JƠNAU TƠNGGIT TÀM LƠGAR.

Ngai do 06/11, Gơnoar ala mat dà lơgar pơrjum bal tàm hìu pơrjum, cribơyai bè rơndap adat tam gơl, bơ tơl ò uă bơta bơh adat sỹ quan ling klàng làng bol lơgar Việt Nam mờ rơndap adat kuang àng làng bol tam gơl. Do là 2 rơndap adat yal mờ gơnoar ala mat dà lơgar ringbal tàm pơrjum dơ\ 8 do. {ùi drim, gơnoar ala mat dà lơgar iat jơnau mblàng, cih dờp, bơ song mờ cribơyai bè rơndap adat tam gơl, bơ tơl ờ uă bơta bơh adat sỹ quan ling klàng làng bol Việt Nam. Rơndap adat tam gơl, bơ tơl ờ uă tơngume:Cih bè kơ nòl, gơnoar kuơ màng sỹ quan dê, bè sơ nam lơh  bơh sỹ quan dê, cih bè kơnă griăt jơnhua ngan rlao jơh là kơnă Tướng tus mờ ală sỹ quan ling klàng làng bol Việt Nam, bè jơnau cih tơnguh griat tus mờ sỹ quan gam lơh broă, bè gơnoar tơlik tus mờ sỹ quan, bè priă nhai, bơta dong kờl, hìu ơm mờ bơta lơh broă tus mờ sỹ quan gam lơh broa\.

 Mang òr 05/11, tàm hìu đơs crih dờng Hà Nội, mpồl đơng lam tiah Tây Bắc neh pơgồp bal mờ anih duh broă kòn cau Gơnoar atbồ lơgar, gah bơto pơlam gùng dà broă lơh dà lơgar, gah chài rơgơi-tàp pràn să jan mờ nhơl chờ dà lơgar bơyai đơs crih tamya “Nùs nhơm niam Tây Bắc”. Đơs tàm dơ\ mu\t đơs crih, ồng Nguyễn Xuân Phúc kuang jăt jơng gơs gơnăp gơnoar atbồ hờ đang rơlao jơh dà lơgar, mờ là kuang atbồ đơng lam tiah Tây Bắc neh đơs tòm, tơngai do, Tây Bắc geh tơnguh bơtàu tơl mờ ală bơta, ù tiah geh uă bơta pràn bè lơh sa suơn sre, brê bơnơm, lơh phan geh is, hìu măy pờ tơl^k ồs đèng. Bu\ lah bè hơ\, gam uă kal ke bè broă lơh sa, sền gàr dà lơgar, bơta lơngăp lơngai. Den tàng, tơnguh bơtàu tơl ală bơta, kơl jăt tàm tiah do ờ mìng là nùs nhơm kơ\p kờ` làng bol tàm do dê, mờ gam la kơnòl Đảng mờ Dà lơgar dê tàm broă tơnguh bơtàu dà lơgar. Do kung là tơl^k nùs nhơm niam bơh gùt lơgar tus mờ Tây Bắc, Tây Bắc tus mờ gùt lơgar tàm broă tơn jơh jơgloh, tơmù rơ[ah bơ\t bơtàu dà lơgar.

