JƠNAU TƠNGGIT TÀM LƠGAR.

Ngai òr 7/8, tàm bòn dờng Đà Nẵng, ồng Nguyễn Tấn Dũng kuang gơs gơnăp gơnoar atbồ hơđăng rlao jơh dà lơgar neh tus mờ đơs jơnau đơng lam Pơrjum gùt lơgar gah rơndăp broă mờ bơcri priă. Do là dơ\ sơn rờp tàm 8 nam do, Gah rơndăp broă mờ bơcri priă dà lơgar bơyai lơh pơrjum kơnă gùt lơgar mờ bơta tus bal bơh kuang bàng đơng lam bồ bơh uă gah sơnah lơh broă dà lơgar, mpồl cau, mpồl lơh broă gùng dră bal mờ mpồl bơtiàn dà lơgar bal mờ Kuang atbồ anih duh broă làng bol rlau 50 càr mờ bòn dờng tàm gùt lơgar mờ kuăng bàng đơng lam bồ ală mpồl lơh sa dờng, Mpồl lơh sa kă bro dờng dà lơgar dê. Đơs jơnau đơng lam dơ\ pơrjum, ồng Nguyễn Tấn Dũng đơs loh, ală bơnàng jă nàng bơt bơtàu broă rơndăp lơh bơtàu tơnguh lơh sa mpồl bơtiàn tàm 5 nam tus mờ khà ai tơlik tàm broă lơh bơtàu tơnguh lơh sa mpồl bơtiàn tàm 10 nam. Tàm bơta geh bơh sơn rờp do, ồng sồr ală kơnă, ală gah sơnah lơh broă mờ ală tiah, mhar mu\t lơh broă rơndăp lơh bơtàu tơnguh lơh sa mpồl bơtiàn 5 nam tơngai bơh ngai 2016-2020, mơkung lơh ngan jơh nùs mu\t lơh jơnhoa ngan rlau jơh ală jơnau kờn, khà ai tơlik lơh sa mpồl bơtiàn mờ Pơrjum dờng mpồl đảng ală tiah ai tơlik tàm nam 2014 mờ 2015. Ồng Nguyễn Tấn Dũng, đơs tờm:“ Bơh broă lơh do geh bơsong geh bơcri priă rah rài, bơh lài do tu\ lơi bol he kung đơs là bơcri priă rah rài mơya ờ bơsong geh. Hơ\ sồng bơsong geh broă ờ geh broă rơndăp lơh di mơ tơngai, den pah nam pal dan, kung dùl rơndăp broă lơh hơ\, mơya tơn jơh nam lời te\, mu\t tus nam pa den pal lòt dan tai priă jền pa, bơ tơl ai rơndăp broă lơh hơ\ in, lơh lơngah lơngan\ ngan, roh uă ngan tu\ jiơ, ờ hềt tus jơnau do, jơnau ne…gam uă ngan bơta kuơ ndai tàm bơcri priă di mơ tơngai…Nùs nhơm là bol he săc rơ wah bơta niam ngan rlau jơh, ai bơta ờ niam den he pal bơsong”.

Ngai òr 7/8, tàm Hà Nội, đại tướng Trần Đại Quang kuang at bồ gah kuang àng dà lơgar neh wa\ ồng David Shear kuang ala mat lơgar Mỹ tàm Việt Nam tus tơngac di tu\ tơnjơh tơngai lơh broa\ tàm Việt Nam. Tàm bùi wa\,  ồng Trần Đại Quang neh đơs niam  bơh la kuang ala mat lơgar Mỹ, ồng David Shear neh pơ gồp bơnah kuơ màng tàm broa\ chul chồl tam klac bơh Gah kuang àng lơgar Việt Nam mờ ala\ gah lơh broa\ geh gơnoar bơh lơgar Mỹ geh ala\ dơ\ bơtàu tơngguh pa, ua\ tơnggu me tam klac neh gơmut tàm bơta mùl màl, niam jo\ jòng, geh cồng nha. Ồng Trần Đại Quang kơp kờ`, tơnơ\ geh rê hờ dà lơgar, tàm bơta lơh broa\ pa, ồng David Shear geh pơnjat tai geh ua\ ngan ta\ pơ gồp nàng bơtàu tơngguh broa\ lơh git gơp bơh 2 lơgar, kung bè bơta tam klac geh cồng nha bơh gah kuang àng lơgar Việt Nam mờ ala\ anih lơh broa\ geh gơnoar bơh lơgar Mỹ.

