JƠNAU TƠNGGIT TÀM LƠGAR.

Mho òr 22/12, tàm hìu lơh broă Đảng dà lơgar, ồng Nguyễn Phú Trọng kuang atbồ đơng lam Đảng dà lơgar wă rềp mềr mpồl kuang bàng dờng màng gah ală mpồl ling Ka] Màng lơgar Cuba bơh Thượng tướng Leopoldo Cintra Frias kuang geh jơng gah gùng dră bal dà lơgar, kuang geh jơng tàm gơnoar atbồ lơgar, mơlà kuang atbồ gah ală mpồl ling Ka] Màng dà lơgar Cuba lam bồ gam geh dơ\ tus còp ngan ngồn lơgar Việt Nam. Đơs tàm dơ\ wă, ồng Nguyễn Phú Trọng pin dờn dơ\ tus còp bơh mpồl kuang màng gah ală mpồl ling Ka] Màng geh pơ gồp bơnah chồl pràn rlau tai bơta git gơp niam bơne\ đah ling klàng 2 lơgar Việt Nam mờ Cuba. Di tơngkah 70 nam ngai crơng gơs ling klàng làng bol lơgar Việt Nam mờ 58 nam ngai bơhìan ală mpồl ling Ka] Màng lơgar Cuba, ồng Nguyễn Phú Trọng nting săp mpồl ling 2 lơgar Việt Nam mờ Cuba oh mi sùm dipal mờ bơta pin dờn mờ jàu kơnòl bơh 2 Đảng mờ làng bol 2 lơgar.

 Ngai òr 22/12, di tơnkah 70 nam ngai crơng gơs ling klàng làng bol Việt Nam, geh gal làng bol, cau ling yau bơh tàm ală tiah gùt lơgar neh tus tềng sồ hìu 30 Hoàng Diệu, [òn dờng Hà Nội kờ` chu `àng ies Đại tướng Võ Nguyên Giáp. Tềng đăp mpồng hìu Đại tướng Võ Nguyên Giáp, geh gal cau săp sèng, tơl^k nùs nhơm kah kơlôi tus Đại tướng ngoh rơngăc ngan. Geh gal cau, bơh kơnòm bơsram, cau bơsram dờng tus mờ ală cau dờng, cau kra, ală cau bơh càr ngài tus càr lơgar Hà Nội ndrờm geh 1 nùs wèt tus Đại tướng Võ Nguyên Giáp mờ nùs nhơm ngoh rơngăc ngan. Geh uă làng bol bơh ală càr ngài neh ờ ngòt kal ke kờ` tus còp ies Đại tướng Võ Nguyên Giáp.

Di tơngkah 70 nam ngai crơng gơs ling klàng làng bol lơgar Việt Nam, mho òr 22/12, tàm gơlăng kuang atbồ lơgar, mò Nguyễn Thị Doan kuang jat jơng atbồ lơgar tìp mat mpồl cau ala mat cau ling yau mpồl bơhìan yau Trường Sơn - gùng Hồ Chí Minh. Tàm dơ\ tìp mat, ală cau ala mat neh kah wơl bơhìan khin cha jak chài bơh cau ling Trường Sơn dê. Rê wơl tơ nơ\ tam lơh, ală cau ling yau Trường Sơn kung gam pơnjat tai tă pơ gồp bơta pràn he dê tus mờ broă lơh bơt bơtàu dà lơgar. 3 nam do, mpồl bơhiàn yau Trường Sơn-gùng Hồ Chí Minh neh lam sồr, tă pơ gồp lơh geh rlau 1 rbô 700 nơm hìu nùs nhơm, dong kờl ală cau tàm mpồl tơn jơh jơ gloh tơmù rơbah, pà priă dong kờl bơsram ai oh kòn cau tàm mpồl gam kal ke. Ala mat kuang đơng lam bồ Đảng, dà lơgar, mò Nguyễn Thị Doan nting săp pràn kơldăng să jan mờ ngap lơngai tus ală cau ling yau, ờ mìng khin cha tàm rài tam lơh, rê mờ rài kis bè ờs, cau ling Trường Sơn gam geh uă bơceh pa, pơnjat tai tă pơ gồp tài làng bol pas sơm, dà lơgar pràn kơldăng.

