JƠNAU TƠNGGIT TÀM LƠGAR.

Mho òr 01/10 tàm lơgar Hàn Quốc, ồng Nguyễn Phú Trọng kuang atbồ đơng lam Đảng dà lơgar bal mờ mpồl kuang bàng dờng màng lơgar he dê neh tus càr lơgar Seoul sơn đờm dơ\ tus còp kơnă dà lơgar tus lơgar Hàn Quốc jat jơnau jà bơh mò Park Geun Hye kuang atbồ lơgar Hàn Quốc. Tơ nơ\ mờ tu\ tus càr lơgar Seoul, ồng Nguyễn Phú Trọng neh geh 1 ròt ală dơ\ tìp mat. Wă kuang atbồ mpồl git gơp lơh bơ yô lơgar Hàn Quốc - Việt Nam la ồng Choi Young Joo, ồng Nguyễn Phú Trọng đơs niam ală broă lơh bơh mpồl git gơp lơh bơyô đah 2 lơgar Việt Nam mờ Hàn Quốc tàm 13 nam do, chul chồl git gơp bal mờ sơ lơ bơtàu tơnguh nùs nhơm lơh bơ yô bal đah làng bol lơgar Hàn Quốc mờ lơgar Việt Nam jat uă broă lơh tìp mat chài rơgơi, tìp mat lơh quèng làng bol 2 lơgar, dong kờl ală cau bơsram dờng, cau lơh broă mờ cau ùr Việt Nam tàm lơgar Hàn Quốc, ală rơndap broă niam dong kờl cau, dong bơt bơtàu hìu bơsram tàm ală tiah kal ke bơh lơgar Việt Nam dê. Ồng Nguyễn Phú Trọng đơs tờm, nùs nhơm git gơp lơh bơ yô đah làng bol 2 lơgar là bơnàng jă mpồl bơtiàn kuơ màng ngan, là bơnàng jă kơ\ kơljap tus mờ bơta git gơp đah ală lơgar, kơp kờ` là mpồl git gơp lơh bơ yô Hàn Quốc - Việt Nam geh pơnjat tai là bơta niam chul chồl tìp mat bal làng bol 2 lơgar ngai sơ lơ bơtàu tơnguh.

 Pơn jăt tai pơrjum dơ\ 31, mho òr 01/10, anih duh broă sùm Gơnoar ala măt dà lơgar ai jơnau đơs tàm rơndăp broă adăt gah tề lam gùng dră bal Việt Nam tam gơl. Ală kuang bàng đơs, broă lơh wơl, tam gơl adăt gah tề lam gùng dră bal Việt Nam là pal geh lơh, kờ` lơh mùl màl ală kơrnoăt pa bơh sơnoa boh lam gơrềng tus mờ gah tề lam gùng dră bal Việt Nam, tơmù ală broă ờ pràn, gam kal ke tàm broă lơh jăt adăt, ai tơngu me adăt boh lam mờ broă pal geh tus mờ broă lơh gah tề lam gùng dră bal Việt Nam dê tàm tơngai tus. Dùl tàm ală bơta pa bơh sơnoa boh lam là dờp gơnoar bơh gah tề lam gùng dră bal dê tàm broă “Sền gròi mờ dră wơl mpồl bơtiàn”. Jăt mờ adăt gah tề lam gùng dră bal Việt Nam tu\ do, rơndăp broă adăt do neh pờ uă rơlao broă lơh mờ uă cau geh sền gròi.

 Mut lơh broă lơh tìp mat cau te\ khà lài mờ pơrjum dơ\ 8 gơnoar ala mat dà lơgar kơnă 13, ngai òr 01/10, mpồl kuang ala mat gơnoar ala mat dà lơgar bòn dờng Hà Nội bơh ồng Phạm Quang Nghị kuang atbồ đơng lam Đảng bòn dờng, kuang atbồ mpồl kuang bàng gơnoar ala mat dà lơgar bòn dờng Hà Nội lơh kuang lam bồ mpồl neh tìp mat cau te\ khà kơnhòal Đống Đa mờ kơnhòal Hai Bà Trưng. Tàm dơ\ tìp mat, ală bơta mờ cau te\ khà đơs tus là ờ niam tàm broă ai priă gùng lòt ù gờl, kòl yan tàm broă lơh niam hìu ơm bal yau, bơta toh wơl ù dà lơgar, bơta niam dà ngui sa, lơyài tàm broă lơh sră ngui ù làng bol in…Jat jơnau đơs bơh cau te\ khà kơnhòal Đống Đa dê, broă ai priă gùng lòt ù gờl tàm tơngai do geh jàu cau atbồ bòn in tus tơl hìu nhă nàng ai, ờ mìng lơh roh uă tu\ tơngai, cau lơh broă, mờ cồng nha lơh geh ờ uă. Khà ală hìu nhă dờp tă priă 1 êt ngan, den tàng cau te\ khà dăn mờ gơnoar ala mat dà lơgar, gơnoar atbồ lơgar pal kơ lôi sơ nơng tam gơl broă ai priă gùng lòt nàng gàr bơta buơn bùai mờ dờp geh bơta ringbal bơh làng bol dê.