 Tơ nơ\ 2 nhai lam lơh bơh ngai 19 nhai 5 tus ngai 18 nhai 7 pa do, Broă lơh Tơrgùm bal pràn tài dà lềng bồt bơlào bòn lơgar tờm, neh hòi jà tă pơ gồp geh rlau 2 tơmàn priă. Hơ\ là jơnau yal geh yal tàm Dơ\ bơyai lơh tơn jơh broă lơh Tơr gùm bal pràn tài dà lềng bồt bơlào bòn lơgar tờm, geh lơh mho ngai òr 7/8, tàm Hà Nội. Broă lơh bơh Gah yal tơngi\t mờ mblàng yal jơnau dà lơgar, Mpồl dong kờl sơ nơm tơm ba phan bơna dà lơgar Việt Nam, Anih sio rùp VTC, mpồng jơnau yal tơnggit dong kờl kòn bơnus dà lơgar 1400, anih sơndio rùp Việt Nam, Păng băo Tuổi trẻ bòn dờng Hồ Chí Minh, Website Việt Nam Go.vn pơ gồp bal bơyai lơh. Broă lơh tơr gùm bal pràn tài dà lềng bồt bơlào bòn lơgar tờm kờn hòi jà gal ngan làng bol gùt lơgar tă pơ gồp priă jền nàng dong blơi phan ngui ai mpồl sền gàr cau lơh ka, mờ kảnh sát dà lềng in mu\t lơh kơ nòl broă mờ dong kờl làng bol lơh ka tàm dà lềng; bơtàu tơnguh lơh sa dà lềng, tus bal sền gàr gơnoar tờm dà lềng bồt bơlào tàm ală tiah dà lềng bồt bơlào Hoàng Sa mờ Trường Sa.

Ngai òr 7/8, mpồl kuang bàng Gơnoar ala mat dà lơgar càr Dak Nông bơh mò Tôn Thị Ngọc Hạnh  kuang jat jơng at bồ mpồl kuang bàng gơnoar ala mat dà lơgar càr Dak Nông lam bồ, neh bal mờ kuang bàng ờ ua\ gah, sơnah geh gơ rềng bơyai lơh broa\ sền gròi broa\ lơh tus mờ cau geh màng mờ dà lơgar tàm ala\ kơnhoàl Krông Nô mờ }ư\ Ju\t, càr Dak Nông. Đơs tàm anih tus sền gròi, mò Tôn Thị Ngọc Hạnh neh ho geh tơrgùm jơh, sền sơnơng, tơlik ala\ broa\ nàng jàu tus Gơnoar ala mat dà lơgar, càr sền mờ bơsong geh. Bè ala\ bòn lơgar kung pal tơngguh broa\ lơh sền gàr tơl, nền nòn tus ala\ rnàng bi, bèp neh geh màng mờ dà lơgar.

Di dơ\ tơng kah 69 nam Ngai Ka] màng nhai phàm mờ sơn tờm dà lơgar ngai 2 nhai 9, măng ngai òr 7/8, tàm càr Dak Lak, Gah chài rơ gơi tàp pràn să jan\ mờ nhơl chờ càr Dak Lak pơ gồp bal mờ Mpồl tàp pràn să jan\ dà lơgar sơnđờm mu\t lơh “Dơ\ pơr lòng tàp pràn să jan\ hìu bơnhă gùt lơgar nam 2014”. Dơ\ pơr lòng bơh Mpồl tàp pràn să jan\ dà lơgar lam lơh mờ geh lơh sùm pah nam, geh 2 bơta pơr lòng, là plai kơbàng mờ plai tơrnò. Dơ\ pơr lòng nam do geh 350 nă cau bơh 26 càr mờ bòn dờng tus bal. Ală cau pơr lòng geh tàm pơr lòng jăt 5 mpồl sơnam, tàm hơ\ geh ală dơ\ pơr lòng yô ùr bơklau, yô bèp mờ kòn, yô mè mờ kòn. Ờ mìng là broă tàm pơr lòng tàp pràn să jan\, do gam là tu\ nàng ală hìu bơnhă tus bơh uă càr mờ bòn dờng tàm gùt lơgar tus bal tìp măt, lơh quèng, lòt còp nhơl chờ, sơlơ tơngo\ tai bơta tam klăc bal.

