JƠNAU TƠNGGIT TÀM LƠGAR.

Pơn jăt tai pơrjum dơ\ 7, Gơnoar ala măt dà lơgar kơnă 13, ngai do 20/6, Gơnoar ala măt dà lơgar pơrjum bal tàm hìu pơrjum. Bùi drim, ală kuang bàng Gơnoar ala măt dà lơgar pờ tê ring bal Adăt công chứng tam gơl. Lài hơ\, tàm ngai 28 nhai 5 pa do, Rơndăp cih adăt công chứng tam gơl neh geh ai cribơyai tàm hìu pơrjum. Uă ngan kuang bàng ring bal tơnguh tơngai ai bơto broă lơh công chứng tus 12 nhai bè rơndăp cih nàng kờn lơh geh bơta niam bơh mpồl cau lơh broă công chứng dê. Bè pồ cau lơh broă công chứng, ală kuang bàng ring bal mờ rơndăp cih là jàu kơnòl pồ cau lơh broă công chứng ai Kuang atbồ Gah lơh broă kơrnuat boh lam dà lơgar in. Bè sơnam lơh broă công chứng, uă jơnau đơs ring bal mờ broă rơndăp lơh ờ cih sơnam lơh broă. Uă ngan kuang bàng ring bal mờ bơta 21 bơh rơndăp cih dê bè broă tam gơl cơldu\ công chứng gơs cơldu\ lơh broă công chứng…Kung tàm drim ngai do, Gơnoar ala măt dà lơgar cribơyai bè rơndăp lơh adăt tam gơl, bơ tơl ờ uă bơta bơh adăt sĩ quan ling klàng làng bol Việt Nam. Bùi mho, Gơnoar ala măt dà lơgar cribơyai rơndăp lơh adăt kuăng àng làng bol tam gơl.

“Sra\ bao\ neh sùm bal mờ Gơnoar at bồ lơgar, ờ mìng  lơh broa\ đơs lah broa\ lơh mờ gam geh sap đơs kờ` gùt mpồl bơtìan ring bal bè gùng dà broa\ lơh bơh Đảng, Dà lơgar mờ bơta đơng lam bơh Gơnoar at bồ lơgar”. Ồng Vũ Đức Đam kuang jat jơng gơs gơnap gơnoar at bồ hờ đang rlao jơh dà lơgar neh đơs tờm bè hơ\ tàm dơ\ tìp ala\ anih lơh bao\ di tơng kah 89 nam ngai sra\ bao\ kac màng Việt Nam (21/6/1925-21/6/2014) mờ tơng kah 2 nam broa\ lơh “Làng bol lùp-kuang at bồ gah broa\ dà lơgar ho jơnau”, bơh cơldu\ lơh broa\  Gơnoar at bồ lơgar bơyai lơh mho òr 19/6 tàm Hà Nội. Ồng Vũ Đức Đam kung neh đơs jơnhua ngan bơnga\ bơh ala\ anih lơh bao\ tàm broa\ geh dong broa\ tus Gơnoar at bồ lơgar, pơ gồp  lơh gơs mờ mut lơh di gùng dà broa\ lơh bơh Đảng, Dà lơgar, jờng bal cau niam  broa\ niam tus mờ broa\ sền gàr gơnoar tờm bơh dà lơgar, mơ kung geh ntàu tam dra\ mờ ala\ bơta ai go\ mờ broa\ lơh ờ niam tàm mpồl bơtìan.

Tàm tu\ bơta tàm dà lềng đah măt tơngai lik gam gơlik geh kal ke tài lơgar Lo ơn dra khoàng Hải Dương 981 tìs mờ kơrnuat boh lam tàm tiah dà lềng geh gơnoar lơh sa bơh lơgar Việt Nam dê, lơgar Lo pơn jăt tai geh broă lơh digơlan lơh tơnguh tai bơta kal ke bal mờ broă ai tai dra khuàng tus lơh broă tàm tiah dà lềng đah măt tơngai lik. Ngai 18 nhai 6 pa do, Gah lơh broă dà lềng lơgar Lo yal jơnau yal bơh anih lơh broă dà lềng càr Hải Nam, pà gi\t, ơ hò hoài Đức Gia gam hoài dra khoàng Nam Hải sồ 9 tàm dà lềng đah măt tơngai lik. Dra khoàng Nam Hải sồ 9 mu\t lơh ntrờn tàm 3 ngai, bơh ngai 18 tus ngai 20 nhai do. Bè bơta digơlan ntrờn tai bơh dra khoàng Nam Hải sồ 9, mpồl bơtiàn lơgar Lo geh uă jơnau đơs lài krơi is. Păng bău Thời Báo Hoàn Cầu ngai òr 19/6, yal jơnau đơs bơh ồng Ngô Sỹ Tồn kuang atbồ Anih kơlôi sơ nơng Nam Hải lơgar Lo dê đơs là, dra khoàng do geh ờ tus tiah bồt Hoàng Sa mờ đah lơgar Lo hòi là bồt Tây Sa, tài tu\ do tàm tiah Hoàng Sa ờ hềt gi\t geh loh làng là geh nhơm zờu halà ờ. Tàm tu\ hơ\, pang bău Bưu Điện Hoa Nam bùi drim bơh Hồng Kông dê, den đơs là, broă ntrờn bơh dra khoàng Nam Hải sồ 9 là broă lơh digơlan lơh tơnguh tai bơta kal ke tàm dà lềng đah măt tơngai lik sơlơ uă rlau tai. Ai păng bău Đại Công báo bơh Hồng Kông dê tàm ngai òr đơs là, dra khoàng Nam Hải sồ 9 gam ntrờn tus tiah đah jum, digơlan geh tus jòi sền nhơm zờu tàm tiah bồt Hoàng Sa.

