JƠNAU TƠNGGIT TÀM LƠGAR.

 Pơnjat tai pơrjum dơ\ 7 gơnoar ala mat dà lơgar kơnă 13, ngai do 17/6, jat broă lơh, gơnoar ala mat dà lơgar pơrjum bal tàm hìu pơrjum. Bùi drim, gơnoar ala mat dà lơgar pờ tê ringbal adat tam gơl, bơ tơl ờ uă bơta bơh adat gùng tàm dà mờ cri bơyai tàm hìu pơrjum bè rơndap adat mpồl lơh sa kă bro tam gơl. Bùi mho, gơnoar ala mat dà lơgar cribơyai bè rơndap adat tam gơl, bơ tơl ờ uă bơta bơh adat lơgar ơm kis Việt Nam mờ cribơyai bè broă mut tàm jơnau pơr gon mờ kơrnuat Cape Town. Dilah geh gơnoar ala mat dà lơgar ringbal, adat tam gơl, bơ tơl ờ uă bơta bơh adat gùng tam dà geh mut ngui ngan ngồn bơh ngai 1/1/2015.

Drim òr 16/6, ồng Mark Rutte kuang gơs gơnăp gơnoar atbồ hờ đang rơlao jơh dà lơgar Hà Lan neh tus còp mùl màl lơgar Việt Nam jăt jơnau jà bơh ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar Viêt Nam dê. Dơ\ wă ồng Mark Rutte neh bơyai lơh mho òr tàm gơlang kuang atbồ lơgar mờ broă đơng lam bơh ồng Nguyễn Tấn Dũng dê. Tơnơ\ mờ dơ\ wă, ồng Nguyễn Tấn Dũng mờ ồng Mark Rutte neh cri bơyai mờ ring bal uă broă lơh mùl màl kờ` đềt mềr rơlao broă g^t gơ\p, lơh bơyô mờ chồl pràn broă lơh bal bơh lơgar Việt Nam mờ lơgar Hà Lan tàm uă gah, tàm hơ\ uă ngan là broă crơng gơs broă lơh bal kuơ màng bè lơh sa suơn sre mờ tơl niam phan sa. 2 gah tơl^k nùs nhơm pin dờn cồng nha dơ\ cri bơyai, kung bè ală dơ\ tìp tam gơl bơh ală anih lơh sa kă bro 2 lơgar dê geh pơgồp bal ai broă g^t gơ\p, lơh bơyô mờ lơh broă bal bơh lơgar Việt Nam mờ lơgar Hà Lan geh tơnguh bơtàu uă mờ mùl màl.

Mho òr 16/6, tàm Hà Nội, Gah cribơyai broă mờ lơgar ndai dà lơgar pơ gồp mờ đah cảnh sát dà lềng Việt Nam, đah sền gàr cau lơh ka di gah lơh broă mờ bơtàu tơnguh bòn lơgar dà lơgar bơyai lơh pơrjum bau\ dunia bè ală bơta gơlik geh tàm tiah lơgar Lo ơn tìs dra khoàng Hải Dương 981, kung bè ờ dờp ală jơnau đơs tìs mờ Lo neh tơlik kờ` pơr lồm mpồl bơtiàn dunia tus mờ ală tam pìt tàm phà tàm dà lềng đah mat tơngai lik. Tàm dơ\ pơrjum bau\, ală cau ai tơngit jơnau đơs tàm lơgar mờ dunia kung geh sền 1 gơl lơma lơyah bè ală sră nggal geh bơh rài 17 tus tu\ do, ndrờm đơs tờm gơnoar tờm mờ gơnoar cri bơyai broă dà lơgar tus mờ 2 bồt dờng Hoàng Sa mờ Trường Sa. Tàm tu\ hơ\, Lo ờ gơtùi ai tơlik ală cơng tàng geh kuơ halà ala ]ơng tàng ờ git loh bơh lơi geh, ờ ring bal mờ ờ di mờ kơrnuat boh lam dunia.

 Mpồl kuang bàng dờng  dong broa\ gah ling klàng Việt Nam geh Thượng tướng Đỗ Bá Tỵ kuang jăt jơng atbồ gah sền gàr dà lơgar Việt Nam lam bồ gam geh dơ\ tus còp mờ lơh broă mùl màl tàm lơgar Campuchia bơh ngai 15 tus 18/6. Do là broă tam gơl mpồl kuang bàng dờng sùm bơh gah ling klàng lơgar Việt Nam mờ gah ling klàng lơgar Campuchia dê, kờ` chồl pràn broă lơh bal tơl ală bơta mờ geh cồng nha bơh ling klàng 2 lơgar. Tàm dơ\ cri bơyai mùl màl drim òr mờ mpồl kuang bàng dờng gah ling klàng lơgar Campuchia tàm bòn dờng Preah Sihanouk, ồng Đỗ Bá Tỵ neh tam gơl ờ uă broă bè gùng dră bal, sền gàr niam bơta lơngăp lơngai dà lơgar, lơgar Việt Nam mờ tàm tiah do mờ 2 lơgar geh sền gròi bal.

