JƠNAU TƠNGGIT TÀM LƠGAR.

Ngai òr 9/7, tàm Hà Nội, mpồl đơng lam dà lơgar bè rơcang sơndră sa kuề sa kùa neh bơyai lơh pơrjum dơ\ 5. Ồng Nguyễn Phú Trọng kuang atbồ đơng lam Đảng dà lơgar, mơlà kuang atbồ mpồl đơng lam neh đơng lam mờ đơs tơn jơh pơrjum. 6 nhai bồ nam 2014, tài geh bơta đơng lam tơr gùm bal bơh mpồl đơng lam dê mờ kơ nòl lơh broă uă bơh ală anih lùp khàu, sền gròi, lah yă, cah rơ`a, broă sền go\, bơ song ală broă gơlik geh, tìs sa kuề sa kùa pơn jat tai geh chồl pràn, geh bơta tam gơl loh làng, ngan là tàm broă bơ song ală broă gơlik geh, tìs sa kuề sa kùa dờng, kal ke, geh mpồl bơtiàn sền gròi bè cah rơ`a dơ\ sơn rờp broă lơh tìs Huỳnh Thị Huyền Như, tìs Vũ Việt Hùng, tìs Nguyễn Đức Kiên, cah rơ`a sơn rờp broă lơh tìs Dương Chí Dũng mờ cau tìs bal, jat di jơnau cih bơh adat boh lam dê. Đơs tơn jơh pơrjum, ồng Nguyễn Phú Trọng đơs loh, tàm 6 nhai bồ nam 2014, broă rơcang sơndră sa kuề sa kùa neh lơh geh ală cồng nha pơn rơ ngan. Mơya, ồng Nguyễn Phú Trọng kung đơs broă rơcang sơndră sa kuề sa kùa gam geh ờ uă bơta ờ niam tàm broă bơt bơtàu kơrnuat lơh broă, broă mblàng yal, broă pơ gồp bal đah ală anih lơh broă geh gơnoar, broă lơh bơh ală kuang bàng tàm mpồl đơng lam ờ hềt ring bal.

 Drim òr 9/7, tàm Hà Nội, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar bal mờ ồng Vũ Đức Đam kuang jăt jơng gơs gơnăp gơnoar atbồ hờ đang rơlao jơh dà lơgar neh geh dơ\ lơh broă mờ kuang bàng đơng lam đah tă dia dà lơgar kờ` tơrgùm iăt jơnau yal bè cồng nha bơ\t bơtàu broă lơh sră nggal tàm gah tă dia mờ wèt gùng dà, kơnòl broă lơh tòm gah ta\ dia dê. Tàm tơngu me mblàng ală jơnau gam ờ pràn gah tă dia dê, ồng Nguyễn Tấn Dũng sồr gah priă jền dà lơgar mờ đah tă dia dà lơgar tơrgùm bơ\t bơtàu pràn sră nggal lơh broă, ai tơl^k bơta tam gơl loh làng 6 gah lơh broă đah tă dia dê, tàm hơ\ uă ngan là tơmù nggùl tơngai mờ khà dơ\ tă dia kờ` drơng anih lơh sa kă bro mờ làng bol in. Ồng Nguyễn Tấn Dũng đơs: “He pal dờp do là bơta ờ pràn mờ he gam ờ su\k ơm ngan, he sền is mờ he go\ ờ gơtùi dờp ngan. Hơ\ là khà tơngai uă ngan bè hơ\, 870 jơ, uă ngan den a` ờ g^t sơl, ha là khà dơ\ tă dia bè lơi geh he ai tơl^k uă bè do, uă ngan rơlao mờ ală lơgar lơh broă bal mờ tơnguh bơtàu lơh sa (OECD) mpồl ASEAN-Lo. Ală lơgar sền do là anih bơcri priă lơh sa kă bro, do là bơta pràn tam pơlòng, den làng bol sền bè lơi? Bơta do he pal nền nòn, pal lơh niam wơl, pal tơnguh niam mờ ală broă lơh mùl màl mờ geh cồng nha mùl màl”.

