VOV4.K’ho- Ơ làng bol, oh mi kuang bàng mờ cau ling tàm gùt lơgar!

Sơnam pa Tân Sửu 2021 gam duh hồl rê tàm ù tiah dà lơgar Việt Nam bềng lìu bơta kờ` gơboh bơh bol he dê! Tàm tu\ jiơ tàm jàu sơnam dờng màng mờ bềng bơta ngoh rơngăc do, a` dan ala măt kuang bàng đơng lam bồ Đảng mờ Dà lơgar he jơh nùs ngan dan pơyua tus jơh ală làng bol, oh mi kuang bàng mờ cau ling tàm gùt lơgar, mpồl bơtiàn cau Việt Nam he ơm tàm lơgar ndai ală nùs nhơm đềt mềr ngan, jơnau còp să đềt mềr mờ jơnau nting bơr kơ\p kờ` nam pa niam bơne\ ngan rlau jơh. A` kung dan pơyua tus gơ\p bơyô làm gùt ù tiah tàm dunia, làng bol ală lơgar jơnau nting bơr kơ\p kờ` ring lơngai, gi\t gơ\p lơh bơyô bal, lơh broă bal, gơguh jak mờ bơtàu tơnguh.

Nam Canh Tý 2020 pa lòt gan bal mờ uă ngan ală broă dờng màng pal kah ngan, kuơmàng là Pơrjum dờng cau ala măt gùt lơgar dơ\ XIII bơh Đảng dê pa tơn jơh mờ lơh geh cồng nha niam bơne\, pơnrơ ngan. Tàm nam lài, jơh gùt Đảng, gùt làng bol, gùt ling klàng he neh đòm jăt nùs nhơm kờ` gơboh dà lơgar jơh nùs, bồ tơngoh kơ\p kờ` ngan lơh ngan jơh nùs, nùs nhơm kơ\ dơn, tam klăc, bơceh pa, lơh ngan pơđơl pràn lơh geh uă cồng nha kuơmàng ngan, tơl làm ngan, lơh geh uă tềl kah pơnrơ: Lơh sa pơn jăt tai bơtàu tơnguh; chính trị mpồl bơtiàn kơ\ kơl jăp; lơngăp lơngai, sền gàr dà lơgar geh gàr niam; broă lơh broă mờ lơgar ndai mờ lơh broă bal mờ dunia geh lơh pràn, gơ lòt mu\t tàm broă lơh ngan ngồn; gàr kơ\ tiah ơm kis ring lơngai, kơ\ kơl jăp nàng bơtàu tơnguh dà lơgar; lơh kơ\ kơl jăp mờ tơnguh uă bơta pin dờn bơh làng bol dê gơ wèt mờ Đảng, Dà lơgar mờ rài xã hội chủ nghĩa. Bơta tờm là rơcăng sơndră kòp Covid-19 geh cồng nha, mờ tơrgùm bơtàu tơnguh lơh sa- mpồl bơtiàn; rơcăng mờ bơyai lơh geh cồng nha ngan pơrjum dờng đảng bộ ală kấp wèt tus Pơrjum dờng cau ala măt gùt lơgar dơ\ XIII bơh Đảng dê, lời wơl ală jơnau kah niam bơne\ ngan, pơgồp bơnah lơh kơ\ kơl jăp mờ tơnguh tai bơta pin dờn, nùs nhơm pơ`ìơ să jơi bơtiàn dê, geh gơ\p bơyô tàm dunia cih dờp mờ jờng rơ ngan. Ala măt kuang bàng đơng lam bồ Đảng mờ Dà lơgar, a` jơh nùs jờng rơ, gờm chờ mờ jờng rơ, ki ngàm ngan, ưn ngài ngan làng bol, oh mi kuang bàng mờ cau ling tàm gùt lơgar bè ală tă pơgồp dờng ngan tàm ală bơta jai pha mờ cồng nha lơh geh tàm nam lài. 

Mu\t tàm nam pa Tân Sửu 2021, nam sơnrờp lam lơh jăt Kơrnoat Pơrjum dờng dơ\ XIII bơh Đảng dê bè broă rơndăp lơh bơtàu tơnguh lơh sa- mpồl bơtiàn 5 nam, tơngai bơh nam 2021- 2025; nam bơyai lơh te\ khà pồ kuang bàng Quốc hội khoá XV mờ kuang bàng Hội đồng Nhân dân ală kấp tơngai lơh broă bơh nam 2021- 2026; bal mờ bồ tơngoh kơ\p kờ` ngan mờ lơh ngan jơh nùs brồ guh bơtàu tơnguh dà lơgar ngai sơlơ pas sơm pràn kơldang, lơngăp lơngai chờ hờp, jơh gùt Đảng, jơh gùt làng bol mờ jơh gùt ling klàng he pal pơn jăt tai đòm jăt nùs nhơm kờ` gơboh dà lơgar, tam klăc bal, ngui niam bồ tơngoh kơ\p kờ`, bơta lơh ngan jơh nùs mờ ală cồng nha lơh geh bơh nam Canh Tý 2020 dê, sơrlèt gan jơh ală kal ke, bơta lòng, lơh pràn tơl làm mờ dùl ròt bal rlau tai broă lơh tam gơl pa; bơ\t bơtàu mờ sền gàr kơ\ kơl jăp Dà lơgar, gàr kơ\ tiah ơm kis ring lơngai, kơ\ kơl jăp, lơh jăt jai pha ală jơnau kờ`, kơnòl broă neh ai tơlik, lơh geh uă cồng nha pa, dờng rlau tai, pơnrơ ngan rlau tai tàm broă lơh bơ\t bơtàu mờ sền gàr Dà lơgar Việt Nam xã hội chủ nghĩa bềng lìu bơta kờ` gơboh bơh bol he dê.

Nting bơr kơ\p kờ` jơh tơl nă làng bol, oh mi kuang kuang bàng, tơl hìu bơnhă, tơl nă cau Việt Nam mu\t tàm nam pa geh uă bơta pràn kơldang, bơta chờ hờp, bơta lơngai lơngò mờ lơh geh cồng nha!

Chờ gờm Sơnam pa nùs nhơm pa, cồng nha pa!

Jơh ală hìu bơnhă ndrờm chờ hờp, jơh tơl nă cau ndrờm gơboh gơbài!

Dan ơm ngăc mờ lơh tus geh cồng nha!

Cau mblàng Lơ Mu K’Yến