JƠNAU TƠNGGIT TÀM LƠGAR.

Mho òr 21/10, tàm Gơlang kuang atbồ lơgar, ồng Trương Tấn Sang kuang atbồ lơgar neh wa\ ồng Angelo de Barros Tavares kuang atbồ gah kuang àng dà lơgar Angola gam geh dơ\ tus còp mờ lơh broa\ tàm Việt Nam. Tàm bùi wa\, ồng Trương Tấn Sang đơs tờm dơ\ tus còp do bơh  kuang lơgar Angola geh pơ gồp niam chul chồl bơta git gơp lơh broa\ tam klac bal bơhìan bơh 2 lơgar. Ồng Trương Tấn Sang đơs tờm 2 lơgar bulah ngài ngan bè ù tiah mơya rềp mềr bè nùs nhơm, ai bơh bơta bơr nàng ja\ niam bè bơta bơh geh lài, ồng Trương Tấn Sang đơs 2 gah kờ` rề ơnàng tam klac lơh broa\ bal tàm ua\ gah, kờp bal gah lơh sa, ka\ bro mờ bơcri, tềng đap mat 2 gah gờ` bơyai lơh pơrjum anih duh broa\ bal bơh  gơnoar atbồ 2 lơgar. Ồng Trương Tấn Sang kơp kờ` 2 gah pơnjat tai tam klac dong bal tàm ala\ dơ\ cri bơyai dunia  mờ sồr gơnoar atbồ lơgar Angola dong kờl, dong tơl bơta ai ala\ cau Việt Nam tàm ơm kis tàm lơgar do.

Mho ngai òr 21/10, tàm Anih lơh broă Gơnoar ala mat dà lơgar, ồng Nguyễn Sinh Hùng kuang atbồ Gơnoar ala mat dà lơgar neh wa\ rò rềp mềl ồng Michael Froman kuang ala mat kă bro lơgar Mỹ gam geh dơ\ lòt còp mờ lơh broă tàm Việt Nam. Tàm dơ\ wa\, ồng Nguyễn Sinh Hùng đơs tờm, Đảng, Dà lơgar, Gơnoar ala mat dà lơgar mờ làng bol Việt Nam sùm kơ\p kờn chul chồl bơta gi\t gơ\p tam klăc lơh broă bal tơl làm mờ lơgar Mỹ, kuơmàng tàm broă kă bro mờ bơcri priă. Gơnoar ala mat dà lơgar Việt Nam kờn ngan cribơyai ki\ pơrgon Kơrnuat Cau lơh broă bal Lơh sa dờng màng gùt Thái Bình Dương-TPP đah 2 Gơnoar atbồ lơgar Việt Nam mờ Mỹ kờn lơh geh jơnau kơ\p kờn kung bè bơta kuơ bơh làng bol 2 lơgar dê.

Pơnjat tai dơ\ pơrjum dơ\ 8, Gơnoar ala mat dà lơgar kơna\ 13, ngai do 22/10, Gơnoar ala mat dà lơgar geh lơh broa\ tàm hìu pơrjum dờng, iat jơnau đơs mờ yal tơnggit rơndap lơh sền gròi adat phan geh is, tiah kis dà lềng, bồt dà lềng mờ rơndap lơh adat gah tề lam gùng dra\ bal dà lơgar Việt Nam tam gơl, mơ kung geh iat anih duh broa\ adat boh lam bơh gơnoar ala mat dà lơgar yal jơnau mblàng, dờp, lơh niam rơndap adat bơyai lơh Gơnoar ala mat dà lơgar tam gơl  mờ cri bơyai ờ ua\ tơnggu me gam geh krơi is bơh rơndap adat do.