Nàng drơng tus broă bơt bơtàu, lơh sir sră rơndap cih jơnau yal gùng dră bal yal tàm dơ\ pơrjum 12 bơh Đảng dê, drim òr 05/11, mpồl lơh broă bơh mpồl cih sră nggal pơrjum dơ\ 12 Đảng dê bơh ồng Đinh Thế Huynh kuang geh jơng gah gùng dră bal dà lơgar, lơh broă tàm mpồl đơng lam Đảng dà lơgar, mơlà kuang atbồ mpồl mblàng yal gùng dà broă lơh dà lơgar lam bồ neh lơh broă mờ mpồl đơng lam Đảng càr Lâm Đồng bè bơta bơtàu tơnguh lơh sa mpồl bơtiàn, sền gàr dà lơgar, sền gàr ngap lơngai mờ broă lơh bơt bơtàu Đảng, bơt bơtàu ròt anih lơh broă gùng dră bal bơh càr dê tàm ală nam pa do. Đơs tơn jơh pơrjum, ồng Đinh Thế Huynh đơs niam ală cồng nha bè lơh sa mpồl bơtìan, sền gàr dà lơgar, sền gàr ngap lơngai, bơt bơtàu Đảng, bơt bơtàu ròt anih lơh broă gùng dră bal sàng kloh, pràn kơldăng, kơ\ kơljap mờ mpồl Đảng càr Lâm Đồng neh lơh geh. Mpồl lơh broă neh cih dờp, đơs niam ală jơnau đơs tă pơ gồp mờ ală jơnau dăn bơh mpồl đơng lam Đảng càr Lâm Đồng, pơ gồp bơnah bơ song rơndap cih jơnau yal gùng dră bal yal tus pơrjum dơ\ 12 bơh Đảng dê. Ồng Đinh Thế Huynh sồr, mpồl đơng lam Đảng càr Lâm Đồng pal tơr gùm đơng lam bồ, lơh jơh kơ nòl bơtàu tơnguh lơh sa mpồl bơtìan tàm ală nam 2014, 2015, pơ gồp bơnah mut lơh geh cồng nha kơrnuat pơrjum dơ\ 11 Đảng dê, mơkung lơh ngan rơcang pơrjum Đảng ală kơnă, wèt tus pơrjum mpồl Đảng càr dơ\ 10 mờ pơrjum dơ\ 12 bơh Đảng dê.

Drim òr 05/11, Gah Thông tin mờ Truyền thông dà lơgar bal mờ anih duh broă càr Dak Lak bơyai lơh pơrjum [ăo yal bè pơlòng ală mpồl lòt lam sồr bè bơta niam ờ do ờ dă tàm gùng lòt nam 2014 tiah Tây Nguyên mờ ală càr rềp bal Dơ\ pơlòng geh bơyai lơh bơh ngai do (06/11) tus ngai 08/11) tàm [òn dờng Buôn Ma Thuột, càr Dak Lak, mờ broă tus bal bơh 13 mpồl lòt lam sồr ală càr, [òn dờng tiah đah jum tàm gùl lơgar, Tây Nguyên mờ càr Bình Phước. Tàm dơ\ pơlòng, geh bơnah ràng tơl^k ală pang rùp bè broă niam ờ do ờ dă tàm gùng lòt; pơlòng lơh lèo, đơs crih tamya, lam sồr mờ bơr bè bơta niam ờ do ờ dă tàm gùng lòt mờ geh ai rơndeh lòt lam sồr bè bơta niam ờ do ờ dă tàm gùng lòt. Ồng Lê Hữu Thịnh gơnoar atbồ Gah Thông tin mờ Truyền thông càr Dak Lak pà g^t:“Tơngu me nam do là sền gàr nền nòn ală rơndeh pơn diang phan mờ sền gròi bơta `hơ\ rơndeh, mpồl bơyai pơlòng đơs uă tus mờ broă do kờ` pơgồp bal tàm broă tơmù rơndeh dờng, `jơ\ ir, mờ tơnguh jơnau g^t wă bơh làng bol dê tàm broă lơh jăt ală kơrnoăt tàm adăt boh lam bè ờ do ờ dă tàm gùng lòt ù gờl. Do kung là broă lơh niam tus mờ càr Daklak dê kờ` bơsram bal, tìp bal bơta mờng chài kờ` tơnguh uă ală broă lơh, ală broă lam sồr bơh ală mpồl lòt lam sồr ală càr dê”.

 Ngai òr 05/11, hìu sơnơm dờng dà lơgar càr Thái Nguyên neh sồr mờr 50 nă bác sĩ, y sĩ mờ điều dưỡng tus kham kòp, pà sơnơm ờ sa priă làng bol ntum Cao Kỳ in. jat Phó giáo sư, Tiến sỹ Nguyễn Thành Trung kuang atbồ hìu sơnơm dờng dà lơgar càr Thái Nguyên, mpồl bác sĩ geh kham pơgap 500 nă cau in, tàm hơ\ geh 10 gah kham kòp. Dơ\ do, hìu sơnơm neh ai tus ndo ală bác sĩ ờs mờng mờ 2 nơm ma\y siêu âm, ma\y đo nùs, 1 nơm ma\y nội soi bal mờ uă bơta phan bơna drơng ala gah kham tồr- muh, rơ nồng dờ, sề-muh mat. Cao Kỳ là ntum uă kal ke bơh kơnhòal Chợ Mới, càr Thái Nguyên dê, mờ mờr 98% là cau kòn cau, kis rah rài tàm ală tiah sar lơgar ngài, tu\ do Cao Kỳ gam 41% hìu nhă rơbah.

