JƠNAU TƠNGGIT TÀM LƠGAR.

Pơn jăt tai dơ\ tus còp càr Bình Thuận, drim òr 4/7, ồng Nguyễn Phú Trọng kuang atbồ đơng lam Đảng dà lơgar lơh broă mờ kuang bàng tòm tàm càr do bè broă tơnguh bơtàu lơh sa-mpồl bơtiàn, sền gàr bơta lơngăp lơngai dà lơgar mờ lơh jăt kơrnoăt dà lơgar 4, kơnă 11 bè broă bơ\t bơtàu Đảng. Đơs tàm dơ\ lơh broă, ồng Nguyễn Phú Trọng neh đơs loh: Càr Bình Thuận gam geh bơnàng jăt pràn tơnguh mờ broă lơh ngan uă. Ồng Nguyễn Phú Trọng ring bal mờ ală gùng dà, broă lơh, kơnòl mờ càr do neh ai tơl^k, mờ sồr càr do pal g^t mblàng nền nòn broă lơh tus do gam uă kal ke, g^t lài kờ` geh rơndăp broă rơcang sơndră lài. Broă do pal geh lơh bal mờ broă sền gròi, lơh jăt ală kơnòl gam tai mờ kơrnoăt pơrjum dờng mpồl đơng lam Đảng càr Bình Thuận neh ai mờ cồng nha uă ngan bal mờ broă rơcang niam pơrjum dờng mpồl đơng lam Đảng ală kơnă tàm tơngai tus.

 Mho òr 4/7 tàm hìu lơh broă gơnoar atbồ lơgar, ồng Vũ Đức Đam kuang jat jơng gơs gơnap gơnoar atbồ hơđăng rlau jơh dà lơgar, mơla kuang atbồ mpồl đơng lam dà lơgar mut lơh jat kơrnuat sồ 1956 bơh kuang gơs gơnap gơnoar at bồ hơđang rlao jơh dê ki\ rơndap broă bơto broă lơh cau tàm bòn lơgar in tus nam 2020 neh đơng lam pơrjum bơh mpồl dê. Đơs tơn jơh pơrjum, ồng Vũ Đức Đam sồr tàm tơngai tus, ală gah, sơnah lơh broă dà lơgar, ală càr, bòn dờng pal pơnjat tai lam sồr lơh jat jơnau sồr sồ 19 tơlik ngai 5/11/2012 bơh mpồl đơng lam Đảng dà lơgar dê, lơh gơs bơta tam gơl ngan ngồn bè git wă mờ broă lơh bơh kuang bàng cau geh Đảng, ală kơnă Đảng mờ gơnoar atbồ ală kơnă bè mut lơh broă bơto broă lơh cau tàm bòn lơgar in đơs is mờ bơtàu tơnguh cau lơh broă đơs bal. mìng bơyai lơh bơto broă lơh cau tàm bòn lơgar in tu\ git anih lơh broă mờ khà priă lơh geh tus mờ broă lơh gơtùi geh tơ nơ\ mờ tu\ bơsram broă lơh.

Ngai òr 4/7, mpồl kuang bàng tàm Gơnoar ala măt dà lơgar càr Gia Lai geh ồng Ksor Phước kuang atbồ mpồl duh broă kòn cau Gơnoar ala măt dà lơgar lam bồ neh tìp mờ cau te\ khà tàm ntum Gào mờ sơnah bòn Phù Đổng, bòn dờng Pleiku. Tàm ală tơngu me jơnau yal tàm ală dơ\ tìp, geh gal cau te\ khà tàm bòn dờng Pleiku sền gròi ngan mờ yă, dră wơl uă ngan ală tìs bơh lơgar Lo tu\ ơn dra khoàng jờu Hải Dương-981 tàm dà lềng mờ tiah geh gơnoar lơh sa lơgar Việt Nam dê. Mờ cau te\ khà đơs, geh bal mờ làng bol gùt lơgar tam dră sền gàr gơnoar ù tiah dà lơgar. Cau te\ khà bòn dờng Pleiku pin dờn mờ ring bal uă mờ ală broă lơh ngan bơh Đảng mờ Dà lơgar dê kờ` sền gàr gơnoar ù tiah tàm tơngu me adăt boh lam dunia. Cau te\ khà Trần Ngọc Thanh kuang atbồ mpồl duh broă ala măt làng bol ntum Gào, bòn dờng Pleiku đơs: “Làng bol ală kòn cau tàm ntum Gào tam klăc 1 nùs, 1 bơta pràn kờ` bal mờ làng bol gùt lơgar lơh ngan tàm broă tam dră sền gàr gơnoar dà lềng, bồt dà lềng. Kung kơ\p kờ`, Gơnoar atbồ lơgar geh ală broă tam dră bè broă lơh bal mờ lơgar bơdìh, tam dră tàm adăt boh lam dunia kờ` mhar sồr lơgar Lo pal ru\c mơ dra khoàng jờu l^k bơdìh dà lềng, tiah geh gơnoar lơh sa lơgar he dê”.

