JƠNAU TƠNGGIT TÀM LƠGAR.

Drim do 20/10, mu\t pơrjum dơ\ 8, Gơnoar ala măt dà lơgar kơnă 13. Do là pơrjum sơnrờp ngan geh bơyai lơh tàm hìu pơrjum Diên Hồng, hìu lơh broă Gơnoar ala măt dà lơgar pa, tàm kơnhoàl Ba Đình, càr lơgar Hà Nội. Pơrjum dơ\ 8, Gơnoar ala măt dà lơgar kơnă 13 geh lời 2/3 khà tơngai ai broă bơ\t bơtàu adăt boh lam. Tàm pơrjum drim do, ồng Nguyễn Sinh Hùng kuang atbồ Gơnoar ala măt dà lơgar geh jơnau đơs tàm dơ\ mu\t pơrjum; ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar yal jơnau yal bè broă lơh sa-mpồl bơtiàn nam 2014 mờ kơnòl nam 2015; ồng Nguyễn Thiện Nhân kuang atbồ anih duh broă gah tề lam gùng dră bal Việt Nam yal jơnau yal tơrgùm jơnau đơs, jơnau dan bơh cau te\ khà. Pơn jăt mờ hơ\, Gơnoar ala măt dà lơgar iăt jơnau yal: jơnau lùp sền bè broă lơh sa-mpồl bơtiàn nam 2014 mờ kơnòl nam 2015; jơnau yal mờ jơnau yal lùp sền bè broă sơndră mờ sa kuề sa koà nam 2014; iăt jơnau yal mờ jơnau lùp sền bè rơndăp broă tam gơl broă lơh, sră măy bơto kơnòm bơsram. Bùi mho, Gơnoar ala măt dà lơgar iăt ală jơnau yal mờ jơnau lùp sền bè cồng nha lơh jăt rơndăp broă kes peiă dà lơgar nam 2014, rơndăp broă kes priă dà lơgar mờ gùng dà broă tam pà kes priă dà lơgar nam 2015.

Drim òr 19/10, ồng Nguyễn Tấn Dũng kuang gơs gơnăp gơnoar atbồ hơđang rlao jơh dà lơgar bal mờ Mpồl kuang ala măt dờng màng lơgar Việt Nam neh rê tus Hà Nội, tơn jơh niam bơne\ dơ\ lòt còp ngan ngồn Mpồl tam klăc Châu Âu-EU, lơgar Đức mờ lơgar Bỉ; Mơkung tus bal Pơrjum Kuang bàng dờng màng Châu Á mờ Châu Âu dơ\ 10- Asem 10 geh lơh tàm bòn dờng Milan, lơgar Italia mờ lòt còp Hìu yàng Vatican. Dơ\ lòt còp Châu Âu dơ\ do bơh ồng Nguyễn Tấn Dũng dê ờ mìng pờ tơlik geh ù tiah tam klac lơh broă bal pa tơl làm, jrô ơnàng mờ geh kuơ ngan ngồn mờ Mpồl tam klăc Châu Âu-EU, lơgar Đức mờ lơgar Bỉ mờ sơlơ tơnguh tai bơta pin dờn bal gùng dră bal, bơta pin dờn dờng màng jo\ jòng mờ chul chồl tam klăc lơh broă bal lơh sa geh kuơ bal đah Việt Nam mờ ală lơgar tàm Châu Á- Thái Bình Dương.

Mho òr 19/10, tàm Hà Nội, Gah kuang àng dà lơgar neh bơyai lơh tìp măt ală kuang bàng tàm anih duh broă sền gàr mờ lơngăp lơngai dà lơgar Gơnoar ala măt dà lơgar. Đơs tàm dơ\ tìp măt, ồng Trần Đại Quang kuang atbồ gah kuang àng dà lơgar neh đơs tòm nam 2014, tềng đăp mờ broă đơng lam bơh Đảng dà lơgar, Gơnoar ala măt dà lơgar, Gơnoar atbồ lơgar, broă pơgồp bal nền nòn bơh ală gah, mpồl lơh broă dà lơgar, ală càr, bòn dờng, broă dong kờl bơh làng bol, mpồl kuang àng neh rơcang mờ g^t ală bơta, pơlam tus mờ Đảng, Dà lơgar uă gùng dà broă lơh kuơ màng bè tơnguh bơtàu lơh sa-mpồl bơtiàn, pơgồp bal nền nòn mờ broă tơl niam lơngăp lơngai dà lơgar, sền gàr niam ờ do ờ dă mpồl bơtiàn; ai tơl^k broă tam tơl niam bè bơta lơngăp lơngai ờ do ờ dă gùt mpồl bơtiàn; pơgồp bal tàm broă sền gàr niam bơta lơngăp lơngai ală khà kuơ màng, ală broă lơh gùng dră bal kuơ màng, ală pơrjum dunia geh bơyai lơh tàm lơgar Việt Nam. Ồng Trần Đại Quang kơ\p kờ`, tàm tơngai tus, mpồl kuang àng geh pơn jăt tai dờp broă dong kờl, pơgồp bal geh cồng nha bơh anih duh broă lơngăp lơngai mờ sền gàr dà lơgar Gơnoar ala măt dà lơgar tàm ală gah lơh broă.

