JƠNAU TƠNGGIT TÀM LƠGAR.

 Pơn jăt tai ală broă lơh tàm dơ\ lòt còp kơnă dà lơgar tus lơgar Hàn Quốc, ngai òr 2/10, tàm càr lơgar Seoul, lơgar Hàn Quốc dê, ồng Nguyễn Phú Trọng kuang atbồ đơng lam Đảng dà lơgar Việt Nam neh geh ală dơ\ tìp măt cribơyai broă mờ ală kuang bàng đơng lam bồ lơgar Hàn Quốc, tàm hơ\ geh ồng Chung Hong-won kuang gơs gơnăp gơnoar atbồ hơđăng rlao jơh lơgar Hàn Quốc, ồng Chung Ui-hwa kuang atbồ Gơnoar ala mat dà lơgar Hàn Quốc; tìp mat cribơyai broă mờ ồng Kim Moo Sung kuang atbồ Đảng dunia pa at gơnoar, mờ geh jơnau đơs tàm Hìu bơsram dờng Kơlôi sơ nơng dunia Hàn Quốc. Tơ nơ\ tu\ yal bè cồng nha cribơyai broă mờ mò Park Geun Hye kuang atbồ lơgar Hàn Quốc, ồng Nguyễn Phú Trọng sồr ồng Chung Hong-won kuang gơs gơnăp gơnoar atbồ hơđăng rlao jơh dà lơgar Hàn Quốc sền gròi đơng lam nàng pơ gồp bal mờ đah lơgar Việt Nam gờn mu\t lơh broă tơnguh gơnuar broă Anih duh broă tam klăc bal gơnoar atbồ lơgar nàng đơng pơlam geh cồng nha bơta gi\t gơ\p đah 2 lơgar tàm tơngai tus. Ồng Nguyễn Phú Trọng mờ ồng Chung Hong-won kung đơs là, 2 lơgar geh uă bơta pràn jak bơtàu tơnguh tam klăc bal dờng ngan; ring bal lơh ngan lơh jơh cri bơyai Kơrnuat kă bro khăt gơboh đah Việt Nam mờ Hàn Quốc tàm nam do nàng tàm pơnring mờ chul chồl gơguh tai priă lơh geh bơh kă bro, wèt tus jơnau kờn geh 70 tơmàn dolar Mỹ tàm nam 2020.

Drim òr 2/10, ồng Nguyễn Thiện Nhân kuang atbồ anih duh broa\ gah tề lam gùng dra\ bal dà lơgar Việt Nam tus bal pơrjum kuang bàng ala mat ala\ kòn cau càr Bắc Giang dơ\ 2 tơngai bơh nam 2014-2019. Đơs tàm dơ\ pơrjum, ồng Nguyễn Thiện Nhân neh jờng ala\ cồng nha lơh geh bơh ala\ kơna\ gơnoar atbồ mờ làng bol ala\ kòn cau càr Bắc iang neh lơh geh, geh ta\ pơ gồp tàm bơtàu tơngguh bal lơh sa-mpồl bơtìan bơh gùt lơgar. Đơs niam ờ ua\ jơnau đơs tàm dơ\ pơrjum, ồng Nguyễn Thiện Nhân kơp kờ` làng bol kòn cau kung bè  làng bol cau lơh broa\ sa lơh ngan brồ guh lik klàs rbah kơljap mờ broa\ lơh loh chi tam, phan ròng tờm tàm bơtàu tơngguh lơh sa. Gah tề lam gùng dra\ bal ala\ kơna\ geh mblàng pơlam ala\ bơta lơh sa jak nàng làng bol bơsram, lơh jat. Ồng Nguyễn Thiện Nhân sồr ala\ mpồl, mpồl gùng dra\ bal-mpồl bơtìan pal jòi geh ala\ broa\ lơh lơh mhar bơta tơmù khà hìu nha\ rbah tàm tơngai tus, sền kuơ ngan tus ala\ broa\ lơh tơmù rbah kơljap tus ntum, bòn ua\ ngan kal ke, chồl guh bơta pràn mờ bơta geh bơh bòn lơgar bè bơtàu tơngguh nhơl chờ, ròng phan ròng iar, ơda, tam chi sa plai, geh lơh lài dong ala\ hìu nha\ rbah geh càn pria\ nàng bơtàu tơngguh lơh sa.

