JƠNAU TƠNGGIT TÀM LƠGAR.

          Mho ngai òr 26/8 tàm gơlang lơh broa\ gơnoar at bồ lơgar, ồng Nguyễn Tấn Dũng kuang gơs gơnăp gơnoar atbồ hơđang rlao jơh dà lơgar neh đơng lam dơ\ pơrjum sơnrờp bơh anih duh broa\ dà lơgar bè tam gơl pa bơto bơtê mờ bơsram. Dơ\ pơrjum geh lơh ngan cri bơyai, geh đơs  bơta kờ` đơs he dê mờ geh đơs ua\ ngan jơnau bè ala\ geh gùng tus mờ 3 bơta dờng geh gơ rềng tus  lơh niam ròt bơto bơtê bơsram dà lơgar, broa\ lơh bơyai lơh dơ\ pơr lòng jơh bơsram kai 3, rwah mut tàm kai bơsram dờng mờ broa\ lơh tam gơl pa sra\ mai\. Ồng Nguyễn Tấn Dũng neh kờ` bal mờ broa\ lơh bơyai lơh dơ\ pơr lòng jơh kai bơsram 3 dà lơgar ala  dơ\ pơr lòng jơh bơsram kai 3 mờ dơ\ pơr lòng mut tàm hìu bơsram dờng, cao đẳng mờ 2 jơnau sồr: sền dờp jơh bơsram kai 3 mờ la  bơr nàng  ja\ ngan nàng ala\ hìu bơsram dờng, cao đẳng ngui tàm rwah cau mut bơsram. Kơnòm bơsram cih mat kờ` mut rwah tàm hìu bơsram dờng, cao đẳng tơnơ\  neh geh cồng nha dơ\ pơr lòng dà lơgar. Kuang gơs gơnăp gơnoar atbồ hơđang rlao jơh dà lơgar sồr gah bơto bơtê mờ bơsram dà lơgar pơnjat tai geh ai jơnau kờ` đơs  nàng geh lơh gơs broa\ lơh sền pơr lòng, ta\ khà pơr lòng, jơnau pơr lòng mờ môn pơr lòng kung bè bơyai lơh dơ\ pơr lòng dà lơgar, mơ kung geh mblàng pơlam, yal ua\, ơnàng tus ala\ rnàng làng bol bè broa\ lơh bươn boài mờ geh cồng nha ngan rlau jơh kờ` lơh geh bơta kờ` bal tàm mpồl bơtìan.

Mho ngai òr 26/8, tàm Hà Nội geh lơh dơ\ cri bơyai đah ồng Phạm Bình Minh kuang jăt jơng gơs gơnăp gơnoar atbồ hơđăng rlao jơh dà lơgar mơkung là Kuang atbồ Gah cribơyai broă mờ lơgar ndai dà lơgar mờ Mpồl ơruh pơnu Gah cribơyai broă mờ lơgar ndai dà lơgar di dơ\ mờr tơngkah 69 nam Ngai crơng gơs gah lơh broă mờ lơgar ndai lơgar Việt Nam 28/8. Do là dơ\ cribơyai broă dơ\ 2 đah Kuang atbồ Gah cribơyai broă mờ lơgar ndai dà lơgar mờ Mpồl ơruh pơnu bơh Gah cribơyai broă mờ lơgar ndai dà lơgar dê kờn tam pà bal bơta mờng chài mờ pơlam gùng nùs nhơm bồ tơngoh gùng dră bal ai rơnàng kơ nòm să in tàm ală broă lơh lơh broă mờ lơgar ndai. Tàm dơ\ cribơyai broă, ồng Phạm Bình Minh đơs niam ngan gơnoar broă mờ ală bơta tă pơ gồp bơh ơruh pơnu dê tàm broă sơlơ tơnguh tai broă lơh lơh broă mờ lơgar ndai bơh dà lơgar dê tàm tu\ tơngai pa, pơ gồp bơnah sơlơ tơnguh tai bơngă bơh Việt Nam dê tàm muh măt dunia. Ồng Phạm Bình Minh, đơs tờm:“ Dơ\ cribơyai broă do geh bơta kuơ là nàng ală cau kơ nòm să, ală cau lơh broă bal kơ nòm să brồ guh bơhiàn bơh gah lơh broă mờ lơgar ndai lơgar Việt Nam dê tàm 69 nam do, chul chồl tơnguh tai lơh ngan nàng lơh jăt broă lơh niam bơh rnàng lòt lài bơh bol he dê, lơh ai gah lơh broă mờ lơgar ndai in ngai sơlơ lơh geh uă cồng nha mờ bơta jai pha pơn rơ ngan. Tu\ do, kuang bàng hơđơm 35 sơnam  gam geh tus 32%, hơ\ là 1 bơnah pe khà kuang bàng tàm Gah cribơyai broă mờ lơgar ndai dà lơgar, kung gơtùi đơs do là mpồl cau tờm tàm Gah lơh broă do dê. Jơnau hơ\ pơ gồp bơnah lơh tờm bơta lơh geh cồng nha halà ờ lơh geh cồng nha. Mờ broă geh tus dùl bơnah pe khà kuăng bàng tàm gah cribơyai broă mờ lơgar ndai dà lơgar, ală bơ yô kờn pal tă pơ gồp nggùl bơnah broă lơh bơh Gah lơh broă do dê”.

