JƠNAU TƠNGGIT TÀM LƠGAR.

 Pơnjat tai pơrjum dơ\ 8, gơnoar ala mat dà lơgar kơnă 13, ngai do 21/10, gơnoar ala mat dà lơgar cribơyai tàm mpồl bè bơta lơh sa mpồl bơtiàn nam 2014 mờ kơnòl nam 2015, cồng nha mut lơh rơndap priă jền dà lơgar nam 2014 mờ kờp du\ lài kes priă dà lơgả, rơndap broă tam pà kes priă dà lơgar nam 2015. Lài mờ hơ\ tàm ngai òr 20/10, yal bè bơta lơh sa mpồl bơtiàn nam 2014 mờ kơnòl nam 2015 geh ồng Nguyễn Tấn Dũng kuang gơs gơnap gơnoar atbồ hơđang rlao jơh dà lơgar đơs tờm, gơnoar atbồ lơgar pơnjat tai mut lơh rơndap broă lơh bal tăp sèng lơh sa mờ rơndap tăp sèng wơl gah broă lơh. Mut lơh jal mhar, krà` cê rơndap tăp sèng wơl mpồl lơh sa kă bro dà lơgar. Lơh jơh rơndap broă pơ gồp bal priă bơcri mờ hòi jà priă bơcri bơdìh gah broă lơh. Pơnjat tai rơndap tap sèng wơl ală anih priă jền, tơnguh bơta pràn priă jền, bơta pràn jak đơng lam bồ mờ cồng nha ai càn priă, tơmù dimơ bơta aniai, gàr niam ròt mpồl lơh broă. Lơh sir kơrnuat lơh broă, mut lơh tơl làm ală kơrnuat bơh broă lơh sa drà kă bro dê, ngan là tàm bơta sền gàr khà priă, tam pà mpồl cau lơh broă, tàm pơr lòng ringbal, loh làng, song dơpă mờ mut ngui geh cồng nha ală bơta drà kă bro. Kung tàm ngai òr, gơnoar ala mat dà lơgar neh iat jơnau yal bè tơr gùm jơnau đơs, jơnau dăn bơh cau te\ khà, sră yal mờ jơnau yal sền sơ wì bè broă lơh rơcang sơndră sa kuề sa kùa nam 2014.

 Sền mờ iăt kuang gơs gơnăp gơnoar atbồ hơđang rơlao jơh dà lơgar yal jơnau yal bè broă lơh sa-mpồl bơtiàn nam 2014 mờ kơnòl nam 2015 tàm dơ\ mu\t pơrjum dơ\ 8, Gơnoar ala măt dà lơgar kơnă 13 drim òr, geh uă cau te\ khà tàm càr Khánh Hoà neh tơl^k nùs nhơm ring bal mờ jơnau yal do. Ồng Vũ Hồng Khanh kuang bàng dờng sơnam neh ơm ờ lơh broă tai, kis tàm gùng Lê Hồng Phong, bòn dờng Nha Trang, càr Khánh Hoà đơs:“Priă nhai cau lơh broă  jơh sơnam lơh broă  ờ uă ngan, ờ uă cau mìng geh bơh 2 tus 3 tơlăk priă, tàm tu\ xăng, jờu neh tơmù khà priă 7 dơ\. Mơya ờ uă bơta phan kă bro ờ tơmù khà priă tăc. Priă nhai làng bol lòt blơi phan ờ uă, den tàng kal ke ngan. Tu\ do, mờ bol a` kơlôi den ờ su\k ơm ngan mờ dồs dà lơgar. Tơmù priă dồs dà lơgar den hơ\ sồng kuang bàng, cau lơh broă sa priă nhai, cau dờng sơnam neh ơm ờ lơh broă tai geh tơnguh priă nhai”.

