JƠNAU TƠNGGIT TÀM LƠGAR.

 Pơnjat tai dơ\ lơh broă tàm ală càr Tây Nguyên, ngai òr 6/8, mpồl lơh broă bơh mpồl đơng lam lơh niam adat boh lam dà lơgar bơh ồng Uông Chu Lưu, kuang geh jơng tàm mpồl Đảng dà lơgar, mơlà kuang jat jơng atbồ gơnuar ala mat dà lơgar lơh kuang lam bồ mpồl neh geh dơ\ lơh broă mờ kuang đơng lam bồ càr Dak Lak bè cồng nha mut lơh jat jơnau đơs pơndut sồ 92 bơh gah gùng dră bal dà lơgar dê bè pơnjat tai lơh jat kơrnuat sồ 49 bè broă lơh tam gơl pa adat boh lam tus nam 2020.

Đơs tàm dơ\ lơh broă, ồng Uông Chu Lưu đơs tờm, lơh niam adat boh lam là kơ nòl kuơ màng ngan nàng bơt bơtàu rài adat boh lam sàng kloh, song dơpă. Ồng kung tam pà bal ală kal ke bơh càr dê mờ kờ` ală broă lơh bơh càr dê nàng broă lùp khàu, lah yă, cah rơ`a geh mut lơh di mờ adat boh lam.

Di dơ\ lơh broă tàm Dak Lak, lồi mho òr, ồng Uông Chu Lưu neh tus còp kuang bàng, cau lơh broă bơh anih lơh broă sùm jơnau đơs Việt Nam tàm Tây Nguyên. Tơ nơ\ mờ tu\ iat kuang atbồ anih lơh broă jơnau đơs Việt Nam tàm Tây Nguyên yal bè ală bơta pa bè ală broă lơh mblàng yal tàm Tây Nguyên mờ đơs tờm ală bơta pa gam geh mut lơh jat rơndap broă bơtàu tơnguh bal bơh anih jơnau đơs Việt Nam dê, ồng Uông Chu Lưu neh đơs niam ală cồng nha lơh geh bơh kuang bàng, cau lơh broă anih lơh broă sùm jơnau đơs Việt Nam tàm Tây Nguyên dê, tơ nơ\ rlau 20 nam crơng gơs mờ bơtàu tơnguh. Ồng Uông Chu Lưu đơs là, broă anih jơnau đơs Việt Nam bơyai lơh pờ tơlik 6 dà đơs kòn cau tàm Tây Nguyên geh kuơ bè gùng dră bal dờng màng ngan, sồr anih lơh broă jơnau đơs Việt Nam tàm Tây Nguyên tam gơl pa tơngume mờ bơta chài pờ tơlik nàng pơyua jơnau đơs bơh Đảng, dà lơgar dê tus mờ làng bol. Ồng Uông Chu Lưu đơs:“ Mờ kơ nòl geh Đảng, dà lơgar jàu tàm 1 tiah kuơ màng bè do, den ală oh mi pal lơh ngan, lơh gơs niam, lơh jak kơ nòl he dê. Kơp kờ` ală oh mi lơh niam rlau tai, jơnau yal tơngit pal mhar, di tu\, di mờ rơndap broă. mờ să tờm ală oh mi kung là rơbàng tơr bo\ nàng tam klac bal ală anih lơh broă bơh Đảng, dà lơgar dê mờ làng bol kòn cau bol he. Kơp kờ` ală oh mi pơnjat tai bơto bơtê, tơnguh bơta chài lơh broă, bơcri blơi tai ală bơta phan bơna, mai\ mok, ai geh bơta niam rlau tai nàng jơnau đơs bơh Đảng, dà lơgar dê geh tus mờ làng bol.”