Drim òr 26/8 tàm Hà Nội,  ồng Nguyễn Thiện Nhân kuang at bồ anih duh broa\ gah tề lam gùng dra\ bal dà lơgar neh tus  còp mờ lơh broa\ tàm Gah hàn lâm khoa học mờ công nghệ Việt Nam bè bơta mut lơh gùng dà broa\ lơh bơh Đảng, adat boh lam bơh dà lơgar bè khoa  học công nghệ. Đơs tàm bùi lơh broa\, ồng Nguyễn Thiện Nhân sồr, gah hàn lâm khoa học mờ công nghệ Việt Nam pơnjat tai chồl guh bơhìan niam tus bal broa\ lơh bơto bơtê, ngui cau lơh broa\ jak, geh bơta ai go\ nisơna tàm ala\ broa\  jak chài sền sơnơng mờ geh ngui ngan ngồn  kờ` cơn đoà tus lơh tờm khoa học mờ công nghệ, mơ kung  sồr gah khoa học mờ công nghệ bal mờ ala\ gah geh gơ rềng bal sền sơnơng broa\ lơh, broa\ lơh dong lài tàm bơta gơ hòi ngui cau jak,  bơta pria\ jền, bơtàu tơngguh cau lơh broa\, lơh lài geh phan tus ala\ cau khoa học tàm ala\ gah broa\ lơh.

 Tàm dơ\ lòt lơh broă tàm ală càr Tây Nguyên bơh ngai 25-26 nhai 8, mpồl lơh broă bơh Mpồl duh broă kòn cau Gơnoar ala măt dà lơgar bơh ồng Ksor Phước kuang atbồ Mpồl duh broă kòn cau Gơnoar ala măt dà lơgar lam bồ neh lơh broă tàm càr Kon Tum bè broă mu\t lơh ală broă lơh kòn cau, Broă lơh jơnau kờn dà lơgar bơ\t bơtàu bòn lơgar pa mờ kơ\ kơl jăp làng bol ntrờn ơm kis khăt gơboh. Đơs tàm dơ\ lơh broă, ồng Ksor Phước, đơs là, nàng ală broă lơh tus mờ làng bol kòn cau lơh geh cồng nha bè jơnau kơ\p kờn, càr Kon Tum kờn pal lơh geh bơta gơguh jak tàm broă lơh sa bơh làng bol dê; pal bơsong geh nùs nhơm bồ tơngoh bàs sìl, kơldìng wơl tàm kuăng bàng mờ làng bol; gi\t nền bơta gơlik geh tàm bòn lơgar, broă lơh ătbồ dà lơgar pal rềp mềl mờ làng bol rlau, drơng làng bol niam rlau. Ồng Ksor Phước, sồr:“ Pơn jăt tai tơnguh jơnhoa jơnau gi\t wa\ bè broă lơh kòn cau tàm tu\ tơngai pa. Bơta kòn cau bơh bol he dê tu\ do ờ gam bè pơgăp mờ do 20 nam, geh tu\ là pơgăp mờ do 10 nam. Pal lơh niam broă lơh lùp khàu, tơr gùm kờp, gi\t nền jơnau bè tiah kòn cau, bè bơta is rơmis ù tiah, brê bơ nơm, phan kuơ bơh he dê nàng ai bơtàu tơnguh lơh sa mpồl bơtiàn. Lơh niam broă lơh mblàng yal tơnguh jơnhoa jơnau gi\t wa\ ai làng bol in. Lơh pràn ală tơngume gơ jăt bơta bơtàu tơnguh mhar. Bơ\t bơtàu ală broă lơh ătbồ lơh sa nàng gơ rờm bal mờ pràn bơtàu tơnguh bơh mpồl lơh broă sa dê”.

