JƠNAU TƠNGGIT TÀM LƠGAR.

 Mho mờ mang òr 1/8, tàm gơlang kuang atbồ lơgar, ồng Trương Tấn Sang kuang atbồ lơgar neh wă ồng Fumio Kishida kuang atbồ gah cri bơyai broă lơh bal mờ lơgar ndai lơgar Nhờk gam geh dơ\ tus còp mờ lơh broă tàm lơgar Việt Nam. Tơl^k loh broă lơh bal bơh lơgar Việt Nam mờ lơgar Nhờk ờ hềt tu\ lơi niam bơne\ ngan bè tu\ do, ồng Trương Tấn Sang tơl^k nùs nhơm ưn ngài lơgar Nhờk neh dong kờl lơgar Việt Nam tơnguh bơtàu lơh sa tàm uă nam do. Ồng Trương Tấn Sang đơs la, tơnơ\ do, mờ bơta pin dờn bè gùng dră bal, broă lơh bal bơh 2 lơgar geh uă cồng nha di pal mờ bơta pràn. Ồng Trương Tấn Sang yal mờ lơgar Nhờk, lơgar Việt Nam neh lơh gơs sră nggal kờ` ai mu\t lơh broă hìu bơsram dờng Nhờk mờ Việt Nam là rùp rài broă g^t gơ\p, lơh bơyô bal. Ngoh rơngăc tu\ đơs tus ală cau lơgar Nhờk tàm tiah Kansai, Ibraraki neh dong kờl phan lơh ka ngừ mờ tam jàu broă lơh sa làng bol lơgar Việt Nam in, ồng Trương Tấn Sang đơs loh, broă dong kờl bơh lơgar Nhờk tus mờ lơgar Việt Nam tàm ală tu\ kal ke là kuơ màng ngan.

 Kung tàm mho òr 1/8, tàm hìu lơh broă gơnoar atbồ lơgar, ồng Nguyễn Tấn Dũng kuang gơs gơnap gơnoar atbồ hờ đang rlao jơh dà lơgar wă, ồng Fumio Kishida kuang atbồ gah cribơyai broă mờ lơgar ndai lơgar Nhờk gam geh dơ\ tus còp ngan ngồn lơgar Việt Nam. Tàm dơ\ wă, ồng Fumio Kishida neh yal mờ ồng Nguyễn Tấn Dũng bè ală cồng nha lơh geh tàm dơ\ tus còp lơgar Việt Nam, mơkung đơs, Nhờk chờ hờp kung bè pin dờn bơta git gơp 2 lơgar geh pơnjat tai bơtàu tơnguh pràn tàm tơngai tus. Ồng Fumio Kishida kung đơs tờm, 2 lơgar gam uă ngan bơta pràn tam klac bè lơh sa, kă bro mờ bơcri priă, mờ lơgar Nhờk kơp kờ` tam klac mờ lơgar Việt Nam tàm gah do. Jat mờ hơ\, Nhờk hơ pơrgon dong kờl lơgar Việt Nam mut lơh broă lơh tam gơl pa lơh sa mờ mai\ mok, pơnjat tai dong kờl priă ODA lơgar Việt Nam in. lơgar Nhờk kung gam kơ lôi sơ nơng nền nòn ală jơnau dăn bơh lơgar Việt Nam dê bè chồl pràn kă bro 2 lơgar, tàm hơ\ geh ală bơta phan lơh gơs bơh suơn sre lơgar Việt Nam dê tac tàm drà kă bro lơgar Nhờk, ờ duh pal geh sră lòt rê tus mờ cau lơgar Việt Nam mờ tơnguh khà cau bơsram bè y tá, hộ lý tus lơh broă tàm lơgar Nhờk. Lơgar Nhờk kung geh pơnjat tai dong kờl lơgar Việt Nam sơ lơ tơnguh bơta pràn jak mut ngui adat boh lam tàm dà lềng.