Mho ngai òr 2/10, tàm Anih tờm pờ tơlik jơnau đơs dà lơgar, hìu sồ 58, gùng Quán Sứ, Hà Nội, ồng Nguyễn Đăng Tiến kuang atbồ dờng Anih jơnau đơs Việt Nam neh wa\ ồng Thomas Loidl kuang atbồ Anih lơh broă ala mat lơgar Austria  tàm lơgar Việt Nam mờ Mpồl lơh sa dờng mblàng yal jơnau RTL CBS Asia tus còp mờ lơh broă. Ồng Nguyễn Đăng Tiến kuang atbồ dờng Anih jơnau đơs Việt Nam đơs tờm, Việt Nam mờ Austria neh geh bơta gi\t gơ\p rlau 40 nam do. Tàm bơnàng jă gi\t gơ\p hơ\, gơtùi bơ\t bơtàu tam klăc lơh broă bal đah ală gah sơnah lơh broă, kuơmàng là gah mblàng yal jơnau. Tàm gùng dà bơtàu tơnguh mblàng yal jơnau uă gah, tu\ do, Anih jơnau đơs Việt Nam geh 2 gah sơnio rùp. Tàm hơ\ dùl gah sùm yal tơngi\t bè gùng lòt mờ ală jơnau yal tơngit ală jơnau lơh rài bồ tơngoh mờ gah sơnio rùp Gơnoar ala mat dà lơgar geh lơh broă krơi is bè broă lơh bơh Gơnoar ala mat dà lơgar mờ Mpồl duh broă ala măt làng bol ală kơnă tàm gùt lơgar dê. Bè broă lơh bơtàu tơnguh tàm tơngai tus, Anih jơnau đơs Việt Nam geh bơtàu tơnguh gơs là mpồl lơh sa dờng mblàng yal jơnau uă gah nàng lơh geh jơnau kờn iăt sền jơnau tơngi\t bơh làng bol dê.

Ngai òr 2/10 tàm Hà Nội,  mpồl đơng lam Đảng kuang àng dà lơgar neh bơai lơh pơrjum lơh kràn, mut lơh kơrnuat lam sồr sồ 36 bơh gah gùng dra\ bal kưna\ XI bè pơrjum kơna\ Đảng ala\ kai nàng  geh tus pơrjum gùt lơgar dơ\ XII bơh Đảng mờ sền wơl tơnjơh 5 nam mut lơh broa\ lơh sồ 42 bơh Đảng  gah  kuang àng dà lơgar mờ pơnjat tai geh lơh pràn broa\ mut lơh broa\ lơh kuơ màng cau kuang bơh mpồl kuang àng làng bol tus nam 2020. Đại tướng Trần Đại Quang kuang atbồ gah kuang àng dà lơgar đơng lam dơ\ pơrjum. Đơs tơnjơh dơ\ pơrjum,  ồng Trần Đại Quang đơs loh,  ai bơh kơrnuat lam sôr sồ 36 bơh Gah gùng dra\ bal, geh pơlam bơh mpồl đơng lam bơyai  lơh dà lơgar mờ bơh mpồl đơng lam Đảng kuang àng dà lơgar, kung bè ala\ bơta gơbàn geh, broa\ lơh bơh mpồl kuang àng, bòn lơgar bè lơh geh broa\ mut lơh, gàr niam broa\ lơh geh jai ala\ bơta kờ`, tơnggu me kơrnuat sồr ai tơlik.

 Ngai òr 2/10, tàm bòn drà Dak Mâm, kơnhoàl Krông Nô, càr Dak Nông, Mpồl kuang ala mat Gơnaar ala mat dà lơgar càr Dak Nông neh geh dơ\ tìp mat mờ cau te\ khà tàm kơnhoàl do. Tàm dơ\ tìp mat, tơ nơ\ tu\ iăt kuang ala mat mpồl kuang ala mat Gơnoar ala mat dà lơgar càr Dak Nông yal bè broă rcăng lơh tàm pơrjum dơ\ 8, Gơnoar ala mat dà lơgar kơnă 13, ală cau te\ khà neh geh uă jơnau đơs gơ rềng tus ală bơta tàm kơnhoàl. Tơ nơ\ tu\ iăt ală jơnau đơs jơnau dan, Mpồl kuang ala mat Gơnoar ala mat dà lơgar càr Dak Nông mờ ala mat ală gah sơnah lơh broă mờ bòn lơgar neh hơ ờ uă jơnau lùp jơnau dan bơh cau te\ khà dê; mơkung cih dờp, iăt kơno, tơrgùm jơh nàng yal tus ală anih lơh broă geh gơnoar bơh dà lơgar tus càr in sền sơ wì, bơsong mờ hơ jơnau lùp bơh cau te\ khà dê tàm tơngai gờn ngan rlau jơh.