Mờ broa\ lơh ai càn mờ bơta tơmut phan bơh ala\ mpồl gùng dra\ bal bơh 10 broa\ lơh càn pria\ broa\ lơh dong kờl, tàm tơngai lài, anih pria\ jền dong kờl cau rbah bòn dờng Bảo Lộc neh ai càn tus ala\ hìu nha\ rbah, hìu nha\ drờm bè cau rbah mờ ala\ cau geh khà sra\ dong kờl bơh dà lơgar tàm bòn dờng geh càn pria\ mờ jơng kah dồs rlau 220 tơmàn pria\. Tàm hơ\, broa\ jơng kah dồs ai càn hìu nha\ ndrờm bè cau rbah la 36 tơmàn pria\ mờ 2.163 hìu nha\ gam jơng kah dồs, dờp geh broa\ lơh ai càn pria\ dong kờl mờ khà càn pria\ tus 50 tơlak pria\, tơngai ngui pria\ jo\ jòng tàm 5 nam mờ pria\ cồng 0,78% dùl nhai. Khà pria\ do neh dong ala\ hìu nha\ rbah, hìu nha\ drờm bè cau rbah tàm bòn dờng  sơr lèt kal ke, iang nùs bơcri lơh sa, rhời geh ngap lơngai rài kis, lik klàs rbah mhar, kơljap mờ pleh gơbàn rbah wơl.

 Nàng rơcăng lài rơcăng sơndră mờ kòp mprơm gơlik mhàm bơh virus Ebola, Gah lơh sơnơm dà lơgar sồr Gah lơh sơnơm ală càr, bòn dờng, Hìu sơnơm rơcăng gàr lài kòp, ală hìu sơnơm mờ ală mpồl lơh broă gơ wèt bal rơcăng phan bơna, dà sơnơm, măi moc\, phan ngui, phan mờng ngui, ai phan sền gàr, tiah ai cah ơm is mờ cau lơh broă nàng sơndră wơl mờ kòp. Mơkung sơlơ pơ gồp bal mờ ală anih lơh broă geh gơnoar tàm mpồng nhàr lơgar nàng gròi sền, sền cau, phan kis, rơndeh rơndồ pơndiang phan, pơndiang năc mờ phan bơna kă bro lòt rê mờ lơgar ndai gan ală mpồng nhàr lơgar. Tu\ sền go\ cau lơi pin bơ tờp kòp geh ai kham kòp mờ cah ơm is mờ jăt ngui di tu\ ală broă lơh rơcăng sơndră kòp, kờn kơr yăn bơta lơh bơ tờp. Gah lơh sơ nơm sơlơ mblàng yal tàm ală anih ai tơngi\t jơnau mpồl bơtiàn bè ală broă lơh rơcăng sơndră kòp mprơm gơlik mhàm bơh virus Ebola jăt jơnau gơlik geh bơh kòp dê; yal sùm bơta gơlik kòp, ờ lời làng bol ngòt rơngơ\t, kơlôi rơcăng.

Tu\ do, gùt càr Điện Biên geh mờr 130 nơm rbàng yồng, tàm hơ\ geh tus 25 nơm neh gơbàn ờ kơljap tai, mờr 40 nơm rbàng tàm khà ngòt rngơt mờ ngòt rngơt ngan. Bơta gơbàn ờ diơng bơh rbàng yồng do ala\ kơna\ gơnoar at bồ drờm git, nàng geh lơh niam wơl kal ke ngan, pah nam kes pria\ lơh niam wơl gùng lòt bơh càr Điện Biên mìng geh di 20 tơmàn pria\, nàng geh lơh niam wơl gùng lòt, rbàng, drong dà tàm tu\ lơh dùl nơm rbàng yồng kờ` bơh 3 tus 5 tơmàn pria\. Broa\ tơrgùm làng bol mờ dà lơgar lơh bal slơ gơbàn kal ke ngan tài rài kis bơh làng bol gam ua\ ngan kal ke, kis ờ tơrgùm bal.

JƠNAU TƠNGGIT DUNIA.

