JƠNAU TƠNGGIT TÀM LƠGAR.

 Drim òr 21/9, tàm ntum Gia Phú, kơnhoàl Bảo Thắng, càr Lào Cai, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar neh tơl^k jơnau lam sồr tơnlòt rơndeh gùng rơndeh ntoat ra\t Nội Bài-Lào Cai. Gơl gùng do ngui geh ai tơl^k bơta pràn tơnguh lơh sa-mpồl bơtiàn, tàm hơ\ uă ngan là tơnguh bơtàu nhơl chờ, broă lơh, tơnguh sền gàr bơta lơngăp lơngai dà lơgar, pơgồp bal tàm broă tơn jơh jơgloh, tơmù rơ[ah tàm tiah đah tô măt tơngai mu\t dà lơgar, mờ tơmù gal ir rơndeh mờ rềs àr tàm gùng lòt tàm ală gơl gùng lài do kung bè chồl pràn broă kă bro bơh ală lơgar tàm mpồl ASEAN mờ lơgar Lo. Ồng Nguyễn Tấn Dũng đơs tòm: gơl gùng ntoat ra\t Nội Bài-Lào Cai geh kuơ màng ngan, ờ mìng tus mờ càr Lào Cai, Yên Bái, Phú Thọ, Vĩnh Phúc mờ Hà Nội, mờ gam gơrềng tus mờ broă tơnguh bơtàu lơh sa-mpồl bơtiàn, tơnguh niam sền gàr bơta lơngăp lơngai dà lơgar tàm tiah đah tô măt tơngai mu\t mờ gùt lơgar, mờ geh kuơ màng tàm broă lơh sa tơnguh bơtàu tiah Mekong pờ ơnàng. Do la gùng dà, broă lơh di pal Đảng mờ Dà lơgar he dê.

 Mho ngai òr 21/9, tàm Hìu duh broă Gơnoar atbồ lơgar, ồng Nguyễn Xuân Phúc kuang jăt jơng gơs gơnăp gơnoar atbồ hơđang rlao jơh lơgar mơkung là Kuang atbồ Mpồl lơh broă tam klăc bal Việt Nam mờ Lào neh wa\ ồng Somsavath Lengsavad kuang jăt jơng gơs gơnăp gơnoar atbồ hơđăng rlao jơh dà lơgar Lào mơkung là kuang atbồ Mpồl lơh broă tam klăc bal Lào mờ Việt Nam bal mờ Mpồl lơh broă bơh Gơnoar atbồ lơgar Lào gam còp mờ lơh broă tàm lơgar he. Tàm dơ\ wa\, ala măt kuăng bàng đơng lam bồ bơh Đảng, Gơnoar atbồ lơgar mờ làng bol Việt Nam, ồng Nguyễn Xuân Phúc tơlik nùs nhơm ưn ngài ală nùs nhơm bơh đah lơgar Lào dê mờ să tờm ồng Somsavath Lengsavad dê neh lời ai lơgar Việt Nam in. Ồng Nguyễn Xuân Phúc chờ gờm ală cồng nha lơh geh dờng ơnàng ngan tàm jơh ală broă mờ làng bol lơgar Lào oh mi neh lơh geh tàm tơngai lài, pin dờn làng bol lơgar Lào oh mi pơn jăt tai lơh geh uă cồng nha dờng tàm broă lơh bơ\t bơtàu mờ bơtàu tơnguh dà lơgar bơh he dê

 Anih duh broă dà lơgar, sơndră mờ kòp AIDS mờ sơndră mờ bơta ờ niam ma tuý, dri tơlàr pơgồp bal mờ Anih pờ tơl^k jơnau đơs Việt Nam, Anih sơnđio rùp Việt Nam mờ Anih yal tơng^t Việt Nam pa ring bal rơndăp broă lơh pơgồp bal bè jơnau tơng^t sơndră mờ kòp AIDS mờ ờ niam ma tuý, dri tơlàr tus nam 2020. Rơndăp broă broă lơh do kờ` tơnguh broă lơh bal, tam pà bal broă lơh, tam gơl bal, dong kờl bal lơh gơs kơnòl gùng dră bal geh jàu tàm tơngu me tơnguh bơngă, bơta pràn bơh tơl gah, mờ yal di tu\, geh cồng nha ală gùng dà, broă lơh bơh Đảng mờ Dà lơgar dê bè broă sơndră mờ kòp AIDS mờ sơndră mờ bơta ờ niam ma tuý, dri tơlàr. Bơh tu\ hơ\, geh pơgồp bal tàm broă tơnguh jơnau g^t wă bơh ală mpồl đơng lam Đảng, gơnoar atbồ mờ làng bol bè broă sơndră mờ kòp AIDS mờ sơndră mờ bơta ờ niam ma tuý, dri tơlàr. Ồng Nguyễn Trọng Đàm kuang jăt jơng atbồ gah lơh broă-cau ling sồt să mờ mpồl bơtiàn dà lơgar neh đơs niam nùs nhơm broă lơh bal bơh ală anih lơh broă mờ sồr gờ` lơh gơs broă pơgồp bal kờ` yal mờ anih lơh broă gơnoar atbồ lơgar mờ k^ broă lơh bal bơh ală gah tàm tơngai tus.

