VOV4.K’ho– Jơnau đơs dà kòn cau M’nông ngan ngồn pờ tơlik tàm Anih jơnau đơs Việt Nam tàm ngai 19/8/2006, di tàm dơ\ tơngkah 61 nam ngai kac màng nhai 8 pha lin. Tơnơ\ 14 nam pờ tơlik, Jơnau đơs dà kòn cau M’nông neh gơ gơs là bơyô đềt mềr mờ cau iat rơdô. Bơdìh mờ ală jơnau tơnggit gơlik geh pah ngai, jơnau đơs dà kòn cau M’nông neh pơ gồp bơnah sền gàr, bơtàu tơnguh dà đơs kòn cau mờ akhar cih, bơhìan niam bơne\ cau M’nông dê.

Bol hi se\ còp ồng Y Xuyên, 74 sơnam, ơm tàm [òn Jrah, xã Nâm Nung, kơnhòal Krông Nô, càr Dak Nông tu\ ồng gam nggui tà` sơ\ mờ ròng sau dềt tềng đap mpồng hìu. Rơdiô dềt ơn rềp hơ\, ồng tà` sơ\ ndang, mơkung iat Jơnau đơs dà kòn cau M’nông bơh Anih jơnau đơs Việt Nam dê: “A` geh mờng quèng iat rơdô bơh tu\ geh kac màng, kuơmàng là bơh tu\ geh jơnau đơs dà kòn cau M’nông tàm Anih jơnau đơs Việt Nam a` iat sùm tơn. Rơdô mờ ờ niam là a` blơi rơdô pa mơ nàng iat bè jơnau đơs pơnđik, bè niam chài kòn cau he dê, bè jơnau tơnggit broă gơlik geh tàm lơgar mờ dunia.

A` kờ` ngan rlau jơh là mblàng yal bè sền gàr niam chài, đơs bè ală bơhìan, ală broă lơh chờ, lơh yàng kòn cau he dê mờ ală jơnau đơs pơnđik, jơnau dròng cing iat bơkah tồr ngan, rềp mềr mờ làng bol, iat ờ làp, ờ lời roh bơta niam kòn cau he dê mờ gam kờ` iat ală jơnau đơs bè Quốc hội, bè broă lơh dong kờl mờ adat boh lam nàng làng bol in git jơnau yal, git ală gùng dà bơh dà lơgar dê”.

Ồng Y Xuyên ơm tàm kơnhòal Krông Nô, càr Dak Nông sùm iat rơdô pờ tơlik jơnau đơs dà kòn cau M’nông bơh Anih jơnau đơs Việt Nam dê

Tàm dơ\ lơh broă pa do tàm càr Dak Nông, bol hi geh tu\ tìp mờ ồng Điểu N’glơr, 62 sơnam tàm tàm xã Dak Ndrung, kơnhòal Dak Song. Ồng yal là, iat jơnau đơs dà kòn cau M’nông tàm Anih jơnau đơs Việt Nam là geh iat jơh ală gùng đơs pơnđik ală jơi bơtìan kòn cau Việt Nam, tàm hơ\ geh jơnau đơs pơnđik kòn cau M’nông; li la mờ niam ngan. Jơnau “Bơta niam chài rơ gơi ală kòn cau Tây Nguyên” kung đơs tus ua\ bơhìan ơm kis, ală broă lơh chờ, lơh yàng, ală bơta niam tàm rài kis bơh ua\ kòn cau oh mi dê.

Ồng Điểu N’glơr đơs: “Bơh ală jơnau đơs dà kòn cau M’nông, làng bol bơsram git ua\ ngan bơta. Bơh gùng dà, broă lơh bơh Đảng, bơta dong kờl, adat boh lam bơh dà lơgar dê tus broă ngui khoa học kỹ thuật nàng ngui tàm broă lơh sa hìu bơnhă. Kuơmàng là bè niam chài, ală broă lơh chờ, lơh yàng, bơhìan tàm rài kis he dê tu\ do ờ gam anih nàng bơyai lơh bè rài yau tai. Bơh anih kơnau đơs, cau kơnòm să geh iat mờ git niam chài he dê nàng sền gàr, mblàng wơl tàm rài kis tu\ do, a` go\ niam ngan mờ geh kươ ngan. Jơnau đơs he dê gơtùi pờ tơlik ua\ rlau tai bè gùng đơs pơnđik bè têt ta wêu, đơs tàm sơ pơ\ bơr kờ` gơboh ùr klau… iat gơ lơh bơkah tồr ngan”.

