JƠNAU TƠNGGIT TÀM LƠGAR.

Ngai òr 12/8, Anih duh broa\ sùm Gơnoar ala mat dà lơgar pơnjat tai dơ\ pơrjum dơ\ 30, geh ai jơnau đơs tàm rơndap lơh adat hìu ơm tam gơl, rơndap adat tam gơl, bơsir ờ ua\ bơta bơh adat bơto broa\ lơh, rơndap lơh adat tam gơl, bơsir ờ ua\ bơta bơh adat lơh jat bơh kơrnuat gah cah r`a broa\ lơh làng bol. Cri bơyai bè rơndap lơh adat hìu ơm tam gơl, ua\ ngan ala\ kuang tàm anih duh broa\ sùm Gơnoar ala mat dà lơgar ring bal mờ ua\ ngan tơnggu me neh geh dờp, lơh niam. Geh gơ rềng tus broa\ lơh hìu ơm mpồl bơtìan la tơnggu me geh ua\ ngan cau kuang lơh ngan cri bơyai. Ồng Ksor Phước kuang at bồ mpồl lơh broa\ kòn cau geh đơs, hìu ơm mpồl bơtìan pal gàr niam tus ala\ cau kal ke gơtùi blơi hala ơpah ơm. Bulah bè hơ\, mùl màl pa do ngan gam geh bơta hìu mpồl bơtìan geh tac jat hìu ơm ka\ bro den tàng cau geh pria\ ê\t kan ngan  gơtùi blơi geh. Jat ồng Ksor Phước, broa\ lơh hìu ơm mpồl bơtìan ờ di geh lời ua\ ir tus bơta cau bơcri mờ kờ` pal ai git geh cau geh dong lài jơh la cau rbah, cau geh pria\ ê\t ờ geh hìu ơm. Bal mờ hơ\, geh jơnau đơs la kờ` pal sơnơng nền tus mờ ala\ cau hìu rbah tàm bòn drà mờ geh ala\ broa\ lơh dong kờl tus mờ cau do jat broa\ lơh dà lơgar bè hìu ơm.

Ngai òr 12/8, ồng Trương Tấn Sang kuang atbồ lơgar mờ mpồl lơh broă dà lơgar neh tus còp mờ lơh broă tàm càr Ninh Bình. Lơh broă mờ kuang bàng dờng màng bơh càr dê bè bơta bơtàu tơnguh lơh sa mpồl bơtiàn tàm càr, kuơmàng là cồng nha mu\t lơh Kơrnuat Pơrjum dờng Đảng gùt lơgar dơ\ 11 mờ Pơrjum dờng mpồl Đảng càr dơ\ 20, ồng Trương Tấn Sang đơs tờm, Ninh Bình kờ` pal tơrgùm đơng lam tă bơsong ală bơta kal ke tàm bơtàu tơnguh lơh sa mờ măi moc\, kuơmàng sền dờng màng tơnguh tai tàm lơh broă sa sươn sre nàng bơtàu tơnguh rài kis ai uă ngan cau lơh broă là bòn lơgar tu\ do in. Đơs tàm dơ\ lơh broă, ồng Trương Tấn Sang đơs niam ngan bơta song dơ pă tàm jơnau yal mờ cribơyai bơh ală kuang bàng dê tàm dơ\ lơh broă. Jờng rơ cồng nha lơh geh bơh càr Ninh Bình dê tàm tu\ tơngai gam uă kal ke, hơ\ là muh măt bòn lơgar tam gơl mhar ngan, broă lơh ala nhơl chờ geh uă bơta pin dờn bơtàu tơnguh jơh bal bè broă lơh mờ cồng nha, srơh bơ\t bơtàu bòn lơgar pa geh pràn lơh gơ rề pơ gồp bơnah sền gàr niam bơta ngăp lơngai ờdo ờdă mpồl bơtiàn mờ bơtàu tơnguh rài kis ai làng bol in. Ồng Trương Tấn Sang sồr, càr Ninh Bình kờn pal tơrgùm đơng lam lơh geh bơnàng jă ai bơta bơtàu tơnguh pràn kơldang rlao tàm tơngai tus in.