Bal mờ ală càr, [òn dờng tàm gùt lơgar, drim òr 22/12, càr Dak Lak neh bơyai lơh chờ gờm 70 nam ngai crơng gơs ling klàng làng bol Việt Nam, 25 nam ngai chờ gùt làng bol sền gàr dà lơgar. Tàm dơ\ pơrjum, ală kuang bàng neh yal wơl bơhiàn jăk chài ling klàng làng bol Việt Nam dê, broă bơ\t bơtàu, tam lơh, pha lin mờ gơs dờng, geh khăt gơboh dà lơgar in mờ sền gàr, bơ\t bơtàu dà lơgar Việt Nam Xã Hội Chủ Nghĩa. Bal mờ broă tàp ling tu\ lơi kung rơcang tam lơh, tàm ală nam do, mpồl ling tàm càr Dak Lak neh geh ală broă pơgồp bal kuơ màng tàm broă sền gàr bơta lơngăp lơngai gùng dră bal, ờ do ờ dă mpồl bơtiàn, đềt mềr mờ làng bol, bơ\t bơtàu anih sơndră sền gàr dà lơgar gùt làng bl pràn kơl dang. Tàm 5 nam, ală kuang bàng, cau ling neh tă rơlao 2 tơmàn 500 tơlăk priă dong kờl lơh niam wơl hìu ơm, dong kờl ală hìu nhă kal ke, kham sơm kòp ờ sa priă, dong kờl uă ngai lơh broă mờ sơntìl phan tam làng bol in. Di tơnkah ngai crơng gơs ling klàng làng bol Việt Nam, ală cau ling yau, sỹ quan, cau ling tàm càr Dak Lak kung tơl^k nùs nhơm lơh ngan pơn jăt tai bơhiàn jăk chài ling klàng dê.

 Di ngai kơn rà` lik lìng nam do, mho òr 22/12, mpồl lơh broă bơh mpồl đơng lam Tây Nguyên bơh ồng Trần Việt Hùng kuang jat jơng atbồ mpồl đơng lam lam bồ neh tus còp, nting săp gờm chờ ờ uă cau kơ đơng yàng mờ ală hìu  yàng tàm càr Kon Tum. Tàm hìu jum dờng gah jat ỳang bàp càr Kon Tum, mpồl lơh broă nting săp tus ală bàp yàng, cau jat yàng wă rò ngai kơn rà` lik lìng 2014 mờ nam pa 2015 geh chờ hờp, ngap lơngai. Mpồl kung cih dờp bơta tă pơ gồp bơh ală cau kơ đơng yàng bàp tàm broă lam sồr cau jat yàng kis àng sơdah jơnau yàng, tă pơ gồp tàm bơtàu tơnguh lơh sa, mpồl bơtìan mờ sền gàr ngap lơngai tàm bòn lơgar, kơp kờ` ală cau kơ đơng yàng bàp rề ơnàng ală broă lơh geh pơn rơ tàm broă tơn jơh jơ gloh tơmù rơbah mờ bơt bơtàu rài kis ngac ngar jak chài. Chờ hờp tềng đăp bơta sền gròi bơh mpồl đơng lam Tây Nguyên dê, ală cau kơ đơng yàng bàp pà git, geh pơnjat tai pơ gồp mờ gơnoar atbồ tàm [òn lơgar, bơto bơtê cau jat yàng kis niam àng sơdah jơnau yàng, duh broă yàng, lơh jat niam gùng dà, broă lơh bơh Đảng, adat boh lam dà lơgar dê.