 Mho òr 9/7, ồng Nguyễn Xuân Phúc kuang jat jơng gơs gơnap gơnoar atbồ hơđang rlao jơh dà lơgar mờ mpồl kuang bàng gơnoar ala mat dà lơgar càr Quảng Nam neh geh dơ\ tìp mat cau te\ khà kơn hòal Đại Lộc, yal cồng nha pơrjum dơ\ 7, gơnoar ala mat dà lơgar kơnă 13. Ală cau te\ khà ring bal mờ tơngume jơnau yal bơh gơnuar ala mat dà lơgar bè bơta tàm dà lềng đah mattơngai lik. Tàm hơ\ đơs loh nùs nhơm mờ broă lơh tam dră bơh lơgar Việt Nam dê, krà` cê dră wơl broă lơh tìs bơh lơgar Lo dê tu\ ơn dra khoàng Hải Dương 981 tàm tiah dà lềng lơgar Việt Nam dê. Yal mờ cau te\ khà bè bơta tàm dà lềng đah mattơngai lik, ồng Nguyễn Xuân Phúc pà git, gơnoar atbồ lơgar, gơnoar ala mat dà lơgar neh ai tơng go\ nùs nhơm krà` cê dră wơl broă lơh tìs bơh lơgar Lo dê. Jơi bơtiàn he neh sơr lèt gan uă dơ\ tam lơh dờng, bơta aniai, bơta phi să neh roh uă ngan. Den tàng bol he tàm dră mờ Lo Jat gùng cribơyai ngap lơngai, gùng dră bal, tam dră tàm tiah gơlik geh bơta lơh tìs mờ digơlan geh tam dră mờ adat boh lam.

Ngai òr 9/7, mpồl đơng lam Đảng càr Dak Nông neh bơyai pơrjum tơn jơh ing kơrnoăt bè broă tơnguh bơtàu lơh sa suơn sre ngui broă lơh sa pa tơngai bơh nam 2010 tus 2015, gùng dà broă lơh tus nam 2020. Bơh nam 2010 tus tu\ do, kes priă càr Dak Nông neh ai rơlao 34 tơmàn priă tàm broă lơh jăt ală broă tơnguh bơtàu lơh sa suơn sre ngui broă lơh sa pa tàm càr do. Kờ` bơ\t bơtàu ală tiah tam phan tòm, bơcri priă uă, càr Dak Nông neh hòi jà geh mờr 20 anih lơh sa kă bro tàm gah lơh sa kă bro suơn sre ngui broă lơh sa pa, tàm hơ\ geh 8 rơndăp broă neh geh k^ mờ khà priă bơcri rơlao 456 tơmàn priă. Bu\ lah bè hơ\, jăt ồng Lê Diễn kuang atbồ anih duh broă càr Dak Nông yal, tu\ do, broă lơh sa suơn sre ngui broă lơh sa pa tàm càr Dak Nông gam ờ pràn, den tàng cồng nha ờ uă. Rơlao mờ hơ\ tai, tus tàm tu\ do kung gam ờ hềt geh 1 rơndăp broă tơnguh bơtàu lơh sa suơn sre tơrgùm bal, loh làng ală broă lơh gam uă kal ke; hòi jà bơcri priă ờ di pal mờ bơta pràn càr dê. Ồng Lê Diễn đơs là, ală kal ke do càr Dak Nông dê pal geh bơsong tu\ neh jòi geh anih lơh sa kă bro bơcri priă di pal.

