JƠNAU TƠNGGIT TÀM LƠGAR.

 Pơnjat tai broă lơh tìp mat cau te\ khà tơ nơ\ pơrjum dơ\ 8, Gơnoar ala mat dà lơgar kơnă XIII, ngai òr 03/12, ồng Trương Tấn Sang kuang atbồ lơgar mờ ală kuang bàng gơnoar ala mat dà lơgar mpồl te\ khà sồ 1, mpồl kuang bàng gơnoar ala mat dà lơgar [òn dờng Hồ Chí Minh neh tìp mat cau te\ khà kơnhòal 1 mờ kơnhòal 3 [òn dờng Hồ Chí Minh. Tàm ală dơ\ tìp mat, cau te\ khà jờng rơ pơrjum dơ\ 8, gơnuar ala mat dà lơgar kơnă 13 neh cribơyai, ai jơnau đơs bè ală bơta kuơ màng bè bơta lơh sa mpồl bơtiàn nam 2014, bơta buơn mờ bơta lòng tàm nam 2015, tam gơl pa bơto bơtê mờ bơsram, mut ngui ngan ngồn uă jơnau cih bơh sơnua boh lam tam gơl dê, neh lơh geh bơnàng jă adat boh lam kuơ màng tus mờ bơtàu tơnguh lơh sa mpồl bơtiàn mờ sền gàr ngap lơngai dà lơgar. Bal mờ hơ\, cau te\ khà kung đơs bè ală bơta ờ niam tàm gah bơto bơsram, gah lơh sơnơm, tàm broă mut ngui adat boh lam, broă kờp sền phan bơna là pal geh, mơya ờ geh loh làng, mờ ờ gơtùi sền gròi, do là jơnau lơh bơta sa kuề sa kùa ngai sơ lơ gơguh uă. Cau te\ khà Nguyễn Thanh Doai ơm tàm sơnah [òn Phạm Ngũ Lão, kơnhòal 1 [òn dờng Hồ Chí Minh đơs bơta hoàc huơr tu\ do gam là 1 bơta aniai drờm mờ sa kuề sa kùa.

Mho mờ mang òr 03/12, ồng Nguyễn Thiện Nhân kuang atbồ anih duh broă gah tề lam gùng dră bal Việt Nam mờ mpồl kuang bàng tàm dà lơgar lơh broă mờ mpồl đơng lam Đảng càr Bình Định bè broă lơh jăt kơrnoăt pơrjum dờng Đảng càr Bình Định dơ\ 18. Tàm dơ\ lơh broă, ồng Nguyễn Thiện Nhân neh đơs niam ală cồng nha mờ mpồl đơng lam Đảng bal mờ làng bol càr Bình Định neh geh tàm 4 nam lơh jăt kơrnoăt pơrjum dờng Đảng càr dơ\ 18. Di tàm dơ\ do, ồng Nguyễn Thiện Nhân mờ mpồl kuang bàng dà lơgar neh pà 500 tơlăk priă dong kờl làng bol tàm càr Bình Định gơtìp hoàc huơr bơh mìu càl dờng sồ 4 pa do lơh aniai; pà phan 4 nă cau lơh ka kờ` lơh pa ơhò, tơl nă geh dong kờl 300 tơlăk priă; pà ală kuang bàng tàm mpồl ling sền gàr nhàr dà lơgar, hìu nhă cau geh sră dong kờl bơh dà lơgar pơnrơ jăk mờ pà priă bơsram kơnòm bơsram tàm [òn dờng Quy Nhơn in.

 Mho òr 03/12 tàm hìu lơh broă Gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hờđang rlao jơh dà lơgar wă ồng Andrei Kovtun kuang atbồ anih ala mat lơgar Nga tus tơngac di tơn jơh tơngai lơh broă tàm lơgar Việt Nam. Ồng Nguyễn Tấn Dũng đơs niam bơta tă pơ gồp jơh nùs bơh ồng Andrei Kovtun dê tàm broă chồl pràn git gơp lơh broă bal, tơl lam đah Việt Nam mờ Nga tàm tơngai lơh broă tàm lơgar Việt Nam. Ồng Nguyễn Tấn Dũng đơs tờm nùs nhơm ờ tam gơl bơh Việt Nam dê là sùm kơp kờ`, lơh jơh pràn, bal mờ lơgar Nga lơh ngan tơnguh bơta git gơp 2 lơgar bơtàu tơnguh jrô ơnàng, geh cồng nha, ngan ngồn, cèng wơl bơta kuơ làng bol 2 lơgar in. Ồng Nguyễn Tấn Dũng kơp kờ` ồng Andrei Kovtun pơnjat tai geh ală tă pơ gồp ngan ngồn tàm broă bơt bơtàu bơta bơtàu tơnguh bơh git gơp 2 lơgar.