Mho ngai òr 19/6, Hìu bơsram dờng Đà Nẵng mờ hìu bơsram dờng Phạm Văn Đồng neh lơh bal bơyai lơh pơrjum bao\ yal tơnggu me dơ\ cro bơyai dunia “Hoàng Sa-Trường Sa:Bơta geh ngan raà kah yau” mờ dơ\ ràng tơlik “Hoàng Sa-Trường Sa: Bơnah ù tiah ờ gơtùi cah is bơh Việt  Nam”, geh lơh tàm 2 ngai 20 mờ 21/6 tàm bòn dờng Đà Nẵng. Tàm 2 ngai cri bơyai, rlau 100 na\ cau jak, cau sền sơnơng, cau jak chài lam bồ lài  di ala\ hìu bơsram dờng tàm lơgar mờ dunia geh tus lơh ngan cri bơyai bè ala\ bơta: Bơnga\  anih bơh bồt dờng Hoàng Sa-Trường Sa hờ dà lềng đah mat tơngai lik, tam phà 2 bồt dờng mờ gơbàn aniai tus mờ ngap lơngai mờ ờ do ờ da\ tàm  châu Á-Thái Bình Dương, broa\ lơh geh mờ mut lơh gơnoar tờm bơh Việt Nam tus mờ Hoàng Sa mờ Trường Sa bơh  gah adat boh lam dunia, broa\ kơp kờ`, broa\ lơh bơsong broa\ tam phà tus mờ gơnoar tờm bơh 2 bồt dờng Hoàng Sa mờ Trường Sa mờ broa\ lơh bơh lơgar Lo lơh ơn tis dra khoàng Hải Dương 981 tàm tiah geh gơnoar lơh sa mờ dà lềng  dà lơgar Việt Nam.

 Dơ\ lơh chờ ờs mờng bơh yau bơh làng bol ală kòn cau Việt Nam wèt tus dà lềng bồt bơlào, tiah nhàr lơgar mờ gơnoar tờm dà lơgar geh lơh tàm 2 ngai bơh ngai 28-29 nhai do tàm Bòn chài rơ gơi, nhơl chờ ală jơi bơtiàn kòn cau Việt Nam tàm Đồng Mô, Sơn Tây, Hà Nội. Hơ\ là jơnau yal geh yal tàm dơ\ pơrjum bău bơh Gah chài rơ gơi tàp pràn să jan\ mờ nhơl chờ dà lơgar bơyai lơh mho ngai òr 19/6 tàm Hà Nội. Broă lơh Hìu bơnhă dờng ală jơi bơtiàn kòn cau Việt Nam mờ gơnuar tờm ki\ng cru\ bơh dà lơgar dê geh bơta tus bal bơh 32 jơi bơtiàn kòn cau tus bơh 8 càr mờ bòn dờng ala măt tus ală tiah, mờ bòn lơgar bơh gùt lơgar dê. Broă lơh geh uă broă lơh tìp măt lơh đơs crih tam ya, dơ\ lơh chờ ờs mờng bơh yau pơn rơ ngan kờn lơh kơ\ kơl jăp mờ tơnguh tai mpồl tam klăc dờng gùt jơi bơtiàn, tơngo\ jơnau đơs bơh mpồl bơtiàn ală jơi bơtìan kòn cau Việt Nam dê bè gơnoar tờm ki\ng cru\ bơh dà lơgar dê.