 Gah kă bro dà lơgar pa lơh wơl khà priă xăng, jờu. Jăt mờ hơ\, bơh 3 jiơ mho òr 22/12, khà priă xăng ROM92 geh tơmù 2 rơbô 050 priă tàm 1 l^t, ai khà priă tăc xăng gơmù mìng gam 17 rơbô 880 priă tàm 1 l^t. Mờ jờu diesel geh tơmù 1 rơbô 420 priă tàm 1 l^t, khà priă tăc mìng gam 16 rôbô 990 priă tàm 1 l^t. Jờu mazut kung geh tơmù 1 rơbô 690 priă tàm 1 l^t, mìng gam 13 rơbô 130 priă tàm 1 k^. Jờu chu gơmù tai 1 rơbô 570 priă tàm 1 l^t mờ geh khà priă tăc tàm 17 rơbô 400 priă tàm 1 l^t.

 Kuang gơs gơnap gơnoar atbồ hờđang rlao jơh dà lơgar sồr gah lơh broă sa mờ bơtàu tơnguh [òn lơgar dà lơgar tă ờ sa priă 30 tấn dà sơnơm Chlorine 65% di phan prap rơcang gàr lài dong càr Cà Mau rơcang sơndră kòp phan tàm dà in. Kuang gơs gơnap gơnoar atbồ hờđang rlao jơh dà lơgar sồr broă tă, sền gàr mờ ngui dà sơnơm do pal mut lơh jat ală kơrnuat tu\ do.

 Ngai òr 22/12, anih duh broă [òn dờng Hội An, càr Quảng Nam neh bơyai lơh pơn jờng mò Đặng Thị Nữ 50 sơnam, kis tàm [òn Bàu Đưng, sơnah [òn Thanh Hà, [òn dờng Hội An khòm phan roh mờ ai wơl cau lơgar bơdìh in. Lồi poh lài, tu\ gam lòt tàm [òn yau, mò Nữ neh khòm 1 nơm kơl dung tàm hơ\ geh priă mờ ờ uă sră nggal geh mat sơnđan cau lơgar bơdìh. Tơnơ\ mờ hơ\, mò neh cèng jàu anih lơh broă mpồl sền gàr [òn dờng Hội An kờ` jòi mờ ai wơl cau neh gơtìp roh in. Mpồl sền gàr [òn dờng Hội An neh hòi điện thoại tus hìu năc ơm, tơnơ\ mờ hơ\ cau gơtìp roh sơnđan là mò Hartin Svec cau lơgar Australia neh tus dờp wơl kơl dung, tàm hơ\ geh 1 tơlăk 300 rơbô priă bal mờ ờ uă sră nggal kuơ màng ndai.

JƠNAU TƠNGGIT DUNIA.

Kuang đơng lam bồ ală mpồl lơh sa kă bro lơgar Nhờk gam rơcang rơndap roă lam broă lơh sa lơgar do bơh tu\ do tus nam priă jền 2030 lơh geh khà gơguh pah nam pơgap 2,6%. Jat mờ hơ\, Nhờk pal sơr lèt gan ală bơta lòng khà kờp làng bol gơmù mờ priă jền drơng sền gàr tơl niam rài kis mpồl bơtiàn ngai sơ lơ gơguh uă, mpồl lơh sa kă bro pal sơ lơ mut ngui khoa học công nghệ, bơcri tàm ală lơgar pa bơtàu tơnguh, sền dờng màng tus bơcri bơt bơtàu phan bơna tàm lơgar ndai mờ tac phan lơh gơs bơh suơn sre hờ lơgar cau. Ală mpồl lơh sa kă bro đơs là, gơnuar atbồ lơgar Nhờk pal tơmù priă dia mpồl lơh sa kă bro mờ sơ lơ lơh broă bal mờ ală lơgar, kờ` dong ală mpồl lơh sa kă bro tàm dà lơgar geh lơh broă tàm lơgar ndai. Mpồl ala mat ală mpồl lơh sa lơgar Nhờk đơs là, mờ ală broă lơh do, broă lơh sa mờ mai\ mok lơgar Nhờk dê digơlan lơh geh rlau 1 rbô 700 tơmàn đôlar Mỹ tàm nam 2030.