Drim òr 03/12, mpồl duh broă ala mat làng bol càr Bình Phước kơnă 8 neh mu\t pơrjum dơ\ 11. Do là pơrjum kuơ màng geh kuơ tàm broă tơl^k broă lơh geh cồng nha ală kơnòl mờ kơrnoăt pơrjum dờng Đảng càr dơ\ 9 neh ai. Tàm pơrjum, anih duh broă càr Bình Phước neh hơ jơnau lùp bơh ờ uă cau te\ khà mờ kuang bàng tàm mpồl duh broă ala măt làng bol càr bè: ală broă lơh tơmù dồs gam gơlời priă bơ\t bơtàu tòm; bơta lơi lơh gơl^k geh broă lơh gùng 13 gơl lòt gan An Lộc-Hoa Lư gơtìp lơyaì; broă bơsong ală gơl gùng lòt sùm gơtìp tơrlah, ờ niam kờ` tơl niam ờ do ờ dă tàm broă lòt rê tàm gùng; ală cơng tàng kờ` tơl niam geh cồng nha tă dia nam 2014 di gơlan geh 3 rơbô 506 tơmàn priă mờ broă lơh kờ` geh khà 6 nă nggùl bác sĩ lơh broă tàm rơlao 10 rơbô nă làng bol.

 Ngai òr 03/12, mpồl kuang bàng gơnoar ala mat dà lơgar càr Dak Nông tìp mat mờ cau te\ khà ntum Quảng Phú, kơnhòal Krông Nô mờ ntum Quảng Sơn, kơnhòal Dak Glong, nàng yal bè cồng nha pơrjum dơ\ 8 đơs bal mờ ală jơnau tơngit mờ cau te\ khà tàm bòn lơgar sền gròi. Tơ nơ\ mờ tu\ iat yal, jơh ală cau te\ khà neh chờ hờp bè ală cồng nha ờ dơ\ pơrjum neh lơh geh, mơkung đơs ờ uă bơta ờ niam tàm bòn lơgar. Cau te\ khà ntum Quảng Sơn den geh ờ uă jơnau dan bè đo was wơl ù tiah làng bol mờ ală mpồl lơh sa kă bro tàm ntum, kờ` tơmù dimơ bơta tam pìt tam phà, bơ song bơta sơ mờm ai uă priă tàm hìu bơsram, broă mut lơh ală bơta dong kờl tus mờ cau geh màng mờ dà lơgar gam lơyài mờ gam uă bơta ờ niam.

Tàm broă tìp mờ cau te\ khà tơnơ\ pơrjum dơ\ 8, Gơnoar ala mat dà lơgar kơnă XIII, ngai òr 03/12, mpồl kuang bàng tàm Gơnoar ala mat dà lơgar càr Gia Lai neh tìp mờ cau te\ khà tàm [òn dờng Pleiku. Tơnơ\ mờ tu\ neh iăt mpồl kuang bàng tàm Gơnoar ala măt dà lơgar càr Gia Lai yal bè cồng nha pơrjum dơ\ 8, Gơnoar ala măt dà lơgar kơnă 13 pa do, cau te\ khà [òn dờng Pleiku tơl^k nùs nhơm chờ hờp, tài pơrjum neh tơl^k, ring bal uă kơrnoăt kuơ màng tus mờ broă tơnguh bơtàu lơh sa-mpồl bơtiàn dà lơgar dê. Cau te\ khà [òn dờng Pleiku kung yal ờ uă broă gam gơl^k geh tàm [òn dờng do bè: geh uă rơndăp broă lơh gam ờ hềt geh lơh, lơh ờ niam tus mờ broă tơnguh bơtàu mờ ring niam rài kis làng bol, ờ tơl [làng nhơl niam, broă lơh bơh ală cau dờng sơnam kal ke tài ờ geh priă. Kuơ màng ngan, cau te\ khà [òn dờng Pleiku yal tàm tơngai pa do tàm [òn dờng do dê gơl^k geh sùm uă cau deh kòn gơtìp chơ\t tu\ deh, pal sền wơl kơnòl bơta niam tàm broă lơh hìu sơnơm dê.

