JƠNAU TƠNGIT TÀM LƠGAR.

Ngai òr 3/7, tàm dơ\ lòt còp mờ lơh broă tàm càr Bình Thuận, ồng Nguyễn Phú Trọng kuang atbồ đơng lam Đảng dà lơgar neh lòt còp kơnhoàl bồt Phú Quý. Lơh broă mờ kuăng bàng đơng lam bồ bơh kơnhoàl Phú Quý dê, ồng Nguyễn Phú Trọng, đơs loh: bal mờ bơtàu tơnguh lơh sa mờ rài kis, kơnhoàl bồt pal lơh niam kơ nòl broă sền gàr niam bơta ngăp lơngai ờdo ờdă gùt mpồl bơtiàn, gàr kơ\ bơta ngăp lơngai is, gơnoar tờm, mờ tơl làm ù tiah dà lơgar dê. Kơnhoàl bồt ngai sơlơ ngui phan geh is mờ bơta pràn tàm tiah do nàng tam phan, ròng phan bal mờ ală sơntìl chi tam phan ròng dipal, ngai sơlơ gơtùi lơh geh is ală jơnau kờn pal geh, ờ kơ nờm uă ir tàm ù gờl. Jo\ jòng tàm bồt pal geh tơnau dơng dà ờs, pal tam chi, tam brê nàng geh dà căt; sền gròi tus bơtàu tơnguh bơto bơtê mờ lơh sơ nơm.

Ngai òr 3/7, tàm hìu lơh broa\ Gơnoar at bồ lơgar, ồng Nguyễn Tấn Dũng kuang gơs gơnap gơnoar at bồ hơđang rlao jơh dà lơgar neh đơng lam dơ\ pơrjum sùm Gơnoar at bồ lơgar geh kơrnuat broa\ lơh tam pà, ngui 16 rbô tơmàn pria\ dong kờl cau lơh ka lơh ơ hò tras ka ngài gờl, lơh ơhò, geh phan bơna ngui tus kảnh sát dà lềng, cau lơh broa\ sền gàr cau lơh ka. Kơrnuat do geh ai ing lài pria\ dong kờl khà pria\ lơh niam wơl,  lơh gàr niam ờ do ờ da\ ala\ tơnau dơng dà nam 2014 mờ broa\ lơh dong kờl lơh niam, gàr niam ờ do ờ da\ tơnau dơng  dà nam 2015. Kuang gơs gơnap gơnoar at bồ hơđang rlao jơh dà lơgar jàu ala\ Gah, sơnah lơh broa\ geh gơ rềng bal lơh gơs broa\ lơh rơndap, rơndap lơh kơrnuat jàu tus kuang gơs gơnap  gơnoar at bồ hơđang rlao jơh dà lơgar ky\ tơlik ngui. Kuang gơs gơnap gơnoar at bồ hơđang rlao jơh dà lơgar mờ ala\ gah sơnah lơh broa\ bal lơh gơs rơndap broa\ kơrnuat bơh Gơnoar at bồ lơgar bè dong kờl cau lơh ka lơh ơ hò pa kờ` lòt lơh ka ngài mờ gờl, kờ` tơlik ngui mo tàm nhai 7 nam 2014.

Ngai òr 3/7, Mpồl kuang ala mat Gơnoar ala mat dà lơgar càr Lai Châu neh tus tìp măt mờ cau te\ khà tàm ntum Nậm Tăm, kơnhoàl Sìn Hồ, càr Lai Châu, yal tơngume mờ cồng nha pơrjum dơ\ 7, Gơnoar ala mat dà lơgar kơnă 13 pa do. Kuơmàng, pơrjum dơ\ do, Gơnoar ala mat dà lơgar neh tơngo\ loh gùng dà broă lơh ờ tu\ lơi tam gơl bơh Đảng mờ Dà lơgar dê bè broă lơgar Lo ơn dra khoàng tìs mờ kơrnuat boh lam tàm tiah dà lềng mờ tiah geh gơnoar lơh sa bơh lơgar he dê tàm dà lềng đah măt tơngai lik; kung bè broă lơgar Lo sùm geh ală broă lơh gơlik bơta tàm gơ jran\ kal ke ngan tus mờ ală mpồl lơh broă dipal mờ kơrnuat boh lam bơh lơgar he dê gam lơh kơ nòl broă tàm dà lềng. Cau te\ khà tiah do tơlik nùs nhơm chờ hờp bè cồng nha lơh geh bơh dơ\ pơrjum dê, mơkung dan mờ mpồl kuang ala mat gơnoar ala mat dà lơgar ală broă gơ rềng tus broă bơcri priă lơh niam wơl ờ uă gơl gùng lòt tus ală ntum, kơnhoàl, tơnguh khà dong kờl tơn ai làng bol gơ wèt hìu rbah tiah kal ke in...