Nàng gàr niam ală bơ tơt rơ bòng dà, Dak Lak neh bơcri mờr 20 tơmàn priă nàng lơh niam jal mhar ală bơ tơt rơ bòng dà gơtìp ờ diơng, mơkung sơ lơ đơng lam, tam pà dà. Dak Lak kung gam chồl mhar 6 rơndap broă rơndap bòn ơm kis tus mờ tiah gơtìp trồ tiah lơh aniai mờ neh ntrờn geh rlau 500 hìu nhă tàm khà 770 hìu nhă lik bơh ală tiah ngòt rơ ngơt. Lài mờ kàl mìu, gah lơh broă sa neh rơndap tơngai kàl lơh broă sa nàng ală tiah in rơcang lài sih tam, tơmù dimơ ală hòac huơr bơh trồ tiah lơh aniai. Ồng Mai Trọng Dũng kuang atbồ cơldu\ lơh broă mpồl đơng lam rơcang sơndră mìu càl rơbut càr Dak Lak đơs:“Tus tu\ do den ală tiah bơh sơn rờp neh lơh jơh rơndap broă rơcang sơndră trồ tiah lơh aniai, kờp sền wơl ală tiah sùm gơtìp trồ tiah lơh aniai, mờ tàm tơl tiah den geh broă rơndap lơh sơndră krơi is, ngan là lơh jat jơnau đơs 4 tàm bòn lơgar tơn. Bơh hơ\, mpồl đơng lam rơcang sơndră mìu càl rơbut càr pơ gồp bal mờ ală mpồl gơ rềng bal kung neh lơh jơh rơndap broă rơcang sơndră trồ tiah lơh aniai càr dê, kung là rơcang lài rlau tai tàm broă do.”

 Jăt jơnau yal mhar bơh gah bơto bơtê mờ bơsram dà lơgar dê, tàm ngai sơnrờp pơlòng dơ\ 2 mu\t bơsram tàm hìu bơsram dờng, hìu bơsram Cao đẳng nam 2014, gùt lơgar geh rơlao 594 rơbô nă kơnòm bơsram tus pơlòng, geh rơlao 78% jăt mờ sră dan tus pơlòng. Tơn jơh ngai pơlòng sơnrờp, gùt lơgar geh 98 nă kơnòm bơsram tìs mờ gơtìp lơh glài, tàm hơ\ geh 69 nă kơnòm bơsram ờ ai pơlòng tai. Ngai pơlòng mu\t bơsram tàm hìu bơsram dờng, hìu bơsram Cao đẳng sơnrờp ngan dơ\ 2 nam 2014 neh bơyai lơh niam, nền nòn, ờ do ờ dă.

Ngai òr 9/7, tàm mpồl duh broă pơr lòng hìu bơsram dờng Dà Làc geh mờr 4 rbô 400 nă cau pơr lòng lơh jơh 2 môn pơr lòng tàm ngai pơr lòng sơn rờp, geh mờr 82% pơn drờm mờ khà cau cih mat tus bal pơr lòng. Cồng nha pơr lòng ngai sơn rờp, geh 1 nă cau gơtìp ờ ai pơrlòng tai tài cèng điện thoại at tê mut tàm cơldu\ pơr lòng, 1 nă cau ndai gơtìp duh să tài as nòl rơ nồng dờ, pal mut tàm hìu sơnơm dờng càr Lâm Đồng. Tàm ngai pơr lòng dơ\ 2 ngai do, trồ tiah bòn dờng Dà Làc geh mìu jo\ jòng, trồ mrềt, geh tu\ gơmù tus 15 đồ C, mơya kơnờm rơcang niam mờ mpồl cau bơsram dờng lơh broă dong kờl is uă, den tàng broă lòt rê bơh ală cau pơr lòng dê geh buơn bùai, ờ do ờ dă.

JƠNAU TƠNGGIT DUNIA.

Ấn Độ mờ Anh digơlan geh mhar mut lơh cribơyai tam klac bal hạt nhân drơng rài kis làng bol. Kơrnuat geh tơlik tàm dơ\ tìp mat ngai òr nau 8/7, đah kuang atbồ gah lơh broă mờ lơgar ndai lơgar Ấn Độ là ồng Sushma Swarai mờ kuang atbồ gah cribơyai broă mờ lơgar ndai lơgar Anh là ồng William Hague, gam geh dơ\ tus còp lơgar Ấn Độ. 2 nă kuang neh cribơyai bè broă lơh sơ lơ cribơyai kă bro đah 2 gah kung bè broă jà ală mpồl lơh sa kă bro lơgar Anh bơcri tàm ală rơndap broă bơt bơtàu phan bơna tus mờ tiah lơh sa Bangalore-Mumbai, lơgar Ấn Độ dê.