Mpồl lơh broă sùm Anih duh broă gah tề lam gùng dră bal dà lơgar Việt Nam càr Dak Lak pa bơyai lơh tìp măt Mpồl cau ala măt lòt pơrjum dờng gah tề lam gùng dră bal dà lơgar Việt Nam dơ\ 8, tơngai lơh broă bơh nam 2014- 2019. Đơs tàm dơ\ tìp măt, ồng Eban Y Phu kuang jăt jơng atbồ đơng lam đảng càr Dak Lak đơs tờm: Pơrjum dờng cau ala mat gah tề lam gùng dră bal dà lơgar Việt Nam dơ\ 8 là jơnau gùng dră bal kuơmàng geh lơh tàm tu\ tơngai lơgar he gam lơh pràn lơh sa pa mờ măi mok, tam gơl pa dà lơgar. Geh tus bal pơrjum dờng là bơta chờ hờp mờ pơnìơ să ngan, den tàng bè hơ\ ală kuăng bàng kờn pal brồ guh nùs nhơm tam klăc bal, lơh jăt ală jơnau pal jăt, jơnau sồr lơh bal; jơh nùs tơr gùm, iăt kơno, tus bal bơ\t bơtàu, tă pơ gồp jơnau đơs nàng pơ gồp bơnah tàm cồng nha bal bơh pơrjum dờng dê.

Tàm 2 ngai bơh ngai 20 tus ngai 21/9, lơh jăt broă lơh “Ling klàng tus bal tài bơta pràn kơl dang să jan mpồl bơtiàn”, hìu sơnơm ling klàng 175, gơwèt gah sền gàr dà lơgar neh pơgồp bal mờ mpồl đơng lam ling klàng càr Dak Nông, anih lơh sa kă bro Viettel Dak Nông, gơnoar atbồ càr neh bơyai kham kòp, pà sơnơm ờ sa priă ai 2 rơbô nă làng bol kòn cau, hìu nhă cau geh sră dong kờl bơh dà lơgar, hìu rơbah tàm ntum Quảng Trực, kơnhoàl Tuy Đức, ntum Quảng Tín, kơnhoàl Dak Rlấp in. Geh g^t, broă lơh “Ling klàng tus bal tài bơta pràn kơl dang să jan mpồl bơtiàn” là 1 tàm ală broă lơh gơwèt tàm rơndăp broă lơh khà dà lơgar, geh bơyai lơh tàm 63 càr, bòn dờng kờ` wèt tus tơnkah 70 nam ngai crơng gơs Gah ling klàng Việt Nam, 25 nam ngai gùt làng bol sền gàr dà lơgar. Bơh tu\ hơ\, pơgồp bal tàm broă tơnguh nùs nhơm tam klăc bal ling klàng mờ làng bol, tam klăc bal gùt jơi bơtiàn kòn cau tàm rài pa.

Mpồl ala mat cau lơh broă càr Gia Lai pa bơyai lơh jàu 5500 pang sră cih ai ală kơnòm bơsram rbah, kơnòm bơsram tiah mìu càl rbu\t dờng dà ko\ dà cò lơh aniai tàm gùt càr. Kờ` jàu ală pang sră cih do tus tàm tê ală oh dê, Mpồl ala mat cau lơh broă càr Gia Lai neh pơ gồp bal mờ Mpồl ala măt cau lơh broă ală kơnhoàl, bòn dờng să tờm tus tơn tàm ală anih hìu bơsram nàng pà. Khà sră cih do ơm tàm 22 rbô păng sră cih bơh Kes priă nùs nhơm niam Lơh broă dê pà, dong kờl ai 4 càr tàm Tây Nguyên in, tàm hơ\ geh: Gia Lai, Kon Tum, Dak Lak, Dak Nông kờn bơ tơl pràn ai kơnòm bơsram rbah tàm tiah sar lơgar ngài in gơtìp aniai bơh trồ tiah mờ oh kòn bơh làng bol lơh ka gam lòt lơh ka tàm ală dà lềng Hoàng Sa mờ Trường Sa.