 Drim òr 1/8, tàm gơlang kuang atbồ lơgar, ồng Trương Tấn Sang kuang atbồ lơgar mờ là kuang atbồ đơng lam broă lơh  niam adăt boh lam dà lơgar neh geh dơ\ lơh broă mờ mpồl tam klăc ală cau chài cah rơ`a Việt Nam bè cồng nha tàm tơngai dơ\ 1 mờ 6 nhai bồ nam do. Đơs tàm dơ\ lơh broă, ồng Trương Tấn Sang đơs la, tềng đăp mờ broă kờ` chồl pràn broă lơh niam adăt boh lam, bơ\t bơtàu dà lơgar jăt gùng dà adăt boh lam  xã hội chủ nghĩa. Mờ nùs nhơm lơh tòm, tam gơl pa, sơnoa boh lam nam 2013 neh dờp ală kơrnoăt kuơ màng bơh broă lơh adăt boh lam mờ kơrnoăt kơnòl sền gàr rài dà lơgar, sền gàr bơta ring niam, sền gàr gơnoar kòn bơnus… Den tàng, gơnoar mờ kơnòl cau cah rơ`a sơlơ geh uă, broă lơh bơh cau cah rơ`a, mpồl cau cah rơ`a pal tam gơl pa pràn rơlao tai, tơnguh khà niam kờ` di pal mờ kơnòl tàm tơngai pa. Ồng Trương Tấn Sang sồr, khà cau chài cah rơ`a gam ờ uă, tơnguh bơtàu ờ di pal, gam geh cau lơh broă cah rơ`a tìs mờ broă lơh, tìs mờ adăt boh lam, den tàng pal tơrgùm bơ\t bơtàu mpồl cau chài cah rơ`a, pơgồp bal mờ chồl pràn lam sồr kờ` tơnguh niam rùp rài mờ jơnau g^t wă bè gùng dră bal, ai tơl^k nùs nhơm pin dờn làng bol dê tus mờ cau chài cah rơ`a, mờ rài dà lơgar bal mờ bơta ring niam.

 Drim òr 1/8 tàm Hà Nội, geh bơyai lơh dơ\ pơrjum bơh anih duh broă tam klac lơgar Việt Nam mờ lơgar Nhờk dơ\ 6. Ồng Phạm Bình Minh kuang jat jơng gơs gơnap gơnoar atbồ hờ đang rlao jơh dà lơgar, mơlà kuang atbồ gah cribơyai broă mờ lơgar ndai dà lơgar mờ ồng Fumio Kishida kuang atbồ gah cribơyai broă mờ lơgar ndai lơgar Nhờk neh đơng lam bal pơrjum. 2 gah ringbal sơ lơ tam klac, chồl pràn bơcri priă lơgar Nhờk tàm lơgar Việt Nam, mơkung đơs tờm, broă sền gàr ngap lơngai, kơ\ kơljap, khat gơ boh gùng dà lềng tàm dà lềng đah mattơngai lik la kơ nòl mờ bơta kuơ bal bơh mpồl bơtiàn dunia dê. Jat nùs nhơm song dơpă, bơt bơtàu mờ pin dờn bal mờ gơp, 2 gah neh cribơyai jơnau đơs mờ ringbal uă broă lơh chồl pràn git gơp 2 lơgar bơtàu tơnguh 1 bă tơl làm, geh cồng nha mờ kơ\ kơljap tàm tơngai tus. Tơ nơ\ dơ\ pơrjum, 2 gah neh ki\ sră nggal cribơyai bè bơnah dong kờl ờ tơm wơl rơndap broă bè sền gàr ngap lơngai, ờ do ờ dă gùng dà lềng mờ sră nggal cribơyai bè dong kờl ờ tơm wơl tàm broă lơh priă dong kờl bơsram bơtàu tơnguh cau lơh broă nam 2014.

 “Ù tiah là phan geh is, phan bơna kuơ màng dà lơgar dê, mờ là phan lơh sa kuơ màng. Den tàng, broă lơh gơs rài geh ngui, sền gàr mờ ngui ù sùm là bơta tòm sền gròi bơh Đảng mờ Dà lơgar dê”. Do là jơnau đơs geh ai tơl^k tàm pơrjum khoa học mờ tơngu me “Tơnguh cồng nha sền gàr mờ ngui ù tàm broă lơh sa kă bro wèt jăt gùng dà xã hội chủ nghĩa” geh gah phan geh is mờ rài kis ù tiah dà lơgar pơgồp bal mờ gah lơh broă sa dà lơgar mờ pang băo Cộng sản bơyai lơh drim òr 1/8 tàm Hà Nội. Mờ 45 jơnau đơs bal mờ jơnau pơgồp bal tàm pơrjum bo ală kuang bàng, ală cau jăk chài neh tơrgùm lơh loh ală broă bè: ring bal bè jơnau g^t wă bè gơnoar mờ kơnòl dà lơgar dê tàm broă tơl^k ù tiah gơwèt gơnoar ngui gùt làng bol, geh dà lơgar ala măt geh ngui mờ ring bal sền gàr, gơnoar mờ kơnòl bơh ală cau ngui ù, ală broă tơnguh cồng nha sền gàr mờ ngui ù. Mờ ală kuang bàng kung neh yal uă broă lơh kờ` bơyai lơh jăt broă dong kờl adăt boh lam ù tiah geh cồng nha tàm tơngai tus, tàm nùs nhơm tơnguh pràn broă đơng lam Đảng tàm gah ù tiah di pal mờ broă lơh sa kă bro wèt jăt gùng dà xã hội chủ nghĩa mờ tơnguh kơnòl bơh ală mpồl lơh broă gùng dră bal mpồl bơtiàn tàm broă sền gàr mờ ngui ù.

