JƠNAU TƠNGGIT TÀM LƠGAR.

 Mang òr 24/12, tàm Gơlăng kuang atbồ lơgar, Mpồl kuang bàng dờng màng lơgar he neh lik rê bơh càr lơgar Phnôm Pênh, tơn jơh niam bơne\ dơ\ tus còp kơnă dà lơgar tus lơgar Campuchia. Lài hơ\ tàm tơngume tus còp, ngai mờ mho òr, ồng Trương Tấn Sang neh tus còp mờ boh bơr mờ kuang bàng, y bác sĩ hìu sơ nơm Chợ Rẫy-Phnôm Pênh mờ geh dơ\ tìp mat mờ ală mpồl lơh sa kă bro lơgar Việt Nam geh pơn rơ bơcri priă tàm lơgar Việt Nam.

Tus còp hìu sơ nơm Chợ Rẫy-Phnôm Pênh, ồng Trương Tấn Sang neh tus lùp còp tơn ală cau kòp, iat jơnau yal bè broă lơh hìu sơnơm dê. Do là rơndap broă lơh hìu sơnơm dờng tam klac bal đah hìu sơnơm Chợ Rẫy [òn dờng Hồ Chí Minh mờ ală mpồl lơh broă bal lơgar Campuchia. Hìu sơnơm pa mut lơh broă bơh nhai 1 nam 2014 mờ priă bơcri 38 tơlak dolar Mỹ, bơh sơn rờp geh 200 nơm jơnờng piam kòp. Mờr 1 nam do, hìu sơnơm neh dờp mờ kham sơm kòp git nđờ rbô nă cau kòp in, kham kòp ờ sa priă 1 rbô 500 nă cau kòp rơbah bơh ală kơnhòal càr lơgar Phnôm Pênh dê. Hìu sơnơm kung gam pơ gồp bal mờ gah lơh sơnơm [òn dờng Hồ Chí Minh reh mat 100 nă cau kòp in. Ồng Trương Tấn Sang kơp kờ` là ală cau bơcri priă kung bè mpồl y bác sĩ bơh lơgar Việt Nam tus lơh broă tàm hìu sơ nơm Chợ Rẫy Phnôm Pênh geh mblàng bơta kuơ gùng dră bal rơndap broă dê, mut lơh niam broă lơh ờs mờng, tam pà mờng chài nàng rơndap broă ờ mìng geh cồng nha lơh sa, mờ gam lơh geh rùp rài niam bè bơta git gơp lơh bơyô bal đah Việt Nam mờ Campuchia.

Tàm dơ\ tìp mờ ală anih lơh sa kă bro Việt Nam geh pơnrơ jăk gam bơcri priă lơh sa tàm lơgar Campuchia. Tus tu\ do, neh geh 128 rơndăp broă neh geh Gơnoar atbồ lơgar Campuchia jàu sră bơcri priă, tơnguh rơlao 3 dơ\ nggùl jăt mờ lài nam 2009, kờp jơh khà priă mờr 3 tơmàn 360 tơlăk dolar. Ồng Trương Tấn Sang kuang atbồ lơgar sồr ală anih lơh sa kă bro lơh jăt ală kơrnoăt tàm adăt boh lam lơgar Campuchia dê, lơh jăt bơhiàn làng bol lơgar Campuchia tu\ bơyai lơh bơcri priă; pơgồp bal tàm broă lơh rài kis mpồl bơtiàn, ai broă lơh, tơn jơh jơgloh, tơmù rơ[ah tàm tiah geh bơcri priă kă bro, pơgồp bal tàm broă tơnguh broă lơh g^t gơ\p, lơh bơyô bal ờs mờng, lơh broă bal tơl ală bơta bơh lơgar Việt Nam mờ lơgar Campuchia dê.