 Kờ` dong cau ùr rơbah geh rài kis kal ke bơtàu tơnguh lơh sa, ai geh broă lơh, tơnguh priă jền lơh geh, tus lồi nam 2014, ală kơnă mpồl cau ùr tàm càr Dak Lak neh lơh sră càn priă mờ anih priă jền dong kờl cau rơbah, anih priă jền lơh broă sa mờ bơtàu tơnguh bòn lơgar, mờ khà priă rlau 1 rbô 105 tơmàn, ai 96 rbô 675 nă cau càn nàng bơtàu tơnguh lơh sa. Bơh priă geh càn, ală hìu nhă neh bơcri bơtàu tơnguh tam phan, ròng phan, kă bro dềt, lơh broă lơh dà sàng kloh, gàr kloh niam tiah ơm kis. Bal mờ hơ\, ală kơnă mpồl cau ùr gam dong kờl bal mờ gơp bơtàu tơnguh lơh sa mờ ală broă lơh dong kờl priă jền, sơntìl chi tam phan ròng, ngai lơh broă, phan bơna, phơng sih.den tàng neh dong 10 rbô 150 hìu nhă rơbah bơh cau ùr lơh tờm hìu nhă geh tai bơta nàng lơh broă sa, kă bro, brồ guh tàm rài kis.

 Ngai òr 03/12, tàm tiah `jrong nhàr dà lơgar sồ 1098, 1099, gơwèt [òn Khưa Đa, ntum Tân Mỹ, kơnhoàl Văn Lãng; mpồl tam dră mờ cau kă bro blơ\ blăc mpồl ling sền gàr tiah nhàr dà lơgar Tân Thanh, càr Lạng Sơn neh go\ ờ uă cau gam pơn diang phan, blơi bơh di pal bơh lơgar Lo cèng tus tàm lơgar. Tu\ go\ mpồl lơh broă geh gơnoar, ală cau do ntoăt dô, lời wơl jơh ală phan tàm hơ\ geh: ào, mpha ram kơnòm dềt, mhpa jil mờ klung klờm sur, kờp jơh di gơlan tus 1 tơmàn 200 tơlăk priă. Anih lơh broă geh gơnoar neh ku\p ală phan do mờ lơh gơs sră nggal kờ` bơsong jăt kơrnoăt adăt boh lam dê.

JƠNAU TƠNGGIT DUNIA.

 Kuang bàng gah sền gàr lơgar Thái Lan mờ lơgar Campuchia ngai òr 03/12  ringbal sơ lơ tam klac nàng sền gàr ngap lơngai tiah nhàr đah 2 lơgar. Đơs mờ cau lơh bau\ tơ nơ\ dơ\ pơrjum 2 ngai, Đại tướng Neang Phat kuang dong broă gah sền gàr dà lơgar Campuchia pà git, 2 gah ringbal chul chồl tam klac 2 lơgar tài ngap lơngai tàm tiah nhàr lơgar, kung bè sơ lơ tam klac rlau tai tàm gah sền gàr dà lơgar mờ sền gàr ngap lơngai đah 2 lơgar. Jơnau yal bơr bal geh tơlik tơ nơ\ dơ\ pơrjum 2 ngai tàm càr lơgar Phnôm Pênh, kuang bàng gah sền gàr lơgar Thái Lan mờ lơgar Campuchia neh ringbal tam klac tàm broă crơng gơs ală anih sền gròi tiah nhàr lơgar, sơ lơ tam klac tàm gah kă bro, lơh sơ nơm, nhơl chờ, rơcang sơndră kă bro kơ`au, kă bro cau mờ ală bơta cau tìs ndai.