Mho òr 12/8, tàm Hìu lơh  lơh broa\ Gơnoar at bồ lơgar, ồng Nguyễn Tấn Dũng kuang gơs gơnăp gơnoar atbồ hơđang rlao jơh dà lơgar neh wa\ mò Katherine Ashton kuang jat jơng anih duh broa\ châu Âu, ala mat dờng màng bơh mpồl tam klac châu Âu bè broa\ lơh mờ lơgar cau mờ sền gàr ngap lơngai gam geh dơ\  tus còp ngan ngồn lơgar Việt Nam. Jờng mờ đơs niam  dơ\ tus còp mờ lơh broa\ tàm Việt Nam mờ cồng nha dơ\ cri bơyai broa\ mơh mò Katherine Ashton mờ ồng Phạm Bình Minh kuang jat jơng gơs gơnăp gơnoar atbồ hơđang rlao jơh dà lơgar mờ la kuang at bồ gah cri bơyai broa\ lơh bal mờ lơgar ndai lơgar he, ồng Nguyễn Tấn Dũng neh đơs chờ hờp bè git gơp tam klac tàm ala\ gah broa\ lơh bơh Việt Nam mờ mpồl tam klac châu Âu gam ai go\ niam bơne\ ngan, mơ kung geh đơs tờm Việt Nam sùm sền kuơ bơtàu tơngguh git gơp mờ mpồl tam klac châu Âu mờ ala\ lơgar geh jơng bal, kơp kờ` mpồl tam klac châu Âu lơh ngan git gơp tam klac 2 gah slơ ngai slơ ngan ngồn mờ geh cồng nha. Ồng Nguyễn Tấn Dũng đơs, dơ\ tus còp Việt Nam bơh mò Katherine Ashton dơ\ do mờ bơh ồng Manuel Barroso kuang at bồ anih duh broa\ châu Âu mờr tus geh la bơta chul chồl kuơ màng git gơp 2 gah. Ồng Nguyễn Tấn Dũng kơp kờ` mpồl tam klac châu Âu pơnjat tai dong kờl khà pria\ ODA ai Việt Nam in mờ gờ` dờp Việt Nam la dùl lơgar geh rài lơh sa ka\ bro.

 Lơh jăt jơnau sồr bơh Kuang gơs gơnăp gơnoar atbồ hơđang rlao jơh dà lơgar dê bè broă sồr ală gah sơnah lơh broă dà lơgar mu\t lơh ală broă lơh rơcăng sơndră mờ kòp mprơm gơlik mhàm bơh virus Ebola lơh bơ tờp, ngai òr 12/8, Mpồl atbồ cau lơh broă bơdìh lơgar, di Gah lơh broă cau ling sồt să mờ mpồl bơtiàn dà lơgar neh geh sră nggal sồ 1161, sồr ală mpồl lơh sa kă bro sền gàr pràn kơldang să jan\ ai cau lơh broă Việt Nam in gam lơh broă tàm lơgar ndai. Jăt hơ\, ală mpồl lơh sa kă bro geh broă lơh ala ai cau lơh broă lòt lơh broă tàm lơgar ndai jăt sră pơrgon mu\t lơh niam broă rơcăng sơndră mờ kòp, sền sơ wì, kờp sền mờ yal mờ Mpồl atbồ cau lơh broă bơdìh lơgar in lài mờ ngai 16 nhai do bè cau lơh broă bơh mpồl lơh sa kă bro ai tus lơh broă tàm tiah geh kòp đơs is mờ tiah Châu Phi đơs bal. Mblàng yal ai cau lơh broă gam kis mờ lơh broă tàm ală tiah geh kòp nàng rơcăng lài is rơcăng sơndră mờ kòp geh cồng nha.

Drim òr 12/8, Gah lơh broa\ sa mờ bơtàu tơngguh bòn lơgar càr Dak Lak neh bơyai lơh tơnjơh 3 nam mut lơh broa\ lơh jàu pria\ sền gàr brê tàm càr Dak Lak. Đơs tàm dơ\ pơrjum,  ồng Đinh Văn Khiết kuang jat jơng at bồ anih duh broa\ làng bol càr Dak Lak đơs niam bơnga\ bơh kes pria\ do tàm broa\ sền gàr brê, mơ kung geh jơnau sồr kes pria\ sền gàr mờ bơtàu tơngguh brê geh broa\ lơh pràn tus mờ ala\ hìu mai\ đèng tàm tiah bal ờ lơh jat broa\ ky\ pơrgon geh  jàu lơh mờ ờ ta\ pria\ hala ta\ pria\ lơỳai pria\ sền gàr tiah kis, mut lơh  kờp jơh, sền wơl nền nòn ba\ brê mờ lơh song dơpa\ broa\ lơh tus mờ bơta ta\  jàu pria\ sền gàr brê.