Cau te\ khà Văn Hữu Cầm, kis tàm sơnah bòn Thuận Hoà, bòn dờng Huế, càr Thừa Thiên Huế đơs là: sa kuề sa koà sơlơ ngai sơlơ ndơ\p ndơr ngan, kal ke kờ` g^t go\. Den tàng, ồng Văn Hữu Cầm dan mờ Gơnoar ala măt dà lơgar kơlôi sơnơng tam gơl ală kơrnuat bơh adăt ku\p glài jă broă lơh glài nền nòn rơlao tus mờ cau tìs sa kuề sa koà kờ` rơcang sơndră lài:“Đơs bè jơnau sa kuề sa koà den di pah ală cau mờ neh yal is mờ tơm wơl ală hoàc huơr den geh tơmù khà lơh glài mờ geh dờp bơta toh glài bơh Dà lơgar dê. Mờ ală cau gam kơl dang nùs ờ yal den pal lơh glài nền nòn. Broă sa kuề sa koà lơh ờ niam tus mờ broă lơh sa dà lơgar dê, lơh ờ niam tus mờ nùs nhơm kuang bàng, cau geh đảng. Tài bè hơ\, den tàng pal kơlôi sơnơng geh 1 adăt bơh lam bè lơi kờ` kơrian di pal, lơh nền nòn ngan hơ\ sồng sơndră geh”.

 Mho mang òr 20/10, tàm gơlăng kuang atbồ lơgar, ồng Trương Tấn Sang kuang atbồ lơgar neh wă ồng Lee Myung Bak kuang atbồ lơgar Hàn Quốc lài do gam geh dơ\ tus còp mờ lơh broă tàm lơgar he. Tàm dơ\ wă, ồng Trương Tấn Sang đơs niam bơta git gơp lơh broă bal kuơ màng đah 2 lơgar ngai sơ lơ bơtàu tơnguh niam bơne\. Ồng Trương Tấn Sang ưn ngài bơta dong kờl ODA mờ lơgar Hàn Quốc ai lơgar Việt Nam in, mơkung pà git, ală mpồl lơh sa kă bro dờng màng lơgar Hàn Quốc gam ngai sơ lơ bơcri pràn ngan tàm lơgar Việt Nam. Ồng Trương Tấn Sang kơp kờ`, Hàn Quốc là lơgar lơh broă bal kuơ màng tus mờ Việt Nam, broă mhar ki\ jơnau pơr gon kă bro khat gơ boh geh pơ gồp bơnah tơnguh bơta git gơp kă bro 2 lơgar gơguh tus rlau 30 tơmàn đôlar Mỹ bè tu\ do, mờ gưh 70 tơmàn đôlar Mỹ tàm nam 2020 bè jơnau ringbal tàm dơ\ tus còp lơgar Việt Nam bơh mò Park Geun Hye  kuang atbồ lơgar Hàn Quốc pa do. Ồng Trương Tấn Sang pin dờn, bulah tàm gơnuar broă lơi, den ồng Lee Myung Bak kung geh pơnjat tai tă pơ gồp tus mờ bơta bơtàu tơnguh niam bơne\ đah 2 lơgar.

Drim òr 20/10, anih duh broă càr Dak Lak neh bơyai lơh pơrjum tơn jơh broă dờp khà dong kờl 1 rơbô nơm kơnrồ bơh kes priă Thiện Tâm, mpồl lơh sa Vingroup dê geh mò Mai Hoan Niê Kdăm kuang jăt jơng atbồ anih duh broă càr đơng lam. Đơs tàm pơrjum, mò Mai Hoan Niê Kdăm neh sồr ală kơnhoàl tàm tơngai tus pal sền gròi sùm broă ròng kơnrồ bơh ală hìu rơ[ah, kuơ màng ngan là ală kuang bàng lơh broă gah lơh sơnơm phan ròng, anih lơh broă bơto pơlam broă lơh sa sùm tus bơto sồr, dong kờl ală hìu rơ[ah bè broă ròng mờ sơndră mờ kòp kơnrồ in; di tu\ sền gròi, lơh sră kờ` g^t ală bơta gơl^k geh kung bè di tu\ bơsong tus mờ ală kơnrồ gơtìp chơ\t, tăc ha la lơh poac…

