JƠNAU TƠNGGIT TÀM LƠGAR.

 Mu\t tus poh lơh broă dơ\ 4, pơrjum dơ\ 7, Gơnoar ala măt dà lơgar kơnă 13, ngai do 9/6, bùi drim, Gơnoar ala măt dà lơgar cri bơyai tàm mpồl bè 2 rơndăp broă adăt: sră kim ta mờ sră cih măt cau tàm hìu nhă. Bùi mho, Gơnoar ala măt dà lơgar ring bal 2 kơrnoăt: k^ tơnjơh kes priă dà lơgar nam 2012 mờ kơrnoăt bè tam pà, ngui bơh khà priă tơnguh bơcri priă kes priă dà lơgar mờ tơmù priă bơcri kes priă dà lơgar nam 2013. Pơn jăt mờ hơ\, Gơnoar ala măt dà lơgar iăt jơnau yal, jơnau sền gròi rơndăp broă adăt tam gơl, bơtơl ờ uă bơta tàm adăt lơh jăt bơh tơlik kơrnuat cah rơ`a làng bol mờ cri bơyai tàm hìu pơrjum dờng bè broă sền gròi Gơnoar alaq măt dà lơgar nam 2015.

Drim ngai òr 8/6, tàm bòn drà Sơn Tây, Hà Nội, ồng Nguyễn Tấn Dũng kuang gơs gơnăp gơnoar atbồ hơđăng rlao jơh dà lơgar neh geh kơrnuat sồr ai rơndeh in lòt gan rbàng Vĩnh Thịnh, tàm gùng rơndeh 2C bal mờ bơta jòng jòng ngan rlau jơh tu\ do bă gan dà dờng Hồng. Do là rbàng bê tông jrong lòs jòng ngan rlau jơh Việt Nam bơh lài tus tu\ do. Măt rbàng ơnàng tus 16 thơk nggùl, lời ai 4 bơnàng gùng rơndeh in lòt mờ pràn rơndăp lơh 80 kơi sồ dùl jiơ. Rbàng geh lơh jơh 137 tơlăc dolar Mỹ bơh priă càn ODA lơgar Hàn Quốc dê, mờ priă càn bơh Gơnoar atbồ lơgar Việt Nam dê. Rbàng Vĩnh Thịnh geh ai ngui geh tơrbo\ bal 2 sơne\ gùng tàm gùl là gùng rơndeh 32 mờ gùng rơndeh 2, ală gùng rơndeh ntoăt răt Nội Bài- Lào Cai, gùng Hồ Chí Minh lơh gơs dùl ròt gùng lòt niam ngan, tơrbo\ bal tiah tàm gùl càr lơgar mờ ală càr đah tô măt tơngai mu\t dà lơgar bè Vĩnh Phúc, Phú Thọ, Lào Cai, Yên Bái mờ Tuyên Quang.

 Mho òr 8/6, Tàm hìu lơh broă Gơnoar atbồ lơgar, ồng Hoàng Trung Hải kuang jăt jơng gơs gơnăp gơnoar atbồ hờ đang rơlao jơh dà lơgar neh wă ồng Choo Kuyn Hoo kuang jăt jơng atbồ gah broă lơh kuơ màng mờ priă jền lơgar Hàn Quốc gam còp mờ lơh broă tàm lơgar Việt Nam. Tàm dơ\ wă, ồng Hoàng Trung Hải neh tơl^k nùs nhơm ưn ngài Gơnoar atbồ lơgar bal mờ làng bol lơgar Hàn Quốc neh dong kờl priă ODA lơgar Việt Nam in, tàm hơ\ geh rơndăp broă lơh rơbàng Vĩnh Thịnh, pơgồp bal tàm broă geh gùng kă bro phan, ai tơl^k broă tơnguh bơtàu lơh sa, bơta chài rơgơi, mpồl bơtiàn. Ồng Hoàng Trung Hải neh tơl^k jơnau hơ bơh Gơnoar atbồ lơgar Việt Nam dê là sùm ai tơl bơta niam kờ` ală anih lơh sa kă bro lơgar bơdìh bơcri priă pờ ơnàng broă lơh sa kă bro tàm lơgar Việt Nam, tàm hơ\ geh anih lơh sa kă bro lơgar Hàn Quốc. Ồng Choo Kuyn Hoo kung đơs, lơgar Hàn Quốc hơ geh lơh ngan rơlao tai tàm broă tơnguh bơtàu bal kung bè pờ ơnàng broă lơh sa mờ lơgar Việt Nam, pơgồp bal mùl màl tàm broă tơnguh broă lơh bal kuơ màng bơh lơgar Việt Nam mờ lơgar Hàn Quốc.