Ngai òr 12/8, tàm bòn drà Gia Nghĩa, càr Dak Nông, Gah chài rơ gơi tàp pràn să jan\ mờ nhơl chờ càr Dak Nông bơyai lơh mu\t bơsram ơdu\ bơto pơlam pràn jak cau chài bơto cing mồng ai mờr 100 nă cau chài dròng cing mồng là làng bol ală kòn cau M’nông,  Rơđê, Mạ tus bơh ală bòn tàm càr. Tàm tơngai 5 ngai, ală cau chài geh bơto ờ uă broă bè: Bơta chài rơndap lơh, bơyai lơh dơ\ lơh chờ ờs mờng bơh yau tàm tiah he ơm kis; ală broă lơh tus bal dơ\ pơrlòng, dơ\ lơh ai cau in sền; broă chài bơyai lơh broă lơh chài rơ gơi đơs crih tam ya tàm hìu chài rơ gơi mpồl bơtiàn; tàp ală bơta tam ya bòn lơgar tàm săp ntas dròng cing mồng ờs mờng bơh yau...

Ngai òr 12/8, bòn SOS Dà Làc, càr Lâm Đồng neh dờp mờ jàu pria\ bơsram SOS ai 9 na\ kơnòm bơsram rbah, geh rài kis ua\ ngan kal ke, geh cồng nha bơsram jak ngan  tàm bơsram mờ bơsram tàp sùm 9 nam bơsram, tàm hơ\ geh 1 na\ kơnòm bơsram bơh kơnhoàl Dà Teh, 2 na\ kơnòm bơsram bơh kơnhoàl Lâm Hà, 1 na\ kơnòm bơsram bơh kơnhoàl Đơn Dương, 1 na\ kơnòm bơsram bơh kơnhoàl Bảo Lâm, 3 na\ kơnòm bơsram bơh kơnhoàl Đức Trọng mờ 1 na\ kơnòm bơsram bơh kơnhoàl Dam Rông, càr Lâm Đồng. Pria\ bơsram SOS geh kờp pria\ rlau 30 tơlak pria\ dùl na\ kơnòm bơsram, dong kờl tàm 3 nam bơsram bơh ơdu\ 10 tus ơdu\ 12, geh pria\ ơm sa, ào mpha, phan ngui bơsram, kham sơm kòp, pria\ ngui dơ\ mờ pria\ ta\ bơsram. Kơnòm bơsram geh ơm ơn tàm hìu ơm bal Ơruh pơnu mờ bơsram tàm hìu bơsram Hermann Gmeiner Dà Làc.

Drim ngai òr 12/8, Gah lơh broă cau ling sồt să mờ mpồl bơtiàn càr Phú Yên jàu pà 200 bơnah priă dong kờl bơsram bơh Mpồl Children of Peace- COPI bơh lơgar Mỹ dê dong kờl ai kơnòm bơsram rbah bơsram jak tàm ală kơnhoàl Sơn Hoà, Sông Hinh, Tuy An, bòn drà Sông Cầu mờ bòn dờng Tuy Hoà in. Priă dong kờl bơsram COPI wèt tus dong kơ nòm bơsram rbah, cau kòn cau, kuơ màng là ală oh jak bơsram, brồ guh tàm rài kis mơya digơlan pal sơr bì bơsram nggùl gùng. Tơl bơnah priă dong kờl bơsram kờp priă 500 rbô đong mờ àu mpha, phan ngui bơsram, ai kơnòm bơsram bơh ơdu\ 1 tus ơdu\ 12 in. Mìng is cau bơsram dờng geh dong kờl 1 tơlăc priă bal mờ ào mpha mờ phan ngui bơsram.

            JƠNAU TƠNGGIT DUNIA.

            Ala\ dơ\ cri bơyai bơh Israel mờ srơh Islam Hamas tàm Palestin nàng tơnjơh tam lơh neh jo\ jòng di rlau 1 nhai do tàm dòr Gaza tus tu\ do gam ờ hềt geh dùl bơta niam lơi go\ ngan. Jat jơnau bơh dùl kuang bàng lơgar Israel,  bơta cah ngài ờ ring bơh ala\ gah gam dờng ngan. Jat rơndap broa\, ala\ cau cri bơyai bơh Israel mờ Palestin geh pơnjat tai cri bơyai tàm ngai òr 12/8 tàm Cairo bơh bơta lơh kòn gùng bơh lơgar Ai Cập. Đah Hamas kơp kờ` Israel tơnjơh kơrnuat  wàng se tàm Gaza neh ua\ nam do, bơta mờ Israel ờ kờ` ngan tài geh đơs Hamas geh tơngguh hìu prap phàu crong khi dê tu\ mờ Gaza geh tam tìp mờ bơdĩh bươn boài rlau.

