JƠNAU TƠNGGIT TÀM LƠGAR.

Mho òr 23/6, tàm hìu lơh broă Gơnoar atbồ lơgar, ồng Nguyễn Xuân Phúc kuang jat jơng gơs gơnap gơnoar atbồ hơđăng rlao jơh dà lơgar neh wă mpồl ala mat cau geh màng mờ dà lơgar bơh càr Nghệ An dê, di tu\ mpồl tus còp càr lơgar Hà Nội, mut ies còp gơlăng bồc Bác Hồ. Tàm dơ\ wă, ồng Nguyễn Xuân Phúc jờng rơ càr Nghệ An neh lơh niam broă lơh “Hùc dà kah tô dà”, “Kis git jơnau git adat” mờ broă bơyai lơh mpồl cau geh màng mờ dà lơgar tus còp càr lơgar Hà Nội, mut ies còp gơlăng bồc Bác Hồ là cơng tàng loh làng ngan tus mờ bơta sền gròi hơ\. Ồng Nguyễn Xuân Phúc sồr càr pal pơnjat tai chồl pràn ală broă lơh mpồl bơtiàn, kis git jơnau git adat, lơh niam broă dong kờl tus mờ cau geh màng mờ dà lơgar mờ ală srơh broă lơh mùl màl bè săng sơbì jơ gloh tơmù rơbah, sền gròi hìu bồc cau ling chơt màng, ờ lời hìu nhă geh khà sră dong kờl bơh dà lơgar gơtìp kal ke, ờ geh hìu ơm. Kuơ màng bơta broă lơh mờ bơsram sră bơh oh kòn cau geh màng mờ dà lơgar, ală hìu nhă cau gơtìp sơ nơm khih điôxin lơh aniai, cau ling sồt să, cau ling chơt màng pal geh sền gròi rlau.

Cơldu\ lơh broă Gơnoar atbồ lơgar pa geh kơrnoăt sồ 4606 yal bè jơnau bơh ồng Hoàng Trung Hải kuang jăt jơng gơs gơnăp gơnoar atbồ hờ đang rơlao jơh dà lơgar bè broă lơh jăt broă “Ngui Công nghệ thông tin tàm broă sền gàr, đơng lam mờ lơh niam geh cồng nha broă lơh gùng lòt kuơ màng tàm gùt lơgar-tơngai dơ\ 1 ngui mờ gùng sồ 1”. Jăt mờ hơ\, ồng Hoàng Trung Hải ring bal bè gùng dà lơh jăt rơndăp broă ngui Công nghệ thông tin tàm broă sền gàr, đơng lam mờ lơh geh cồng nha gùng lòt kuơ màng tàm gùt lơgar-tơngai dơ\ 1 ngui tus mờ gùng sồ 1. Gah gùng lòt mờ pơn diang phan dà lơgar kơlôi sơnơng, iăt ală jơnau đơs bơh ală gah, mpồl lơh broă dà lơgar kờ` lơh gơs rơndăp broă, tàm hơ\ pal kah tơnguh broă ngui bal ală broă yal tơng^t mờ tam pà, pơgồp bal jơnau tơng^t mờ ală gah lơh broă geh gơnoar; bơyai sền gròi, k^ rơndăp broă jăt gơnoar, tơl niam cồng nha broă bơcri priă mờ di pal mờ broă lơh gơs broă lơh wơl, pờ ơnàng gùng sồ 1.