Ngai òr 3/7, Anih duh broa\ làng bol càr Dak Nông neh bơyai lơh pơrjum jờng rơ mpồl lơh broa\ bal, mpồl lơh sa bal pơnrơ gơguh jak tơngai bơh nam 2004-2014. Jơt nam bơtàu tơngguh lơh broa\ sa mpồl bal, gùt càr Dak Nông neh geh 150 mpồl lơh sa bal, mpồl lơh broa\ bal, tàm hơ\ geh rlau mơ gùl lơh broa\ sa geh cồng nha. Ua\ mpồl lơh sa bal, lơh broa\ bal tàm Dak Nông neh ai geh broa\ lơh tus git nđờ rbô cau lơh broa\ tàm bòn lơgar, mơ kung geh dong kờl, dong bal ala\ cau tàm mpồl bơtàu tơngguh lơh sa, ai geh pria\ jền sùm kơljap. Ala\ kes pria\ ai càn làng bol neh ai càn ua\ ngan khà pria\ nàng ala\ cau tàm mpồl mờ ala\ hìu nha\ lơh sa dềt lơh pràn lơh sa ka\ bro. Ồng Dương Khắc Mai kuang at bồ tam klac  mpồl lơh sa bal càr Dak Nông ai git, 17 mpồl lơh broa\ bal mờ lơh sa bal neh geh jờng mờ dờp sra\ jờng bơh anih duh broa\ càr dơ\ do la mùl màl la ala\ mpồl pơnrơ gơguh jak ngan tàm srơh lơh broa\ bơtàu tơngguh lơh sa mpồl bal tơngai 10 nam, kờp bơh crơng gơs tus tu\ do (2004-2014).

 Ngai do 4/7, rlau 570 rbô nă kơ nòm pơrlòng tus bal pơr lòng mu\t kai bơsram dờng dơ\ I, dơ\ pơr lòng rơ wah kơ nòm bơ srăm mu\t kai bơsram dờng mờ cao đẳng nam 2014 mu\t tàm ngai pơr lòng bơh sơnrờp. Bùi drim, ală kơ nòm pơr lòng pơr lòng môn Toán jăt broă lơh pơr lòng trắc nghiệm, tu\ jiơ lơh jơnau pơr lòng là 180 phul; bùi mho, ală kơ nòm pơr lòng pơr lòng môn Vật lý jăt broă lơh trắc nghiệm, tu\ jiơ lơh jơnau pơr lòng là 90 phuk. Tàm dơ\ I, gùt lơgar geh 141 hìu bơsram bơyai lơh pơr lòng, mờ 983 anih pơr lòng. Jăt ồng Bùi Văn Ga kuang jăt jơng atbồ Gah bơto bơtê mờ bơsram dà lơgar dê yal, jơnau ai pơrlòng kai bơsram dờng geh bơta rơ wah uă pơndrờm mờ jơnau ai pơr lòng jơh bơsram kai III. Den tàng bè hơ\, tàm jơnau ai pơr lòng geh ală jơnau lùp bươn mờ jơnau kal ke, kơ nòm pơr lòng pal rơ wah ală jơnau bươn nàng lơh lài, jơnau kal ke lơh tơ nơ\ mờ kờn pal sền nền nòn jơnau ai pơrlòng. Kơnòm pơrlòng pal lơh jăt niam kơrnuat pal jăt cơldu\ pơr lòng, nàng pleh gơtìp lơh glài ờ ai pơr lòng.