 Mho òr 24/12, tàm Hà Nội, ồng Nguyễn Thiện Nhân kuang geh jơng gah gùng dră bal dà lơgar, kuang atbồ anih duh broă gah tề lam gùng dră bal dà lơgar Việt Nam neh wă mpồl ala mat hìu bơsram dờng lơh cau pơgru Quảng Tây lơgar Lo, bơh ồng Lương Hồng kuang atbồ hìu bơsram lơh cau atbồ mpồl tus còp mờ lơh broă tàm lơgar Việt Nam. Tàm dơ\ wă, ồng Nguyễn Thiện Nhân đơs la, Việt Nam mờ Lo geh uă bơta ndrờm bal bè chài rơ gơi, den tàng, broă sơ lơ tơnguh git gơp lơh bơ yô mờ pin dờn bal mờ gơp, chồl pràn tam klac tơl làm geh kuơ bal mờ di mờ bơta kuơ bơh sơn rờp bơh làng bol 2 lơgar dê. Ồng Nguyễn Thiện Nhân ràng tơlik bơta pin dờn, mờ bơngă pin dờn he dê, hìu bơsram dờng lơh cau pơgru Quảng Tây geh pơnjat tai geh uă broă lơh ngan tàm broă bơto bơtê tus mờ Việt Nam, ngan là ală càr tiah nhàr lơgar.

Ngai òr 24/12, tàm Hà Nội, Gah kuang àng dà lơgar neh bơyai lơh dờp gai lòng Chiến công, sră jờng rơ bơh kuang gơs gơnăp gơnoar atbồ hờ đang rơlao jơh dà lơgar mờ jào sră jờng rơ bơh kuang atbồ gah kuang àng dà lơgar dê ai ală mpồl, ală cau tàm gah kuang àng neh geh cồng nha jăk chài tàm broă sơndră mờ cau tìs tàm gùng dà lềng. Đại tướng Trần Đại Quang kuang atbồ gah kuang àng dà logar neh tus bal mờ geh jơnau đơs tòm: tàm tơngai tus, mpồl kuang àng, tàm hơ\ geh mpồl cảnh sát sền gàr gùng lòt tàm dà pal pơn jăt tai tơnguh cồng nha neh geh, tơnguh rơlao tai cồng nha broă sền gàr dà lơgar bè bơta niam ờ do ờ dă mpồl bơtiàn đơs bal, bơta niam ờ do ờ dă tàm gùng lòt đơs is. Tơmù broă tơnguh ală bơta tìs; di tu\ pơlam, ai tơl^k gùng dà broă lơh geh cồng nha ală broă lơh kờ` tơl niam bơta lơngăp lơngai, ờ do ờ dă tàm ală gơl gùng lòt tàm dà tàm dơlam dà lơgar.

Mho òr 24/12, tàm anih pờ tơlik jơnau đơs sơn io rùp càr Kon Tum, anih lơh broă jơnau đơs Việt Nam neh jàu ma\y pờ tơlik jơnau đơs FM ai anih duh broă làng bol càr Kon Tum in nàng rề ơnàng khà pờ tơlik gah VOV4 bơh anih jơnau đơs Việt Nam dê tàm Tây Nguyên. Ma\y pờ tơlik jơnau đơs FM geh ai càr Kon Tum in dơ\ do geh bơta pràn 5 KW, kờ` tơnguh bơta pràn pờ tơlik jơnau đơs bơh anih jơnau đơs Việt Nam tàm Kon Tum đơs is mờ tàm Tây Nguyên đơs bal. Tềng đăp mat, ma\y pờ tơlik jơnau đơs FM tàm do geh mut lơh kơ nòl pờ tơlik jơnau đơs gah kòn cau VOV4, geh 3 tàm khà 6 dà kòn cau là Sơdàng, Bơnhàr mờ Jarai bơh anih lơh broă jơnau đơs Việt Nam tàm Tây Nguyên mut lơh. Do la 3 jơi bơtiàn kòn cau geh khà kờp làng bol uă ngan rlau jơh tàm càr Kon Tum.