 Kờp tus ngai 30/10 lài do, ală ntum, sơnah [òn, [òn drà tàm 9 kơnhoàl, [òn drà, [òn dờng tàm càr Phú Yên neh lơh gơs ală broă sền wơl broă lơh jăt ală broă dong kờl tus mờ cau geh màng mờ dà lơgar-hơ\ là jơnau đơs bơh ồng Trần Quang Nhất kuang jăt jơng atbồ anih duh broă càr Phú Yên dê, mờ là kuang atbồ mpồl sền wơl broă dong kờl tus mờ cau geh màng mờ dà lơgar càr do dê. Jăt jơnau yal bơh mpồl sền wơl broă dong kờl tus mờ cau geh màng mờ dà lơgar càr Phú Yên yal, geh rơlao 19 rơbô 700 nă cau tàm 7 mpồl cau jăt kơrnoăt tàm gùt càr neh geh sền wơ. Bơh tàm dơ\ sền wơl, gùt càr do geh rơlao 18 rơbô 600 nă cau geh dờp broă dong kờl jăt kơrnoăt neh ai.

 Ngai òr 05/11, bác sĩ Dương Hòai Bắc kuang atbồ hìu sơ nơm 331 càr Gia Lai pà git, tàm hìu sơnơm do pa gơlik geh broă 2 nă mè mờ kòn pa deh gơtìp chơt tu\ geh deh reh. Jat sră nggal cih wơl, cau mè gơtìp chơt la Phạm Thị Ngân, 32 sơnam, ơm tàm bòn 7, sơnah bòn Yên Thế, [òn dờng Pleiku, mut tàm hìu sơ nơm drim òr nao 04/11 tàm bơta pràn să jan bè ờs. Tus pơgap 5 jiơ òr nao, tu\ deh reh, den ùr do gơ loh pàl să jan, jơng tê gơ rơ kồn, hơ\ sồng chơt. Kòn tàm ndul tơ nơ\ mờ tu\ reh kung gơtìp chơt. Jat jơnau dờp git bơh sơn rờp bơh mpồl y, bác sĩ hìu sơ nơm do dê, jơnau lơh mè mờ kòn pa deh do chơt là tài gơ kòl dà nồm. Broă do gam geh anih lơh broă geh gơnoar lùp khàu lơh loh.

JƠNAU TƠNGGIT DUNIA.

 Àng drim gờ` ngai do 06/11, jat jiơ lơgar Việt Nam, ồng Barack Obama kuang atbồ lơgar Mỹ neh geh jơnau đơs ngan ngồn sơn rờp, tơnơ\ mờ tu\ Đảng làng bol lơh tờm ồng dê ờ jai tàm jơh ală bơta tềng đăp Đảng cộng hòa tàm dơ\ te\ khà gùl tơngai lơh broă geh bơyai lơh ngai òr 05/11. Tàm jơnau đơs tàm gơnoar atbồ lơgar, ồng Barack Obama đơs tờm, ồng tu\ lơi kung rơcang tam klac mờ gơnoar ala mat dà lơgar pa, mờ jơnau kờ` ồng dê tàm 2 nam gam wơl bơh tơngai lơh broă là cèng wơl làng bol lơgar Mỹ in uă ngan rlau jơh ală bơta lơi dilah gơtùi, tàm hơ\ geh ờ uă gah mờ ồng neh ờ dờp geh bơta ringbal bơh ală kuang ala mat Đảng cộng hòa dê tàm 2, 3 nam do. Ồng kung ràng tơlik bơta kơp kờ`, ală kuang đơng lam bồ Đảng cộng hòa tàm gơnoar ala mat dà lơgar geh tam klac bal mờ gơnoar atbồ lơgar. Ồng Obama đơs la, bơta ờ jai bơh Đảng làng bol lơh tờm tàm dơ\ te\ khà gùl tơngai lơh broă uă ngan là tài bơta kòl yan bơh gơnoar ala mat dà lơgar dê, rlau là ală broă lơh mờ gơnoar đơng lam bồ ồng dê. Jat ồng, làng bol lơgar Mỹ kung gam kơp kờ` geh bơta tam gơl mờ ồng neh hơ pơr gon pơgap mờ do 6 nam tu\ ồng tơlik mat pơr lòng te\ khà.

