VOV4.K’ho- Kờp bơh ngai 7/9/1945, Anih Jơnau đơs Việt Nam neh sùm lòt bal mờ ling klàng mờ làng bol gùt lơgar tàm dơ\ tam lơh sền gàr, bơ\t bơtàu gơnoar ătbồ kăc màng, ai geh wơl bơta lơngăp lơngai, khăt gơboh is ai Dà lơgar in, bơta chờ hờp lơngai lơngò ai làng bol in. Đòm jăt bơhiàn pơnrơ ngan hơ\, Anih Jơnau đơs Việt Nam gam bơ\t bơtàu broă rơndăp lơh bơtàu tơnguh gơ gơs là anih lơh sră báo dà lơgar khà dùl, mờ uă gah, uă jơnau đơs, là phan ngui màng yal jơnau geh cồng nha bơh Đảng, Chính phủ dê.

Gơl gùng bơtàu tơnguh 75 nam do kờp bơh tơngai pờ tơlik jơnau tơngi\t bơh sơnrờp tàm tu\ 11 jiơ 30 phuk ngai 7/9/1945, Anih Jơnau đơs Việt Nam neh gơ jăt bal mờ gùng lòt kah yau khin cha jak chài bơh ală dơ\ tam lơh jo\ jòng ngan bơh jơi bơtiàn dê, gơ jăt bal mờ ală tu\ tơngai tam gơl pa bơh Đảng lam lơh mờ đơng lam. Kuơmàng, tàm ală dơ\ tam lơh dong klàs jơi bơtiàn mờ sền gàr Dà lơgar, Anih Jơnau đơs Việt Nam là jơnau đơs bơh Đảng, Bác Hồ dê, jơnau đơs bơh làng bol dê, dong lơh kơ\ kơl jăp bơta tam klăc dờng jơh gùt jơi bơtiàn, pơgồp bal mờ bơta pràn jơi bơtiàn mờ bơta pràn tu\ tơngai dê, lam gùt lơgar lòt bơh tam lơh jai pha do tus tam lơh jai pha ndai. Kah wơl jơnau kah yau pơnrơ ngan bơh Anih Jơnau đơs Việt Nam dê.

Ồng Phan Quang, cau lơh báo, lài do là Kuang ătbồ dờng Anih Jơnau đơs Việt Nam, đơs nền: Anih Jơnau đơs Việt Nam bol he dê bơh uă rơnàng cau krơi is, bol he sùm dipal lơh kơnòl broă mờ tơngo\ loh làng ngan rlau jơh là tàm jơnau pơlam jơnau đơs bơh Anih Jơnau đơs Việt Nam he dê: “Do là Anih Jơnau đơs Việt Nam, pờ tơlik bơh Hà Nội, càr lơgar bơh lơgar Việt Nam dân chủ Cộng hoà mờ tu\ do là lơgar Cộng hoà Xã hội Chủ nghĩa Việt Nam. Hơ\ là jơnau đơs tơngo\ geh bơta kơ\p kờ` ngan bơh Bác Hồ dê, bơh Đảng mờ Dà lơgar he dê mờ bơh jơh ală anih lơh broă chính trị bơh bol he dê.

Thủ tướng Nguyễn Xuân Phúc còp Anih Jơnau đơs Việt Nam nhai 2 nam 2020

Bồ nam do, Anih Jơnau đơs Việt Nam chờ hờp geh wa\ rò Thủ tướng Chính phủ ồng Nguyễn Xuân Phúc lòt còp. Yal wơl jơnau kah yau 75 nam bơh Anih Jơnau đơs Việt Nam dê, ồng Nguyễn Xuân Phúc đơs là, Anih Jơnau đơs Việt Nam chờ hờp là “anih geh crơng gơs” bơh Kăc màng Nhai phàm dê, geh Chủ tịch Hồ Chí Minh crơng gơs. Tàm ală tu\ tơngai bơtàu tơnguh bơh dà lơgar dê, Anih Jơnau đơs Việt Nam sùm sơrlèt gan kal ke, bòl glar, lơh gơs jak ngan kơnòl broă Đảng, Dà lơgar dê jàu, cih gơs pang sră kah yau pơnrơ ngan bơh Anih Jơnau đơs Việt Nam dê. Đơs sùm tus gơnoar broă bơh Anih Jơnau đơs Việt Nam dê, Thủ tướng đơs: Ală cau cih báo, ală cau sền swì jơnau bơh Anih Jơnau đơs Việt Nam dê là mpồl cau lam lài tàm gah bồ tơngoh niam chài. Ală jơnau cih sră báo bơh Anih Jơnau đơs Việt Nam dê tàm tơngai do neh tă pơgồp uă ngan ai broă lơh bơ\t bơtàu, bơtàu tơnguh dà lơgar Việt Nam pas sơm pràn kơldang, tă pơgồp tàm broă lơh rcăng sơndră bơta ờ niam, sa kuề sa kùa, pơhì pơhà, bơ\t bơtàu bơta pin dờn bơh làng bol dê gơ wèt mờ Đảng, Dà lơgar. Bơ\t bơtàu bơta pin dờn niam bơne\, kis sùm, gam sùm. Do là gùng gơ lòt tờm, a` sùm đơs nền nàng Đảng, Dà lơgar mờ làng bol geh jơnau yal geh bơta gi\t wa\ di bè Đảng mờ Dà lơgar bol he dê. Sơrlèt gan 75 nam do, Anih Jơnau đơs Việt Nam là anih tàm tơrbo\ yal tơngi\t ală bơta kuơ nùs nhơm, niam chài bơh cau Việt Nam dê tus mờ dunia, mờ gơ\p bơyô dunia gơ wèt mờ Việt Nam.