Dơ\ 1 dơ\ tus pơr lòng  hìu bơsram dờng nam do geh 6 rbô na\ cau dan cih mat pơrlòng tàm hìu bơsram dờng Tây Nguyên, drim òr 3/7, neh geh 81% kơnòm pơr lòng tus lơh sra\, iat jơnau yal bè kơrnuat pơrlòng tàm ala\ anih bơyai lơh pơr lòng. Dơ\ pơr lòng dơ\ 1 do, hìu bơsram dờng Tây Nguyên neh tơr gùm geh rlau 500 cau kuang, cau lơh broa\ sền pơr lòng. Hìu bơsam dờng kung neh lơh bal ngan mờ ala\ gah lơh broa\ geh gơnoar nàng gàr niam dơ\ pơr lòng geh lơh niam, kràn ngan. Tiến sĩ Nguyễn Tấn Vui kuang at bồ hìu bơsram dờng Tây Nguyên ai git:“Jơh ala\ anih pơr lòng bơh hìu bơsram dê, bơh ala\ anih pơr lòng, geh ai cau lơh broa\ sền pơr lòng tus bơta geh lơh bal mờ ala\ anih lơh broa\ geh gơnoar gè kuang àng, ồs đèng, bưu điện,  gơnoar at bồ bòn lơgar, ala\ sơnah bòn, bơh sơnrờp bol a` neh rcang tơl sir tus broa\ sền gàr, wa\ cau tus pơr lòng. Bal mờ hơ\, bol  a` kung neh rcang ala\ cau lơh broa\ dong kờl is geh pơlam tus kơnòm bơsram anih ơm, sa mờ dong kờl di 6 rbô dơ\ sa piang ờ roh pria\ dơ\ do tus mờ kơnòm pơr lòng, dong tơl bơta nàng ala\ kơnòm bơsram mờ cau hìu nha\ lòt bal geh bươn boài nàng rlau jơh”.

 Kờ` sền gàr niam pràn kơldăng să jan\ ai ală kơnòm pơr lòng tus bal pơr lòng mu\t kai bơsram dờng mờ cao đẳng nam 2014, mpồl lòt sền bơh Gah lơh sơ nơm bòn dờng Hà Nội dê neh lòt sền ni sơna broă lơh sền gàr kloh niam ờdo ờdă phan sa, lơh sơnơm drơng pơr lòng rơ wah kơ nòm bơsram mu\t kai bơsram dờng mờ cao đẳng dơ\ 1, nam 2014 tàm Hìu bơsram dờng Kiến trúc Hà Nội mờ Hìu bơsram dờng Công nghệ Bưu chính viễn thông. Tàm dơ\ pơr lòng do, Hìu bơsram dờng Kiến trúc Hà Nội geh pơgăp 3000 nă kơnòm pơrlòng tus bal pơr lòng, Hìu bơsram dờng Công nghệ Bưu chính viễn thông geh rlau 5000 nă kơ nòm pơr lòng tus bal pơr lòng. Bơnhă tru\ gơm phan sa bal bơh tơl hìu bơsram dê tru\ gơm phan sa ai pơgăp 200 nă cau sền pơrlòng mờ kơ nòm pơr lòng tàm hìu bơsram in. Bè broă lơh sền gàr niam lơh sơ nơm ai ală dơ\ pơr lòng in, hìu sơnơm bơh 2 hìu bơsram dê ndrờm geh bác sĩ lơh broă sùm, bal mờ ală bơta sơ nơm sơm kòp kơn jơ\ pal geh nàng gơtùi dong kờl bơh sơn rờp ai ală kơ nòm pơr lòng, cau hìu bơnhă kơnòm pơr lòng mờ kuang bàng dong broă pơrlòng tu\ geh ală bơta ờ niam bè să jan\.

JƠNAU TƠNGGIT DUNIA.

 Ngai òr 3/7, tàm Seoul, lơgar Hàn Quốc, ồng Tập Cận Bình kuang atbồ lơgar Lo mờ mò Park Geun Hye kuang atbồ lơgar Hàn Quốc neh geh dơ\ cribơyai bè ală bơta 2 lơgar, tàm tiah do mờ sơlơ tơnguh tai bơta gi\t gơp kă bro, lơh broă mờ lơgar ndai. Bàr nă kuang bàng đơng lam bồ Hàn Quốc mờ Lo geh jơnau kờn kă bro bơh 2 lơgar dê gơguh tus 300 tơmàn dolar Mỹ tàm nam 2015. Tàm dơ\ cribơyai, 2 nă kuang bàng đơng lam bồ kung cri bơyai ală broă lơh pal geh nàng tơn jơh broă lơh phàu crong hạt nhân bơh lơgar Triều Tiên dê mờ crơng gơs bơta ngăp lơngai sùm tàm bồt Triều Tiên.