 Ngai òr 6/8, tàm Hà Nội, ồng Phạm Bình Minh kuang jăt jơng gơs gơnăp gơnoar atbồ hờ đang rơlao jơh dà lơgar, mờ là kuang atbồ gah cri bơyai broă lơh bal mờ lơgar bơdìh neh cri bơyai mờ ồng Risu Yong kuang atbồ gah cri bơyai broă lơh bal mờ lơgar bơdìh lơgar Triều Tiên gam còp mùl màl lơgar Việt Nam. Ồng Phạm Bình Minh đơs, lơgar Việt Nam sùm sền kuơ mờ kơ\p kờ` tơnguh broă lơh bal, g^t gơ\p, lơh bơyô bal mờ lơgar Triều Tiên; pơn jờng 2 lơgar geh tơnguh sùm broă tam gơl mpồl kuang bàng ală gah lơh broă, mpồl lơh broă kờ` tơnguh jơnau g^t wă bal, jòi ală broă mờ broă lơh di pal kờ` ai broă lơh sa, kă bro, bơta chài rơgơi, tàp pràn să jan geh tơnguh bơtàu di pal mờ bơta pràn bal mờ bơta geh bơh tơl lơgar dê. Ồng Risu Yong kơ\p kờ` 2 gah cri bơyai broă lơh bal mờ lơgar bơdìh tơnguh gơnoar chồl pràn broă lơh bal bơh 2 lơgar, tơnguh broă pơgồp bal mờ lơh broă bal tàm ală bơta dunia mờ tàm tiah do. 2 gah kung neh tam gơl bè ală bơta tàm dunia, tàm tiah do mờ ală broă geh sền gròi bal, tàm hơ\, geh broă bè bồt Triều Tiên mờ broă tàm dà lềng đah măt tơngai l^k.

 Drim òr 6/8 tàm bòn dờng Hồ Chí Minh, mpồl tam klac ală mpồl lơh bơ yô neh bơyai lơh tìp mat tơngkah 49 nam ngai sơn tờm dà lơgar Singapore mờ 10 nam ngai crơng gơs mpồl lơh bơ yô lơgar Việt Nam mờ Singapore bòn dờng. do là tu\ nàng ai tơng go\ nùs nhơm tam klac bal đah làng bol bòn dờng đơs is mờ Việt Nam đơs bal tus mờ làng bol lơgar Singapore. Bơh nhai 9 nam 2013, 2 lơgar neh crơng gơs bơta git gơp lơh broă bal, lơh tềl bơta bơtàu tơnguh pa tàm bơta git gơp tam klac bal. tàm nam lài, kờp jơh priă bơcri geh ai gơnuar pa mờ gơguh tai bơh ală rơndap broă lơgar Singapore tàm lơgar Việt Nam geh mờr 4 tơmàn 400 tơlak đôlar Mỹ, gơguh 153% pơn drờm mờ nam lài. Tu\ do, Singapore là lơgar bơcri tơn dờng dơ\ 3 tàm lơgar Việt Nam, mờ mờr 1 rbô 300 rơndap broă gam tàm tơngai mut lơh, priă bơcri grh rlau 30 tơmàn đôlar Mỹ.

Drim òr 6/8, ồng Hoàng Trung Hải kuang jăt jơng gơs gơnăp gơnoar atbồ hờ đang rơlao jơh dà lơgar neh tus sền broă lơh rơndăp broă lơh gùng rơndeh ồs bòn dờng Hồ Chí Minh gơl Metro sồ 1 Bến Thành tus Suối Tiên. Ồng Hoàng Trung Hải đơs niam ală broă lơh ngan bơh bòn dờng Hồ Chí Minh dê tàm broă bơcri priă mờ tơm ntrờn ù tiah. Mìng is 1, 2 hìu làng bol tàm càr Bình Dương ờ hềt geh ntrờn, ồng Hoàng Trung Hải sồr kuang bàng đơng lam càr do pal mhar bơsong mờ lơyaì ngan là nhai 10 pal lơh gơs. Ồng Hoàng Trung Hải đơs là: rơndăp broă tòm neh geh jăt mờ khà broă lơh mờ gam tàm tơngai tơrgùm lơh. Den tàng, broă tơl^k khà niam ờ do ờ dă tàm broă lơh sùm pal geh ai lài, pal kơlôi sơnơng lài ală broă bè: tam gơl trồ tiah, ù tiah, tiah kis.

 Kờ` sơ lơ tơnguh rlau tai bơta lơh broă bal ờs mờng, chồl pràn tam klac tàm ală gah đah 2 càr geh bal rlau 76 kơi sồ gùng nhàr lơgar, ngai òr, tàm bòn dờng Kon Tum geh bơyai lơh pơrjum tam klac bơtàu tơnguh 2 càr Kon Tum lơgar Việt Nam mờ càr Sêkông lơgar Lào. Tàm dơ\ pơrjum, kuang đơng lam bồ càr Sêkông mờ càr Kon Tum đơs là, 2 gah pal pơnjat tai chồl pràn tam klac bal nàng bơtàu tơnguh bal tàm ală gah mờ neh ki\ bal sră cih kah mờ uă tơngume tam klac, bè dong kờl  bơto bơtê kuơ bàng, bơto broă lơh kơ nòm bơsram, cau bơsram dờng in, pơn jờng mpồl lơh sa kă bro jòi tu\ tơngai niam nàng bơcri priă, pơ gồp bal bơ song niam bơta cai ntrờn ơm kis khat gơ boh, bau ờ lơh sră tàm tiah nhàr lơgar, yal gơnoar atbồ 2 lơgar bơcri, lơh niam mpồng nhàr lơgar Đak Blô-Đak Ba gơs mpồng nhàr lơgar tờm nàng ai geh buơn bùai tus mờ broă kă bro phan bơna 2 lơgar.