            Sơne\ lơh broa\ Viettel Dak Lak pa bơyai lơh tơng kah 10 nam crơng gơs. Bal mờ broa\ lơh lơh sa ka\ bro geh cồng nha, pah nam geh ta\ pơ gồp bơh 40 tus 80 tơmàn pria\ tàm pria\ jền dà lơgar, mpồl do gam ai go\ kơnòl he dê mờ mpồl bơtìan. Do kung la mpồl lam lài tàm Tây Nguyên bè pria\ geh tàm gah viễn  thông, nam lài geh rlau 1.100 tơmàn pria\, ta\ tàm kes pria\ dà lơgar rlau 80 tơmàn pria\. Bal mờ hơ\, mpồl neh mut lơh ua\ ngan broa\ lơh mpồl bơtìan bè pà hìu nùs nhơm tus ala\ hìu nha\ geh khà sra\ dong kờl bơh dà lơgar rbah, ta\ dong bal tàm kes pria\ tài cau rbah, kes pria\ cau gơbàn aniai bơh sơnơm khih dioxin rài tam lơh aniai, dong 46 na\ kơnòm dềt reh kòp nus bơh deh, bơyai lơh kham sơm kòp mờ phàt sơnơm ờ sa pria\ ai tus làng bol kòn cau, jàu khà pria\ bơsram ai tus kơnòm bơsram rbah, bơyai lơh ngai chờ bòn Tây Nguyên nàng geh jờng bơhìan chài rgơi kòn cau.

 Anih duh broă làng bol càr Phú Yên pa geh kơrnuat dong kờl priă lơh hìu ơm ai 48 hìu uă kal ke mờ hìu rbah là làng bol kòn cau in, tơl hìu geh dong kờl 30 tơlak priă, mìng is hìu làng bol kòn cau geh dong kờl 35 tơlak priă. Kờp jơh priă tă dong kờl hìu rbah lơh hìu ơm tàm dơ\ do là 1 tơmàn 530 tơlak ai bơh Kes priă lơh hìu ơm bơh càr dê mờ kes priă dong kờl bơh anih duh broă gah tề lam dà lơgar Việt Nam atbồ. Bơh bồ nam tus tàm tu\ do, bơh uă bơnah priă, càr Phú Yên neh dong kờl lơh rlau 550 nơm hìu ai hìu rbah mờ hìu bơnhă geh sră dong kờl bơh dà lơgar kal ke rlau 18 tơmàn 300 tơlak.

Ngai òr 2/10, tàm Viện Pasteur bòn dờng Hồ Chí Minh, đah lơh sơnơm rcang lài, broa\ lơh cit sơnơm rề ơnàng dà lơgar neh bơyai lơh cri bơyai mờ ala\ naih lơh broa\ lơh bao\ di 20 càr, bòn dờng đah jum dà lơgar  bè broa\ lơh cit sơnơm vaccine sởi-rubella tàm broa\ lơh cit sơnơm rcang lài kòp ơnàng. Do kung la dơ\ cri bơyai dơ\ 3 mờ gah bao\ tàm 3 tiah tàm dà lơgar nàng ai bơta pràn bơh gah yal tơnggit jơnau pơ gồp bal tàm bơta geh cồng nha bơh broa\ cit sơnơm geh tus rlau 95% kơnòm bơh 1 tus 14 sơnam tàm gùt lơgar geh cit sơnơm vaccine sởi-rubella. Đơs tàm dơ\ mut pơrjum, ồng Trần Đắc Phu kuang at bồ đah lơh sơnơm rcang lài ai git: Do la broa\ lơh dờng ngan, kờp du\ geh di 23 tơlak na\ kơnòm dềt, tus ¼ khà  kờp làng bol gùt lơgar geh cit sơnơm vaccine sởi-rubella, geh gơ dờp tus git nđờ tơlak hìu nha\ mờ mpồl bơtìan geh sền gròi tus pràn kơldàng sa\ jà tus kơnòm dềt.

JƠNAU TƠNGGIT DUNIA.

 Ngai òr 2/10, ồng Prayuth Chan-ocha kuang gơs gơnăp gơnoar atbồ hơđăng rlao jơh dà lơgar Thái Lan neh wa\ ồng Minoru Kiuchi kuang jăt jơng atbồ Gah cribơyai broă mờ lơgar ndai lơgar Nhờk gam còp lơgar Thái Lan. Ồng Minoru Kiuchi neh jun sră pơyua bơh kuang gơs gơnăp gơnoar atbồ hơđăng rlao jơh lơgar Nhờk dê gờm chờ ồng Prayuth Chan-ocha kuang gơs gơnăp gơnoar atbồ hơđăng rlao jơh lơgar Thái Lan di dơ\ ồng pa dờp at gơnoar broă Kuang gơs gơnăp gơnoar atbồ hơđăng rlao jơh lơgar Thái Lan, mơkung jà ồng Prayuth Chan-ocha lòt còp ngan ngồn lơgar Nhờk. Tàm dơ\ tìp măt, 2 gah neh ring bal pơn jăt tai chul chồl bơta gi\t gơ\p tam klăc lơh broă bal jăt jơnau cih tàm Kơrnuat cau lơh broă bal lơh sa Thái Lan mờ Nhờk, ngan là bè kă bro, bơcri priă mờ nhơl chờ đah 2 lơgar.

