VOV4.K’ho – Ngai òr 17/10, Anih duh broă sùm Gơnoar ala mat dà lơgar pơn jat tai pơrjum dơ\ 4, tă pơgồp jơnau đơs tàm ală jơnau yal bơh Gơnoar atbồ lơgar dê bè cồng nha mu\t lơh broă rơndăp lơh bơtàu tơnguh lơh sa- mpồl bơtiàn mờ kes priă dà lơgar nam 2016; broă rơndăp lơh bơtàu tơnguh nam 2017. Sền sơ wì wơl jơnau yal lơh sa- mpồl bơtiàn, Anih duh broă lơh sa Gơnoar ala mat dà lơgar dê đơs là, GDP jơh gùt nam digơlan mu\t lơh gơguh 6,3 tus 6,5% là kal ke ngan gơtùi lơh geh. Kờp bal 9 nhai do, GDP kờp du\ gơguh 5,93%. Dồs dà lơgar uă, bơta kal ke tơm dồs uă, tàm pơnring kes priă dà lơgar kal ke, rơndăp tăp sèng tă mờ dơ\ ngui kes priă ờ hềt dipal, dồs kal ke lùp ờ hềt bơsong ngan ngồn. Gơnoar atbồ lơgar kờn pal sền sơ wì nền nòn rlau bè sền gi\t lơh sa dờng, geh ală broă lơh đơng lam, tàm pơnring kes priă dà lơgar rơcang lài mờ di tu\, lơh bè lơi dồs dà lơgar gơ ơm tàm khà ai gơnoar.

Cau cih mờ yal tơngi\t- Lơ Mu K’ Yến