Tơnơ\ 14 nam pờ tơlik, Jơnau đơs dà kòn cau M’nông bơh Anih jơnau đơs Việt Nam dê neh drơng jat jơnau kờ` bơh cau iat rơdô là làng bol kòn cau M’nông. Bal mờ jơnau yal tơnggit gơlik geh pah ngai, jơnau tơnggit gơlik geh tàm lơgar mờ dunia, bơ yô iat rơ dô sền gròi ua\ tus ua\ tơngume krơi is bè pràn kơldang să jan, pơlam adat boh lam, pơlam jơnau git wă bơta chài khoa học kỹ thuật ròng tam phan…

Kuơmàng là bơyô iat rơdô sền gròi ua\ tus broă sền gàr, bơtàu tơnguh ală bơta kươ niam chài kòn cau M’nông dê den dà đơs mờ akhar cih là kươmàng ngan rlau jơh. Rài kis tu\ do neh gơ  rềng ua\ tus dà đơs. Cau kơnòm să ờ huan ngui dà đơs mờ akhar cih kòn cau he dê. Bơh jơnau đơs dà kòn cau M’nông bơh Anih jơnau đơs Việt Nam dê, dà đơs kòn cau he dê kung gam geh sền gàr mờ bơtàu tơnguh: “Ală bơyô kơnòm să tu\ do ờ huan geh cau git sền mờ git cih dà kòn cau he dê, geh tu\ là tàm tu\ boh bơr ală bơyô kung đơs dà yoan ua\. Ai gơwèt mờ cau dờng sơnam, jơnau git wă ờ huan ua\, git jơnau tơnggit mờ dà yoan kung lơyài. Bè tàm hìu bơnhă a`, mò, mè mờ ală mơi a` dê mìng kờ` iat ală jơnau tơnggit mờ dà kòn cau M’nông gời. Pờ rơdô iat jơnau đơs dà kòn cau M’nông là kờ` ngan, ờ mìng sền gàr dà đơs kòn cau he dê, ờ gam mblàng wơl jơnau tơnggit, mờ gam dong lơh rài bồ tơngoh mờ jơnau đơs pơnđik, cing mồng kòn cau he dê… A` sơ nơng là gơ wèt mờ web den ờ mìng là dà kòn cau M’nông lơm ờ mờ gam mờ dà yoan tai nàng ală cau kơ nòm să in git jơnau yal mờ 2 dà đơs”.

Cau đơs dà kòn cau M’nông Thị Đoăt lơh broă tàm [òn

Bal mờ jơnau đơs pờ tơlik pah ngai, pang web jơnau đơs kòn cau M’nông mờ broă bơka niam ngan, tơngume li la, niam ngan, di mờ ua\ cau sền, ngan là cau kơ nòm să. Ală jơnau đơs bè “Đơs pơnđik Tây Nguyên”, “Video clip”, “Jơnau yal tơnggit”, “Chính sách mờ rài kis”, “Pràn kơldang să jan”, “Jơnau yal yau”… geh bal mờ rùp hin mờ file pờ tơlik jơnau đơs kung [ơn ngan cau sền mờ cau iat in, bal mờ khà cau sền pah nhai gơguh ua\ ngan.

Tơnơ\ 14 nam pờ tơlik, Jơnau đơs dà kòn cau M’nông bơh Anih jơnau đơs Việt Nam dê neh hời rơ hời lơh jat jơnau kờ` bơh cau iat rơdô dê. Jơnau đơs neh gơ gơs là bơ yô đềt mềr mờ làng bol kòn cau M’nông. Ală cau cih gơs jơnau đơs, cau đơs kơnòm să bè Thị Đoăt, H’Thi Rơya, Điểu Thân, Y Sưng ngai sơlơ tơnguh bơta chài git wă, bơta chài lơh broă, ờ mìng mblàng rơ gơi, đơs jak mờ gam tus tàm [òn lơgar nàng lơh broă tai. Bơh hơ\ dà đơs kòn cau M’nông dê geh pờ tơlik tàm Anih jơnau đơs Việt Nam dê gơ gơs là rơbàng tơrbo\ đah Đảng, Chính phủ mờ làng bol.

Cau cih Thị Đoắt – Cau mblàng K’Duẩn