dà lơgar mu\t tàm dùl tu\ tơngai bơtàu tơnguh pa”, ồng Nguyễn Phú Trọng Tổng Bí thư, Chủ tịch lơgar neh đơs sùm jơnau kờ` loh làng wèt tus nam 2045, tơngkah kir sơnrai 100 nam ngai crơng gơs dà lơgar, lơgar he gơ gơs là lơgar bơtàu tơnguh, priă lơh geh uă.      

Bơh Pơrjum Dà lơgar 10, khoá 12, ồng Nguyễn Phú Trọng Tổng Bí thư, Chủ tịch lơgar neh sồr ală mpồl cih Sră nggal Pơrjum dờng dơ\ 13 bơh Đảng dê pal geh bơta sền sơnơng jo\ tơngai, pal yal lài mờ ai tơlik ală jơnau kờ` bơtàu tơnguh ai tu\ tơngai jo\ jòng in ờ go\ di mìng tus nam 2026 lơm mờ pal geh bơta wèt sền jo\ jòng rlau, sền wơl bal jơh tu\ tơngai neh rlau mờ wèt tus rài tơnơ\ do. Ồng Ngô Sách Thực, Phó Chủ tịch Ủy ban Mặt trận dà lơgar Việt Nam đơs là: ală dơ\ pơrjum dờng lài sùm mìng geh jơnau kờ` di mơ tơngai là 5 nam mờ yal lài uă tu\ gam ờ di, jơnau kờ` bơtàu tơnguh ờ lơh geh. Bal mờ jơnau kờ` tus nam 2045 lơgar he gơ gơs là lơgar bơtàu tơnguh, geh priă lơh geh uă neh tơngo\ bơta wèt sền mờ broă lơh jo\ tơngai bơh Đảng dê mờ bơh ồng Nguyễn Phú Trọng Tổng Bí thư, Chủ tịch lơgar dê.

Ồng Ngô Sách Thực, đơs: Jơnau cih bơh Tổng Bí thư dê rcăng ai Pơrjum dờng Đảng gùt lơgar dơ\ 13 dê in, a` go\ tơngo\ geh bơta jơh nùs mờ bơtau kuơmàng. Tổng Bí thư ai bơta wèt sền ờ go\ di là 5 nam tus. Ai sền jo\ tơngai là tus nam 2030 mờ jo\ rlau tai là tus 25 nam tai là tus nam 2045, hơ\ là 100 nam ngai crơng gơs dà lơgar. Bè hơ\ là bơta kuơmàng sền swì mờ bơta wèt sền den ờ go\ di là dùl tơngai lơh broă mờ tơngo\ bơta sền swì pal dipal ngan mờ ai tơlik gùng dà bơtàu tơnguh ai jơh bal dùl tu\ tơngai pa in.

Wèt tus tơngai 25 nam tơnơ\ kờp bơh Pơrjum dờng dơ\ 13, Đảng tơlik jơnau kờ` lơi nàng tơngo\ geh bơta kơ\p kờ` ngan wèt tus mờ geh bơta gơtùi lơh jăt ngan ngồn taih? Mờ broă jàu dà lơgar bơtàu tơnguh, priă lơh geh uă gơtùi lơh geh halà ờ? Do ngan ngồn là bơta kơ\p kờ` dờng mơya gam uă bơta kơlôi rcăng tàm tơngai tu\ do. Cau lơh báo Nhị Lê, lài do là Phó Kuang ătbồ Sră báo Cộng sản đơs là, bol he geh tơl bơta pràn jơh bal bè mpồl cau, phan bơna, bồ tơngoh; geh ală jơnau sồr, broă lơh gơcèng bơta tam gơl pa uă, lơh geh bơta chồl ai lơh sa in bơtàu tơnguh, bơh hơ\ dong sền gàr niam rài kis mpồl bơtiàn, bơtàu tơnguh rài kis mờ bồ tơngoh gi\t wa\ ai làng bol in.

