VOV4.K’ho – Là càr geh rơlao 280 kơi sồ gùng nhàr dà lơgar rềp bal mờ 2 càr Attapư, Sekong lơgar Lào mờ càr Rattanakiri, lơgar Campuchia, tơngai pa do, ling sền gàr tiah nhàr dà lơgar càr Kon Tum neh lơh jăt uă broă tam dră kờ` kơrian broă pơn diang, kă bro phan ờ di pal, phan ờ ngan, phan kơrian gan nhàr dà lơgar mờ tơl gùng nhàr dà lơgar. Tơnơ\ do, là jơnau lùp Đại tá Nguyễn Hữu Vạn, kuang jăt jơng atbồ đơng lam ling sền gàr tiah nhàr dà lơgar càr Kon Tum bè broă tam dră kờ` kơrian broă pơn diang, blơi phan ờ di pal, phan ờ ngan, phan kơrian gan nhàr dà lơgar mờ gơl gùng nhàr dà lơgar càr Kon Tum.

- Ơ Đại tá, dan Đại tá gơtùi đơs bè lơi bè broă pơn diang, blơi phan ờ di pal, phan ờ ngan mờ phan kơrian gan nhàr dà lơgar kung bè gơl gùng nhàr dà lơgar càr Kon Tum dê?

Đại tá Nguyễn Hữu Vạn: Tiah nhàr dà lơgar càr Kon Tum jòng rơlao 280 kơi sồ, rềp mờ 2 càr Attapư mờ Sekong lơgar Lào mờ càr Rattanakiri, lơgar Campuchia. Dùl broă tai là mpồl ling sền gàr tiah nhàr dà lơgar Campuchia mờ lơgar Lào ờ gal, den tàng broă sề gàr tiah nhàr dà lơgar rềp bal là geh ală bơta kal ke. Den tàng, ală cau sơgràm mờ broă do kờ` l^k mu\t tàm tiah nhàr dà lơgar, tus tàm lơgar Lào, lơgar Campuchia kờ` lơh tìs. Kuơ màng ngan là ală cau tìs bè tìs ma tuý, lơh, pồn, pơn diang phan brê ờ di pal, prăp gàr, ngui phào crong, phan bơrtoh, phào pơ-àr ờ di pal mờ uă bơta gơl^k geh ngòt rơngơ\t ngan. Ală cau tòm ngui mìng dong kờl, ơpah làng bol kis tàm tiah nhàr dà lơgar mìng là cau lơh boă. Hơ\ sồng cau lơh broă lơgar Việt Nam tus tàm lơgar Lào, lơgar Campuchia lơh jăt ală rơndăp broă mờ kuơ màng ngan khà cau lơh broă geh rài kis kal ke kờ` ơpah ală cau do tùng, pơn diang phan gan nhàr dà lơgar. Ală broă lơh bè tam cah dềt phan, lòt ờ gal, lòt uă mpồl dềt, lòt tàm tu\ trồ mang, tàm ngai rơlô, ngai kuơ màng mờ ală tiah ngài ờ geh kuang bàng sền gròi. Den tàng, kal ke ngan tàm boă sền gròi, sền gàr he dê.

- Tàm satềp Bính Thân, mpồl ling sền gàr tiah nhàr dà lơgar càr Kon Tum neh lơh ală broă lơi kờ` sền gròi phan ờ di pal, phan ờ ngan mờ phan kơrian gan nhàr dà lơgar?

Đại tá Nguyễn Hữu Vạn:  G^t broă tam dră mờ kă bro blơ\ blăc, phan ờ ngan, phan kơrian là kơnòl tòm tàm dơ\ lài mờ satềp, tàm satềp mờ tơnơ\ mờ satềp, mpồl duh broă Đảng ling klàng neh bơyai lơh jăt nền nòn rơndăp broă tus ală kuang bàng, cau ling tàm mpồl, bơh anih lơh broă đơng lam tus mờ ală mpồl ling sền gàr tiah nhàr dà lơgar kờ` ală kuang bàng, cau ling sền gàr tiah nhàr dà lơgar càr Kon Tum in g^t di pal, g^t kơnòl să tòm tus mờ kơnòl tam dră mờ kă bro blơ\ blăc, phan ờ ngan mờ kă bro ờ di pal kung bè phan kơrian tàm tiah nhàr dà lơgar. Neh bơyai lơh sồr ală mpồl ling, ală anih lơh broă bơ\t bơtàu rơndăp broă, sền gròi, ai tơl^k ală tiah, ală gùng, ală anih geh gơrềng tus mờ broă do kờ` ai mpồl ling di pal. Tơnguh broă sền gròi kờ` g^t jơh ală bơta, nền nòn, geh nùs nhơm tòm, di tàm ală cau mờng sơgràm di tàm tu\ lài mờ satềp, tàm satềp mờ tơnơ\ mờ satềp kờ` lơh tìs.

