JƠNAU TƠNGGIT TÀM LƠGAR.

Ngai òr 21/7, ồng Trương Tấn Sang kuang atbồ lơgar mờ mpồl lơh broă dà lơgar neh tus còp mờ sền bơta bơtàu tơnguh lơh sa mpồl bơtiàn mờ sền gàr ngap lơngai, sền gàr dà lơgar tàm bòn dờng Hải Phòng. Ồng Trương Tấn Sang neh tus còp mờ sền tơn tàm kơn hòal bồt Bạch Long Vĩ, 1 tàm ală kơnhòal bồ tô dà lơgar dê mờ geh dơ\ lơh broă mờ gah đơng lam bồ mpồl ling kơnhòal 3, bal mờ ờ uă mpồl lơh broă tàm bòn dờng Hải Phòng. Anih tus sơn rờp bơh ồng Trương Tấn Sang mờ mpồl lơh broă dê là kơnhòal bồt Bạch Long Vĩ, kơn hòal bồt bồ tô ơm tềng gùl Vịnh Bắc Bộ, ngài ù gờl 133 kơi sồ. do là 1 tàm ală bồt geh bơngă kuơ màng tàm broă lơh bơtàu tơnguh lơh sa dà lềng mờ sền gàr ngap lơngai, sền gàr dà lơgar. Bơh bơr mờ kuang bàng, làng bol, ồng Trương Tấn Sang đơs tờm bơta kuơ màng bơh kơn hòal bồt dê, geh pơrya kuơ màng tàm broă sền gàr ngap lơngai dà lơgar, ngan là tàm broă sền gàr gơnoar tờm tàm dà lềng kung bè bơtàu tơnguh lơh sa dà lềng mờ dong kờl broă lơh ka, jòi dong kờl rềs àr tàm dà lềng, ờ mìng tus mờ làng bol lơh ka Hải Phòng mờ gam ai jơh tiah kềng gah dà lềng đah tô mờ tiah tàm gùl lơgar in, kờp bal mờ broă dong ơ hò lơgar ndai tu\ mut ơm pleh càl rơbut. Mờ bơta kuơ màng hơ\, ồng Trương Tấn Sang đơs là, broă tơr gùm bơcri bơt bơtàu kơnhòal bồt lài ngan pal kơ lôi sơ nơng broă lơh bè đèng, dà ngui sa mờ broă lơh lơi dipal mờ geh cồng nha ngan rlau jơh bè lơh sa.

Mho ngai òr 21/7, tàm Hà Nội, ồng Nguyễn Xuân Phúc kuang jat jơng gơs gơnăp gơnoar at bồ hờ đăng rlao jơh dà lơgar mờ la kuang at bồ Mpồl lam sồr dà lơgar bè rcang sơndra\ ka\ bro kơ`au, ka\ bro blơ\ blac tàm ka\ bro mờ phan ờ ngan sơnđan lơha la Mpồl đơng lam at bồ broa\ lơh 389 bơh dà lơgar, neh đơng lam bùi lơh broa\ mờ gah sền gròi phan bơna ta\ dia tơlik tơmut mờ lơgar cau dà lơgar dê, Gah pria\ jền  dà lơgar bè broa\ sền wơl bơta rcang sơndra\ ka\ bro phan kơ`au, ka\ bro blơ\ blac tàm ka\ bro mờ phan ờ ngan 6 nhai bồ nam 2014. Ồng Nguyễn Xuân Phúc sồr, gah lơh broa\ sền gròi phan ta\ dia tơmut tơlik mờ lơgar cau dà lơgar kờ` geh gùng ai go\ kơnòl bơh cau at bồ di la broa\ lơh ka\ bro phan blơ\ blac, phan ka\ pồn gơbàn ua\ tàm drà ka\ bro, sền broa\ lơh sơndra\ ka\ bro phan pồn,  blơ\ blac ka\ bro la broa\ lơh lài jơh mờ lơh sùm sền gròi mut lơh. Bal mờ hơ\, lơh mhar mờ lơh gơs broa\ lơh sền gơbàn aniai,  tam pà phan bơna ala\ mpồl lơh sa  ka\ bro, tơngguh broa\ lơh lòt sền sền gròi nàng lơh niam wơl ala\ bơta gam ờ hềt niam, kơryan geh cồng nha ala\ broa\ ka\ bro pồm ka\ bro blơ\ blac, phan ờ ngan.