Ngai òr 26/8, mpồl đơng lam Đảng kơnhoàl Ea H’leo, càr Dak Lak neh bơyai lơh dơ\ pơrjum bơsram, lơh jat kràn ngan kơrnuat dà lơgar 9 kơna\ XI ai tus cau kuang bàng tờm ngan tàm gùt kơnhoàl, Tàm dơ\ pơrjum, ala\ kuang bàng neh geh bơto   yal  bè tơnggu me bơh kơrnuat dà lơgar 9 kơna\ XI bè bơt bơtàu mờ bơtàu tơngg chài rgơi, kòn bơnus Việt Nam di pal mut lơh jat kơrnuat dà lơgar 7 kơna\ X bè bơt bơtàu mpồl cau geh bồ tơngoh jak tàm rài bơt bơtàu mờ bơtàu tơngguh pa dà lơgar” bè ờ ua\ tơnggu me  broa\ lơh bơt bơtàu Đảng, broa\ rcang tus pơrjum Đảng ala\ kơna\ nàng cơnđoà tus dơ\ pơrjum Đảng gùt lơgar dơ\ XII.

Pa do, mờ bơta dong kờl sơ nơm bơh Mpồl lơh sa kă bro sơ nơm tơm ba Hậu Giang, Mpồl ơruh pơnu gah ală anih lơh broă càr Lâm Đồng bơyai lơh dơ\ lòt lơh broă mpồl bơtiàn tàm ntum Dà Chais, kơnhoàl Lạc Dương, càr Lâm Đồng. 30 nă ơruh pơnu, tàm hơ\ geh 15 nă cau lơh sơ nơm, neh kham kòp, bơto pơlam mờ pà sơ nơm sơm ală kòp ờs mờng ai rlau 300 nă cau in, uă ngan là kơ nòm dềt mờ cau kra; mơkung pơ gồp bal mblàng yal, bơto pơlam bè ờdo ờdă kloh niam phan sa mờ rcăng sơndră kòp ai làng bol tàm tiah do in. Mpồl ơruh pơnu neh jàu pà 10 bơnah phan nàng pơn jờng nùs nhơm ală kơnòm bơsram geh rài kis kal ke mơya neh sơr lèt gan kal ke lơh ngan bơ srăm jak. Do la broă lơh sùm bơh ơruh pơnu gah ală anih lơh broă càr Lâm Đồng dê mờ nùs nhơm lam lài, lơh is tài mpồl bơtiàn.

Mho òr 26/8, mpồl dong kờl phan bơna sơnơm tơm ba càr Lai Châu neh lơh bal mờ kes pria\ dong kờl mpồl bơtìan Lawrence S.Ting mờ mpồl lơh broa\ bơtàu tơngguh Phú Mỹ Hưng bơyai lơh jàu 190 nơm rơndeh chồl mờ tê, kờp pria\ tus 345 tơlak pria\ ai tus cau kuet kơlte tàm càr  Lai Châu. 190 na\ cau kuet kơlte dờp geh rơndeh  chồl mờ tê dơ\ do geh tus bơh ala\ kơnhoàl Mường Tè, Phong Thổ, Sìn Hồ, Nậm Nhùn, Tân Uyên, Tam Đường mờ bòn dờng Lai Châu. Broa\ dong kờl dơ\ do neh dong cau kuet kơlte geh phan lòt rê bươn boài tàm  rài kis, lơh broa\ bươn boài mờ geh bơta nàng bơtàu tơngguh rài kis.

            JƠNAU TƠNGGIT DUNIA.

Ngai òr 26/8, mò Catherine Ashtơn kuang at bồ mpồl tam klac châu âu drơng broa\ lơh broa\ mờ lơgar cau, neh geh dơ\ tìp is mờ ồng Petro Porosheko kuang at bồ lơgar Ukraine. Dơ\ tìp geh lơh tềng đap dơ\ pơrjum dờng màng bơh Nga, Ukraine mờ ala\ cau lơh broa\ bal tàm càr lơgar Minsk lơgar Belarus nàng jòi geh dùl broa\ lơh  kờ` tơnjơh dơ\ tam lơh is jo\ jòng neh 5 nhai do tàm lơgar Ukraine. Bal dùl ngai, Ukraine neh ya\ lơgar Nga  ai ling tus ù tiah nhàr lơgar mờ lơgar do nàng pờ geh dùl tiah tam lơh pa. Ồng Poroshenko kuang at bồ lơgar geh đơs bơta ờ suk ngan tus mờ broa\ geh đơs la broa\ lơh pa bơh lơgar Nga.