 Mang ngai òr 8/6, tàm sươn nhơl Biển Đông, bòn dờng Đà Nẵng, mờ kơnhòal bồt Lý Sơn, càr Quảng Ngãi geh lơh Broă lơh Dà lơgar sền bơh dà lềng. Do là dùl tàm ală broă lơh dờng tàm broă lơh mblàng yal bè gơnoar tờm dà lềng bồt bơlào, pơgồp bơnah tơnguh jơnhoa jơnau gi\t wa\ bè gơnoar broă, kơnòl broă dờng màng mờ bơta kuơ bơta pràn dờng ơnàng ngan bơh dà lềng bồt bơlào Việt Nam dê. Bơh ală jơnau yal bơh uă cau sền go\ jơnau kah yau dê, mờ sră nggal kah yau bè dơ\ tam lơh tàm dà Hoàng Sa, jơnau yal dar wil ờ tu\ lơi chơ\t tàm bồt Gạc Ma nam 1988, ală cau ling khin cha jak chài chơ\t phi să tàm dơ\ tam lơh sền gàr bồt Gạc Ma, bồt Trường Sa, sền gàr gơnoar tờm dà lơgar, broă lơh kờn pơn jờng nùs nhơm pơnìơ să, tơnguh jơnhoa jơnau gi\t wa\ geh kơnòl bơh tơl nă cau dê tàm broă tơnhàu, sền gàr ală bơta kuơ bơh dà lềng bồt bơlào, bơtàu tơnguh lơh sa gàr kơ\ gơnoar tờm dà lềng bồt bơlào king cru\ bơh dà lơgar dê.

Drim òr 8/6, tàm bồt Song Tử Tây, mpồl ling tàm bồt Song Tử Tây, lơgar Việt Nam dê bal mờ bồt Song Tử Đông lơgar Philippines neh tìp bal dơ\ sơnrờp. Dơ\ tìp kờ` bơ\t bơtàu nùs nhơm pin dờn mờ tơnguh broă lơh bal. Tơl lơgar geh ai 40 nă cau ala măt tus bal tìp geh bơyai lơh tàm 1 ngai. Tàm dơ\ tìp, đơng lam mờ ala măt 2 bồt neh tam gơl, tam pà bal jơnau tơng^t bè broă jòi dong klàs cau gơtìp rềs àr, bơta lơngăp lơngai gùng lòt tàm dà lềng, yal lài bè broă gơl^k geh rềs àr tàm 2 bồt bal mờ ală tơngu me broă tìp bal pơn jăt tai tàm bồt Song Tử Đông. 2 mpồl kung neh geh broă tìp bal đơs crih tamya mờ tàp pràn să jan bè coh plai, nhơl bơlai mờ du\i che.

Bơh jơnau yal bơh làng bol dê, tu\ 12 jiơ ngai, ngai òr 8/6, tàm bòn Tà Ka, ntum Bờ Y, kơnhòal nhàr lơgar Ngọc Hồi, mpồl ling sền gàr nhàr lơgar càr Kon Tum mờ Mpồl lơh kơnòl broă dờng màng Tiah tàm gùl lơgar, di Mpồl rơcăng sơndră cau lơh tìs matúy bơh Gah đơng lam ling sền gàr nhàr lơgar Việt Nam neh ku\p dùl nă cau gam geh broă lơh pơndiang, kă bro kơnau mờr 14 ki\ bla rwas. Thượng úy Hoàng Đăng Bảo atbồ anih gròi sền tiah nhàr lơgar mpồng nhàr lơgar dunia Bờ Y, kơnhòal Ngọc Hồi, càr Kon Tum pà gi\t, bơh lơh ngan lùp bơh jơnau yal bơh sơn rờp, cau pơndiang, kă bro kơnau bla rwas kơnau tìs mờ kơr nuăt boh lam, yal măt sơnđăn là A Chập, gam geh măt tơmoh là A Tốt 30 sơnam, sră cih măt tiah ơm kis sùm tàm bòn Tà Ka, ntum Bờ Y, kơnhòal Ngọc Hồi. Jơh ală bla rwas pa yal geh A Chập ai bơh lơgar Lào rê pồn tàm hìu is. Jòi geh cau kờn blơi, A Chập gam rơcăng mu\t lơh broă lơh kă bro bla rwas do den gơtìp ku\p.