Drim òr 19/10, ồng Um Mara kuang atbồ càr Preah Vihear, lơgar Campuchia bal mờ mpồl kuang bàng gơ wèt ală Gah sơnah lơh broă tàm càr Preah Vihear neh lòt còp mờ tàm yal tơngi\t bè broă bơtàu tơnguh lơh sa mpồl bơtiàn đah 2 càr. Tàm dơ\ tìp măt, ồng Um Mara neh yal bè broă bơtàu tơnguh lơh sa mpồl bơtiàn bơh càr Preah Vihear dê tàm tơngai lài tàm ờ uă broă…Bal mờ hơ\, ồng Um Mara ưn ngài bơh dong kờl bơh Anih duh broă làng bol càr Gia Lai dê tàm broă lơh mờ pà hìu bơsram bơto broă lơh Gia Lai-Preah Vihear; Dong kờl priă lơh Anih kah kơlôi cau ling chơ\t màng lơh broă dong kờl is lơgar Việt Nam mờ mpồl ling Campuchia; Dong kờl lơh Anih prăp gàr phan kuơ yau yal yă tìs iơh bơh bol gơ sơ\t rung cau Pol Pot dê…Ồng Um Mara kơ\p kờn pơn jăt tai dờp geh bơta dong kờl bơh càr Gia Lai dê tàm ală broă tàm tơngai tus.

Ngai 18/10, mpồl kuang bàng bơh Gah bơto bơtê mờ bơsram dà lơgar geh Giáo sư Phạm Vũ Luận kuang atbồ gah bơto bơtê mờ bơsram dà lơgar lam bồ neh tus còp mờ lơh broă tàm càr Dak Nông bè broă lơh jăt broă lơh bơh Gơnoar atbồ lơgar dê bè tam gơl pa jơh broă bơto bơtê mờ bơsram. Đơs tàm dơ\ lơh broă, ồng Phạm Vũ Luận neh đơs niam broă sền gròi đơng lam nền nòn bơh mpồl đơng lam Đảng, gơnoar atbồ càr kung bè ală cồng nha tàm broă bơto bơtê mờ bơsram mờ càr Dak Nông neh geh. Bè ală jơnau đơs, jơnau dan càr Dak Nông dê, ồng Phạm Vũ Luận hơ geh iăt, kơlôi sơnơng mờ sền wơl nàng pơlam tus Gơnoar atbồ lơgar in kờ` jòi gơl^k gùng dà broă bơsong kal ke. Mìng is tus mờ ală gah geh gơnoar, gah bơto bơtê mờ bơsram dà lơgar tu\ lơi kung dong kờl càr Dak Nông.

 Mpồl tam klăc cau ùr kơnhoàl Ea H’leo, càr Dak Lak pa bơyai lơh dơ\ pơrjum tơngkah 84 nam Ngai Cau ùr Việt Nam 20/10 mờ yal bè mờng chài lơh broă mpồl cau ùr. Tàm dơ\ pơrjum, ală cau ala măt neh yal wơl bơhiàn pơn rơ ngan bơh Mpồl tam klăc cau ùr Việt Nam dê tàm  84 nam crơng gơs mờ bơtàu tơnguh. Tàm tơngai lài, cau ùr kơnhoàl Ea H’leo pơn jăt tai lơh jăt niam sùm bơhiàn khin cha jak chài kơ\ nùs, dùl nùs bal, lơh tơl niam gơnoar broă, sùm bơsram, lơh broă, ai jơh pràn tàm pơr lòng lơh gơs jak ngan kơnòl broă gùng dră bal bơh Mpồl dê, ai broă lơh cau ùr mờ ală broă lơh bơh mpồl cau ùr dê pơn jăt tai bơtàu tơnguh. Rài kis phan bơna mờ nùs nhơm bơh ală rơnàng cau ùr dê tàm kơnhoàl ngai sơlơ geh bơtàu tơnguh. Mpồl tam klăc cau ùr kơnhoàl Ea H’leo neh jơh nùs lơh jăt mờ mu\t lơh srơh pơr lòng kờn gơboh dà lơgar bơh ală kơnă, ală gah dê lam lơh.