Ngai òr 01/10, mpồl kuang bàng tàm Gơnoar ala măt dà lơgar càr Dak Nông neh geh dơ\ tìp mờ cau te\ khà tàm bòn drà Đức An, kơnhoàl Dak Song. Tàm dơ\ tìp, tơnơ\ mờ tu\ ala măt mpồl kuang bàng tàm Gơnoar ala măt dà lơgar càr yal bè tơngu me pơrjum dơ\ 8 Gơnoar ala măt dà lơgar kơnă 13 tus do dê, ală cau te\ khà neh geh uă jơnau đơs gơrềng tus mờ ală broă gam kal ke tàm càr bè: broă tơm ntrờn ù tiah ờ hềt di tu\, ờ di pal, ờ ring niam. Broă oh kòn tàm do neh jơh bơsram tàm ală hìu bơsram dờng, hìu bơsram Cao đẳng, trung cấp ờ geh broă lơh gam uă. Broă kham, sơm kòp cau dờng sơnam tàm do ờ hềt geh ai priă.

Mho òr, ồng Nguyễn Xuân Phúc kuang jat jơng gơs gơnap gơnoar atbồ hơđăng rlao jơh dà lơgar neh tus còp mờ bơh bơr mờ kuang bàng, cau pơgru hìu bơsram dờng Phạm Văn Đồng càr Quảng Ngãi. Yal mờ ồng Nguyễn Xuân Phúc tàm dơ\ lơh broă, Phó giáo sư- Tiến sĩ Phạm Đăng Phước kuang atbồ hìu bơsram dờng Phạm Văn Đồng pà git, tơ nơ\ 7 nam crơng gơs, hìu bơsram neh bơt bơtàu geh mpồl cau pơgru geh 1 nă giáo sư, 10 nă Tiến sĩ, rlau 150 nă thạc sĩ. Boh bơr mờ kuang bàng, cau pơgru hìu bơsram dờng Phạm Văn Đồng, ồng Nguyễn Xuân Phúc tơngkah gơnoar đơng lam bồ hìu bơsram dờng pal sền dờng màng tus broă bơto bơtê mpồl cau lơh broă geh bơta niam uă, drơng jơnau kờ` mpồl bơtiàn. Ồng Nguyễn Xuân Phúc sồr kuang đơng lam bồ càr Quảng Ngãi sền gròi bơcri phan bơna mờ ală bơta kuơ màng nàng drơng jơnau kờ` bơto bơsram tus mờr 6 rbô nă cau gam bơsram tàm do.

 Mho òr 01/10, ồng Cao Đức Phát kuang atbồ gah lơh sa mờ tơnguh bơtàu [òn lơgar dà lơgar neh geh dơ\ lơh broă mờ kuang bàng đơng lam càr Dak Lak bè broă bơ\t bơtàu wơl gah lơh sa suơn sre mờ bơ\t bơtàu [òn lơgar pa tàm càr do. Bè broă bơ\t bơtàu [òn lơgar pa, tus tu\ do, càr Dak Lak neh hòi jà geh rơlao 30 rơbô tơmàn priă bơcri tus broă lơh do, tàm hơ\ khà priă tă pơgồp bơh mpồ bơtiàn, anih lơh sa kă bro rơlao 10 tơmàn priă. Càr kung neh geh 5 ntum geh 17 khà mờ lơh ngan jơh nam do geh 3 ntum lơh gơs 19 khà jăt khà dà lơgar dê bè bơ\t bơtàu [òn lơgar pa. Ồng Cao Đức Phát đơs tòm, càr Dak Lak lơh ngan ai bơta pràn tòm bơh tòm kơphe dê, lơh jăt niam broă tam wơl, tam bơrlu\ bal, bơ\t bơtàu khà măt phan kă bro kơphe Buôn Ma Thuột; mờ sền kuơ broă dong kờl làng bol tàm broă lơh ală bơta phan tam, phan ròng di pal mờ càr do dê bè tơngời, bơ, tòm chi sa plai, ròng kơnrồ kờ` rài kis geh tơnguh uă rơlao.