Geh bơta jàu gơnoar bơh anih duh broă làng bol càr Dak Lak, mpồl kơphe Buôn Ma Thuột gam lơh sir sră nggal nàng cih mat sền gàr mat sơnđăn ù tiah lơh gơlik kơphe Buôn Ma Thuột tàm mpồl tam klac châu Âu. Lài hơ\, bal mờ cồng nha tàm broă sồr Lo sang mat sơnđăn kơphe Buôn Ma Thuột mờ 1 mpồl lơh sa kă bro neh cih mat sền gàr is tàm lơgar do, mpồl kơphe Buôn Ma Thuột neh tong sră cih mat sền gàr mat sơnđăn bal tàm 17 lơgar mờ kơnhòal ù tiah tàm dunia. Tu\ do mờ bơta dong kờl bơh rơndap broă dong kờl broă lơh bơcri priă mờ kă bro châu Âu, Dak Lak gam lơh sră nggal nàng cih mat  sền gàr ù tiah lơh gơlik geh kơphe Buôn Ma Thuột tàm mpồl tam klac châu Âu. Ồng Trịnh Đức Minh kuang atbồ mpồl kơphe Buôn Ma Thuột pà git:“Tơngai do den ală cau chài mpồl tam klac châu Âu dê bơh đah sền gàr mat sơnđăn phan lơh gơs lơgar Việt Nam neh bơyai lơh ală dơ\ pơrjum. Bơto pơlam nàng dong Dak Lak cih mat sền gàr ù tiah lơh gơlik kơphe Buôn Ma Thuột. broă do sùm den pal roh bơh 4 tus 5 nam, mơya mờ bơta dong kờl bơh mpồl tam klac châu Âu den digơlan broă cih mat sền gàr ù tiah lơh gơlik kơphe Buôn Ma Thuột geh lơyah rlau, jat a` den êt ngan là 3 nam. Tài bol he pal lơh sir sră nggal, ai go\ bơhìan kah yau tam kơphe jo\ rài, dơ\ 2 là pal ai go\ cơng tàng bè bơta pơ gồp bal đah ù tiah Buôn Ma Thuột mờ bơta niam kơphe Buôn Ma Thuột, dơ\ 3 là bol he pal lơh loh bè ròt anih atbồ, nàng lơh bè lơh bè lơi jòi git anih lơh gơlik phan bơna, gàr niam kơphe tàm tiah hơ\ bal mờ bơta niam hơ\”.

Di tơng kah 67 nam ngai cau ling sồt sa\ cau ling chơt màng,  mho òr 21/7. Anih duh broa\ bòn dờng Đà Nẵng neh bơyai lơh jàu pà gai lòng Ngap lơngai ai tus 47 hìu nha\ geh cau pròt mhàm neh chơt phi sa\ tàm rài tam lơh tơng klàs jơi bơtìan, sền gàr dà lơgar. Bòn dờng Đà Nẵng geh rlau 16 rbô na\ cau ling chơt màng, 910 mè Việt Nam khin cha jak chài mờ git nđờ rbô  na\ cau ling sồt sa\. Đơs tàm bùi lơh  broa\, ồng Văn Hữu Chiến kuang at bồ anih duh broa\ bòn dờng Đà Nẵng neh pơyua tus bơta git jơnau, geh đơs git kah ưn ngài ngan tus mờ dà kơlhề dờng màng bơh ala\ cau khin cha jak chài, cau ling chơt màng, cau ling kòp tê jê sa\ tàm rài tam lơh tơng klàs jơi bơtìan mờ sền gàr dà lơgar, đơs tờm Đảng, Dà lơgar sùm geh sền kuơ, git ưn ngài mờ geh kơnòl mut lơh ala\ gùng dà broa\ lơh tus mờ hìu nha\ cau geh khà sra\ dong kờl bơh dà lơgar, cau geh màng mờ dà  lơgar.