 Anih duh broă bòn dờng Hà Nội pa tơl^k kơrnoăt lơh wơl khà priă bơh rơlao 1 rơbô 300 broă lơh gah lơh sơnơm, bơtơl khà priă 135 broă lơh gah lơh sơnơm ngui tàm ală hìu sơnơm, sơm kòp dà lơgar dê tàm [òn dờng Hà Nội. Jăt mờ hơ\, khà priă broă lơh gah lơh sơnơm tàm ală hìu sơnơm dờng geh ngui ală hìu sơnơm dềt, tàm hơ\ geh bal broă lơh tàm ală gah sơm kòp dờng ngan gơwèt hìu sơnơm khà 2, den geh ngui hòi jà bơh hìu sơnơm khà 1.

 Mpồl atbồ brê rơcang gàr bồ tô Sông Sắt pơ gồp bal mờ mpồl sền gàr brê, kơnhòal Bác Ái càr Ninh Thuận pa kup mpồl jòi tờ trầm tàm bă brê 76A tàm tiah tềl kah yau bơ nơm Tà Năng kơnhòal Bác Ái. Tàm anih lơh broă, 19 nă cau tờ trầm gơtìp kup pà git, jơh mpồl ndrờm bòn tờm tàm càr Quảng Nam, đì rơndeh mut tàm càr Ninh Thuận, tơ nơ\ hơ\ lòt tus bơ nơm Tà Năng tàm ntum Phước Đại bơh ngai 16/7 pa do, nàng jòi tờ trầm tus ngai gơtìp git go\. Anih lơh broă geh gơnoar neh lơh sră, kup phan bơna mờ ai ală cau do lơh sră pơrgon ờ lơh tìs wơl broă lơh aniai brê mờ sồr lik bơh bòn lơgar.

Ngai òr 6/8, mpồl coh plai U19 lơgar Việt Nam tềng đăp mờ broă pơlam bơh ồng Guillume Graechen neh tus lơgar Brunei pơlòng coh plai dunia-cup Hassanal Bolkiah nam 2014. jăt jơnau yal bơh mpồl bơh pơlam, broă tus pơlòng bal Cup Hassanal Bolkiah 2014 là 1 dơ\ niam kờ` ală cau chài coh pai tìp bal, g^t tàm broă coh plai dờng nam do là dar coh plai U19 châu Á. Khà geh ai U19 lơgar Việt Nam tàm dơ\ coh plai do là geh mu\t bal coh tàm dar mờr du\t ndơl.

JƠNAU TƠNGGIT DUNIA.

Jơnau ringbal ngap lơngai kah yau kờ` bơ song bơta tam lơh tàm tiah đah jum lơgar Philippines digơlan ờ lơh geh cồng nha, tu\ ală mpồl geh phàu jat yàng Islam yă gơnoar atbồ lơgar gam lơh sơ lơu\ wơl mờ adat geh ai tơlik, jat mờ hơ\ geh crơng gơs 1 tiah jat yàng Islam atbồ is tàm tiah đah jum lơgar do. Jat jơnau ringbal, mpồl geh phàu tờm ngan tàm lơgar do là mpồl dră wơl jat ỳang Islam Moro ringbal lời jơh phàu crong, bơt bơtàu wơl ală bòn ơm kis. Nàng tam gơl wơl, geh uă gơnoar sền gròi ală bơta lơh sa mờ mpồl bơtiàn tàm tiah do. Dùl anih duh broă bal đah mpồl dră wơl jat yàng Islam Moro mờ gơnoar atbồ lơgar kung neh ring bal mùl màl tus mờ 1 rơndap adat, cih bè ală bơta git gơp mờ gơnoar bơh mpồl mờ gơnoar atbồ dà lơgar, tơ nơ\ hơ\ yal gơnoar ala mat dà lơgar in ringbal. Dilah jơnau ringbal ờ geh cồng nha, digơlan lơh tiah đah jum lơgar Philippines gơbàn tam lơh wơl, kung bè lơh aniai tus broă lơh sa gam bơtàu tơnguh wơl bơh tiah geh uă phan kuơ tàm ù Mindanao.

