VOV4.K’ho - Gơ rờm bal mờ nùs nhơm chờ hờp sơnam pa, wă rò sa tềp Ất Mùi 2015 bơh gùt lơgar dê. Làng bol kòn cau K’ho he dê tàm ntum Liên Đầm, kơnhòal Di Linh, càr Lâm Đồng kung gam chờ hờp ngan wă rò sơnam pa. Ồng K’ Lanh, ơm tàm ntum Liên Đàm, kơnhòal Di Linh tus tơl hìu nàng nting săp gờm chờ kòn, sau, làng bol tàm bòn lơgar, wă rò 1 sơnam pa gơ boh gơbài. Ồng đơs:“ Lài do den làng bol kòn cau bol a` ờ git sa tềp bơhìan yau, bơh tơ nơ\ tơngklàs dà lơgar tus tu\ do den pah tu\ sa tềp tus, bol a` kung sa tềp bè oh mi cau Yoan sơl. Sa tềp lơi kung bè hơ\ lơm, bol a` tơngkah oh kòn ba` hòac huơr, sàu sa git tềm pềr, chờ hờp mơya pal tềm pềr, tơngkah lòt rê tàm gùng niam, lơh jat adat gùng lòt, tài tàm tiah do geh gùng rơndeh 20 lòt gan. Sa tềp den chờ hờp ngan, a` là cau kra bòn pal lòt còp kòn sau mờ kòn sau den kung lòt còp wơl. Mơya mìng chờ hờp nđờ ngai sa tềp, tơ nơ\ hơ\ den kơ lôi rơcang tus broă lơh sa, sền gròi bơsram sră.”

*Ngai bồ sơnam pa 2015, gal ngan làng bol kòn cau M’nông tàm [òn Bu Con, sơnah [òn Nghĩa Tân, [òn drà Gia Nghĩa, càr Dak Nông geh tus ùr tềng hìu chài rgơi [òn nàng geh wa\ rò sa tềp bơhìan dà lơgar mờ piang mbar prùh tàm ding dơr, tơrnờm, poac sur buh…Ồng Điều Kjang kra [òn geh pà pria\ chờ sa tềp kòn sa sơnam pa mờ nting sap tơl hìu nha\. Ồng chờ hờp ai git,  nam 2014, jơh mờ [òn neh tam klac attê bal bơt bơtàu [òn lơgar pa lơh geh ua\ cồng nha niam. {òn neh geh rlau 10 kơi sồ gùng lu\ la\ cài, mờr 20 kơi sồ  gùng bêtông…Kơnờm git ngui bơta jak chài pa tàm broa\ lơh sa, mờr 400 lồ ù ala\ chi tam bè kơphe, tiêu, tờm plai màk…neh cèng geh cồng nha lơh sa jơnhua tus rlau 200 hìu nha\ làng bol tàm [òn Bu Con. Den tàng, tơl hìu wa\ rò sa tềp tàm hờm ram boh gơbài. Ồng Điểu Kjang đơs:“Tàm 3 ngai sa tềp hơ\ la pơ dơng bơkàu tus mờ jơnang duh khoai mò pàng, jơnang duh khoa yàng bàp mờ kung bè lơh piang jà nac tus hờ hìu chài rgơi [òn tus bal chờ sơnam pa. Làng bol lài jơh la chờ duh yàng chờ sơnam pa, hìu nha\ tòm tơrgùm nàng geh cri bơyai broa\ lơh sa tàm nam pa, lơh broa\, ơm kis bè lơi? Tơnjơh bal tàm hìu nha\ geh tơng kah kòn sau bơsram sra\ hơ\ sồng lơh sa, ơm kis bè lơi. Kòn sau pal dờ` bơr mè bèp bơto nàng bol khi geh gùng lơh broa\ tàm nam pa, bòn làng lơh mbè lơi nàng tềm pềr, làng bol mut tàm nam 2015, dùl nam pa làng bol sang jơh ala\ kal ke, ala\ bơta gam ờ hềt pràn. Mut tàm nam 2015, pal lơh ngan geh cồng nha niam rlau tàm nam 2014”.

* Nùs nhơm wă rò sơnam pa tàm ntum Bảo Thuận, kơnhòal Di Linh càr Lâm Đồng chờ hờp ngan. Tềng đăp nùs nhơm sơnam pa bềng chờ hờp mờ ngap lơngai bơh bòn lơgar dê, mò Ka Dồi, ơm tàm ntum Bảo Thuận kơnhòal Di Linh chờ hờp đơs:“ Ưn ngài Đảng dà lơgar neh đơng lam, bơh hơ\ mờ rài kis bơh jơh ală làng bol tàm bòn lơgar ndrờm geh bơtàu tơnguh, rài kis geh tơl làm bè tàm bòn drà. Rài kis bơtàu tơnguh niam, git wă làng bol dê ờ di bè lài do tai. Sa tềp tus do, bol a` bơyai lơh wă rò sơnam pa, chờ hờp sa tềo bal mờ cau yoan, tài tu\ do hìu nhă lơi kung geh broă lơh sa bơtàu tơnguh, kơ\ kơljap, chờ hờp.”