VOV4.K’ho – Ồng Phùng Xuân Nhạ kuang atbồ gah bơto bơtê mờ bơsram dà lơgar pa geh jơnau sồr bè broă bơyai lơh pơr lòng jơh bơsram kai 3 dà lơgar mờ pơr lòng mut hìu bơsram dờng, cao đẳng nam 2016 tus mờ ală hìu bơsram dờng. Gah bơto bơtê mờ bơsram dà lơgar sồr mut lơh niam broă đơng lam pơ gồp bal mờ ală hìu bơsam mờ ală hìu bơsram geh jàu kơ nòl pơgồp bal bơyai lơh mpồl pơr lòng mut lơh rơndap broă bơyai lơh pơr lòng di mờ broă rơndap lơh. Rơndap tơl mpồl kuang bàng, cau pơgru tơl khà tus bal ală bơnah bơh dơ\ pơr lòng dê; mut lơh niam broă bơto pơlam, mblàng yal kơ nòl ală cau geh sồr tus bal bơyai lơh dơ\ pơr lòng, ngan là tus mờ kuang bàng sền pơr lòng, ai điểm pơr lòng. Lòt sền, kờp sền ală bơta bè phan bơna, cơldu\ pơr lòng, sền gàr ngap lơngai, ờ do ờ dă mờ ală bơta bè sơ nơm tơmba tàm ală anih pơr lòng. Tàm broă lơh pơr lòng mut hìu bơsram dờng, cao đẳng, ală hìu bơsram pal yal jơnau tơngit di tu\, tơl làm, loh làng, song dơpă rơndap broă pơr lòng, ală jơnau cih bè pơr lòng, cồng nha pơr lòng, gàr niam pơr lòng geh bơyai lơh ringbal, loh làng, ai geh bơta [uơn ngan rlau jơh cau pơr lòng in.