Mho òr 19/6, Mpồl lơh sa dờng Viễn thông ling klàng Viettel sơne\ tàm càr Dak Lak neh bơyai lơh ky\ ring bal tam klac tơl làm mờ gah bơto bơtê mờ bơsram  tàm càr bè công nghệ thông tin mờ viễn thông tơngai bơh nam 2014-2020. Broa\ tam klac lơh broa\ bal tơl làm do ờ mìng pơ gồp geh pơrjum hala lơh broa\ tơn broa\ at bồ bơto bơtê mờ bơsram mờ gam tơngguh jơnau yal tơnggit bơh hìu bơsram tus mờ hìu nha\ nàng at bồ bơto bơtê kơnòm bơsram niam rlau. Broa\ lơh geh mut ngui phần mềm lơh broa\ tơn, dong cau pơgru lơh broa\ niam rlau. Phần mềm gam geh ờ ua\ tơngguh me bè học bạ điện tử, sổ liên lạc… gơtùi geh tơrbo\ tus mờ điện thoại at tê bơh mè bèp kơnòm bơsram bơh tin nhắn, ngui  broa\ lơh do geh dong mè bèp kơnòm bơsram at bồ kơnòm bơsram he dê niam rlau.

Tơ nơ\ rlau 20 ngai gơbàn kòp, kòp sồt mbùng gơtă nđias tàm phan ròng tàm càr Kon Tum ờ mìng ờ hềt geh kơr yăn mờ gam pơn jăt tai gơ rề uă. Bơh tiah gơbàn kòp sồt mbùng gơtă nđias geh tàm mpồl kơn rồ 57 nơm bơh 2 bòn Kon Sơ Lam 1 mờ Kon Sơ Lam 2, sơnah bòn Trường Chinh, bòn dờng Kon Tum, tus ngai òr, kòp neh lơh bơ tờp tus kơn rồ bơh làng bol 4 bòn: Kon K’tu 1, Kon K’tu 2, Kon Pắt mờ Kon Sút, ntum Đak Blà mờ 35 nơm kơn rồ bơ tờp kòp. Jơnau lơh bơ tờp geh gi\t là tài kơn rồ ròng tơngklàs bal dùl blàng sre. Tềng đăp bơta do, bal mờ broă mu\t lơh ală broă lơh bồm sơ nơm kơr yăn kòp lơh kloh niam tiah ơm kis, yal lài làng bol in ròng krơ\ phan ròng gơtìp kòp nàng sơm kòp.

Drim òr 19/6, tàm bòn drà Thuận An, càr Bình Dương neh bơyai lơh chờ dờp sơnđan mat bal “ Plai măng cụt Lái Thiêu” bơh đah geh ngui bơh bồ tơngoh jak Việt Nam dờp. Bal mờ chờ pơn ỳơ sa\ ngan geh dờp la dùl tàm 50 bơta chi sa plai bơkah krơi  bơh Việt Nam bơh anih tờm sra\ kuơ màng Việt Nam rwah, broa\ măng cụt Lái Thiêu geh đah geh ngui bồ tơngoh jak Việt Nam jàu sra\ dờp mat sơnđan bal la bơta đơs tờm ngan mat sơnđan phan ka\ bro bal mờ mat bòn pơnrơ ngan. Bơh tu\ do,  plai chi măng cụt Lái Thiêu geh tơl bơta nàng đơs tờm bơnga\ tàm drà ka\ bro, geh tơlik  tac hờ lơgar cau, tus tàm kơnhoàl mờ tàm dunia.

JƠNAU TƠNGGIT DUNIA.

 Mò Hà Thị Ngọc Hà kuang atbồ anih lơh broă ala măt lơgar Việt Nam tàm lơgar Chilê pa tìp mờ ồng Joan Pablo Letelier Morel  kuang atbồ Anih lơh broă mờ lơgar ndai bơh Gơnoar ala măt dà lơgar Chilê dê nàng yal bè broă lơgar Lo ơn tìs mờ kơrnuat boh lam dra khoàng Hải Dương 981- tàm tiah dà lềng geh gơnoar lơh sa bơh lơgar Việt Nam dê. Ồng Joan Pablo Letelier Morel, pà gi\t, ồng neh tìp măt mờ cribơyai mờ Mpồl kuang bàng lơgar Việt Nam tàm Pơrjum kuang bàng dờng màng ală lơgar gam bơtàu tơnguh-G77 geh lơh tàm lơgar Bolivia pa do mờ sùm jăt sền uă ngan bơta do, mờ tơlik nùs nhơm kơlôi rơcăng uă ngan bè broă lơgar Lo ơn tìs mờ kơr nuăt boh lam dra khoàng Hải Dương 981 tàm tiah dà lềng geh gơnoar lơh sa bơh lơgar Việt Nam dê. Ồng đơs la, do là dùl bơta gùng dră bal ngòt rơngơt ngan. Bè nùs nhơm bơh Gơnoar ala măt dà lơgar Chilê dê, ồng pà gi\t sùm sùm tam klăc lơh broă bal mờ lơgar Việt Nam.