Ngai òr 21/10, Anih duh broă đơng lam Đảng càr Kon Tum bơyai lơh Pơrjum yal tơngume tàm Sră cih jơnau nting bơr lời wơl bơh Bác Hồ dê, mờ bơta tus bal bơh Mpồl duh broă đơng lam Mpồl Đảng càr, kuang bàng đơng lam bồ càr bơh ală tu\ tơngai. Pơrjum geh pờ tơn tàm inter net tus mờ ală kơnhoàl, bòn dờng tàm càr. Tàm dơ\ pơrjum, ală kuang bàng geh iăt Giáo sư, tiến sĩ Hoàng Chí Bảo cau mờng chài kơnă kuang bàng dờng màng, Kuang geh jơng tàm Mpồl dong broă jak chài Mpồl cribơyai dà lơgar yal wơl bè jơnau kah yau rài kis, broă lơh, nùs nhơm bồ tơngoh bơh Bác Hồ dê, broă lơh niam bơh Bác Hồ dê, nùs nhơm bơh Bác Hồ dê tus mờ làng bol, mờ Đảng tàm ală tu\ jiơ tàm jơ nờng piam kòp lài mờ tu\ ồng chơ\t, mờ cồng nha tơ nơ\ 45 nam gùt Đảng, gùt ling klàng mờ gùt làng bol he lơh jăt Sră cih jơnau nting bơr lời wơl bơh Bác Hồ dê. Giáo sư, Tiến sĩ Hoàng Chí Bảo kung mblàng, lơh loh uă tơngume, bơngă jơnau kah yau mờ ală bơta kuơ dờng màng bơh sră cih jơnau nting bơr lời wơl tus mờ broă lơh Ka] Màng lơgar he dê:“ Bol he kơlôi sơ nơng sră cih jơnau nting bơr lời wơl bơh Bác Hồ dê là bol he kơlôi sơ nơng tàm dùl sră nggal kah yau dờng màng ngan. Pa do, Đảng mờ Dà lơgar he neh geh kơrnuat ai sră cih jơnau nting bơr lời wơl kah yau do cih tàm sră cih mat Dà lơgar sền gàr nàng yal tơngi\t jo\ jòng tơ nơ\ do, ờ mìng tàm lơgar mờ gam yal tơngi\t tus mờ gơ\p bơ yô tàm dunia in tai. Broă bơsram mờ lơh jăt Bác Hồ ờ mìng là bơta gi\t wa\, ờ mìng la bơta bồ tơngoh jak lơm mờ gơ gam là nùs nhơm adăt adia, là jơnau ngoh rơngăc bơh plai nùs bơh bol he dê den broă bơsram mờ lơh jăt Bác Hồ geh lơh geh cồng nha geh kuơ ngan ngồn mờ kơ\ kơl jăp”.

Drim òr 21/10, tàm Anih tờm chài rgơi bơto bơsram Unesco, anih tờm dong kờl gơ rờm bal WTO bòn dờng Hồ Chí Minh mờ mpồl lơh sa ka\ bro Drà niam pơrjum bao\ yal bè broa\ lơh “Today’s Voice”- Broa\ lơh mpồl bơtìan lời tus cau kơnòm sa\ in rcang ala\ bơta kờ` ngan  mut tàm  tơngai Việt Nam gơ rờm bal mờ rài lơh sa dunia. Bơh tu\ do tus lồi nam, broa\ lơh geh mut lơh ala\ bùi cri bơyai geh sơnđan “Việt Nam mut gơ rờm bal mpồl bơtìan lơh sa ASEAN” ai tus 500 rbô na\ cau bơsram dờng bơh 10 hìu bơsram dờng. Bal mờ hơ\, dùl dơ\ pơr lòng geh sơnđan “Rwah bơyô dê” geh bơyai lơh mờ tơnggu me lơh geh tu\ nàng ala\ cau kơnòm sa\ lơh go\ bơta chài mờ broa\ gơ rờm bal, gơtùi lơh broa\ jat mpồ, tus bal ala\ broa\ lơh lòt ngan broa\ mùl màl tàm ờ ua\ mpồl lơh sa ka\ bro lam bồ tàm Việt Nam mờ Singgapore.

Tàm ală kơnhoàl kơh bơ nơm bơh càr Quảng Ngãi dê tu\ do, geh tus 8 nơm rbàng yồng ờdiơng, neh ờ gam niam tai, uă ngan là tàm kơ nhoàl Ba Tơ. Hơ\ là ală rbàng yồng, bè: Làng Chai, KLăng II, Nước Lầy, mờ rbàng yồng tàm bòn Gọi Re. Tàm ntum Ba Xa, kơnhoàl Ba Tơ, bulah rbàng yồng bă gan dà dờng Re neh ờ ai lòt tai, mơya, làng bol tàm do, uă ngan là ală kơnòm dềt lòt bơ srăm kung gam ờ ngòt bơta ngòt rơ ngơ\t mờ kung gam lòt rê sơl tàm ală rbàng yồng ờ tơl bơta kơ\ kơl jăp. Tu\ do, ală tiah kơh bơ nơm tàm càr Quảng Ngãi geh mìu dờng den tàng digơlan roh bơta ngăp lơngai tus mờ ală rbàng yồng ờdiơng là uă ngan.