 Ồng Laurent Fabius kuang atbồ Gah cribơyai broă mờ lơgar ndai lơgar Tây, ngai òr 7/8, neh hòi jà bơyai lơh dùl dơ\ pơrjum mhar bơh Mpồl cribơyai sền gàr ngăp lơngai anih duh broă dunia tơnơ\ tu\ ală ling lềng Islam ai sơ gràm bòn drà bơh cau jăt yàng Cơ đốc dờng ngan rlau jơh lơgar Iraq, lơh gi\t nđờ jơ\t rbô nă cau pal ntoăt dô. Tàm dùl jơnau yal bơr, ồng Fabius đơs: Sền sơ wì bơta ngòt rơ ngơ\t bơh bơta gơlik geh dê, ală cau gơtìp aniai bơh sơn rờp là làng bol ờ geh tìs mờ ală làng bol jăt yàng ờ gal cau, lơgar Tây gam sồr bơyai lơh dùl dơ\ pơrjum mhar bơh Mpồl cribơyai sền gàr ngăp lơngai anih duh broă dunia dê nàng gơtùi hòi jà mpồl bơtiàn dunia, tàm sơmbăt tê bal sơndră wơl mờ bơta pơhìn sò tơm iơh bơsak tàm lơgar Iraq, kung bè dong kờl mờ sền gàr làng bol gam gơtìp ngòt rngơt.

Ngai òr 7/8, ồng John Kerry kuang at bồ gah cri bơyai broa\ lơh bal mờ lơgar ndai lơgar Mỹ neh nisơna tus còp lơgar Afghanistan nàng tơngguh bơta bơ klơn tus mờ cau tơlik mat te\ khà kuang at bồ lơgar kờ` bơsong ala\ bơta tam phà tơnơ\ dơ\ te\ khà tu\ nhai 6 pa do. Do la dơ\ tus còp Afghanistan dơ\ 2 bơh ồng John Kerry tam di dùl nhai do  mơya tài bơh bơta ngap lơngai den tàng dơ\ còp ờ geh yal lài.

Gơnoar atbồ lơgar Ukraine ngai òr 7/8 yal bơr, tơn ơm kơrnuat ơm tam cuh mờ mpồl dră wơl tàm tiah đah măt tơngai lik, tiah rơndeh par MH17 bơh Gah rơndeh par lơgar Malaysia dê gơtìp gơdùh tàm ngai 17 nhai 7 pa do. Jơnau yal bơh Gơnoar atbồ lơgar Ukraine dê đơs loh, kơrnuat sồr ơm tam cuh bơh ồng Petro Poroshenko kuang atbồ lơgar Ukraine ai tơlik jăt jơnau sồr bơh ală cau mờng chài dunia dê geh ờ geh ai ngui tus tơngai dơ\ 2 bơh dơ\ lùp khàu bơh sơn rờp dê.

Pang web bơh gah lơh broa\  làng bol lơgar Lo ngai òr 7/8 ai git, kờp bơh nhai 6 tus tu\ do, neh geh 350 kơnhoàl, bòn dờng bơh 13 càr, bòn dờng, tiah at bồ is tàm gùt lơgar gơbàn trồ prang soat dà ua\ ngan, neh lơh 48  tơlak 500 rbô na\ cau gơbàn aniai, rlau 600 rbô lồ ù  chi tam broa\ lơh sa gơbàn hoàc hươr, lơh gơbàn aniai lơh sa tơn tus 21 tơmàn nhân dân tệ. Gơbàn trồ prang ơnàng la bơh ờ ua\ tiah tàm lơgar Lo sùm gơbàn duh mờ mìu ê\t. Gơnoar at bồ dà lơgar Lo pơnjat tai geh ai khà pria\ rcang sơndra\ trồ prang mờ dong kờl lơh niam wơl bơh trồ tiah aniai tàm broa\ lơh sa sươn sre, geh lơh niam wơl lơh sa tàm ù tiah gơbàn trồ prang ua\ ngan.

 Gah bơtàu tơnguh mpồl bơtiàn mờ sền gàr ngăp lơngai kòn bơnus Thái Lan, ngai òr 7/8, hơ geh lơh kràn jơnau cih bơh adăt boh lam dê nàng sền gàr kòn se pa deh tơ nơ\ dơ\ ờ niam deh apah tơngai rềp ndo lơh nrơ\t ndơl mpồl bơtiàn dunia. Ală kuang bàng geh gơnoar lơgar Thái Lan gam rơcăng cih dùl rơndăp lơh adăt pa kờ` lơh kràn ală jơnau cih bè bun ala cau ndai in tơ nơ\ broă dùl ùr bơklau cau Australia gơtìp yă lời săng kòn gơtìp kòp Đao mờ kòp jê plai nùs bơh mè deh ai cau mè bun ala in là dùl nă ùr ơruh Thái Lan. Gơnoar ala măt dà lơgar ing bơh Thái Lan dê rơcăng geh gờ` cribơyai nàng ring bal rơndăp lơh adăt do.