 Jơnau yal bơh kuang bàng lơgar Mỹ dê pà git: Ală kuang bàng lơgar Mỹ mờ lơgar Lo geh mu\t lơh cribơyai bè jơnau pal jăt lơh broă gah ling klàng, bơh ală gah dê tàm 2 ngai, ngai do mờ ngai hìng, tơ nơ\ broă Mỹ đơs lah rơndeh par tam lơh bơh lơgar Lo dê pa do neh geh broă lơh bơ chồt ngòt rơ ngơ\t tu\ par rềp dùl nơm rơndeh par lòt gròi sền bơh Mpồl ling dà lềng Mỹ dê tàm kơl wàng trồ dunia. Do là dơ\ pơrjum kơnă kuang bàng mờng chài rcăng lơh tàm Gah sền gàr dà lơgar lơgar Mỹ, mờ bơta tus bal bơh Kuang ătbồ Gah ling dà lềng lơgar Mỹ dê là ồng James Foggo. Mơya, tu\ do ờ hềt gi\t loh đah lơgar Lo geh ală kuăng bàng lơi tus bal.

Ngai òr 26/8, ồng Shinzo Abe kuang gơs gơnăp gơnoar atbồ hơđang rlao jơh lơgar Nhờk đơs geh bơyai lơh niam wơl gơnoar at bồ lơgar ngầi 3/9 tus. Đơs tàm dơ\ pơrjum tàm mpồl đơng lam at bồ đảng lơh tờm khat gơboh LDP mờ ồng lơh kuang at bồ. Ồng Abe ai git: “A` kơp kờ` ai tơlik ờ ua\ bơta nàng rơndap lơh niam wơl gơnoar at bồ lơgar pa tàm tu\ bol he gam mut tàm tơngai dơ\ 2 bơh dơ\ bơt bơtàu wơl dà lơgar, geh lơh ua\ tàm ala\ bơta bè sền gàr ngap lơngai dà lơgar mờ ala\ rài lơh sa tàm kơnhoàl”. Jat ồng Shinzo Abe, kuanggeh jơng tàm mpồl at bồ pa LDP kung geh yal tàm ngai 3/9 tus.

Ngai òr nao 26/8, dùl nă bác sĩ lơgar Liberia bơ tờp virus Ebola neh chơ\t, bulah lài hơ\ geh sơm kòp mờ sơ nơm lơh tơr lòng lài Zmapp bơh Mỹ dê. Jăt ală kuăng bàng lơh sơ nơm lơgar Liberia dê yal, bác sĩ Abraham Borbor kuang jăt jơng atbồ bơh dùl hìu sơnơm tàm lơgar Liberia, neh geh sơm kòp mờ dùl tàm 2 ding sơnơm geh jun tus bơh lơgar Mỹ tus lơgar Liberia. Mơya, ồng neh ờ bời kòp mờ chơ\t. Jăt jơnau yal kờp tus ngai 22 nhai 8, bơh Mpồl lơh sơ nơm dunia dê, kòp Ebola neh lơh 1427 nă cau chơ\t tàm khà 2615 nă cau gơbàn kòp do tàm 4 lơgar tàm tiah đah măt tơngai mu\t Châu Phi. Rlau 240 nă cau lơh sơ nơm neh bơ tờp virus Ebola mờ nggùl tàm khà hơ\ gơtìp chơ\t.

Ngai òr 26/8, kảnh sát lơgar Lo neh kup geh 38 na\ cau geh pin pơrdah bơceh lơh mờ tac jơng iar geh tram sơnơm hoá học. Do la dơ\ ờ niam ngan phan sa pơnjat tai tàm lơgar Lo geh gơ rềng tus dùl tàm ala\ phan sa geh kờ` ngan tàm lơgar do. Kảnh sát tàm Vĩnh Gia, di càr Chiết Giang, đah mat tơngai lik lơgar Lo ai git neh kup geh 30 rbô tấn jơng iar geh tram sơnơm Hydrogen peroxide, tơnơ\ geh sền 9 hìu mai\ tàm ala\ càr Giang Tô, An Huy, Hà Nam mờ Quảng Đông. Dơ\ jơng iar tram sơnơm hoá chất  gơbàn go\ dơ\ sơnrờp tàm Vĩnh Gia tàm nhai 9 nam lài. Kảnh sát neh lùp khàu mờ git go\ kup geh 35 na\ cau tac jơng iar bơ\ bơl do. Ala\ hìu mai\ neg ngui sơnơm Hydrogen Peroxide nàng lơh kò mờ lơh kloh jơng iar. Kảnh sát gam pơnjat tai jòi 11 na\ cau geh pin.