 Bơh tiah sơn rờp geh kòp tàm sơnah bòn Trường Chinh tàm lồi nhai 5, tus tu\ do kòp sồt mbùng gơtă nđias phan ròng tàm bòn dờng Kon Tum, càr Kon Tum neh bơ tờp tus 4 ntum, sơnah bòn mờ rlau 130 nơm kơnrồ gơbàn kòp. 2 tiah geh kòp pa geh anih lơh sơ nơm phan ròng bòn dờng Kon Tum sền go\ tàm bòn Plei Kroong Klah, ntum Kroong mờ 32 nơm kơn rồ geh kòp mờ tàm bòn Plei Rơ Hai 1, sơnah bòn Lê Lợi mờ 11 nơm kơn rồ kòp. Ồng Đòan Văn Quyết kuang atbồ anih lơh sơ nơm phan ròng bòn dờng Kon Tum pà git, broă kơryan kòp bơh gah lơh sơ nơm phan ròng bòn dờng dê gam gơtìp kal ke tài jơh sơ nơm vaccine 3 tuýp O, A mờ Asia 1 den tàng ờ gơtùi cit sơ nơm vaccine phan ròng in kờ` kơryan kòp. Bal mờ hơ\ bơta mờng ting lềng, ờ sền gròi broă ròng phan, kă bro, lơh poac phan ròng kung là jơnau lơh kòp digơlan gam gơlik geh kal ke.

Lơh lài rcang tam dra\ mờ mìu càl dờng dà ko\ dà cò, càr Điện Biên neh crơng gơs ala\ mpồl tus lòt sền jơh tàm 9 broa\ lơh tơnau dơng dà mờ ròt rbơt rơbòng dà dờng Nậm Rốm. Do la ròt tơnau dơng dà geh tơl dà ngui, tuh rơsĩh ai tus  rlau 6 rbô lồ kòi, phan tam, geh dà ngui sa mờ pơ gồp bal ua\ ngan tơmù dà cò tus tàm tiah thòng Mường Thanh. Kờp tus tu\ do,  jơh ala\ tơnau dà dơng khà dà gam tàm tiah bơta ai gơlìu, gam ờ do ờ da\. Ồng Nguyễn Văn Thân gơnoar jat jơng at bồ mpồl lơh  broa\  bơtơt rbòng dà Điện Biên ai git: Tàm ala\ tơnau dà Pa Khoang, Huổi Phạ, Pe Luông, Hồng Khếnh, Bồ Hóng, Hồng Sạt, Sái Lương…mpồl drờm neh geh broa\ lơh dong kờl, geh lơh nuam tu\ gơlik geh tàm nhai mìu, rcang tơl phan bơna,  mai\ mok lơh broa\, cau lơh broa\ dong kờl.

 Di pơgap 10 jiơ drim ngai òr nao 20/7, tu\ trồ mìu sơr, 2 nă sau Đinh Thị Chi mờ Đinh Văn Quang ơm tàm bòn Tang Lang ntum Đá Đỏ kơn hòal Phù Yên càr Sơn La neh gơtìp dà cò pơrdô tu\ tiă gan dà croh nàng ê rơpu. 2 nă sau là oh mi tờm, sau Chi rơp 8 sơnam mờ sau Quang 7 sơnam. Tơ nơ\ mờ tu\ 2 nă sau gơtìp dà bu\, gơnoar atbồ ntum mờ hìu nhă neh lòi jòi mờ go\ bồc 2 nă sau

JƠNAU TƠNGGIT DUNIA.

 Mpồl cribơyai sền gàr ngap lơngai anih duh broă dunia ngai òr 21/7, ring bal 1 kơrnuat jơnau kờ` dunia geh tus rềp tơl làm mờ tiah rơndeh par lơgar Malaysia gơtìp rềs àr tàm tiah đah mattơngai lik lơgar Ukraine, kung bè tơn jơh ală broă lơh ling klàng tàm kơn hòal. Kơrnuat kung hòi jà mut lơh 1 dơ\ lùp khàu dunia krơi is mờ tơl làm bè bơta aniai do. Dơ\ đùh sră bơh mpồl cribơyai sền gàr ngap lơngai anih duh broă dunia geh bơyai lơh tơnơ\ ală dơ\ cribơyai kal ke tài bơta dră wơl bơh lơgar Nga dê tus mờ ờ uă bơta tàm rơndap cih kơrnuat bơh lơgar Australia dê sồr. Đơs tơ nơ\ dơ\ pơrjum, kuang atbồ gah cribơyai broă mờ lơgar ndai lơgar Australia đơs tờm, do là 1 broă lơh ringbal bơh mpồl bơtiàn dunia dê tus mờ 1 broă lơh jà` bơsak.