- Đại tá gơtùi pà g^t ờ uă cồng nha mờ mpồl ling sền gàr tiah nhàr dà lơgar càr Kon Tum neh geh tàm broă sền gròi, kơrian phan kă bro ờ di pal, phan ờ ngan mờ phan kơrian tàm tiah nhàr dà lơgar tơngai pa do?

Đại tá Nguyễn Hữu Vạn: Lơh jăt nhai l^k lơh broă uă bơh nggùl nhai 12/2015 tus tu\ do, mpồl ling sền gàr tiah nhàr dà lơgar càr Kon Tum neh go\ mờ pơgồp bal mờ ală mpồl lơh broă ndai ku\p mờ lơh glài 17 dơ\ 20 nă cau, ku\p geh 67,5 k^ phào pơ-àr ală bơta, rơlao 100 khối dơm chi ală bơta, 2 nơm rơndeh dờng, 3 nơm rơndeh Honda, 1 ngkơr phào mờ lơh glài mờ priă, jàu anih priă jền dà lơgar 64 tơlăk priă.

- Kờ` kơrian geh cồng nha broă pơn diang, blơi, tăc phan ờ di pal, phan ờ ngan, phan kơrian gan nhàr dà lơgar mờ gơl gùng nhàr dà lơgar càr Kon Tum dê, ală anih lơh broă geh gơnoar bal mờ mpồl ling sền gàr tiah nhàr dà lơgar càr Kon Tum pal geh broă pơgồp bè lơi?

Đại tá Nguyễn Hữu Vạn: Bè broă tam dră mờ kă bro blơ\ blăc, phan kơrian, kă bro ờ di pal gan nhàr dà lơgar pal geh broă pơgồp bal nền nòn bơh ală mpồl lơh broă, di lah mìng geh 1 mpồl lơh broă den kal ke ngan tàm broă sền gàr, tài gơrềng tus bal uă gah lơh broă, gơrềng tus mờ uă gah broă lơh, uă mpồl sền gàr. Den tàng, ling sền gàr tiah nhàr dà lơgar g^t broă tam dră do pal geh broă pơgồp bal nền nòn bơh ală mpồl, ală anih lơh broă tềng đăp mờ broă đơng lam bơh mpồl duh broă Đảng mờ anih duh broă làng bol càr dê. Ală mpồl lơh broă geh gơnoar pal bơyai lơh jăt mờ lơh jăt nền nòn ală kơrnoăt neh k^ bè mpồl ling sền gàr tiah nhàr dà lơgar k^ mờ mpồl sền gàr mờ tă dia mpồng nhàr dà lơgar; mpồl ling sền gàr tiah nhàr dà lơgar k^ mờ kuang bàng, mpồl ling sền gàr tiah nhàr dà lơgar k^ mờ mpồl đơng lam ling klàng càr, mpồl ling sền gàr tiah nhàr dà lơgar k^ mờ gah lơh sa mờ tơnguh bơtàu [òn lơgar càr. Tàm gah tam dră mờ ală cau tìs tàm tiah nhàr dà lơgar, pakl tơnguh sùm nền nòn bè broă tam jàu broă lơh kờ` tam gơl broă lơh sùm, di pal, nền nòn. Mờ pal ring bal tàm broă sền kờ` g^t broă, ai tơl^k mùl màl tiah mờ cau tìs geh uă kờ` tơrgùm tam dră. Tàm tơngu me hơ\, lơh jăt niam gơnoar pơlam mpồl duh broă Đảng, gơnoar atbồ càr ai tơl^k ală gùng dà, broă tam dră geh cồng nha. Pơgồp bal tàm broă sề gàr ù tiah, sền gàr cau bè lơi kờ` ală mpồl lơh broă geh gơnoar tus bal tơl pràn, tơl pràn kờ` kơrian mờ bơsong ală tìs tu\ go\, ku\p cau tàm tiah nhàr dà lơgar.

- Ơi, ưn ngài Đại tá bè dơ\ boh bơr do.

        Cau cih mờ yal tơng^t Ndong Brawl