Ngai òr 03/12, bơta lơngăp lơngai geh sền gàr nền nòn tàm [òn dờng rềp tiah nhàr dà lơgar Basel, lơgar Thuỵ Sỹ dê lài mờ pơrjum dờng mpồl sền gàr bơta lơngăp lơngai mờ lơh broă bal châu Âu dê nam 2014 geh bơyai lơh tàm [òn dờng do. Ală gơl gùng ngài mờ anih bơyai lơh pơrjum 200 thơ\k ndrờm gơtìp kơrian. Cảnh sát kung neh tơnguh tàm [òn dờng do kờ` bơta lơngăp lơngai tus mờ pơrjum geh bơyai lơh 2 ngai, ngai do mờ ngai hìng geh sền gàr niam. Kuang atbồ gah cri bơyai broă lơh bal mờ lơgar ndai lơgar Nga, lơgar Mỹ, kuang dong broă gah sền gàr bơta lơngăp lơngai mờ lơh broă bal mờ lơgar ndai mpồl tam klăc châu Âu, bal mờ kuang atbồ gah cri bơyai broă lơh bal mờ lơgar ndai lơgar Ukraine di gơlan geh tus bal mờ pơrjum do sơl.

 Mpồl tam klac dunia bơh lơgar Mỹ atbồ gam lơh ờ pràn broă lơh bơh mpồl dà lơgar Islam pồ is tàm lơgar Iraq mờ lơgar Syria. Do là jơnau yal bơr bơh ồng John Kerry kuang atbồ gah cribơyai broă mờ lơgar ndai lơgar Mỹ tơlik ngai òr. Đơs tàm dơ\ pơrjum sơn rờp bơh ală kuang atbồ gah broă lơh tàm mpồl tam klac geh rlau 60 lơgar tam dră mpồl dà lơgar Islam, ồng John Kerry pà git, mpồl tam klac neh mut lơh mờr 1 rbô dơ\ đùh bồm tàm lơgar Irắc mờ lơgar Syria. Mpồl dà lơgar Islam tàm lơgar Iraq neh ờ pràn mờ ală mpồl ling gơnoar atbồ lơgar Iraq neh ai geh wơl uă tiah, rề ơnàng gơnoar sền gròi ngap lơngai gùt dar ờ uă hìu mai\ jồr zờu.

 Tàm jơnau yal ngai òr 03/12, gah cri bơyai broă lơh bal mờ lơgar ndai lơgar Iran neh ờ dờp ală jơnau yal bè broă rơndeh par tam lơh lơgar do sò tơm dà lơgar Islam tàm lơgar Iraq. Mò Marzieh Afkham cau pơlam đơs geh cri bơyai broă lơh bal mờ lơgar ndai lơgar Iraq đơs “Bol a` ờ dờp geh ală jơnau yal lơi bè broă lơh bal ling klàng bơh lơgar Iran tàm lơgar Iraq dê kờ` tam dră mờ dà lơgar islam”. Mò Afkham đơs, lơgar Iran kung ờ tam gơl broă lơh mờ mìng rơ\p sồr pơlam mờ dong kờl ling klàng lơgar Irăc tàm broă lơh jăt adăt bơh lam dunia dê.

Gơnoar ala mat dà lơgar Tây ngai òr nao  02/12, neh ringbal kơrnuat sồr gơnoar atbồ lơgar do dờp Palestin là dà lơgar ngap lơngai is. Lài mờ hơ\, gơnoar ala mat dà lơgar Anh mờ Tây Ban Nha kung ringbal kơrnuat bè do. Bơta do gơtùi go\, ngai sơ lơ geh uă lơgar châu Âu kờ` broă lơh ngan crơng gơs dà lơgar Palestin bè 1 bơta lòng nàng chul chồl broă lơh cribơyai ngap lơngai trung đông.

Mpồl cau jăt yàng Islam Hamas pà g^t, broă gơtìp tam cah is gơnoar atbồ lơgar Israel là 1 pha lin bơh cau Palestin dê. Cau pơlam đơs mpồl jăt yàng Islam Hamas là ồng Abu Zuhri đơs “Broă gơtìp tam cah is gơnoar atbồ tam klăc bal lơgar Israel là 1 cơng tàng tai pà go\ pha lin bơh cau Palestin dê mờ tềl tơngo\ ồng Netanyahu gam gơtìp sal tê uă ngan tus mờ bơta ờ geh cồng nha tàm dòr Gaza”. Jơnau yal geh mpồl Hamas ai tơl^k tu\ ồng Benjamin Netanyahu, kuang gơs gơnăp gơnoar atbờ hờ đang rơlao jơh lơgar Israel tơl^k kơrnoăt tơn jơh at gơnoar 2 nă kuang bàng tòm tàm mpồl tam klăc at gơnoar tài tìs geh nùs nhơm tamdră mờ gơnoar atbồ lơgar, mờ hòi jà geh bơyai lơh te\ khà kờ` tàm lơgar do.