 Mut lơh broă lơh mut ngui công nghệ thông tin tàm broă atbồ, 3 nam do, hìu sơnơm kơnhòal Da\ Krông, càr Quảng Trị neh bơcri lơh che cáp mờ blơi mai\ tính tus jơh 14 hìu sơnơm ntum, bòn drà tàm kơn hòal. Broă mut ngui công nghệ thông tin tàm broă atbồ bơh gah lơh sơnơm dê neh pơ gồp bơnah tơnguh cồng nha broă đơng lam tàm ală hìu sơnơm, ngan là tus mờ ală ntum tiah nhàr lơgar, mơkung tơnguh cồng nha kham sơm kòp làng bol in.

 Mho mờ mang òr 01/10, tềng gùng 14, gơl lòt gan kơnhoàl Ea Hleo, càr Dak Lak neh gơl^k dơ\ rềs àr tàm gùng lòt, lơh 2 nă cau chơ\t tơn mờ 10 nă cau ndai sồt să jroă. Dơ\ rềs àr do gơl^k geh tàm tu\ mờr 5 jơ mho, tềng kơi sồ 610 gùng 14, gơwèt bòn 1, ntum Ea Hleo, kơnhoàl Ea Hleo. Cau go\ gơtìp rềs àr pà g^t: tu\ gơtìp rềs àr, rơndeh pơn diang năc Ford, 16 jơnờng ngui geh bàng sồ 47B 004.88 geh cau sơđam Nam may lòt bơh càr Gia Lai tus càr Dak Lak mờ bơta jờl ngan, tơm di tơn tềng rơndeh Honda geh bàng sồ 77M2 1844, geh ồng Võ Trung Trực, 68 sơnam, kis tàm bòn 1, ntum Ea Hleo lòt bơh đăp, pơn diang pơ-ùr là mò Bùi Thị Hạnh, 64 sơnam. Lơh 2 nă ùr bơklao đì rơndeh Honda chơ\t tơn, rơndeh gơtìp bơcah jơh, rơndeh dờng gơtìp gơlơ\p 2 dar, l^k bơdìh gùng, 11 nă cau tàm rơndeh bal mờ cau măy gơtìp sồt să pal cèng tus hìu sơnơm kơnhoàl Ea Hleo sơm sồt. tơnơ\ mờ hơ\, 5 nă cau gơtìp jroă geh cèng mơ tus hìu sơnơm càr Dak Lak.

JƠNAU TƠNGGIT DUNIA.

 Kờ` sơ lơ tơnguh bơta tam klac bal bè lơh broă đah lơgar Việt Nam mờ lơgar Ảrập Xêut, bơh ngai 21 tus ngai 24/9 pa do, ồng Nguyễn Thanh Hòa kuang jat jơng atbồ gah lơh broă-cau ling sồt să mờ mpồl bơtiàn lơgar Việt Nam neh còp ngan ngồn lơgar Ảrập Xêut jat jơnau jà bơh gah lơh broă lơgar do dê. Geh bơta jàu kơ nòl bơh gơnoar atbồ lơgar dê, ngai 22/9, ồng Nguyễn Thanh Hòa neh bal mờ ồng Ahmed Al Fahaid kuang jat jơng atbồ gah lơh broă lơgar Ảrập Xêut ki\ jơnau pơr gon dờp cau lơh broă Việt Nam dong broă tàm hìu nhă. Dơ\ ki\ geh bơyai lơh tàm càr lơgar Riyadh, mờ bơta sền go\ bơh ala mat ală gah, sơnah lơh broă geh gơ rềng lơgar Ảrập Xêut, kuang atbồ anih ala mat lơgar Việt Nam tàm lơgar Ảrập Xêut la ồng Trần Nguyễn Tuyên, ală kuang bàng lơh broă tàm anih ala mat, bal mờ gal ngan cau lơh bau\ lơgar Ảrập Xêut. Broă ki\ jơnau pơr gon là 1 bơta bơtàu tơnguh tàm gah tam klac bè cau lơh broă đah 2 lơgar, ai geh buơn bùai cau lơh broă Việt Nam in tus lơh broă, tơnguh priă jền lơh geh.