 Gơnoar atbồ lơgar pa ring bal ai dơ\ sơn rờp gah lơh sơ nơm dà lơgar geh bơyai lơh sac rơ wah, jờng rơ, pà khà jờng “Mat sơnđăn kă bro biàng phan sa Việt Nam” nam 2014. khà tơl nàng geh sac rơ wah pà khà jờng “ Mat sơnđăn kă bro biàng phan sa Việt Nam” là gàr niam ală jơnau cih bè ờ do ờ dă phan sa, kloh niam tiah ơm kis, ală jơnau cih bè khà priă mờ mut lơh kơ nòl tă dia. Mpồl lơi gơtìp git go\ geh broă lơh tìs bè ờ do ờ dă phan sa tàm pơgap 1 nam do den ờ geh tus bal. khà jờng kờ` tìp mat, tam klac bal ală mpồl lơh sa kă bro, cau lơh sa kă bro, tam pà mờng chài tàm broă đơng lam broă lơh sa, kă bro, bơt bơtàu mat sơnđăn kă bro geh bơngă pin dờn tàm bơta mut gơ rờm bal dunia, mơ kung jờng rơ, pơn jờng ală mpồl lơh sa kă bro, cau lơh sa kă bro lơh jat adat boh lam bè ờ do ờ dă phan sa, tơnguh jơnhua bơngă pin dờn mờ bơta niam phan lơh gơs.

 Drim òr 16/6, tàm Hà Nội, Gah lơh sa mờ tơnguh bơtàu bòn lơgar dà lơgar neh pơgồp bal mờ gah lơh sa suơn sre lơgar Hà Lan bơyai pơrjum cri bơyai broă lơh bal mờ tơnguh bơtàu gah biăp, bơkào, plai chi. Tàm pơrjum, ală kuang bàng geh tam gơl bal broă lơh, kờ` pơgồp bal tàm broă tơnguh cồng nha tam biăp, bơkào, plai chi lơgar Việt Nam dê. Kờ` tơnguh khà priă gah tam biăp, bơkào, plai chi, ală kuang bàng neh ai tơl^k tàm tơngai tus, lơgar Việt Nam pal geh ai tơl bơta niam kờ` làng bol tơnguh broă lơh tàm suơn, kờ` lơh gơs ală tiah tam phan tơrgùm bal mờ ù tiah ơnàng. Bơh tàm hơ\, ai tơl bơta niam mờ sền gàr phơng sih, tu kòp, tiah kis. Bơdìh hơ\ tai, pal geh broă pơgồp bal nền nòn bơh làng bol mờ anih lơh sa kă bro. Tàm hơ\, ală anih lơh sa kă bro geh gơnoar tòm kờ` ai tơl^k ală tiah tam phan geh khà măt phan kă bro, tơnguh cồng nha lơh sa mờ khà priă tăc mờ lơgar bơdìh geh uă gah tam biăp, bơkào, plai chi gùt lơgar in.

 Tơ nơ\ uă broă lơh ngan mblàng yal, lam sồr, bơh bồ sơnam tus tu\ do, làng bol 2 ntum tiah nhàr dà lơgar Đak Dục mờ Đak Nông, kơnhòal Ngọc Hồi, càr Kon Tum neh jàu is 67 nggơr phàu lơh is, phàu crong gam jơngkah wơl bơh rài tam lơh ai pôs ling sền gàr tiah nhàr dà lơgar Dục Nông in. Khà phàu do uă ngan geh làng bol ngui tàm broă ting mòc phan brê. Trung tá Vũ Đức Hòan atbồ pôs ling sền gàr tiah nhàr dà lơgar Dục Nông pà git, nàng làng bol jàu is phàu crong, pôs ling sền gàr tiah nhàr dà lơgar neh pơ gồp bal mờ gơnoar atbồ tàm bòn lơgar kờp sền, cih mat ală hìu nhă ngui phàu crong lơh is, sồr kuang bàng, cau ling lơh broă mùl màl tàm tơl bòn, tơl hìu nhă, lam sồr, mblàng lam tơnguh jơnhua bơta git wă làng bol in.

 Tu\ do, càr Dak Lak geh rơlao 1 tơlăk nơm rơndeh lơ-òr, rơndeh hoài rơmo\k lơh is drơng tàm broă lơh sa suơn sre mờ pơn diang phan. Khà rơndeh hoài rơmo\k lơh is tơnguh uă, lơh gơl^k ờ niam tàm gùng lòt, tàm hơ\ uă ngan là tàm bòn lơgar. Tu\ do, gùt càr Dak Lak mìng geh rơlao 53 rơbô nơm rơndeh geh dan bàng sồ, khà gam tai là rơndeh lơh is ờ hềt geh dan sră, ờ geh sră măy rơndeh. Geh ờ uă rơndeh ờ geh đèng, làng bol măy rơndeh do kờ` pơn diang uă cau, ờ tơl niam tu\ lòt tàm gùng, tàm hơ\ uă ngan là tàm kàl mìu.

JƠNAU TƠNGGIT DUNIA.

