VOV4.K’ho – Phó giáo sư- Tiến sĩ Nguyễn An Lương dùl nùs bal mờ ală kơnòl broă tờm tàm tơngai lơh broă Pơrjum dờng dơ\ XII geh yal tàm Sră yal bơh Mpồl duh broă Đảng Dà lơgar kơnă XI dê, tàm hơ\ đơs uă tus bơta bơ\t bơtàu Đảng, bơsram tàp kuang bàng, cau geh Đảng, tam dră bơta gơbàn ờ niam tàm nùs nhơm bồ tơngoh, sa kuề sa kùa, pơhì pơhà hoàc hươr. Jat Phó giáo sư- Tiến sĩ Nguyễn An Lương, do là kơnòl broă dờng màng ngan bơh Đảng dê, là gùng dà broă lơh dipal ngan, là jơnau kuơmàng ngan rlau jơh tàm bơta lơh geh cồng nha halà ờ bơh Đảng, mờ bơh jơi bơtiàn dê. Bè bơta sền gàr gơnoar tờm dà lềng, bồt bơlào dà lơgar dê, tàm 5 nam tus, uă ơruh pơnu bơh iat sền Jơnau yal bal bơh Mpồl duh broă Đảng Dà lơgar kơnă XI bơh ồng Nguyễn Phú Trọng kuang atbồ đơng lam Đảng dà lơgar yal tàm Pơrjum dờng Đảng dơ\ XII ndrờm ring dùl nùs bal mờ kơ\p kờn, Pơrjum dờng Đảng dơ\ do geh pồ geh ală cau geh bồ tơngoh jak, nùs nhơm niam nàng ai dà lơgar bơtàu tơnguh mờ sền gàr tơl làm ù tiah dà lơgar.

Tàm ală ngai do, bal mờ ală mpồl ndai, mpồl ling sền gàr tiah nhàr dà lơgar càr Dak Lak gam lơh ngan lơh ndrờm bal ală broă lơh kờ` gàr niam bơta lơngăp lơngai gùng dră bal, ờ do ờ dă mpồl bơtiàn tàm tơngai geh bơyai lơh pơrjum dờng Đảng gùt lơgar dơ\ 12. Đơs bè broă tơnguh broă sền gàr tiah nhàr dà lơgar, lơh geh cồng nha chờ gờm pơrjum dờng Đảng gùt lơgar, Thượng tá Đồng Văn Triệu, atbồ mpồl ling sền gàr tiah nhàr dà lơgar Ia Rvê pà g^t: “Bol a` neh ai ală mpồl lơh broă sền gàr ngai kung bè mang, sền gròi ală anih tàm ală tiah kuơ màng. Tàm tiah do den ală mpồl lơh broă geh pơgồp bal mờ kuang àng, mpồl ling ntum, mpồl lơh sa gah sền gàr dà lơgar, lơh jăt kờ` g^t ală bơta, bơyai lơh sền gròi bơta lơngăp lơngai ờ do ờ dă tàm [òn lơgar. Broă lơh bol a` dê tơrgùm lơh jăt rơndăp broă gah lơh broă dê, g^t broă sền gàr ală cau; tàm mpồl ling den lơh niam ală rơndăp broă, gùng dà broă rơcang tam lơh; tàm tiah do neh lơh niam wơl bơtô ling… Kuang bàng, cau ling tàm mpồl ling sền gàr tiah nhàr dà lơgar Ia Rvê neh lơh jăt nền nòn broă lơh jăt kơnòl, iang nùs, lơh gơs niam kơnòl sền gàr gơnoar ù tiah, bơta lơngăp lơngai, ờ do ờ dă tiah nhàr dà lơgar bal mờ ờ do ờ dă mpồl bơtiàn tàm do”.

Cau cih mờ yal tơngi\t- Lơ Mu K’ Yến mờ Ndong Brawl