Bơh ngai 04/11, tàm càr lơgar Vientian, lơgar Lào neh bơyai lơh pơrjum Gơnoar ala mat dà lơgar châu Á mờ broă lam sồr phan bơkah kơnòm dềt in. Đơs tàm pơrjum, Tiến sỹ Saysomphon Phomvihan kuang jăt jơng atbồ Gơnoar ala mat dà lơgar Lào neh đơs tòm: broă phan sa bơkah kơnòm dềt in là broă kuơ màng tàm ală lơgar gùt dunia tus mờ broă tơnguh bơtàu mờ rài kis gơboh gơbài làng bol dê tu\ do kung bè tơnơ\ do. Broă phan sa bơkah là broă pal geh bơsong mhar, broă ờ tơl phan sa bơkah tàm kơnòm dềt ha là jơgloh, rơ[ah là bơta tòm lơh kal ke tus mờ broă tơnguh bơtàu. Broă tơl phan sa phan ngui mờ phan sa bơkah là kal ke tus mờ uă lơgar, tàm hơ\ geh lơgar Lào. Jăt ồng Saysonphon Phomvihan đơs, kờ` bơsong bơta do, là kuang bàng tàm Gơnoar ala mat dà lơgar Lào, kờ` pơgồp bal kuơ màng tàm broă ring bal adăt dong kờl phan sa bơkah tàm kơnòm dềt, mờ geh chồl pràn Gơnoar atbồ lơgar ală lơgar tơnguh bơtàu rơndăp broă mờ bơcri kes priă kờ` lam sồr mờ dong kờl bè phan sa bơkah tàm kơnòm dềt.

Pang Thời báo lơgar Anh dê ngai òr 05/11 yal jơnau, Anh gam rơcang ai ling tus lơgar Iraq nàng pơlam tàp mpồl ling tàm bòn lơgar tam dră mờ ală cau geh phàu di mpồl dà lơgar Islam. Jat pang bao\ do, ờ uă sĩ quan lơgar Anh digơlan geh mat tàm hìu lơh broă lơgar Mỹ dê tàm càr lơgar Baddad, lơgar Iraq nàng pơlam tàp mờ dong broă ling klàng lơgar Iraq in. Mpồl pơlam tàp do kung geh ai tus tiah atbồ is cau Kurd dê. Nhai lài, gah sền gàr dà lơgar Anh pà git, 1 mpồl ling lơgar do gam pơlam tàp ală cau geh phàu cau Kurd tàm lơgar Iraq ngui phàu grang dờng bơh lơgar Anh dê ta].

Kuang bàng gah lơh sơnơm lơgar Liberia pa yal geh bơta chờ tu\ ală poh pa do, khà cau gơtòp pa bơh virus kòp ebola tàm lơgar do neh gơmù. Bơdìh hơ\ tai, 2 bơta sơnơm vacsin sơndră mờ kòp ebola sơnrờp ngan neh geh tơlòng mờ ală cau lơh broă nùs nhơm is tàm lơgar Thuỵ Sỹ. Bu\ lah bè hơ\, gah lơh sơnơm lơgar Liberia kung yal lài, ờ di tài bè hơ\ mờ ờ sền gròi ală broă sơndră mờ kòp. Mò Ellen Sirleaf kuang atbồ lơgar Liberia gam lam sồr ală kuang bàng tàm Gơnoar ala mat dà lơgar, ală anih lơh broă gơrềng bal mờ mpồl lơh broă dunia kờ` geh kơrnoăt pơn jăt tai tu\ jơnau yal mhar mờ lơgar do ai tơl^k lài mờ hơ\ kờ` sơndră mờ kòp gơtòp geh jơh tơngai ngui tàm ngai 12/11 tus do.