Ồng Tony Abbott kuang gơs gơnăp gơnoar atbồ hờ đang rơlao jơh dà lơgar Australia ngai òr 01/10 pà git, rơndeh par tam lơh lơgar do geh tus bal mờ mpồl ling geh lơgar Mỹ lam bồ tam dră mờ mpồl ling dà lơgar Islam sơnđan is. Mpồl ling do gam geh tơnguh uă tu\ ngai 30/9, gơnoar atbồ lơgar Thổ Nhĩ Kỳ kung neh dan mờ Gơnoar ala măt dà lơgar do ai broă lơh ling klàng tus lơgar Iraq mờ Syria kờ` kơrian broă sò tơm bơh mpồl ling dà lơgar Islam. Do là broă pờ ơnàng broă đùh bồm ală cau geh phào cau Kurd tàm tiah đah tô lơgar Iraq mờ sền gàr lơgar Thổ Nhĩ Kỳ l^k bơdìh ală bơta pơhìn bơh ling klàng lơgar Syria.

 Ồng Sergei Lavrop kuang atbồ gah cribơyai broă mờ lơgar ndai lơgar Nga đơs tơ nơ\ dơ\ tìp mat ngai òr 01/10 mờ ồng Ri Su Yong kuang atbồ gah cribơyai broă mờ lơgar ndai lơgar Triều Tiên đơs là, ồng go\ geh bơta niam nàng lơh wơl cribơyai 6 lơgar bè ờ geh hạt nhân tàm bồt Triều Tiên. Jat ồng Sergei Lavrop, ală bơta kuơ màng nàng lơh wơl cri bơyai hạt nhân pal geh ală gah ringbal 1 bă git kơrhia, ờ di là broă lơh is ni sơna. Ồng Sergei Lavrop đơs tờm, do là 1 broă lơh kal ke, mơya ờ hềt jơh bơta kơp kờ`. tàm dơ\ tìp mat tàm càr lơgar Moscow lơgar Nga, 2 nă kuang kung ringbal là, dulah geh bơta pràn, mơya cribơyai hạt nhân 6 lơgar ờ hềt gơtùi lơh wơl mơ, mờ broă lơh do pal geh tu\ tơngai.

Anih sơnđio rùp PressTV lơgar Iran ngai òr  01/10 yal, ală rơndeh par tam lơh lơgar Anh neh đùh bồm dơ\ sơnrờp kờ` di tàm ală mpồl iơh bơsăk Takfiri, gơwèt mpồl dà lơgar Islam tàm tiah đah tô măt tơngai mu\t lơgar Iraq. Tàm 1 jơnau yal geh ai tơl^k tàm ngai 30/9, gah sền gàr lơgar Anh pà g^t: “Jăt broă sền gròi geh phào bơh mpồl ling rơndeh par lơgar Anh dê, 2 nơm rơndeh par tam lơh Tornados geh jàu kơnòl dong kờl ală cau ling là cau Kurd tàm tiah đah tô măt tơngai mu\t lơgar Iraq gam pal gơtìp broă sò tơm bơh ală cau iơh bơsăk dà lơgar Islam”. Jơnau yal đơs tòm, ală dơ\ đùh bồm do bơh mpồl ling rơndeh par lơgar Anh là 1 bơnah tàm ală broă lơh bal dunia dê kờ` dong kờl gơnoar atbồ lơgar Iraq tàm broă tam dră mờ ală cau iơh bơsăk.

 Ngai òr 01/10, lơgar Nhờk neh lơh wơl broă dong kờl tàm tiah bơ nơm ồs Ontake, tiah đah tàm gùl lơgar do. Jơnau yal bơh cảnh sát dê pà git, neh geh tai 10 bồc cau geh jòi go\ tàm ngai òr, tơnguh khà cau chơt tus 48 nă kờp bơh tu\ bơ nơm ồs ni sơna bruh ồs tàm lồi poh lài. Bơ nơm ồs Ontake ngai òr pơnjat tai bruh thul kơmbuh.