Ngai òr 24/12, mpồl kuang bàng đơng lam Tây Nguyên geh mò H’Ngăm Niê Kdăm kuang jăt jơng atbồ mpồl đơng lam Tây Nguyên lam bồ neh tus còp să, chờ gờm Noel nam 2014 tus ală cau kơ đơng yàng bal mờ làng bol jăt yàng Tin lành tàm càr Dak Nông. Tàm ală tiah geh tus còp mờ chờ gờm Noel, mpồl kuang bàng neh iăt ală jơnau đơs bơh ală cau kơ đơng yàng mờ làng bol jăt yàng Tin lành dê. Ală cau kơ đơng yàng Tin lành pà g^t, rài kis nùs nhơm mờ phan bơna geh tơnguh sùm, làng bol chờ hờp bè broă sền gròi bơh Đảng mờ Dà lơgar dê ai cau jăt yàng Tin lành đơs is mờ làng bol kòn cau Tây Nguyên đơs bal. Mò H’ Ngăm Niê Kdăm neh chờ gờm ală ală cau kơ đơng yàng mờ làng bol jăt yàng 1 kàl Noel lơngăp lơngai, gơboh gơbài; mờ kơ\p kờ` ală cau kơ đơng yàng bal mờ làng bol jăt yàng Tin lành tàm càr do sùm tơl^k nùs nhơm tam klăc, lơh jăt niam ală gùng dà, broă lơh bơh Đảng, adăt boh lam Dà lơgar dê, tus bal mờ ală broă pơlòng lơh sa, tơnguh bơtàu lơh sa, pơgồp bal tàm broă lơh gơs niam ală khà lơh sa-mpồl bơtiàn mờ càr Dak Nông neh ai.

Tàm càr Kon Tum, mang òr 24/12, rlau 100 rbô nă cau jat yàng Bàp  mờ Tin Lành neh chờ hờp wă rò ngai kơn rà` lik lìng. Jơh ală ndrờm hìu dăn geh chờ hờp tàm nam 2015. Tàm mang Noel, ală broă lơh dờng ndrờm geh bơyai lơh tàm [òn dờng Kon Tum, là tiah geh uă hìu yàng dờng bè hìu yàng Gỗ, hìu yàng Tân Hương, hìu yàng gah yàng bàp Kon Tum. Den tàng neh geh git nđờ rbô nă cau jat nac mờ cau nac nhơl chờ rềp ngai tus bal. Mờ nùs nhơm duh broă yàng, kờ` gơ boh dà lơgar, jơh ală ndrờm hòi dan nam pa 2015 geh ngap lơgar, chờ hờp. Mang Noel tàm Kon Tum ờ mìng là bơta chờ hờp is bơh cau jat yàng dê, mờ gam là ngai chờ bal mờ làng bol mờ cau nac nhơl chờ dê. Ồng Lê Phúc Thọ, 1 nă cau ơm tàm [òn dờng Kon Tum pà git:“ Noel nam do go\ chờ hờp ngan, gơ boh gơbài ngan. A` ờ jat yàng, mơya kung chờ hờp bal. Kung kơp kờ` 1 kàl Noel, nam pa tus, nting săp làng bol jat yàng halà cau ờ jat yàng geh 1 nam pa ngap lơngai, pràn kơldăng mờ 1 kàl noel chờ hờp.”

JƠNAU TƠNGGIT DUNIA.

Ồng Shinzo Abe kuang gơs gơnap gơnoar atbồ hờđang rlao jơh lơgar Nhờk mơla kuang atbồ Đảng làng bol lơh tờm at gơnoar lơgar Nhờk ngai òr 24/12, pơnjat tai ai geh bơta pin dờn bơh gơnoar ala mat dà lơgar dê, gơs la kuang gơs gơnap gơnoar atbồ hờđang rlao jơh lơgar Nhờk. Tàm dơ\ pơrjum gơnoar ala mat kơnă bòn lơgar, ồng Shinzo Abe neh geh 328 sră pồ kờ` tàm khà 475 sră pồ tàm gơnoar ala mat kơnă bòn lơgar, tàm tu\ tàm dơ\ pơrjum tàm gơnoar ala mat dà lơgar, ồng geh 135 sră pồ tàm khà 240 sră pồ.