Ồng Petro Poro Shenko kuang atbồ lơgar Ukraine neh geh cri bơyai mờ ồng Alexander Lukashenko kuang atbồ lơgar Belarus gam còp lơgar Ukraine. 2 nă kuang atbồ do neh tơrgùm cri bơyai bè broă lơh bal bơh 2 lơgar tàm uă gah lơh broă bè năng lượng, sền gàr bơta lơngăp lơngai. Di tàm dơ\ do, ồng Lukashenko đơs tòm, lơgar Belarus sùm kờ` dong kờl lơgar Ukraine, mờ lơh ngan jơh pràn kờ` di pal mờ ală jơnau kờ` gơnoar atbồ lơgar Ukraine dê. Lơgar Belarus là lơgar đềt mềr mờ lơgar Nga, mơya kung tơnguh broă lơh bal mờ lơgar Ukraine. Tàm nhai 9 lài do, lơgar Belarus neh bơyai lơh dar cri bơyai lơngăp lơngai bơh 1 mpồl tìp mờ dunia gam lơh ngan bơsong tam lơh tàm đah măt tơngai l^k lơgar Ukraine.

 Làng bol tàm gùt dunia neh bơyai lơh uă broă lơh duh hồl ngan rơcang wă rò ngai kơn rà` lik lìng tàm 2 ngai tus. Bal mờ hơ\ là ală broă lơh geh kuơ ai tơng go\ bơta tam pà bal, mờ nùs nhơm niam kờ` cèng nùs nhơm ngai kơ rà` lik lìng tus mờ jơh tơl nă cau. Ngai 21/12, pơgap 500 ồng `hai mrềt, sùm geh hòi là ồng kra Noel bơh lơgar Nga dê neh tus bal ntoat tàm gùng càr lơgar Moscow, kờ` hòi jà tă pơ gồp dong kờl ală hìu sơnơm kơnòm dềt in. tơl nă cau cih mat tus bal ntoat kung neh tă pơ gồp 600 Robles priă lơgar Nga, mờ bơta kơp kờ` geh dong ală kơnòm dềt gam sơm kòp tàm hìu sơnơm geh 1 ngai kơn rà` lik lìng chờ hờp.

 Dùl dơ\ ntoăt kờ` geh priă dong kờl cau ndai kung neh geh bơyai lơh tàm [òn dờng Sydney, lơgar Australai kờ` hòi jà tă priă ai ală mpồl lơh broă nùs nhơm is in tài kơnòm dềt. Geh rơlao 2 rơbô 500 nă ồng Noel neh ntoăt bơh anih ơhò ơm Darling. Ală ồng Noel ntoăt ndang mờ tamya đơs crih ndang tus tơn hờ hìu đơs crih tamya Opera Sydney House. Ală cau bơyai lơh do pà g^t, khà priă geh, dong kờl ală kơnòm dềt gơtìp kal ke, ală kơnòm dềt gơtìp kòp tê jê să tàm gùt lơgar Australia.

Tàm lơgar Mỹ, nùs nhơm ngai chờ neh geh tàm jơh ală tiah bơh Connecticut tus California tàm ală ngai lài mờ mang kơn rà` lik lìng. Tơl nă cau, bơh cau kra tus kơnòm dềt ndrờm geh broă lơh is he dê nàng ơm tàm ngai chờ mờ rơcang wă rò ngai kơn rà` lik lìng. Tàm New Britain, Connecticut, mò Rita Giancola, 90 sơnam, neh bơka hìu đam mò dê mờ ală bong đèng niam ngan, bal mờ ală phan bơna bơka ờ gơtùi ờ geh bè guàng bơkàu ngai kơn rà` lik lìng. Bơta kờ` gơ boh mò dê tàm ngai kơn rà` lik lìng là lơh hìu mò dê gơs 1 anih wă rò ngai kơn rà` lik lìng niam bơh jơh tơl nă cau dê. Mò Giancola neh mut lơh bơta kờ` is mò dê tàm git nđờ jơt nam do mờ mò geh cau sền ngềr hòi mờ mat sơnđăn là mò Noel.