            Nhờk mờ Hàn Quốc ngai òr 2/10 pơrgon tơngguh tai tam kla] nàng wèt tus tơng kah 50 nam git gơp lơh boa\ bal 2 lơgar tàm nam tơnơ\. Do la cơnđoà pa ngan tàm dơ\ lơh ngan nàng lơh niam  git gơp 2 lơgar rềp bal tàm đah tô mat tơngai lik châu Á. Đơs tàm dơ\ tìp ồng Cho Tae Yong kuang jat jơng atbồ gah cri bơyai broa\ lơh bal mờ lơgar ndai  lơgar Hàn Quốc mờ ồng Fumio Kishida kuang atbồ gah cri bơyai broa\ lơh bal mờ lơgar ndai lơgar Nhờk ai git, 2 gah geh lơh ngan  tơng kah 50 nam git gơp lơh broa\ bal 2 lơgar tàm bơta lơh niam ram mhu\. Bè đah Hàn Quốc, ồng Cho Tae Yong dờp bơta git gơp mờ lơgar Nhờk gam ua\ ngan bơta pal bơsong bơta kơp kờ` git gơp geh lơh niam mờ geh sơnđờm  bơtàu tơngguh tàm nam tus.

 Mpồl ling NATO geh dong kờl lơgar Thổ Nhĩ Kỳ dilah lơgar do gơtìp sò tơm. Do là jơnau yal bơh ồng Jen Stoltenberg kuang atbồ pa geh pồ bơh Mpồl ling NATO dê đơs tàm ngai 1 nhai 10 pa do. Đơs tàm dơ\ pơrjum bău dơ\ sơn rờp tơ nơ\ tu\ guh at gơnoar broă kuang atbồ Mpồl ling NATO, ồng Jen Stoltenberg pà gi\t, ală lơgar ring bal neh ai phàu ồs Patriot tus tàm lơgar Thổ Nhĩ Kỳ, kờn sơlơ tơnguh tai bơta pràn jak rcăng gàr hơđăng kơl wàng trồ bơh dà lơgar do dê tam dră wơl mờ jơnau pơhìn digơlan gơtìp sò tơm bơh lơgar Syria.

Ngai òr nao 1/10, ồng Tony Abbott kuang gơs gơnăp gơnoar atbồ hơđang rlao jơh dà lơgar Australia ai git rơndeh par bơh lơgar do geh tus bal dong kờl ala\ dơ\ đùh bồm bơh mpồl ling bal bơh Mỹ atbồ sơndra\ dà lơgar Islam tàm Iraq. Poh lài, rơndeh par bơh Mỹ neh bơyai lơh đùh bồm mpồl dà lơgar Islam mờ ala\ mpồl ja` bơsac ndai tàm Syria mờ bơta dong kờl bơh ala\ lơgar jat bal Arập, mơ kung đùh bồm tàm ala\ bơta ple\ tàm ala\ lơgar rềp bal Iraq kờp bơh nhai 8. Ala\ lơgar châu Âu neh tus bal broa\ lơh đùh bồm tàm Iraq mơya ờ hềt tus bal tàm  lơh tàm Syria.

 Gơnoar atbồ lơgar Nga pa geh kơrnuat lời te\ broă lơh tam gơl kơnòm bơsram mờ lơgar Mỹ mờ yă ală cau đơng lam broă lơh do neh lơh tìs ală jơnau pal jăt tu\ ai gơnoar dùl nă oh klau cau lơgar Nga pơn jăt tai ơm wơl tàm lơgar Mỹ tơ nơ\ tu\ broă lơh neh tơn jơh. Broă lơh sơnđăn mat Tam gơl kuang bàng đơng lam bồ rài tơ nơ\ do, geh mu\t lơh bơh nam 1992 tus tu\ do neh dong ai pơgăp 8 rbô nă ơruh pơnu lơgar Nga tus bơ srăm tàm rlau 50 càr tàm lơgar Mỹ. Mơya, jăt kuang bàng đơng lam bồ anih lơh broă sền gàr kơnòm dềt lơgar Nga là ồng Pavel Astakhov, den rlau 15 nă kơnòm dềt geh jun tus lơgar Mỹ jăt broă lơh tam gơl do neh ờ rê wơl hờ lơgar tờm.