            Ngai òr 21/7, ồng David Cameron kuang gơs gơnăp gơnoar at bồ hơđang rlao jơh dà lơgar Anh ai git: Mpồl tam klac châu Âu rcang pơnjat tai geh ngui broa\ lơh glài tus mờ lơgar Nga, ngan la tơnơ\ dơ\ gơbàn gơ dùh rơndeh par Malaysia tàm lơgar Ukraine. Do ờ di la dơ\ sơnrờp ala\ lơgar Fương Tây ai tơlik jơnau pơhìn nàng lơh bơ klơn tus mờ lơgar Nga bè jơnau gơbàn tàm lơgar Ukraine. Lài hơ\, ala\ kuang bàng mpồl tam klac châu Âu neh pơrjum tàm dơ\ pơrjum dờng màng mpồl tam klac châu Âu tàm lơgar Bỉ tàm ngai 16/7 pa do kung neh tơlik jơnau đơs ring bal lơh kràn ngan ala\ kơrnuat lơh glài pơle\ tàm lơgar Nga, mpờl go\ ngan la broa\ ơm ala\ dơ\ bơcri pria\ tuh lơh pa tàm lơgar Nga bơh anih pria\ jền bơcri châu Âu mờ anih pria\ jền bơt bơtàu wơl mờ  bơtàu tơngguh châu Âu.

Tu\ 5 jiơ mho òr 21/7 jat jiơ bòn lơgar, 1 nơm rơndeh par duk ling klàng lơgar Lo neh gơ dùh tàm 1 blàng sre di kơnhòal Dayi, càr Tứ Xuyên. Kuang bàng ờ hềt yal khà chơt jê mùl màl, mơya jat ờ uă cau sền go\ tàm tiah gơlik geh rềs àr, khi sền go\ 1 nơm rơndeh par duk ndai neh geh ai tus nàng pơndiang 4 nă cau gơtìp sồt să lik bơh tiah gơtìp aniai, 2 nă cau sồt să ndai geh jun tus hìu sơ nơm kơn hòal dê.

Ngai òr 21/7, ala\ kuang bàng cau Palestin ai git, dùl hìu sơnơm tàm dòr Gaza neh gơbàn di gar phàu bơh lơgar Israel cuh, lơh 4 na\ cau chơt mờ 60 na\ cau ndai sồt sa\. Tàm tu\ hơ\, tàm bòn drà đah jum Khan Younis, ala\ dơ\ đùh bồm bơh Israel neh lơh tơrlah tơrling aniai ua\ ngan phan bơna tàm do. Mpồl cau lơh broa\ dong kờl gam lơh ngan ai 25 sa\ bồc cau chơt lik bơdĩh gơnru tơrlah. Ờ ngòt cau gơbàn chơt jê gam gơlik geh tàm Gaza, ala\ kuang bàng Israel gam đơs tờm, pơnjat tai dơ\ tam lơh ple\ tàm  srơh geh phàu Hamas gam at bồ sền gròi dòr Gaza. Ồng Benjamin Netanyahu kuang gơs gơnăp gơnoar at bồ hờ đang rlao jơh dà lơgar Israel ai git, Israel geh ờ du\ tơngai tus broa\ lơh  sò tơm pơle\ tàm Gaza

 Ồng Edwin Lacierda cau pơlam đơs cơldu\ lơh broă kuang atbồ lơgar Philippines ngai òr 21/7 pà git, uă tiah lơgar do dê neh geh ơn tàm bơta đơs lài tơlir, tàm tu\ 1 dơ\ càl rơbut pa geh mat sơnđăn Matmo mờr tus lơgar do. Jat jơnau đơs lài tơlir, gùl khà cau lơh broă bơh cơldu\ lơh broă tơmù dimơ rềs àr trồ tiah lơh aniai, cau lơh broă bơh cơldu\ sền gàr ngap lơngai làng bol mờ ală anih lơh broă geh gơ rềng bơh gơnuar atbồ lơgar dê tàm ală tiah gơtìp aniai geh pal lơh broă sùm tàm anih lơh broă, nàng sền ală bơta gơlik geh bơh càl rơbut dờng dê. Gơnoar atbồ lơgar Philippines geh tă 63 rbô dolar Mỹ bal mờ phan sa nàng dong làng bol tiah gơtìp aniai tu\ kuơ màng.