Ngai òr 24/12, lơgar Nga neh yal lài geh tơn jơh broă lơh bal mờ mpồl ling NATO di lah lơgar Ukraine gơs là 1 lơgar tàm mpồl ling do. Ồng Anatoly Antonov kuang jăt jơng atbồ gah cri bơyai broă lơh bal mờ lơgar ndai lơgar Nga đơs tòm, di lah lơgar Ukraine mu\t bal tàm mpồl ling NATO, lơgar Nga geh sal tê wơl di pal. Lơgar Nga geh tơn jơh ală broă lơh bal mờ mpồl ling NATO mờ bơta do kal ke ngan kờ` tơnguh wơl. Jơnau yal lài do geh ai tơl^k tu\ Gơnoar ala mat dà lơgar Ukraine ngai 23/12 neh ring bal rơndăp broă sơbì kơrnoăt ờ lơh broă bal gah ling klàng lơgar do dê, ai tơl^k gùng dà kờ` mu\t bal tàm mpồl ling NATO tơnơ\ do.

 Nùs nhơm wă rò Noel neh tus tàm gùt tiah tàm dunia tu\ bàp yàng dờng Francis tàm Vatican pơyua jơnau nting săp gờm chờ Noel ngap lơngai, geh uă chờ hờp mờ kơp kờ`. Làm gùt ală gơl gùng tàm [òn drà Betlehem, la ù tiah ndu gơn rơh, tiah mờ kơn rà` Jesu lik lìng, ndrờm geh bơka hàng niam ngan, gơ hòi git nđờ rbô nă cau jat yàng rê wơl hờ bòn tờm, bal mờ cau nac nhơl chờ tus hờ tiah rềp hìu yàng Nativity. Ai tàm lơgar Syria, la lơgar gơtìp aniai tài tam lơh, ală cau jat yàng bàp tàm Damas kung gam rơcang tus ngai chờ kuơ màng do. Tàm lơgar Nga, blàng dờng pơr hê tàm Moscow geh bơka niam ngan bơh uă ngai do. Tàm tu\ hơ\, ală tiah drà Noel kung geh bơyai lơh duh hồl ngan tàm uă lơgar tàm dunia. Duh hồl ngan rlau jơh pal đơs tus drà Noel Dresden mờ drà Noel Nuremberg lơgar Đức.

Tàm lơgar Thái Lan, geh uă kơnòm dềt tàm lơgar do geh chờ gờm Noel chờ hờp mờ niam bơne\ ngan bal mờ ală ồng kra Noel rơwas niam bơne\ mờ đềt mềr ngan. 3 nơm rơwas geh soh ào ồng  Noel mờ tơnò tềp kò neh pà phan Noel là ală rùp, phan geh lơh niam bal mờ phan sa ală kơnòm bơsram tàm hìu bơsram Jirasartwitthaya, càr Aayuthaya. Ờ mìng pà phan Noel, ală rơwas do geh lơh ală bơta niam bơne\ ngan bè niam să, tamya jăt săp jơnau đơs crih, cèng nùs nhơm chờ hờp kơnòm dềt in.

Cau atbồ mpồl kơ lôi sơ nơng bè virus Ebola bơh hìu bơsram lơh sơnơm London lơgar Anh là ồng Peter Piot ngai òr 24/12 đơs la, bơta aniai tài kòp Ebola tàm tiah đah mattơngai mut châu Phi digơlan jo\ jòng tus lồi nam 2015. Đơs tu\ lòt còp ală lơgar đah mattơngai mut châu Phi gam gơtìp aniai kơn jơ\ ngan tài kòp Ebola, ồng Peter Piot pà git, geh uă tềl tơng go\ niam tàm dơ\ tam dră mờ kòp Ebola tàm tiah do. Uă anih tờm sơm kòp neh geh crơng gơs tàm gùt lơgar Sierra Leone, bal mờ ală broă sơm kòp Ebola pa. mơya, nàng lơh gơlik sơnơm  vaccine rơcang sơndră kòp Ebola, pal geh uă tu\ tơngai rlau tài bơta do kờ` pal geh 1 tu\ tơngai kal ke rlau.