 Drim òr 8/6, tàm kơnhoàl bồt Lý Sơn, càr Quảng Ngãi, anih lơh sa kă bro ồs đèng 2, gơwèt mpồl lơh ồs đèng Việt Nam neh pơgồp bal mờ kơnhoàl bồt Lý Sơn mờ pang băo Tuổi Trẻ jàu priă dong kờl cau lơh ka sơlèt mờ kal ke, lòt lơh ka tàm dà lềng Hoàng Sa-Trường Sa. Jăt mờ hơ\, tàm dơ\ do, anih lơh sa kă bro ồs đèng 2 neh jàu 100 pò phan, tơl pò phan geh 10 tơlăk priă ai 100 nă cau tòm ơhò lơh ka tàm bồt Lý Sơn kờ` lơh niam wơl ơhò, blơi wơl phan lơh broă, lòt lơh ka tai tàm dà lềng Hoàng Sa, Trường Sa. Khà priă bơh dơ\ jàu phan do là 1 tơmàn priă. Ồng Ngô Viết Hải gơnoar atbồ anih lơh sa kă bro ồs đèng 2 pà g^t: do là khà priă mpồl lam sồr tă priă tàm kuang bàng, cau lơh broă bơh tàm broă lơh “Pơgồp bơta pràn bal mờ cau lơh ka tus lơh ka tàm dà lềng”, mờ jơnau kơ\p kờ` geh dong kờl cau lơh ka bồt Lý Sơn gờ` tơmù kal ke, geh lòt lơh ka tàm dà lềng, sền gàr gơnoar tòm tiah bồt dà lềng, dà lềng dà lơgar.

Tơnơ\ dùl tu\ tơngai ờ go\, mho ngai òr 8/6, tàm tiah hìu măi pờ tơlik ồs đèng Sông Tranh 2 di kơnhòal Bắc Trà My, càr Quảng Nam gơlik geh dơ\ tơrluh ù pràn ngan, kơno săp bơrtoh ntas dờng ngan, lơh rơngô, lơh làng bol tàm do ngòt rơngơ\t ngan, mờ kơlôi rơcăng uă ngan. Làng bol tàm 2 kơnhòal Bắc Trà My mờ Nam Trà My mờ ală tiah gùt dar bè ală kơnhòal Tiên Phước, Hiệp Đức mờ Phước Sơn bơh càr Quảng Nam dê ndrờm gi\t geh bơta rơngô bơh dơ\ tơrluh ù do dê.

 Drim òr 8/6, mpồl coh plai U19 lơgar Việt Nam neh tus lơgar Nhờk, rơcang dơ\ tàp coh plai 22 ngai tàm lơgar do. Do là dơ\ tàp kuơ màng ngan, rơcang broă pơlòng coh plai tàm dar coh plai du\t ndơl U19 châu Á tàm nhai 10 geh bơyai lơh tàm lơgar Myanmar. Tàm dơ\ tus tàp do, mpồl coh plai U19 lơgar Việt Nam geh 11 nă cau pa bơtơl, ndrờm la ală cau neh pơlòng coh plai niam tàm dar coh plai du\t ndơl U19 dà lơgar lài do, bè Nguyễn Quang Hải, Bùi Tiến Dũng, Trần Anh Thi, Duy Anh, Xuân Hưng bal mờ ală cau ndai tai. Bơdìh hơ\ tai, mpồl coh plai kung gam geh 2 nă cau coh plai pa tus tàm dơ\ tus tàp do là Hoàng Nam mờ Lưu Công Sơn.

JƠNAU TƠNGGIT DUNIA.

Tàm 2 ngai bơh ngai 7 tus 8/6, tàm Yangon, lơgar Myanmar neh bơyai geh lơh ală pơrjum kuang bàng dờng mpồl tam klăc ală lơgar Đông Nam Á, mờ pơrjum mpồl tam klăc ală lơgar Đông Nam Á mờ ală lơgar lơh broă bal bè lơgar Nhờk, Hàn Quốc mờ lơgar Lo bal mờ pơrjum dờng mpồl tam klăc ală lơgar Đông Nam Á mờ Đông Á. Do là ală pơrjum geh bal tàm ală pơrjum mpồl tam klăc ală lơgar Đông Nam Á dê geh bơyai lơh bơh ngai 7 tus 10/6 kờ` rơcang pơrjum kuang atbồ gah cri bơyai broă lơh bal mờ lơgar bơdìh mpồl ASEAN dê mờ ală pơrjum kuang atbồ gah lơh broă gơrềng bal geh bơyai lơh tàm bồ nhai 8 tus tàm Naypyitaw, lơgar Myanmar. Bơh 2 ngai lơh broă sơnrờp ngan, ala măt ală lơgar tàm mpồl ASEAN mờ ală lơgar lơh rboă bal neh tơrgùm sền wơl bè wèt gùng dà broă lơh bal tàm mpồl ASEAN, ASEAN mờ 3 lơgar lơh broă bal mờ ASEAN bal mờ Đông Á, broă lơh bal tàm tiah Đông Á, tam gơl bè ală broă tàm tiah do mờ dunia geh sền gròi bal. Tàm ală broă tàm tiah do mờ dunia, broă tàm dà lềng đah măt tơngai l^k geh ală lơgar sền gròi ngan. Ală lơgar ờ su\k ơm ngan tềng đăp mờ bơta gơl^k geh kal ke tu\ do tàm dà lềng đah măt tơngai l^k mờ đơs, pal lơh jăt adăt boh lam dunia, kơrnoăt hơ bal anih duh broă dunia bè adăt dà lềng nam 1982, jơnau yal bè broă lơh ală gah tàm dà lềng đah măt tơngai l^k DOC, mờ gờ` tus broă lơh kơrnoăt broă lơh tàm dà lềng đah măt tơngai l^k COC.