Jăt jơnau yal bơh mpồl đơng lam sơndră mờ mìu càl dờng, dà lơh aniai mờ jòi dong klàs cau gơtìp rềs àr càr Lâm Đồng yal, bơh bồ nhai 8 tus tu\ do, tàm bòn dờng Dà Làc mờ ală kơnhoàl Lạc Dương, Đức Trọng, Lâm Hà, Di Linh, Cát Tiên, Bảo Lâm, Dà Huoai, Dà Teh neh gơl^k geh 6 dơ\ mìu dờng, 3 dơ\ mìu piar, 2 dơ\ càl pồt, 1 dơ\ mìu kơnàs mờ 4 dơ\ dà cò lơh hoàc huơr uă ngan tus mờ broă lơh sa mờ rài kis làng bol. Kờp jơh khà hoàc huơr dơ\ do tus rơlao 68 tơmàn priă. Tàm hơ\, hoàc huơr uă ngan tàm kơnhoàl Lạc Dương mờ rơlao 26 tơmàn priă mờ tàm kơnhoàl Đức Trọng mờ rơlao 24 tơmàn priă.

 Drim ngai òr 21/9, Pang bao Tuổi trẻ mờ Mpồl lơh sa kă bro bal Greenfeed Việt Nam bal mờ Mpồl cau lơh broă sa càr Long An bơyai lơh jàu 50 bơnah priă dong kờl bơ srăm ai kơnòm bơsram geh rài kis kal ke in. 50 bơnah priă dong kờl bơsram kờp priă 500 rbô tus 3 tơlăc priă dùl bơnah neh geh jàu ai ală kơ nòm bơsram rbah bơh 2 kơnhoàl Bến Lức mờ Cần Đước bơh càr Long An dê. Bal mờ ală bơnah priă dong kờl bơsram, Mpồl bơyai lơh rơ wah 60 hìu làng bol rbah tàm 2 kơnhoàl do nàng dong kờl ai càn 15 tơlak priă ờ sa priă cồng bal mờ sră blơi phan sa kờp priă 3 tơlak. Do là broă lơh pah nam ơm tàm broă lơh Dong kờl cau lơh broă sa rong kòn bơsram, bơh Păng bao\ Tuổi trẻ mờ Mpồl lơh sa kă bro bal Greenfeed Việt Nam pơ gồp bal bơyai lơh.

Ngai 20/9, tàm càr Tây Ninh mờ càr Bình Phước, geh 200 pò phan neh geh pà ală cau gơtìp sơnơm khih đioxin, geh mpồl cau gơtìp sơnơm khih điosin 2 càr do pơgồp bal mờ anih lơh sa kă bro sền gàr màng kis Prudential Việt Nam lơh bal. Tơl pò phan geh 500 rơbô priă, tàm hơ\ geh bal priă, [ung mi, dà tơngi geh pà ală cau gơtìp sơnơm khih điosin kờ` tơl^k nùs nhơm tam pà bal, dong kờl bal tơmù ờ uă kal ke tàm rài kis. Là anih lơh sa kă bro sền gàr màng kis lam lài Việt Nam. Anih lơh sa kă bro Prudential sùm sền kuơ tus mờ ală broă dong kờl mpồl bơtiàn bơh kes priă Prudence lơh broă tàm 3 gah tòm là bơto bơtê, bơta pràn să jan mờ dong kờl mpồl bơtiàn, geh uă broă pơgồp bal niam tàm ală broă lơh nùs nhơm, mpồl bơtiàn tàm gùt lơgar.

JƠNAU TƠNGGIT DUNIA.