Ngai òr 19/6, Lo ai git geh trờn ờ ua\ cau lơh broa\ lơh broa\ tàm mpồl lơh broa\ lơgar do tàm Iraq. Tàm dùl jơnau đơs tàm dơ\ pơrjum bao\ di ngai du\ bơh Gah cri bơyai broa\ lơh bal mờ lơgar ndai lơgar  Lo, mò Hoa Xuân Doanh  cau pơlam đơs gah cri bơyai broa\ lơh bal mờ lơgar ndai lơgar Lo kung geh đơs bơta ờ suk bè jơnau gơlik geh tam lơh gơbàn ua\ tàm Iraq tàm tu\ mpồl ling lềng dà lơgar Iraq mờ Cận Đông gam wèt tus hờ càr lơgar Bagdad mơ kung geh jơnau sồr tai dong kờl Iraq tam dra\ mờ ala\ mpồl bol sò tơm iơh bơsac tàm lơgar do. Mò Hoa Xuân Doanh kung ai git: Ala\ cau lơh broa\ tàm anih ala mat lơgar Lo tàm Iraq kung neh dan geh rê hờ lơgar tờm. Mpồl xăng zờu lơgar Lo-PetroChina, dùl tàm ala\ cau bơcri dờng ngan tàm gah zờu tàm Iraq kung neh ai rê ờ ua\ cau lơh  broa\ bơh mpồl do lơk bơdĩh lơgar Iraq.

 Anih duh broă dunia neh hòi jà ală mpồl phàu crong mờ Gơnoar atbồ lơgar Mali mhar mu\t lơh ală dơ\ cribơyai ngăp lơngai kờn tơn jơh bơta ờ ngăp lơngai tu\ do. Cau lam bồ Mpồl ling sền gàr bơta ngăp lơngai bơh Anih duh broă dunia dê là ồng Herve Ladsous, pà gi\t, Mpồl ling sền gàr bơta ngăp lơngai bơh anih duh broă dunia dê geh ai rơndeh par ờ geh cau măi tus lơgar Mali nàng sền gàr niam ờdo ờdă ai cau lơh broă mờ làng bol ờ geh tìs in. Mali ơm tàm bơta ờ ngăp lơngai kờp bơh tơnơ\ tu\ ồng Amadou Toumani Toure kuang atbồ lơgar lài do gơtìp lơh gơlừ tàm dơ\ mpồl ling lơh gơlừ gơnoar atbồ lơgar tàm nhai 3 nam 2012 lài do.

Ồng Abdullah Abduhlah cau tơlik mat te\ khà kuang at bồ lơgar Afghanistan neh đơs mờ anih duh broa\ te\ khà lời te\ broa\ sền sra\ pồ bơh dar bồ dơ\ 2 mờ ai jơnau neh geh bơta tìs ua\ ngan tàm broa\ lơh đùh sra\ pồ. Ồng Abduhllah đơs ờ gam pin dờ` tàm anih duh broa\ te\ khà, đơs mờ ồng Hamid Karzai kuang at bồ lơgar, cau tơlik mat te\ khà gam wơl bơh dơ\ te\  khà dar 2, crơng gơs anih duh broa\ ing jat geh cih bơh anih duh broa\ dunia kờ` bơsong bơta do. Bulah bè hơ\, anih duh broa\ te\ khà neh ờ dờp jơnau ya\ bơh ồng Abdullah mờ đơs tờm pơnjat tai broa\ lơh sền sra\ pồ mờ yal cồng nha bè neh ai du\.

Gơguh tai lơh sa bơh lơgar New Zealand dê tàm 3 nhai bồ nam do geh 3,8%, khà mhar ngan rlau jơh tàm rlau 6 nam do, jăt khà kờp bơh anih lơh broă tơr gùm kờp lơgar do dê yal. Tàm hơ\, gah lơh broă bơ\t bơtàu geh khà gơguh tai 12%, tă pơ gồp uă ngan rlau jơh là bòn dờng Christchurch, tiah gơtìp aniai uă ngan tơ nơ\ dơ\ tơrluh ù tàm nam 2011. Tăc phan mờ lơgar ndai gơguh 3%, mìng geh ngui sa tàm lơgar là gơguh tai dùl ết. Jơnau yal do pơn jăt tai geh lơh tơnguh wơl bơngă là dùl tàm ală lơgar lơh sa mờ măi moc\ bơtàu tơnguh geh khà gơguh tai lơh sa mhar ngan rlau jơh.