Mờ bềng bơhiàn mờ ală cồng nha neh lơh geh, Anih Jơnau đơs Việt Nam chờ hờp geh Đảng mờ Dà lơgar jàu pà uă sră jờng rơ kuơmàng. Gai lòng Sơma` rơmi\t, Gai lòng Hồ Chí Minh, dờp Gai lòng Lơngăp lơngai is khà 2 (2 dơ\), Gai lòng Tam lơh dră wơl bol sò tơm Tây khà dùl, Gai lòng Tam lơh dră wơl bol sò tơm Mỹ khà dùl, Khin cha jak chài lơh broă rài tam gơl pa, Khin cha jak chài Mpồl phàu crong làng bol bal mờ uă phan jờng kuơmàng ndai.

Anih Jơnau đơs Việt Nam tu\ do geh rlau 2 rbô 700 nă kuang bàng, cau cih báo, cau ku\p săp đơs, cau nghệ sĩ, cau lơh broă; 4 bơta sră báo, tàm hơ\ geh 8 gah pờ tơlik jơnau đơs, 16 gah sơ`io rùp, 2 sră báo điện tử mờ 1 báo in; 2 hìu bơsram Cao đẳng Pờ tơlik jơnau đơs- Sơ`io rùp, 1 hìu đơs crih, 6 anih lơh broă sùm tàm lơgar mờ 13 anih lơh broă sùm tàm ală tiah kuơmàng tàm dunia. Pơrjum dờng cau ala măt Đảng bộ Anih Jơnau đơs Việt Nam dơ\ 26 (tơngai lơh broă bơh nam 2020- 2025) pa do geh jơnau kờ` tơrgùm bal, là: “Tơnguh uă pràn jak đơng lam, pràn tam lơh bơh Đảng bộ dê, bơ\t bơtàu Anih Jơnau đơs Việt Nam gơ gơs là anih lơh broă mblàng yal jơnau uă bơta, uă gah pa jak chài, pràn kơldang kơ\ kơl jăp tơl làm”. Anih Jơnau đơs Việt Nam gam lơh ngan gơ gơs là anih lơh broă mblàng yal jơnau uă bơta, uă gah, uă jơnau đơs pa jak chài ngan, pràn kơldang kơ\ kơl jăp tơl làm, là anih lam bồ bơh gah pờ tơlik jơnau đơs gùt lơgar dê; bơtàu tơnguh tàm 3 broă tờm: Pờ tơlik jơnau đơs- Sơ`io rùp- Sră báo điện tử, bal mờ bơnàng jă măy mok jak chài pa ngan.

Đơs tàm pơrjum dờng, ồng Nguyễn Thế Kỷ Ủy viên Đảng Dà lơgar, Kuang ătbồ dờng Anih Jơnau đơs Việt Nam đơs sùm: Gơl gùng 5 nam tus, bol he pal tơrgùm jơh ală bơta pràn, bồ tơngoh jak, bơta kơ\ nùs, bơceh pa, tam gơl pa nàng bơ\t bơtàu Anih Jơnau đơs Việt Nam gơ gơs là anih mblàng yal jơnau uă gah, uă bơta, uă jơnau đơs, pa jak chài ngan, jrô ơnàng ngan sơrbac mhar ngan, pràn kơldang kơ\ kơl jăp tơl làm. Kơnòl broă kơn jơ\ hơ\ geh ơn tềng pơnì bơh Đảng bộ, bơh mờr 2 rbô 700 nă kuang bàng, đảng viên, công chức, viên chức mờ cau lơh broă bơh Anih Jơnau đơs Việt Nam dê.

Anih Jơnau đơs Việt Nam dờp Gai lòng Lơngăp lơngai is khà dùl (dơ\ 2)

Đòm jăt bơhiàn kuơmàng 75 nam do bơh Anih Jơnau đơs Việt Nam, pơ`ìơ să là anih lơh broă bơh Bác Hồ crơng gơs, đòm jăt ală rơnàng cau lòt lài, ngai do kuang bàng, cau lơh broă bơh Anih Jơnau đơs Việt Nam dê gam lơh ngan nàng lơh ai măt sơnđan Jơnau đơs Việt Nam in gơ rề pràn kơldang tàm rài kis mpồl bơtiàn; gơ gơs là dùl anih lơh broă mblàng yal jơnau dà lơgar pràn kơldang kơ\ kơl jăp tơl làm.

Quốc Học tơrgùm cih bơh VOV- Cau mblàng Lơ Mu K’Yến