VOV4.K’ho - Jăt broă lơh tàm pơrjum dơ\ 2, ngai do (15/11), Gơnoar ala măt dà lơgar mu\t bơyai lơh lùp mờ hơ jơnau lùp ală kuang bàng tàm Gơnoar atbồ lơgar. Geh gal kuang bàng, cau geh đảng bal mờ làng bol tàm càr Gia Lai sùm sền gròi ală bơta gơl^k geh tàm pơrjum mờ ai tơl^k uă jơnau đơs, jơnau dan bè uă broă ờ su\k ơm tàm càr dê. Ồng Nguyễn Trường, kuang atbồ anih duh broă làng bol kơnhoàl Đak Pơ, càr Gia Lai dan mờ Gơnoar ala măt dà lơgar, Gơnoar atbồ lơgar kơlôi sơnơng broă tăc phan geh lơh bơh broă lơh sa suơn sre mờ ai tơl bơta niam tàm broă tơnguh bơtàu lơh sa. Ồng Nguyễn Trường đơs: “Tàm broă lơh jăt kơrnoăt tàm anih kă bro, gơwèt mờ càr, bol a` tơrgùm lơh bè lơi tơnguh cồng nha, phan geh lơh bơh phan tam dê kung bè phan ròng dê sơl kờ` tơmù khà priă phan geh lơh gơs. Kung ndrờm mờ broă tơnguh bơta pràn tam pơlòng phan geh lơh gơs. Mơya, broă tăc ală phan geh lơh bơh broă lơh sa suơn sre gam kal ke ngan. Dan mờ Gơnoar ala măt dà lơgar, Gơnoar atbồ lơgar sền wơl kờ` bơsong broă tăc ală phan geh lơh bơh broă lơh sa suơn sre dê. Tàm hơ\ kuơ màng ngan là ai tơl^k ală tiah, ală tiah gơtùi tăc phan mờ lơgar bơdìh ờ uă bơta phan geh lơh bơh broă lơh sa suơn sre mùl màl kờ` bơsong broă tăc”.

       Cau cih mờ yal tơng^t Ndong Brawl