Ngai 18/10, mpồl dong kờl cau kòp rơbah mờ cau koe\t kơlte càr Lâm Đồng bal mờ mpồl bác sĩ hìu sơnơm Thành Công, bòn dờng Hồ Chí Minh neh bơyai lơh dơ\ kham sơm kòp ờ sa priă mờ pà phan làng bol, kơnòm bơsram tàm ntum Dưng Knơ\, kơnhoàl Lạc Dương, càr Lâm Đồng in. Tơnơ\ mờ 1 ngai lơh broă mhar, mpồl bác sĩ geh 20 nă cau bal mờ kuang bàng lơh broă gah lơh sơnơm kơnhoàl Lạc Dương neh kham, sơm kòp, pà sơnơm ờ sa priă ai rơlao 400 hìu làng bol kòn cau K’Ho tàm ntum in. Khà priă lơh jăt broă kham, sơm kòp mờ pà sơnơm tus rơlao 30 tơlăk priă. Kung di tàm dơ\ do, mpồl cau kòp rơbah mờ cau koe\t kơlte càr Lâm Đồng neh pà 450 pò phan làng bol in mờ 250 pò phan ai kơnòm bơsram kai 1 mờ pa lòt bơsram tàm ntum Dưng Knơ\ in. Kờp jơh khà priă phan pà tus rơlao 60 tơlăk priă.

Ngai òr 19/10, tàm bồt Trần là dùl bồt dờng màng bơh dà lơgar dê, Anih duh broă làng bol kơnhoàl bồt Cô Tô, càr Quảng Ninh pơ gồp bal mờ Mpồl lơh sa kă bro dờng Đông Bắc di Gah sền gàr dà lơgar bơyai lơh dơ\ jàu 17 nơm hìu ai làng bol tàm bồt in. Do là ală hìu làng bol bơh sơn rờp lòt ntrờn ơm kis tus tàm bồt jăt broă lơh bơh Anih duh broă làng bol càr Quảng Ninh dê. 17 nơm hìu jàu dơ\ do gơ wèt tơngai dơ\ dùl bơh rơndăp broă lơh Bơcri priă bơ\t bơtàu phan bơna bơtàu tơnguh làng bol bòn lơgar tàm bồt Trần. Mpồl lơh sa kă bro dờng Đông Bắc di Gah sền gàr dà lơgar là mpồl dong kờl jơh ală priă jền lơh hìu, mờ kờp priă tơl nơm hìu mờr 1 tơmàn priă.

JƠNAU TƠNGGIT DUNIA.

Ngai 18/10, ồng Mahmoud Abbas kuang atbồ cau Palestin tơl^k nùs nhơm kơ\p kờ` geh pơn jăt tai cri bơyai mờ mpồl jăt yàng Islam Hamas kờ` lơh gơs broă bơsong mờ tơn jơh ală bơta ờ niam gơl^k geh is tàm cau Palestin dê. Jơnau đơs do neh geh ồng Mahmoud Abbas ai tơl^k tu\ đơs tềng đăp mờ mpồl duh broă đảng Fatah, tàm Ramallah. Ồng Mahmoud Abbas đơs “Bri bơyai he dê mờ mpồl Hamas geh pơn jăt tai lơh tus tàm tu\ geh jơnau ring bal tơl ală bơta. Jơnau yal bal mờ he neh geh mờ mpồl Hamas geh ai bơh tàm 2 broă tòm là broă crơng gơs Gơnoar atbồ lơgar tam klăc mờ bơyai lơh ală dơ\ te\ khà”.