Iran mờ mpồl 5 lơgar mờ dùl, ngai òr 3/7 neh sơnđờm ala\ dơ\ cri bơyai tàm Viên lơgar Áo nàng cơnđoà tus dùl ring bal jo\ jòng, lài mờ tus tơngai du\ lồi dut la 20/7 do. Iran mờ mpồl 5 lơgar mờ dùl gam lơh ngan tơn srềp ala\ bơta ờ ring tàm dơ\ cri bơyai mờ broa\ lơh ngan, tài 2 đah drờm wa\ bơta pal kong tu\ ala\ lơh ngan bơyai mờ lơgar cau ờ geh cồng nha. Dilah ala\ dơ\ cri bơyai ờ geh cồng, digơlan geh Israel sò tờm ala\ anih hạt nhân bơh Iran la ua\ ngan, tu\ hơ\ geh tơmut jơh ala\ lơgar tàm kơnhoàl Trung Đông tàm dùl dơ\ sò tơm dờng ơnàng rlau. Bulah bè hơ\, tu\ mìng gam ờ tơl 3 poh, tus la tơngai dut ndơl tơlik broa\ lơh kờ` ala\ gah ring bal bè rnàng broa\ lơh hạt nhân bơh Iran, ua\ bơta di gơlan Iran mờ mpồl 5 lơgar mờ dùl geh pal tơnjo\ tai ala\ dơ\ cri bơyai.

 Ngai òr 3/7, tàm càr lơgar Viêng Chăn, lơgar Lào, neh mu\t lơh Drà kă bro Lào mờ Việt Nam nam 2014. Do là broă lơh kờn mu\t lơh Broă lơh mu\t lơh kă bro dà lơgar nam 2014 mờ jơnau ring bal tam klăc lơh broă bal đah 2 Gah kă bro mờ lơh sa mờ măi moc\ dà lơgar Việt Nam mờ Lào. Bơyai lơh drà gơ hòi bơta tus bal bơh rlau 250 cơldu\ ràng phan, tàm hơ\ geh 90 mpồl lơh sa kă bro Việt Nam mờ ală măt phan kă bro bơngă ngan gơ wèt ală mpồl phan bè: phan lơh geh bơh sươn sre, brê bơ nơm, phan tàm dà, phan tàn mai, điện tử, đèng ngui tàm hìu bơnhă, phan ngui lơh sa mờ măi moc\, phan ngui bơ\t bơtàu, phan lơh mờ tê niam chài, sơ nơm tơm ba, phan ngui măi moc\ gah lơh sơ nơm...

Kuang ala mat lơgar Nhờk mờ Triều Tiên neh geh dơ\ tìp mat tàm càr lơgar Bắc Kinh bơh lơgar Lo nàng cri bơyai bè dơ\ kup ris 13 na\ cau lơgar Nhờk  lơh broa\ ndơl ndơl tus lơgar Triều Tiên in tàm ala\ nam 1970 mờ 1980. Dơ\ pơrjum do la dùl broa\ lơh kuơ màng tàm broa\ bơsong ala\ bơta bơh Nhờk mờ Triều Tiên. Nhai 5 pa do, Triều Tiên mờ Nhờk kung neh bơyai lơh dùl dơ\ pơrjum drờm bè do tàm Thuỵ Điển nàng crơng gơs dùl anih duh broa\ lùp khàu bè bơta pa đơs.

 Tềng đap ală jơnau yal jòi sền jơnau ndơ\p ndơr đơs la, ală cau sò tơm iơh bơsak bơh tiah Trung Đông gam lơh gơs ală bơta bồm gơtùi ndơ\p mpồn jun tus ală rơndeh par pơndiang phan kă bro, ngai òr nau 2/7, kuang bàng lơh broă jăt kơrnuat boh lam bơh lơgar Mỹ dê yal, geh sơlơ tơnguh tai ală broă lơh kờ` sền gàr niam bơta ngap lơngai tàm ală mpồng nhàr lơgar blàng rơndeh par.