 Gah mblàng yal jơnau lơgar Nhờk dê ngai òr 12/8, yal jơnau đơs bơh ồng Joko Widodo kuang atbồ lơgar pa geh pồ bơh lơgar Indonesia dê, pà gi\t, lơgar do rơcang lơh kòn gùng tơr`a bơyai nàng tơrmù bà bơta kal ke tam pìt tam phà ù tiah tàm Dà lềng Đah mat tơngai lik. Indonesia, lơgar ờ geh bơta tam pìt tam phà tơn mờ lơgar Lo tàm Dà lềng Đah măt tơngai lik, bơh lài tus tu\ do, sùm lơh gơnuar broă kòn gùng tơr`a bơyai kal ke đah Lo mờ ală lơgar tàm tiah do geh gơ rềng.

Ngai òr 12/8, ồng Vladimir Markin cau pơlam đơs bơh anih duh broa\ lùp khàu lơgar Nga ai git, anih lơh broa\ do pa bơyai lơh lùp khàu lơh glài kup màng tus mờ Andrei Stenin cau ai tơngit jơnau bơh lơgar Nga gơbàn ờ git tềng lơi tàm đah mat tơngai lik  lơgar Ukraine. Jat ồng Vladimir Markin, ala\ cau lùp khàu geh broa\ lơh mo pơyua jơnau kờ` tus anih lơh broa\ geh gơnoar tàm lơgar Ukraine sồr pal dong kờl adat boh lam tàm broa\ lùp khàu cau ờ jòi go\ bơh cau ai tơnggit jơnau Andrei Stenin, jat ala\ geh cih tàm adat lơh glài kup màng bơh lơgar Nga. Bal mờ hơ\, đah lơgar Nga kung geh broa\ lơh lùp khàu geh gơ rềng tus mpồl sền gàr dà lơgar Ukraine geh gơ rềng tus dơ\ gơbàn roh cau ờ jòi go\ do.

Gơnoar atbồ lơgar Iraq kờ` dùl bơta tơl làm, nàng ai wơl bơta pin dờn bơh làng bol dê mờ bơsong bơta roh kơ\ kơljăp tàm lơgar do. Do là jơnau đơs tờm bơh ồng John Kerry kuang atbồ Gah cribơyai broă mờ lơgar ndai lơgar Mỹ dê ngai òr 12/8 tu\ gam còp lơgar Australia. Ồng John Kerry pà gi\t: Mỹ kờn bal tơn jơh 8 nam at gơnoar bơh ồng Nuri al Maliki kuang gơs gơnăp gơnoar atbồ hơđăng rlao jơh lơgar Iraq dê neh ờ gơtùi tơnguh tai bơta ring nùs bal tàm gùng dră bal mờ gam lơh bơta tam lơh đah ală jơi bơtiàn tàm lơgar Iraq sơlơ gơguh uă tai. Ồng John Kerry ờ dờp kơrnuat geh ai mpồl ling tam lơh hơđăng ù gờl bơh lơgar do dê tus lơgar Iraq mơya, pơrgon dong kờl dilah kờ`.

Ngai òr 12/8, Mỹ mờ Australia neh ky\ ring bal rài dà lơgar ai ling Mỹ geh tus tàm ala\ pôs đồng ling klàng tàm ù tiah lơgar Australia 25 nam. Bal mờ hơ\, ring bal do kung geh ai Mỹ geh ai 2.500 na\ ling dà lềng tam lơh, rlau 2 dơ\ tu\ do, kung bè  geh pờ gùng par tus gah rơndeh par tam lơh Mỹ dê geh lơh broa\ tàm ala\ pôs ling klàng bơh lơgar Australia. Ring bal do geh ky\ tàm dơ\ pơrjum dong mblàng broa\ kuang bàng gah cri bơyai broa\ lơh bal mờ lơgar ndai-sền gàr dà lơgar bơh Mỹ mờ Austalia.

Cau ai tơngi\t jơnau đơs Việt Nam ơm lơh broă tàm lơgar Nhờk yal, ồng Shinzo Abe kuang gơs gơnăp gơnoar atbồ hơđang rlao jơh lơgar Nhờk geh ờ tus còp hìu duh kah Yasukuni di dơ\ tơngkah ngai tơn jơh tam lơh tàm ngai 15 nhai 8 do. Do geh sền là dùl lơh ngan kờn lơh geh tiah ai Dơ\ Tìp măt cribơyai kơnă kuang bàng dờng màng đah Nhờk mờ Lo mờ Nhờk gam sồr lơh tàm nhai 11 tus do, tàm dơ\ pơrjum kuang bàng dờng màng Mpồl tam klăc bal lơh sa Châu Á- Thái Bình Dương-APEC geh lơh tàm lơgar Lo.