 Mho òr 23/6, tàm Hà Nội, Trung tướng Võ Văn Tuấn kuang jat jơng atbồ mpồl dong broă ling klàng làng bol lơgar Việt Nam neh wă Đại tướng Nem Sowat kuang atbồ đah gùng dà broă lơh mờ cribơyai broă mờ lơgar cau ling klàng lơgar Campuchia lam bồ mpồl anih kơ lôi sơ nơng kah yau ling klàng lơgar Campuchia gam geh dơ\ tus còp mờ lơh broă tàm lơgar Việt Nam. Tàm dơ\ wă, 2 gah ndrờm đơs niam cồng nha tam klac đah anih kơ lôi sơ nơng kah yau ling klàng Việt Nam mờ anih kơ lôi sơ nơng kah yau ling klàng lơgar Campuchia. Tàm hơ\, broă dong kờl crơng gơs, bơto bơtê kuang bàng, dong kờl phan bơna anih kơ lôi sơ nơng kah yau ling klàng lơgar Campuchia in geh mut lơh sùm mờ geh cồng nha niam. Tơngai tus, anih kơ lôi sơ nơng kah yau ling klàng Việt Nam mờ anih kơ lôi sơ nơng kah yau ling klàng lơgar Campuchia pal sơ lơ tam klac rlau tai tàm broă bơto bơtê kuang bàng, jòi tơr gùm sră `ggal wèt tus ală ngai tơngkah dờng bơh ling klàng lơgar Việt Nam mờ ling klàng lơgar Campuchia dê. Gah sền gàr dà lơgar, gah dong broă ling klàng làng bol lơgar Việt Nam sùm ai geh tơl bơta niam nàng 2 anih tam klac geh cồng nha, drơng kơ lôi sơ nơng jak chài kah yau mờ broă lơh sền gàr ngap lơngai, sền gàr dà lơgar 2 lơgar.

Mang òr 23/6, Tàm anih sơnđio rùp Việt Nam, Đah duh broă sùm mpồl ơruh pơnu neh pơgồp bal mờ mpồl ơruh pơnu gah kuang àng dà lơgar, mpồl ơruh pơnu anih sơnđio rùp Việt Nam bơyai lơh tìp bal mờ tơngu me “Dà lơgar hòi măt he”. Tàm broă tìp bal, ală cau geh iăt ală jơnau tam pà bơh cau kơnòm să kis mờ dà lềng mờ pa rê bơh dà lềng. Hơ\ là ală jơnau bơh cau ai jơnau tơng^t pa rê tơnơ\ mờ 25 ngai, mang lơh broă tàm ơhò sền gàr cau lơh ka lơh jăt adăt boh lam tàm tiah dà lềng Hoàng Sa; hơ\ là jơnau yal bè nùs nhơm làng bol dê, ơruh pơnu dê tàm ală tiah bồt dà lềng dà lơgar. Iăt Tiến sĩ Trần Công Trục kuang atbồ mpồl lơh broă nhàr dà lơgar Gơnoar atbồ lơgar yal bè broă mùl màl gơl^k geh tàm dà lềng đah măt tơngai l^k mờ ală jơnau tàm lơgar mờ lơgar bơdìh tus mờ broă tàm dà lềng đah măt tơngai l^k lơgar Việt Nam dê. Bơh tu\ hơ\ geh tơwèt nùs nhơm, jơnau tơng^t bè nùs nhơm kờ` gơboh mờ dà lơgar di pal, lơh jăt adăt boh lam lơgar Việt Nam mờ adăt dunia, di pal mờ nùs nhơm gơboh kờ` mờ lơngăp lơngai cau lơgar Việt Nam dê neh lam sồr broă lơh “Cau kơnòm să mpồl ơruh pơnu gơwèt mpồl ơruh pơnu dà lơgar lam lài, bơceh pa bơ\t bơtàu mờ sền gàr dà lềng, bồt dà lềng dà lơgar, tiah nhàr dà lơgar”.

 Mpồl cau kuet kơlte bòn dờng Dà Làc, càr Lâm Đồng pa bơyai lơh măng đơs crih tamya tă pơ gồp tàm kes priă Trường Sa mờ tơngume “Tài Trường Sa kờ` gơ boh”. Mpồl cau kuet kơlte bòn dờng Dà Làc, ala mat rlau 104 rbô nă cau kuet kơlte tàm gùt càr, kơp kờ` pơyua nùs nhơm he dê tus ală cau ling mờ làng bol tàm bồt dà lềng gam ngai măng sền gàr gơnuar tờm bồt dà lềng dà lơgar dê. 16 jơnau đơs crih tamya jờng rơ dà lơgar, jờng rơ bồt dà lềng dà lơgar bơh ală cau kuet kơlte soh àu lip bùng bi dà lơgar Việt Nam dê ràng tơlik neh bơtàu tơnguh nùs nhơm pơn ìơ să jơi bơtiàn, nùs nhơm kờ` gơ boh bòn lơgar, git wă sền gàr gơnuar tờm bồt dà lềng tàm tơl nă cau sền. Măng đơs crih tamya neh tă pơ gồp geh mờr 12 tơlak.