Bơh ngai 18 tus 21/9, tàm càr lơgar Colombo, lơgar Srilanka, mpồl kuang bàng ala măt Đảng dà lơgar he geh ồng Hoàng Bình Quân kuang atbồ gah lơh broă mờ lơgar bơdìh Dà lơgar lam bồ, neh tus pơrjum dơ\ 8, pơrjum dunia ală đảng, gùng dră bal châu Á. Tềng bơdìh pơrjum neh geh ală dơ\ pơrjum dơ\ 23 anih duh broă sùm pơrjum dunia ală đảng, gùng dră bal châu Á mờ 2 pơrjum jăt broă lơh bè “Gơnoar bơh ală kuang bàng cau ùr tàm broă bơ\t bơtàu mpồl bơtiàn châu Á” mờ “Gơnoar bơh ală kuang bàng gam kơnòm să tàm broă bơ\t bơtàu mpồl bơtiàn châu Á”. Pơrjum neh ring bal kơrnoăt pờ ơnàng anih duh broă sùm pơrjum dunia ală đảng, gùng dră bal châu Á mờ tơnguh broă lơh bal bơh pơrjum dunia ală đảng, gùng dră bal châu Á mờ ală đảng tàm Mỹ Latinh bal mờ châu Phi.

Ồng John Key kuang gơs gơnăp gơnoar atbồ hơđăng rlao jơh dà lơgar ngai òr nao 20/9 pà gi\t, ồng geh lơh ngan nàng bơ\t bơtàu dùl rài tơnơ\ do niam bơne\ rlau ai dà lơgar mờ làng bol New Zealand in. Ồng John Key kung đơs tờm, broă đảng Jơi bơtiàn at gơnoar bơh ồng dê pơn jăt tai at gơnoar broă là tu\ niam mờ kung là bơta lòng nàng Đảng jơi bơtiàn pơn jăt tai lơh ngan ai geh bơta kờn bơh làng bol dê tàm tơngai lơh broă tus. Ồng John Key đơs: Do là bơta pha lin lời ai ală cau sùm gàr bơta jơh nùs. Do kung là bơta jai pha ai ală cau lơi neh đùh sră pồ đảng jơi bơtiàn in kờn cèng wơl dùl rài tơ nơ\ do niam bơne\ ai làng bol New Zealand in.

 Kuang bàng lơgar Thổ Nhĩ Kỳ pà g^t, tàm 2 ngai bơh ngai 19 tus 20/9, neh geh g^t nđờ 10 rơbô nă cau Kurds bơh lơgar Syria dô tus lơgar Thổ Nhĩ Kỳ tài ngòt mpồl dră wơl dà lơgar islam mờ tiah cận đông, tơnơ\ mờ tu\ mpồl do sơgràm rơlao 10 bòn tàm tiah nhàr dà lơgar Syri rềp mờ lơgar Thổ Nhĩ Kỳ. Ồng Numan Kurtulmuns kuang jăt jơng gơs gơnăp gơnoar atbồ hờ đang rơlao jơh dà lơgar Thổ Nhĩ Kỳ pà g^t, tus mho mờ màng ngai 20/9, neh geh rơlao 60 rơbô nă cau dô pleh lơgar Syri gan nhàr dà lơgar tus lơgar Thổ Nhĩ Kỳ. Bơh ngai 19/9, lơgar Thổ Nhĩ Kỳ kung neh pờ ală mpồng nhàr dà lơgar rềp mờ lơgar Syria, kờ` ală cau dô pleh in dô gan tài ală dơ\ tam lơh bơh mpồl cau Kurds mờ mpồl dà lơgar Islam dră wơl gơl^k geh tàm uă tiah jăt nhàr dà lơgar.

Ngai òr nao 20/9, ồng Chuck Hagel kuang atbồ Gah sền gàr dà lơgar lơgar Mỹ geh dơ\ hòi điện thoại boh bơr mờ ồng Sedki Sobhi kuang atbồ Gah sền gàr dà lơgar lơgar Ai Cập, pà gi\t lơgar Mỹ geh ai 10 nơm rơndeh par duk tam lơh Apache ai lơgar Ai Cập in nàng dong broă lơh ngan tam dră wơl sò tơm iơh bơsak. Ồng John Kirby kuang dong broă lơh sră bao\ bơh Kuang atbồ Gah sền gàr dà lơgar lơgar Mỹ dê pà gi\t, 2 gah neh cribơyai bè bơta ngăp lơngai tàm Trung Đông mờ tiah đah tô Châu Phi, kung bè broă lơh jòi ku\p jơh ală mpồl cau duh nùs ờ niam Dà lơgar Islam bơh Mỹ lam bồ. Mpồl duh nùs ờ niam neh geh bơta bơtàu tơnguh ling klàng uă ngan tàm lơgar Iraq mờ do là jơnau đơs lài bè bơta ngăp lơngai tus mờ lơgar Mỹ mờ ală lơgar tàm tiah đah mat tơngai mu\t plai ù.