 Dùl 1 mpồl ală kuang bàng lơh broă bè phào crong hoá học geh tus lơgar Syria kờ` sền gròi broă tơ\p pơrgu\c ală phan hoá học digơlan geh ngui tàm broă lơh phào crong hoá học tàm lơgar do. Đơs tềng đăp mpồl cri bơyai sền gàr bơta lơngăp lơngai anih duh broă dunia, ồng Sigrid Kaag kuang dong broă bè broă sơbì phào crong hoá học lơgar Syri ngai 5/8 neh yal, mpồl kuang bàng bal mpồl ờ ai ngui phào crong hoá học mờ anih duh broă dunia geh dờp kơnòl bè broă sền gròi broă tơ\p pơrgu\c phào crong hoá học lơgar Syri, mờ broă lơh do geh lơh tus nhai 9 tus do.

 Ồng Rosen Plevneliev kuang atbồ lơgar Bulgary ngai òr 6/8 neh ngan ngồn tơn lời lơh broă gơnoar ala mat dà lơgar, yal ală dơ\ te\ khà gờ` tàm ngai 5 nhai 10 tus do. Lài mờ hơ\, ồng Plevneliev kung pồ 1 gơnuar atbồ lơgar ing bơh ồng Georgi Bliznashki lơh kuang gơs gơnăp gơnoar atbồ hơđang rlao jơh dà lơgar đơs tơ nơ\ mờ tu\ geh pồ lơh kuang gơs gơnăp gơnoar atbồ hơđang rlao jơh dà lơgar, ồng Bliznashki hơ pơrgon, gơnoar atbồ lơgar bơh ồng lam bồ geh lơh jat sơnua boh lam, gàr niam bơta loh làng, song dơpă, adat boh lam mờ bơtàu tơnguh làng bol lơh tờm lơgar Bulgary dê.

 Lơgar Arập Se-ut ngai òr 6/8,  neh yal dong kờl 1 tơmàn đôlar Mỹ ai ling lơgar Libanon in kờ` sơndră mờ ală mpồl dră wơl cau jăt yàng Islam gam sền gròi 1 bòn drà tiah nhàr dà lơgar lơgar Libanon dê. Neh lơh 17 nă ling chơ\t mờ 22 nă cau ndai jòi ờ go\ [ồc tàm 5 ngai tam lơh pa do tàm bòn drà Arsal lơgar Libanon. Gơnoar atbồ lơgar mờ mpồl geh phào yal ơm ờ cuh phào kờ` dong kờl tàm ngai òr. Bu\ lah bè hơ\, jăt anih yal tơng^t lơgar Libanon yal, jơnau sồr ơm ờ cuh phào do neh gơtìp tìs tơnơ\ mờ tu\ mpồl geh phào cau jăt yàng islam sò tơm ling lơgar Libanon. Ală dơ\ tam lơh gơl^k geh tàm uă tiah ndai tàm bòn bòn drà.

 Lơgar Jordan pa tong 1 sră cih kơrnuat tus mpồl cribơyai sền gàr ngap lơngai anih duh broă dunia, hòi jà ơm broă lơh ling klàng lơgar Israel dê tàm dòr bơ nơm Gaza. Ồng Dina Kawar kuang ala mat lơgar Jordan tàm anih duh broă dunia pà git, rơndap cih kơrnuat do đơs lah jơh ală broă lơh tam lơh mờ tàm dră pơle\ tàm làng bol tàm dòr bơ nơm Gaza. Rơndap cih kơrnuat hòi jà 1 kơrnuat ơm tam cuh mơ, kơ\ kơljap mờ pal geh sền dờng màng tơl làm, mơkung tơn rê jơh mpồl ling lơgar Israel dê tàm dòr bơ nơm Gaza. Ồng Dina Kawar kung đơs tờm la, Jordan jờng rơ kơrnuat ơm tam cuh 3 ngai đah lơgar Israel mờ srơh Islam Hamas, đơs tờm jơnau kờ` bơh rơndap cih kơrnuat do dê là tơn jơh broă sò tơm cui rơcai bơh lơgar Israel dê tàm dòr bơ nơm Gaza mờ bơt bơtàu wơl ù tiah kềng gah dà lềng do.