 Pơnjat tai jơnau yal tơngit bè dơ\ tơrlah tơnau dơng dà hìu mai\ pờ tơlik ồs đèng Ia Krêl 2 tàm càr Gia Lai, cribơyai mờ cau ai tơngit jơnau đơs Việt Nam, ồng Võ Thanh Hùng kuang atbồ anih duh broă làng bol kơnhòal Đức Cơ pà git, tus măng òr, ală gah lơh broă kơnhòal neh kờp jơh khà hìu nhă làng bol lơh broă sa tàm tiah đah đơm hìu mai\ pờ tơlik ồs đèng Ia Krêl 2,  jat 2 gah dà croh. Jat mờ hơ\, uă hìu nhă tài geh yal bơh àng drim gờ` den tàng neh ntrờn di tu\, ală cau gơtìp dà wềl kung neh geh mpồl dong kờl rềs àr jun tus tiah ờ do ờ dă, den tàng ờ geh hoàc huơr bè kòn bơnus. Mơya, hoàc huơr bè phan bơna, chi tam làng bol dê tài tơrlah tơnau dơng dà hìu mai\ pờ tơlik ồs đèng do là dờng ngan, tài dà bơh tơrlah tơnau dơng dà lơh gơbàn uă rlau mờ dơ\ tơrlah tơnau dơng dà nhai 6 nam lài. Kềng gah dà croh Ia Krêl jòng 10 kơi sồ, chi tam, hìu đam mờ uă phan bơna làng bol dê neh gơtìp dà cò pơr dô.

 Mang òr 1/8, tàm blàng dờng Nguyễn Tất Thành, bòn dờng Quy Nhơn, pơlòng dunia võ cổ truyền Việt Nam-Bình Định nam 2014 neh mùl màl mu\t lơh. Mờ tơngu me “Prăp gàr mờ tơnguh niam võ cổ truyền Việt Nam”, broă mu\t lơh geh 3 bơnah: broă bơyai mu\t lơh, broă pơn jờng mpồl cau mờ ală jơnau đơs crih tamya bè bơta pràn Việt Nam, bơta pràn Tây Sơn-Bình Định, pơn jờng bòn lơgar, dà lơgar, kòn bơnus Bình Định tàm tơngai crơng gơs mờ tơnguh bơtàu. Pơlòng dunia võ cổ truyền Việt Nam geh bơyai lơh bơh ngai 1 tus 4/8, geh bal ală broă lơh tòm bè: Nhơl chờ tàm gùng lòt, pơlòng rơwah ùr hàng dunia võ cổ truyền Việt Nam, pơlòng võ cổ truyền gùt lơgar dơ\ 3 nam 2014…

            JƠNAU TƠNGGIT DUNIA.

 Ồng Shinzo Abe kuang gơs gơnăp gơnoar atbồ hờ đang rơlao jơh dà lơgar Nhờk pa yal rơndăp broă bơ\t bơtàu wơl Gơnoar atbồ lơgar tàm bồ nhai 9 tus. Do geh sền là dơ\ bơ\t bơtàu Gơnoar atbồ lơgar sơnrờp ngan bơh tu\ ồng Shinzo Abe dờp lơh kuang gơs gơnăp gơnoar atbồ hờ đang rơlao jơh dà lơgar Nhờk tàm lồi nam 2012, tàm tu\ khà cau kờ` mờ Gơnoar atbồ lơgar Nhờk gơmù uă ngan tàm tơngai pa do. Đơs mờ ală cau lơh [ăo tàm dơ\ tus còp châu Mỹ Latinh, ồng Shinzo Abe đơs là “Ồng kờ` bơ\t bơtàu wơl Gơnoar atbồ lơgar mờ sền wơl mpồl kuang bàng đơng lam đảng, đảng lơh tòm khăt gơboh tàm poh sơnrờp nhai 9”.