Mpồl ơruh pơnu bòn dờng Dà Làc, càr Lâm Đồng pa bơyai lơh lik lơh broă wàs kloh niam tiah ơm kis mờ bơt bơtàu gơguh jak tiah drà, geh bơta tus bal bơh mờr 1 rbô nă ơruh pơnu tus bơh ală sơnah bòn, ntum, anih lơh broă, hìu bơsram, mpồl ling gùt bòn dờng. La jơnau gờm chờ 100 nam ngai deh bồc cau ling khin cha jak chài Lý Tự Trọng, tàm dơ\ lik lơh broă, bi Hồ Ngọc Phong Hải kuang atbồ mpồl ơruh pơnu bòn dờng Dà Làc neh yal wơl bè rài kis mờ broă lơh tam lơh kac màng bơh bồc cau ling khin cha jak chài kơ nòm să mờ jơnau đơs geh pơn rơ ngan “ Gùng lòt ơruh pơnu dê mìng là gùng kac màng, ờ gơtùi geh gùng ndai”. Pơnjat tai brồ guh nùs nhơm kac màng bơh ơruh pơnu dê tu\ tơngai pa, cau kơ nòm să bòn dờng geh lam lài mờ ală broă lơh kac màng ngan ngồn, pơ gồp bơnah  tus bal bơtàu tơnguh lơh sa mpồl bơtiàn, ngan là tàm broă hơ pơr gon sền gàr tiah ơm kis, bơt bơtàu rài kis gơguh jak tiah drà, tam dră mờ tam gơl trồ tiah.

Mho òr 20/10, tàm Hà Nội, neh bơyai lơh k^ hơ bal broă pơgồp bal lơh bơh Gah bơto bơtê mờ bơsram dà lơgar mờ mpồl tam klăc ală mpồl Khoa học mờ kỹ thuật Việt Nam tơngai bơh nam 2014 tus 2020. Jăt sră nggal k^ hơ bal, 2 gah geh pơgồp bal lam sồr, yal bè gùng dà, broă lơh bơh Đảng, adăt boh lam bơh dà lơgar dê tàm rài chồl pràn bơ\t bơtàu dà lơgar pơgồp bal bơyai lơh ală dơ\ pơrjum cri bơyai khoa học bè sền gàr broă bơto bơtê mờ bơsram, broă tơnguh bơtàu bơto bơtê mờ bơsram jăt ală kai bơsram, gah bơsram, lơh gơs ală broă lơh tàm broă bơto bơh ală kai bơsram tus hìu bơsram dờng mờ tơnơ\ mờ bơsram dờng; go\ mờ bơto bơtơl kơnòm bơsram, cau bơsram dờng geh cồng nha bơssram jăk tus mờ ală dơ\ pơlòng Olympic dà lơgar, dunia, ală dơ\ pơlòng, ală khà pơn jờng kơlôi sơnơng khoa học, bơceh broă lơh pa…

 Gơnoar atbồ kơnhòal Hương Khê, càr Hà Tĩnh neh ai uă mpồl lơh broă tus mờr 500 hìu nhă tàm ntum Hương Bình nàng mblàng, lam sồr ală sau tàm 3 kai bơsram la ơdu\ bơh sơn rờp, kai 1 mờ kai 2 geh tus hìu bơsram. Mơya tài ờ ringbal broă tơmut bal hìu bơsram kai 2 Hương Bình, den tàng mờr 2 nhai do, ală oh kung ờ hềt lòt bơsram wơl. Ồng Trần Đình Hùng kuang atbồ cơldu\ bơto bơtê mờ bơsram kơnhòal Hương Khê pà git, ală oh kung gam ờ lòt bơsram den digơlan pal bơsram wơl 1 ơdu\ bơsram.

JƠNAU TƠNGGIT DUNIA.

 Pơrjum bal dơ\ 4 bơh mpồl đơng lam Đảng Cộng sản lơgar Lo kơnă 18 ngai do neh geh mut lơh tàm Bắc Kinh lơgar Lo. Uă bơta kuơ màng lơgar Lo dê geh cribơyai tàm dơ\ pơrjum do, tàm hơ\ kuơ màng là bơta kơ  lôi sơ nơng chul chồl tơl làm atbồ dà lơgar jat adat boh lam, gam geh hòi là bơta gơnoar adat boh lam.