 Triều Tiên mờ Hàn Quốc gơtùi bơyai lơh gờn dùl dar cribơyai kơnă kuang bàng dờng màng bè neh rơndăp lài. Do là jơnau yal bơr bơh Gơnoar atbồ lơgar Hàn Quốc dê yal tàm ngai òr 19/10, tàm tu\ tơngai geh ală jơnau kơlôi rcăng đơs là dơ\ tam rah phàu gơlik geh pa do tàm tiah nhàr lơgar đah 2 lơgar Triều Tiên mờ Hàn Quốc digơlan lơh tơr mù jơnau kơ\p kơnờm bơh dùl dơ\ cribơyai kơnă kuang bàng dờng màng đah 2 lơgar. Ồng Ju Chul-ki kuang dong broă kơnă kuang bàng dờng màng bơh Kuang atbồ lơgar Hàn Quốc dê bè ală bơta lơh broă mờ lơgar ndai, pà gi\t, đah lơgar Hàn Quốc den kơp kơnờm dơ\ cribơyai kơnă kuang bàng dờng màng đah 2 lơgar geh lơh niam mờ lơgar Hàn Quốc gam rcăng ai dơ\ tìp măt do in

Ồng Tayyip Erdogan kuang atbồ lơgar Thổ Nhĩ Kỳ pà g^t, lơgar do ờ ring bal mờ ală broă tam jàu phào crong lơi bơh lơgar Mỹ ai ală cau geh phào cau Kurd gam tam lơh mờ mpồl dà lơgar Islam Is tàm lơgar Syria. Lơgar Thổ Nhĩ Kỳ sền ală cau geh phào cau Kurd là 1 bơnah tàm mpồl Đảng cau lơh broă cau Kurd dê, do là mpồl cau neh gơtìp Gơnoar atbồ lơgar Thổ Nhĩ Kỳ tơmu\t tàm khà mpồl iơh bơsăk tài dơ\ ntào tam lơh 30 nam do mpồl do dê tàm lơgar Thổ Nhĩ Kỳ. Anih yal tơng^t Anadolu, lơgar Thổ Nhĩ Kỳ tơl^k jơnau đơs bơh ồng Erdogan pà g^t, ală cau geh phào cau Kurd kung ndrờm mờ ală cau geh phào Đảng cau lơh broă cau Kurd mờ lơgar Thổ Nhĩ Kỳ geh ờ dờp ală broă lơh phào crong lơi tus mờ mpồl do.

 Ồng John Kerry kuang atbồ Gah cribơyai broă mờ lơgar ndai lơgar Mỹ mờ ồng Dương Khiết Trì kuang atbồ Gah cribơyai broă mờ lơgar ndai lơgar Lo tàm ngai 18 nhai 10 pa do neh đơs tờm bơta kờn ngan pal bơsong ală bơta ờ ring bal mờ tam klăc bal tam dră wơl mờ ală bơta pơhìn gùt plai ù, tàm hơ\ geh mpồl duh nùs ờ niam Dà lơgar Islam-IS, kòp Ebola. Mang ngai 18 nhai 10 pa do, đơs tàm Boston, lơgar Mỹ, lài mờ tu\ mu\t lơh ngai cribơyai dơ\ 2 mờ ồng Dương Khiết Trì, ồng John Kerry neh đơs bè uă broă mờ 2 lơgar gơtùi tam klăc lơh broă bal bơh broă lơgar Afghanistan, bơta hạt nhân tàm bồt Triều Tiên, Iran, bơta tam gơl trồ tiah mờ tam dră wơl mờ bol sò tơm iơh bơsak. Ồng Dương Khiết Trì pà gi\t, jơnau kờn bơh dơ\ lòt còp lơgar Mỹ là rcăng ai dơ\ tìp măt kơnă kuang bàng dờng màng đah ồng Tập Cận Bình kuang atbồ lơgar Lo mờ ồng Barack Obama kuang atbồ lơgar Mỹ tàm Bắc Kinh, lơgar Lo tàm ngai 12 nhai 11 tus do, tơnơ\ dơ\ Pơrjum Mpồl tam klăc bal lơh sa Châu Á- Thái Bình Dương.

 Anih duh broă dunia pà g^t, bu\ lah ală bơta niam tàm broă tơn jơh jơgloh, tơmù rơ[ah tơngai do geh niam, tàm ală lơgar gam tơnguh bơtàu gam geh 1/5 khà kờp làng bol gam kis hờ đơm mờ khà rơbah, jơgloh. Đơs di tàm ngai dunia sơbì jơgloh, rơbah, ồng Ban Ki Moon gơnoar atbồ anih duh broă dunia neh hòi jà ală lơgar tơnguh rơlao tai broă lơh ngan kờ` geh 1 tàm 8 khà rơbô nam. Hơ\ là tus lồi nam 2015, dunia geh tơn jơh jơgloh, rơ[ah. Jăt khà kờp bơh anih duh broă dunia dê, bơh nam 1990 tus tu\ do, ală lơgar gam tơnguh bơtàu geh rơlao 700 tơlăk nă cau gam kis hờ đơm mờ khà rơ[ah jăt khà anih duh broă dunia dê.