Gah yal jơnau tơngit dà lơgar Triều Tiên KCNA ngai òr 1/8 pà git, lơgar Triều Tiên sồr Mỹ mờ Hàn Quốc tơn jơh dơ\ tàp ling bal geh sơnđan “ Cau sền gàr khat gơ boh Ulchi” tàm nam do. KCNA pơlam jơnau đơs bơh anih duh broă dà lơgar tài ngap lơngai lơgar Triều Tiên tàm 1 jơnau yal bơr đơs là, ală dơ\ tàp ling đah lơgar Mỹ mờ lơgar Hàn Quốc ờ mìng là 1 bơta lòng loh làng tus mờ ală broă lơh ngan bơh lơgar Triều Tiên dê bè lơh niam git gơp mờ lơgar Hàn Quốc, mờ gam là broă lơh bơ chồtt ling klàng ờ niam ngan. Triều Tiên đơs lài tơl mpồl tus bal tàp ling mờ ală gah mpồl ơm tơ nơ\, tàm hơ\ geh gơnoar atbồ lơgar mờ gah sền gàr dà lơgar Mỹ, gơlăng kuang atbồ lơgar Hàn Quốc mờ ală pôs ling tàm lơgar Hàn Quốc geh gơs là jơnau kờ` sò tơm bơh ală bơta phàu crong pa ngan mờ geh khà sò tơm di uă bơh lơgar Triều Tiên dê, bè phàu ồs.

Ling lơgar Israel pa yal neh ờ lơh jăt jơnau sồr ơm ờ cuh phào kờ` dong kờl 72 jiơ mờ mpồl Hamas sền gròi dòr Gaza neh gơtìp ờ lơh jăt, mìng ờ hềt tus  jơ tơnơ\ mờ tu\ geh mu\t lơh jăt tàm drim òr 1/8. Tàm mùl màl, tàm ală jơ sơnrờp jơnau sồr ơm ờ cuh phào, ling lơgar Israel neh cuh ală gar phào dờng di tàm tiah mpồng nhàr dà lơgar Rafa, bơh dòr Gaza mờ lơgar Aicập, lơh 40 nă cau Palestin chơ\t mờ 150 nă cau ndai sồt să.

 Cau pơlam jơnau đơs bơh anih duh broă sền gàr dà lơgar mờ sền gàr ngap lơngai dà lơgar Ukraine là ồng Andriy Lysenko ngai òr 1/8 pà git, gơnoar atbồ lơgar Ukraine neh ai gơnoar ală mpồl sền gàr ngap lơngai lơgar ndai, ngan là ală mpồl sền gàr ngap lơngai lơgar Hà Lan mờ lơgar Australia geh gơnoar sền gàr tiah gơlik geh dơ\ dùh rơndeh par MH17 lơgar Malaysia dê. Do geh sền là mpồl lơh broă lơgar ndai dờng ngan rlau jơh geh tus tiah gơlik geh dùh rơndeh par kờp bơh tu\ rơndeh par MH17 gơtìp cuh dùh ttàm lơgar Ukraine tàm ngai 17/ 7 pa do.

 Tơnơ\ lơgar Mỹ mờ lơgar Anh tus lơgar Đức ngai òr 1/8 neh hòi jà lơgar Tây tơn jơh broă tăc ơhò tam lơh mờ lơgar Nga. Jăt Gơnoar atbồ lơgar Đức yal, 1 broă lơh bè hơ\ tàm tu\ do là ờ di pal. Đơs tàm anih sơnđio rùp ARD lơgar Đức, ồng Sigmar Gabriel kuang jăt jơng gơs gơnăp gơnoar atbồ hờ đang rơlao jơh dà lơgar Đức đơs là, di lah bè 1 jơnau lơh glài kờ` di tàm lơgar Nga geh kuơ màng bè rùp rài uă, den 1 jơnau kơrian lơgar Tây tă] ơhò blàng rơndeh par lơgar Nga in kung la di pal. Jăt broă lơh bal bơh lơgar Nga mờ lơgar Tây tàm nhai 6 nam 2011, ơhò tam geh jàu lơgar Nga in tàm nam tus. Bu\ lah bè hơ\, ală lơgar tàm mpồl tam klăc châu Âu, mờ lơgar Đức là 1 lơgar tòm đơs la, broă lơh do là ờ di pal, tàm tu\ châu Âu tơnguh ală broă lơh glài tus mờ lơgar Nga, bơta ờ niam tàm lơgar Ukraine tu\ do dê.