Nhị Lê là cau lơh báo, đơs bè do: Dilah ờ geh bơta wèt sền jo\ tơngai den geh gơtìp gơ pừ tàm ală gùng lòt rềp. Mơya nàng geh bơta wèt sền jo\ jòng den lài ngan là pal gi\t lài geh bơta gơbàn bơh bơta gơlik geh tàm dunia dê, sền swì wơl is să tờm he bè bơta pràn jak ngan ngồn mờ geh ală gùng dà broă lơh dờng nàng bơ\t bơtàu bơta wèt sền jo\ jòng. Hơ\ ngan là rài tơnơ\ do, hơ\ là ngai hìng. Mờr tơn jơh dùl tơngai lơh broă dơ\ 12, tềng đăp dơ\ tơngkah kir sơnrai 75 nam ngai crơng gơs lơgar Cộng hoà Xã hội Chủ nghĩa Việt Nam, tàm dùl jơnau cih kuơmàng ngan, Tổng Bí thư dùl dơ\ tai cih jrô broă bơta wèt sền. Do ờ go\ di mìng là kơnòl broă kơn jơ\ ngan bơh cau lam bồ Đảng, lam bồ Dà lơgar dê lơm gời ờ mờ hơ\ kung là bồ tơngoh bơta kơ\p kờ` bơh làng bol dê sơl.

 Nàng lơh geh jơnau kờ` tus nam 2045 lơgar he gơ gơs là lơgar bơtàu tơnguh, priă lơh geh uă den ală broă tờm ngan rlau jơh bè rơndăp gùng dà bè đah chính trị, bơtàu tơnguh dà lơgar tàm bơta wèt sền tus nam 2045 pal geh rcăng lài bơh tu\ do tơn. Broă là pơn jăt tai tơn jơh bơta geh ngan; bơtàu tơnguh gùng dà chính trị; pơn jăt tai lơh pràn broă lơh tam gơl pa tơl làm dùl ròt bal mờ Pơrjum dờng dơ\ 12 bơh Đảng dê neh ai tơlik. Giáo sư, Tiến sĩ ồng Tạ Ngọc Tấn Phó Kuang ătbồ Mpồl cribơyai jơnau đơs dà lơgar đơs nền, do là dùl bơta wèt sền loh làng mờ kờ` ngan.

Ồng Tạ Ngọc Tấn, đơs: Bơta wèt sền do sơ`io bol he in dùl bơta pơlam gùng dà dờng nàng geh dùl broă rơndăp lơh loh làng tàm tơl tu\ tơngai. Mơkung sơ`io bol he in dùl tu\ tơngai kuơmàng nàng lơh ngan. Nàng kờ` tus nam 2045 bol he lơh geh bơta kơ\p kờ` ngan bơtàu tơnguh, tơngo\ kơnòl bơh Đảng dê, jơh gùt làng bol kung bè bơh tơl nă kuang bàng, đảng viên dê. Jơh ală tus bal dùl bă jơh nùs ngan, tă pơgồp bồ tơngoh jak, bơta pràn mờ pràn jak bơh he dê tàm broă lơh bơ\t bơtàu mờ bơtàu tơnguh dà lơgar, nàng lơh geh tus geh jơnau kờ` niam bơne\ mờ Đảng neh ai tơlik.

Geh jơnau kờ` bơtàu tơnguh dà lơgar tus nam 2025 mờ 2030, bơta wèt sền tus nam 2045, ngan là dùl bơta pa tàm broă rcăng Pơrjum dờng Đảng gùt lơgar dơ\ 13. Ờ mìng rơndăp gùng dà bơtàu tơnguh bơh dà lơgar dê tàm 5 nam, 10 nam tus lơm mờ gam ngan là rơndăp gùng dà, dùl bơta wèt sền jo\ jòng rlau tus gùl rài 21 do. Jơnau kờ` tus nam 2045 gơ gơs là lơgar bơtàu tơnguh, priă lơh geh uă là broă gam pal pơn jăt tai cribơyai, bơh hơ\ geh tai bơta ring bal tàm broă sền gi\t jơnau kờ`, bơta wèt sền bơtàu tơnguh dà lơgar tàm jơnau rơcăng cih ală Sră nggal yal tàm Pơrjum dờng dơ\ 13 bơh Đảng dê.

Cau cih Lại Hoa- Cau mblàng Lơ Mu K’Yến