Ngai òr 9/7, cau lam bồ mpồl đơng lam broă lơh sră nggal kuang atbồ lơgar Nga la ồng Sergei Ivanov neh tìp mờ ồng Tập Cận Bình kuang atbồ lơgar Lo tàm càr lơgar Bắc Kinh, lơgar Lo. Ngai òr, đơs là ală cau bơsram dờng gah lơgar Nga tàm hìu bơsram dờng Bắc Kinh, ồng Ivanov đơs là, geh uă bơta niam tơrbo\ 2 gùng rơndeh ồs kuơ màng bơh lơgar Nga dê là tiah Baikal-Amur mờ gơl gùng lòt gan Siberi-Transsibir mờ gùng rơndeh ồs lơgar Lo, gam sơnđan là “gùng rồi brài mờ gùng rơndeh ồs” lơgar do dê. Jăt ồng Ivanov đơs, tơrbo\ bal “Gùng rồi brài mờ gùng rơndeh ồs” mờ ală gơl gùng tòm do geh pờ ơnàng broă pơn diang phan kă bro bơh lơgar Lo tus châu Âu. Lơgar Nga geh tus uă rơlao tàm tiah Đông Nam Á kờ` tơnguh broă lơh sa

 Di tơng kah 2 nam ngai crơng gơs lơgar đah jum Suđăng là lơgar pa ngan rlau jơh tàm tiah đah mattơngai lik châu Phi, ồng Bankimoon kuang atbồ anih duh broă dunia neh hòi jà ală gah mpồl tus bal tam lơh tàm lơgar do lơh wơl cribơyai ngap lơngai nàng tơn jơh tam lơh jo\ jòng tàm lơgar do. Ồng Bankimoon pà git, làng bol lơgar đah jum Suđăng gam pal kong ală jơnau gơ lời wơl bơh bơta tam lơh dê. Khi gam pal kis tàm bơta jơ gloh, kal ke, kòp jê mờ bơta ờ ngap lơngai. Tam lơh tàm lơgar đah jum Suđăng kung neh lơh rlau 1 tơlak 300 rbô nă cau pal săng hìu đam.

Gah sền gàr tiah kis lơgar Lo pa do neh yal, gam ai ală rơndeh ờ geh cau măy kờ` sơndră mờ bơ\ bơl ù tiah. Kơnờm mờ broă geh camera hồng ngoại, den tàng ală rơndeh par do geh go\ tiah lơh gơl^k geh bơ\ ờ di pal bơh ală hìu măy geh bal trồ mang. Ală rơndeh par do gơtùi par sùm rơlao 2 rơbô kơi sồ mờ ù tiah ơnàng 1 rơbô kơi sồ tàm 20 jiơ, sền gròi geh 245 nơm hìu măy. Tus tu\ do, neh geh 64 nơm hìu măy neh go\ tìs mờ adăt tiah kis. Gơnoar atbồ lơgar Lo di gơlan geh pờ ơnàng broă lơh do.

Ngai òr 9/7, thiếu tướng Panot kuang atbồ đah yal jơnau tơnggit ling tam lơh đang gờl mơlà kuang ala mat mpồl cau pơlam jơnau đơs bơh anih duh broă sền gàr ngap lơngai dà lơgar Thái Lan neh bơyai lơh dơ\ tìp mat mờ ală kuang bàng duh broă ling klàng mờ ala mat cribơyai broă mờ lơgar ndai bơh 20 lơgar tàm lơgar Thái Lan nàng yal bè bơta gơlik geh mờ broă lơh mờ anih duh broă sền gàr ngap lơngai dà lơgar neh mut lơh tàm ală ngai pa do. Tàm dơ\ tìp mat, thiếu tướng Panot đơs tờm wơl, anih duh broă sền gàr ngap lơngai dà lơgar neh mờ geh lơh ngan mut lơh broă lơh 3 tơngai kờ` bơt bơtàu wơl làng bol lơh tờm mờ te\ khà tàm lơgar Thái Lan bơh tu\ do tus jơh nam 2015. Tàm tơngai tu\ do, anih duh broă sền gàr ngap lơngai dà lơgar kung gam tơr gùm sền gròi, bơ song ală broă lơh tam dră tàm dà lơgar, kờp bal ală broă lơh tam dră jat Facebook.