Anih yal tơng^t ITAR TASS, lơgar Nga tơl^k jơnau yal tềng bơdìh pơrjum kuang atbồ gah cri bơyai broă lơh bal mờ lơgar ndai ală lơgar tàm mpồl tam klăc châu Âu gam bơyai lơh tàm lơgar Luxembourg pà g^t, mpồl tam klăc châu Âu di gơlan geh sền wơl broă lơh glài tus mờ lơgar Nga tàm ngai 28/10 tus do. Jơnau yal do pà g^t, 1 pang sră yal bè bơta tàm lơgar Ukraine geh yal tàm pơrjum anih duh broă ala măt mpồl tam klăc châu Âu ngai 28/10 tus do. Kơrnuat pơn jăt tai ha là geh sền wơl ală broă lơh glài tus mờ lơgar Nga geh ai bơh tàm pang sră mblàng bè bơta tàm lơgar Ukraine.

 Ờ hềt tus 2 nhai lơh broă, gơnuar atbồ lơgar pa geh bơ tơl ală cau ùr đơng lam bồ bơh lơgar Nhờk dê neh pal kong mờ 1 dơ\ roh bơta pin dờn, tu\ geh tus 2 nă kuang atbồ gah broă lơh tàm gơnuar atbồ lơgar pal săng gơnoar broă, mờ jơh 2 nă ndròm là cau pa geh pồ. Bơta ờ niam do digơlan lơh kal ke tai ală kơrnuat broă kal ke mờ ờ niam nùs cau te\ khà bơh ồng Shinzo Abe kuang gơs gơnap gơnoar atbồ hơđăng rlau jơh lơgar Nhờk, tàm hơ\ geh broă chul chồl rơndap broă tơnguh priă dia tac phan mờ lơh wơl ală bơnhă hạt nhân gơtìp ơm lơh broă, tơ nơ\ dơ\ tơrluh ù mờ `sừc dà lềng lơh aniai tàm nam 2011.

Anih yal tơng^t PressTV lơgar Iran ngai òr 20/10 geh jơnau yal, ling lơgar Iraq pa yal neh tơnklàs ờ uă tiah tàm tiah đah tô dà lơgar do-do là tiah gam gơtìp ală cau geh phào Takfiri, gơwèt mpồl dà lơgar Islam sền gròi, mờ lơh hoàc huơr uă ngan tus mờ ală cau tàm mpồl dră wơl do. Ồng Khaled al-Khazraji kuang đơng lam ling klàng tàm càr Salahuddin pà g^t, ală broă lơh ling klàng, geh mu\t lơh bơh ngai 17/10 lài do, neh geh ală cồng nha kuơ màng tàm ală tơngai sơnrờp kờ` tơnklàs ờ uă tiah. Mpồl ling lơgar Iraq neh tơnklàs gơl gùng tơrbo\ bơh ală bòn dờng Tikrit mờ Baji, mờ ai ling klàng tus tàm càr Diyala, gơsơ\t uă cau iơh bơsăk.

 Kòp Ebola la 1 dơ\ tung lơtăng gah lơh sơ nơm kơn jơ\ ngan. Do là jơnau dờp git bơh ồng Philip Hammond kuang atbồ gah cribơyai broă mờ lơgar ndai lơgar Anh lài mờ dơ\ pơrjum ală kuang atbồ gah cribơyai broă mờ lơgar ndai mpồl tam klac châu Âu kờp du\ lài geh bơyai lơh ngai òr 20/10 tàm Luxembourg. Ồng kung hòi jà ală kuang bàng đơng lam bồ mpồl tam klac châu Âu tàm tơngai tus pal tơnguh kes priă tus mờ broă tam dră mờ kòp Ebola tus 1 tơmàn ơrô.

 Geh 10 nă cau neh chơ\t mờ uă cau ndai sồt să tàm 1 dơ\ bơrtoh gơl^k geh tàm 1 hìu lơh phào pơ-àr tàm càr Andhar Pradesh, đah jum lơgar Ấn Độ. Dơ\ bơrtoh neh lơh ală hìu măy do gơtìp ồs sa jơh. Khà cau chơ\t di gơlan gam tơnguh tài geh 20 nă cau tàm hìu măy do tàm tu\ gơl^k geh rềs àr. Jăt jơnau yal bơh cảnh sát, hìu lơh phào bơkào pơ-àr do gam lơh broă lơh di pal. Gơl^k geh bơrtoh do gam lùp khào kờ` g^t loh làng.