            Di 4 jiơ mơ gùl mho ngai 20/10 tàm bòn drà Ea Drang, kơnhoàl Ea H’ Leo, càr Dak Lak neh gơlik geh dùl dơ\ rềs àr gùng lòt lơh aniai ngan lơh 2 na\ cau chơt mờ 8 na\ cau sồt sa\. Dơ\ gơlik geh rềs àr tu\ lo\ Lưu Thị Thanh Tuyền 26 sơnam kis tàm bòn drà Ea Drang mai\ rơndeh dờng geh bàng sồ 47A 090.20 bơh gùng dờng 14 mut tàm gùng Nguyễn Thị Minh Khai, tài bơh ờ jai đơng goàng mai\ neh tơm tềng anih tac plai chi, hơ\ sồng tơm tai tàm 4 nơm rơndeh honda gam lòt tàm gùng lơh 2 na\ cau chơt mờ 8 na\ cau ndai sồt sa\. 2 na\ cau chơt la mò Phạm Thị Len 65 sơnam bòn tờm Nam định tus  lòt jồ mờ kòn tàm bòn  7, bòn drà Ea Drang mờ sau Quách Thị Thảo Trân 3 nhai kung tàm bòn drà Ea Drang. 8 na\ cau gơbàn sồt sa\, tàm hơ\ geh 4 na\ cau gơbàn sồt sa\ kơnjơ\ pal cèng tus hờ hìu sơnơm dờng càr Dak Lak, geh: Nguyễn Thị Hương Nhu 29 sơnam, Vũ Thế Bách 16 sơnam, Quách Thị Mỹ Hạnh 28 sơnam mờ Trần Quách Đình Chí 3 nam drờm ơm tàm bòn dra Ea Drang. Tơnơ\ gơleh geh rềs àr, gơnoar at bồ mờ gah lơh broa\ geh gơnoar kơnhoàl Ea H’Leo neh geh tus mo nàng bơsong, lùp còp cau gơbàn aniai mờ dong kờl hìu nha\ tơl cau gơbàn chơt 3 tơlak pria\.

 Mìng tàm pơgăp 20 ngai do, neh geh 5 nă cau tàm càr Quảng Trị gơtìp bơs ]ang lir tiang pơrhê kăp kơn jơ\ ngan neh pal tus ờ hìu sơnơm nàng geh dong kờl mhar. Geh gi\t, jơh bal 5 nă cau gơtìp bơr ]ang lir tiang pơr hê kăc kơnờm geh jun tus hờ hìu sơ nơm dong kờl mhar, den tàng ờ geh cau lơi gơbàn ngòt rơ ngơ\t tus màng kis. Tàm Gah sơm kòp kờ` jơ\ sơndră khih di Hìu sơ nơm dờng càr Quảng Trị gam dong kờl 2 nă cau gơtìp bơs ]ang lir tiang pơr hê kăp. Cau pa ngan rlau jơh là Nguyễn Văn Vinh, 52 sơnam, ơm tàm ntum Triệu Giang, kơnhoàl Triệu Phong gơtìp bơs ]ang lir tiang pơr hê kăp tàm tê tàm tu\ pès ru\ rơm tềng đăp hìu. Ồng Nguyễn Văn Vinh pà git, ồng bơtuah tu\ gờn sơm is mờ jun tus hờ hìu sơ nơm dong kờl di tu\.

JƠNAU TƠNGGIT DUNIA.

Tàm dơ\ cri bơyai bơh EU lơh kòn gùng tàm ngai òr, 21/10, Nga mờ Ukraine neh ờ geh cồng nha tàm broa\ jòi geh dùl ring bal broa\ ai nhơm chu tus lơgar Ukraine tàm kàl mriềt tus. Bulah bè hơ\,  ala\ gah geh ring bal geh tam tìp tàm ngai 29 tus do tàm Brucsel, lơgar Bỉ nàng geh pơnjat tai cri bơyai bè bơta do. Đơs tơnơ\ dơ\ cri bơyai, ồngGuenther Oettinger kuang geh jơng gah năng lượng châu Âu ai git, 3 gah neh ring bal pria\\ nhơm chu mờ Ukraine geh jàu tus mpồl Gazprom bơh lơgar Nga la 385 dolar tàm 1 rbô khối mờ bơta la pal jàu pria\ lài. Bulah bè hơ\, ồng Alexander Novak kuang atbồ gah năng lượng lơgar Nga ai git: Nga gam jòi bơta nàng gàr niam tus đah Ukraine bè broa\ do mờ geh jòi khà pria\ bơh lơi nàng tơm pria\ tus nhơm chu gơnoar atbồ lơgar Nga in.