Bu\ lah gam tàm gùl kàl mìu, mơya tàm ờ uă kơnhoàl bè:Kơnhoàl Ea Súp, Buôn Đôn, Mdrăk, Ea Kar, Krông Năng mờ bòn drà Buôn Hồ, càr Dak Lak dê neh gơl^k trồ prang jăt bă tiah. Kuang bàng đơng lam gah lơh sa suơn sre ală kơnhoàl pà g^t, bồ kàl mìu nam do khà mìu ndrờm bal, làng bol neh tam ală phan tam ờ jo\ tơngai bè tơngời, khoah, bùm mblàng, kòi mìr, tus nggùl nhai 5 neh gơl^k geh dơ\ prang duh jo\ rơlao 20 ngai lơh uă bă ù tam phan gơtìp chơ\t, geh uă tiah làng bol pal tam dơ\ 2, dơ\ 3. Tu\ do, neh geh mìu uă wơl, bu\ lah bè hơ\, broă hòn gơs bơh uă phan tam là ờ uă ngan, geh gơrềng tus mờ cồng nha tơnhào mờ khà niam kàl lơh sa. Trồ prang tàm gùl kàl mìu là bơta gơl^k geh ni sơna bơh trồ tiah dê mờ ờ hềt tu\ lơi gơl^k geh lài do, gam gơtìp aniai uă ngan tus mờ lơh sa suơn sre tàm càr Dak Lak.

 Kờ` chồl mhar tơngai ai ù mut lơh ală rơndap broă, ală broă lơh kuơ màng digơlan geh lơh gơs tàm nam 2014- 2015, anih duh broă làng bol bòn dờng Hà Nội neh geh kơrnuat tă lài 700 tơmàn priă nàng drơng broă lơh do in. khà priă do geh tă bơh kes priă rơcang gàr priă jền bòn dờng nàng geh priă ai ù mut lơh ală rơndap broă, broă lơh kuơ màng pơnjat tai geh lơh gơs tàm nam 2014-2015. Anih duh broă làng bol bòn dờng Hà Nội sồr ală cau tờm bơcri priă kong kơ nòl tơl làm bè tơngai mut lơh ală rơndap broă geh ki\, bơt bơtàu mùl màl broă mut lơh ală bơnah broă gàr tơl bơta niam, tơngai mut lơh jat jơnau sồr. cau tờm bơcri priă pal gàr niam cồng nha mờ tềm pềr priă mut lơh rơndap broă, di mờ kơrnuat bè atbồ priă jền bơcri bơt bơtàu.

JƠNAU TƠNGGIT DUNIA.

Mpồl ờ ai ngui phàu crong hóa học ngai òr 23/6 yal, gơnoar atbồ lơgar Syria neh lơh jơh broă ntrờn jơh ală anih prap ơnphàu crong hóa học lik bơh ù tiah lơgar do. Đơs mờ cau lơh bau\ tàm bòn dờng La Haye lơgar Hà Lan, ồng Ahmet Uzumcu kuang atbồ đơng lam mpồl ờ ai ngui phàu crong hóa học pà git, ơ hò pơndiang phàu crong hóa học lơgar Syria neh lik bơh anih ơ hò ơm Latakiê nàng lòt chu pơrguc hờ dà lềng. Jat broă rơndap lơh, broă chu pơrguc anih prap ơn phàu crong hóa học lơgar Syria dê geh lơh jơh lài mờ tơngai dut ndơl là ngai 30 nhai do. Mơya, neh geh uă jơnau đơs ờ suk là tơngai do ờ di, tu\ ală tơngai ntrờn mờ chu pơrguc khà phàu crong hóa học do sùm gơtìp ơm ing. Lài mờ hơ\, tơngai dut ndơl ngai 27/4 nàng lơgar Syria jàu jơh khà phàu crong hóa học ală kuang bàng gròi sền dunia in tơlik bơh lơgar do kung neh ờ gơtùi.