Drim òr 8/6, tàm Moskva, lơgar Nga, gal ngan cau Việt Nam gam bơ srăm, lơh sa mờ ơm kis tàm lơgar Nga neh tus bal dơ\ tơr gùm să pơrjum tơlik nùs nhơm dră wơl broă lơh bơh lơgar Lo dê ơn dra khuàng tìs mờ kơrnuat boh lam tàm tiah di tiah dà lềng geh gơnoar lơh sa bơh lơgar Việt Nam dê. Rlau dùl rbô nă cau Việt Nam, uă ngan tàm khà hơ\ là ală cau bơ srăm dờng, ơruh pơnu Việt Nam gam bơ srăm tàm ală hìu bơ srăm bơh càr lơgar Moskva dê bal mờ uă cau là cau bơyô lơgar Nga, gơ\p bơyô ală lơgar gam bơ srăm mờ kờn gơboh Việt Nam, kờn bal broă lơh tam dră tài bơta dipal bơh làng bol lơgar Việt Nam dê…neh tus bal dơ\ tơr gùm să pơrjum. Bềng lìu dùl dà bùng bi pơrhê, sơman\ rmi\t, ală jơnau đơs sồr lơgar Lo tơn jơh mơ broă lơh tìs adăt boh lam dunia, lơh gơlik bơta kal ke tàm dà lềng đah măt tơngai lik tus mờ ală mpồl lơh broă geh gơnoar bơh lơgar Việt Nam mờ làng bol lơh ka Việt Nam bal mờ dùl nùs nhơm lơh ngan jơh nùs tam dră tus lồi du\t nàng sền gàr gơnoar tờm dà lềng bồt bơlài bơh Việt Nam dê.

 Lơgar Iran neh mùl màl dờp dơ\ tìp 3 gah mờ ală ala măt mpồl tam klăc châu Âu mờ lơgar Mỹ geh bơyai lơh tàm Jeneva, lơgar Thuỵ Sỹ tàm ngai do 9/6. Ồng Abbas Araqchi kuang jăt jơng atbồ gah cri broă lơh bal mờ lơgar bơdìh lơgar Iran pà g^t, kuang jăt jơng mpồl tam klăc châu Âu drơng broă sền gàr bơta lơngăp lơngai mờ lơh broă bal mờ lơgar bơdìh mò Catherine Ashton dê là ồng Helga Schmidt geh tus bal tàm dơ\ tìp do. Lài mờ hơ\, ala măt gơnoar atbồ lơgar Mỹ pà g^t, ala măt mpồl tam klăc châu Âu geh tus bal cri bơyai bơh lơgar Mỹ mờ lơgar Iran bè broă lơh hạt nhân lơgar Iran tàm Jeneva tàm ngai 9 mờ 10/6 tus.

Tàm jơnau yal pa ngan rlau jơh tàm poh lài, Kes priă dunia neh tơlik nùs nhơm pin dờn rlau bè bơta lơh sa lơgar Anh dê pơndrờm pơgăp mờ do 1 nam tu\ lơgar Anh ndrờm bè gam geh jơnau pơhìn gơbàn ờ pràn lơh sa. Ờ uă kuang bàng Kes priă dunia tu\ hơ\ đơs là, ồng Geoger Osboxne kuang atbồ Gah priă jền lơgar Anh neh tơr gùm ir tàm broă lơh tơr mù hòac hươr kes priă mờ pal tơm mờ bơta gơguh tai lơh sa.

 Ală cau geh phào ờ g^t măt sơnđan tàm lơgar Pakistan ngai òr 8/6, neh cuh phào di tàm rơndeh pơn diang phan mpồl ling NATO in tàm lơgar Apganistan, lơh gơtìp ồs sa dờng. Kảnh sát neh tus sền dơ\ sò tơm do tàm càr Baluchistan mờ gam lùp khào broă do. Tu\ do, ờ hềt geh mpồl lơi dờp kơnòl sò tơm. Bu\ lah bè hơ\, ală cau tàm mpồl iơh bơsăk Taliban là mpồl mờng bơyai ală dơ\ sò tơm kờ` di tàm rơndeh pơn diang phan mpồl ling NATO lòt gan ù tiah lơgar Pakistan.