 Mho ngai òr 21/10, neh neh geh lơh dơ\ cribơyai đah gơnoar atbồ tiah Hong Kong mờ Tam klăc ală mpồl cau bơsram dờng Hong Kong là ală cau lam bồ tàm broă lik dră ai sơ gràm tiah lơh broă gơnoar atbồ dê tàm hìu bơsram lơh sơnơm Uông-chốc-hang mờ geh yal tơn tàm ală anih yal tơngi\t jơnau bơh Hong Kong dê. Dơ\ cribơyai jo\ jòng 2 jiơ neh ờ lơh geh ală bơta bơtàu tơnguh uă lơi, 2 gah ờ jòi geh jơnau đơs bal tu\ gam geh uă bơta ờ ring bal. Đơs tơnơ\ dơ\ cribơyai, mò Carrie Lam kuang atbồ Cơldu\ lơh broă Gơnoar atbồ Hong Kong pà gi\t, ală bơta geh đơs tàm dơ\ cribơyai tàm hơ\ geh broă săng te\ kơrnuat te\ khà jăt tiah geh gơnoar mờ làng bol geh gơnoar săc rơ wah là ờ di pal mờ adăt ngan ngồn, mò Carrie Lam kung dờp, 2 gah kung gam geh ală bơta ờ ring bal, mơkung tơlik nùs nhơm kơp kờn pơn jăt tai mu\t lơh ală dơ\ cribơyai mờ Tam klăc ală mpồl cau bơsram dờng Hong Kong.

Mo tơnơ\ dơ\ lơh guh at gơnoar ngai 20/10, ồng Joko Widodo kuang atbồ lơgar pa geh pồ lơgar Indonesia neh geh dơ\ tìp sơnrờp mờ ala\ kuang bàng đơng lam dunia. Tàm  hơ\ ồng Widodo geh tìp ồng John Kerry kuang atbồ gah cri bơyai broa\ lơh bal mờ lơgar ndai lơgar Mỹ, dùl tàm ala\ kuang bàng đơng lam dunia geh tus tàm dơ\ guh at gơnoar bơh ồng dê. Ồng Widodo kung geh lơh broa\ mờ ồng Tony Abboss kuang gơs gơnap gơnoar atbồ hơđang rlao jơh dà lơgar Australia, nàng pơnjat tai git gơp lơh broa\ bal bơh 2 lơgar. Git gơp bơh Indonesia mờ Australia neh gơmù lơyah ngan tu\ gah yal tơnggit jơnau lồi nam lài geh jơnau yal Australia lơh broa\ lơh sền gròi ờm ồng Bambang Yudhoyono kuang atbồ lơgar Indonesia lài do bal mờ pơ ùr ồng mờ  ua\ kuang bàng ndai bơh lơgar Indonesia. Tus nhai 8 pa do, 2 lơgar geh bơsong bơta kal ke mờ geh lơh wơl tam klac  bal gah lơh broa\ ndơp ndơl mờ ling klàng.

 Kuang dong broă sền gàr bơta ngăp lơngai lơgar Nhờk dê là ồng Shotaro Yachi, ngai òr 21/10, neh tus Seoul, lơgar Hàn Quốc nàng cribơyai mờ kuang bàng lơgar Hàn Quốc tàm tu\ tơngai ờ geh bơta bơtàu tơnguh lơi tàm broă tơn jơh ală bơta ờ ring bal bơh yau đah 2 lơgar. Dơ\ lòt còp bơh ồng Shotaro Yachi dê geh lơh tàm tu\ tơngai lơgar Nhờk kờn chul chồl broă lơh niam wơl bơta gi\t gơ\p đah 2 lơgar mờ bơyai lơh dơ\ tìp măt kơnă kuang bàng dờng màng đah ồng Shinzo Abe kuang gơs gơnăp gơnoar atbồ hơđang rlao jơh lơgar Nhờk mờ mò Park Geun-hye kuang atbồ lơgar Hàn Quốc. Mơya, lơgar Hàn Quốc pà gi\t, dơ\ tìp mat kơnă kuang bàng dờng màng gơtùi lơh geh dilah lơgar Nhờk geh ală broă lơh tơngo\ bơta jơh nùs tàm broă bơsong bơta cau ùr gơtìp ai lơh dri tàm rài tam lơh dunia dơ\ 2.