 Ồng John Kerry kuang atbồ gah cri bơyai broă lơh bal mờ lơgar bơdìh lơgar Mỹ ngai òr  23/6 đơs, kờ` pal uă ngan tus mờ mpồl sền sền gàr bơta lơngăp lơngai lơgar Iraq tàm dơ\ tam dră mờ mpồl dră wơl cau jơi Sunni gam rề ơnàng tiah sền gròi. Đơs tàm dơ\ tìp mờ ồng Nuri al-Maliki kuang gơs gơnăp gơnoar atbồ hờ đang rơlao jơh dà lơgar Iraq tàm càr lơgar Bagdad, ồng John Kerry đơs: “Broă kờ` bal geh tơnguh mờ geh sùm di lah ală kuang bàng lơgar Irăc ai ală broă lơh di pal kờ` dong kờl broă sền gàr dà lơgar mờ geh cồng nha. Bơta do geh dong kờl mpồl sền gàr bơta lơngăp lơngai lơgar Irăc sơndră mờ mpồl dră wơl cau jăt yàng Islam mờ tiah Cận Đông geh cồng nha mờ là broă kờ` g^t jơnau bal mờ gơnoar tòm ù tiah lơgar do dê kung bè g^t jơnau bal bè ală bơta kuơ màng lơgar Mỹ dê tàm do.

 Ngai òr 23/6, Gah sền gàr dà lơgar Nga yal, ling lơgar do gam bơyai lơh 1 dơ\ tàp ling sền gròi, rơcang tam lơh tơl làm ni sơna tus mờ jơh khà ling di mpồl ling kuơ màng. Ồng Secgây Xôigu kuang atbồ gah sền gàr dà lơgar Nga pà git, jat kơrnuat bơh ồng Vladimir Putin kuang atbồ lơgar Nga, ling di mpồl ling kuơ màng mờ ală mpồl ling tàm ù tiah mpồl do dê gam geh ơn tàm bơta đơs lài tam lơh tơl làm bơh 11 jiơ ngai 21/6. tus bal dơ\ tàp ling sền gròi ni sơna do geh mờr 65 rbô nă ling, 5 rbô 500 phan bơna ling klàng, rkau 180 nơm rơndeh par ling klàng, 60 nơm rơndeh par duk tam lơh. Anih tàp ling geh bơyai lơh tàm tiah bơ nơm Ural mờ tiah đah mattơngai mut Xibêria, ngài mờ càr lơgar Moskva mờr 1 rbô 750 kơi sồ.

Mpồl lơh nhơm chu Naftogaz lơgar Ukraine ngai òr 23/6, neh tơl^k nùs nhơm kơ\p kờ` ală dơ\ cri bơyai 3 gah bè nhơm chu bơh lơgar Nga, lơgar Ukraine mờ anih duh broă châu Âu geh lơh wơl tàm nhai 7 tus. Đơs tàm dơ\ pơrjum băo, ồng Andrei Kobolev cau lam bồ mpồl lơh sa Naftogaz pà g^t, ală dơ\ pơlam gam geh lơh. Ồng Gunther Oettinger kuang dong broă anih duh broă châu Âu bè năng lượng đơs, bơh dar cri bơyai pơn jăt tai tàm nhai 7 tus. Lơgar Ukraine kung kơ\p kờ` geh ring bal mờ mpồl nhơm chu Gazprom, lơgar Nga, lài mờ tu\ anih cah rơ`a Stokhom, lơgar Thuỵ Điển ai tơl^k jơnau đơs du\t ndơl bè ală broă yă bơh 2 anih lơh sa kă bro do dê.