 Ngai òr 16/6, mpồl lơh sa dờng nhơm chu dà lơgar Gazprom lơgar Nga pà git neh tong sră yă mpồl lơh sa kă bro nhơm zờu dà lơgar Naftogaz lơgar Ukraine dê tus anih cah rơ`a dunia tàm Stockhom, lơgar Thụy Điển kờ` ai 4 tơmàn 500 tơlak đôlar Mỹ priă dồs nhơm chu. Đơs tàm dơ\ pơrjum bau\, ồng Alexei Miller kuang atbồ mpồl lơh sa dờng nhơm chu Gazprom pà git, tơnơ\ mờ tu\ mut lơh broă tơm priă lài mờ tu\ tac nhơm chu, bol a` neh tong mơ sră yă tus anih cah rơ`a dunia tàm Stockhom nàng sồr Ukraine tơm priă dồs 4 tơmàn 500 tơlak đôlar Mỹ. Bol a` kung ờ săng bơta pràn là geh tong tai ală sră yă ndai.

 Ồng Arseny Yasenyuk kuang gơs gơnăp gơnoar atbồ ing hờ đang rơlao jơh dà lơgar Ukraine ngai òr 16/6 neh tơl^k jơnau yal mhar tus mờ gah năng lượng lơgar do dê tơnơ\ mờ tu\ lơgar Nga yal ơm ờ ai nhơm chu lơgar Ukraine in Ồng Yasenyuk neh sồr gah năng lượng mờ gah adăt boh lam lơgar Ukraine rơcang 1 rơndăp broă adăt bè bơta mhar tàm gah năng lượng, rơndăp broă hòi jà bơcri priă bơh lơgar Mỹ mờ mpồl tam klăc châu Âu kờ` lơh pa broă pơn diang nhơm chu lơgar Ukraine dê. Ồng Yasenyuk kung sồr anih duh broă tam pà năng lượng lơgar do tơl kơrnoăt tă dia tus mờ broă pơn diang nhơm chu lơgar Nga lòt gan ù tiah lơgar Ukraine.

 Gah cribơyai broă mờ lơgar ndai lơgar Hàn Quốc pà git, ồng Hwang Joon Kook kuang atbồ mpồl cribơyai hạt nhân lơgar Hàn Quốc ngai òr 16/6 neh tus Moskva lơgar Nga nàng cri bơyai mờ kuang atbồ mpồl cribơyai hạt nhân lơgar Nga bè ală broă lơh kờ` lơh wơl cri bơyai 6 lơgar bè bơta hạt nhân tàm bồt Triều Tiên. Jat gah yal jơnau tơngit Yonhap lơgar Hàn Quốc, tàm dơ\ tus còp 4 ngai tàm lơgar Nga, ồng Hwang Joon Kook geh dơ\ tìp mat mờ kuang atbồ mpồl cribơyai hạt nhân lơgar Nga nàng cribơyai bè bơta hạt nhân tàm bồt Triều Tiên, sền bơta ngap lơngai tàm tiah do mờ tiah đah tô mattơngai lik châu Á.

 Păng băo Star and Stripes lơgar Mỹ tơl^k jơnau yal bơh mpồl ling lơgar Mỹ tàm lơgar Hàn Quốc ngai òr 16/6 pà g^t, lơgar Mỹ gam geh rơndăp broă crơng gơs “Tiah niam ờ do ờ dă” gùt dar ală pôs ling lơgar do dê tàm lơgar Hàn Quốc kờ` tơnguh broă sền gàr bơta lơngăp lơngai ai ală bòn ơm kis rềp mờ pôs ling. Dùl nă kuang bàng mpồl ling lơgar Mỹ tàm lơgar Hàn Quốc pà g^t, ală hìu măy, hìu lơh sa kă bro, kung bè bòn ơm kis rềp mờ pôs ling di gơlan gơtìp rềs àr uă ngan, den tàng broă ai tơl^k “Tiah niam ờ do ờ dă” là kuơ màng ngan. Bal mờ hơ\, ală mpồl ling lơgar Mỹ mờ lơgar Hàn Quốc hơ bal geh lơh jăt nền nòn ală sră nggal kờ` tơl niam ờ do ờ dă làng bol in.

   Khà kờp bơh càr tiah nhàr lơgar Banteay Meanchey, tiah đah tô mat tơngai mut lơgar Thái Lan pa do ai git, 110 rbô nă cau lơh broă lơgar Campuchia neh lik bơh lơgar Thái Lan rê hờ lơgar tờm kờp bơh tu\ gơnoar atbồ ling klàng guh at gơnoar. Bơta cau lơh broă lơgar ndai neh gơs là bơta sền gròi dờng ngan bơh gơnoar atbồ ling klàng lơgar Thái Lan, ờ uă cau neh gơtìp bơ trơh mờ tơn rê hờ lơgar tờm tơ nơ\ mờ tu\ gơtìp git go\ mut ơm kis ờm. ală khà kờp ai go\, geh rlau 150 rbô nă cau lơgar Campuchia gam lơh broă tàm lơgar Thái Lan, tàm hơ\ mìng geh 80 rbô nă cau mut ơm kis di mờ kơrnuat boh lam.