Drim òr 4/7 tàm bòn dờng Dà Làc, anih duh broă làng bol càr Lâm Đồng neh bơyai lơh mblàng kơrnuat bơh kuang gơs gơnap gơnoar at bồ hơđang rlao jơh dà lơgar dê bè bơ song rơndap ù tiah bal bòn dờng Dà Làc mờ tiah rềp bal tus nam 2030 mờ wèt tus nam 2050. jat broă rơndap ù tiah pa, tus nam 2030, bòn dờng Dà Làc geh kờp jơh bă ù tu\ do bal mờ ală kơnhòal Lạc Dương, Đơn Dương, Đức Trọng mờ 1 bơnah kơnhòal Lâm Hà dê, mờ khà ơnàng ù tiah mờr 336 rbô lồ, khà kờp làng bol digơlan geh bơh 700 rbô tus 750 rbô nă. Tus nam 2030, bòn dờng Dà Làc mờ ală tiah rềp bal geh gơs là 1 tiah drà pa ngan. Dà Làc geh bơngă mờ 1 anih tơm lơh broă dà lơgar, gùng dră bal, lơh sa chài rơ gơi, jak chài. Ồng Nguyễn Xuân Tiến, kuang atbồ anih duh broă làng bol càr Lâm Đồng pà git, kơrnuat do bơh kuang gơs gơap gơnoar at bồ hơđang rlao jơh dà lơgar dê pờ geh 1 bơta niam dờng ngan nàng bòn dờng Dà Làc bơtàu tơnguh dipal tàm tơ nơ\ do, mờ càr geh mut lơh mơ rơndap ù tiah.

 Ngai òr 4/7, tàm bòn dờng Buôn Ma Thuột, càr Dak Lak, kes priă dong kờl kơnòm dềt Việt Nam pơgồp bal mờ anih duh broă càr Dak Lak mờ anih lơh sa kă bro sền gàr màng kis AIA bơyai broă lơh “broă lơh rài kis”, kờ` lam sồr sơndră mờ rềs àr tàm gùng lòt mờ lam sồr dong kờl kơnòm dềt geh rài kis kal ke. Broă lơh do geh mu\t lơh tàm Hà Nội bơh nhai 1 nam do, mờ neh tus ală tiah ndai bè Hải Phòng, Thanh Hoá, Nghệ An, Quảng Bình, Đà Nẵng. Tàm càr Dak Lak, ngai òr, broă lơh do neh pà 40 nơm rơndeh coh, tơl nơm geh 1 tơlăk 700 rơbô priă mờ 40 pò phan ai ală kơnòm dềt geh rài kis rơ[ah in, kờ` dong kờl ală oh in geh priă tus lòt bơsram. Di tàm dơ\ do, kes priă dong kờl kơnòm dềt Việt Nam kung pà càr Dak Lak 2 tơmàn 400 tơlăk priă kờ` drơng kơnòm dềt geh rài kis kal ke in.

 Drim do 5/7, rlau 592 rbô nă cau tus bal pơr lòng mut hìu bơsram dờng dơ\ 1 nam 2014 geh mut tàm môn pơr lòng lồi dut. Ală cau pơr lòng khối A pơr lòng môn Hóa, khối A1 pơr lòng mồn dà Mỹ, khối V pơr lòng môn bơta chài, tàm hơ\ môn Hóa mờ dà Mỹ pơr lòng trắc nghiệm, tơngai lơh jơnau pơr lòng 90 phút. Tàm ngai òr 4/7, ală cau pơr lòng neh pơr lòng jơh môn Tóan mờ Vật Lý, jơnau lùp pơr lòng geh uă oh đơs là cèng bơta tam cah uă, ală kơ nòm bơsram jak gơtùi lơh jơh ală jơnau lùp pơr lòng. Nùs nhơm hìu bơsram bơyai lơh pơr lòng geh gàr niam jat kơrnuat pơr lòng, ală mpồl sền pơr lòng ai geh bơta niam ngan rlau jơh nàng ală cau pơr lòng in pơr lòng. Mơya bulah neh geh ală kuang bàng sền pơr lòng mblàng bè kơrnuat pơr lòng, mơya tàm ngai pơr lòng sơn rờp neh geh 54 nă cau pơr lòng lơh tìs gơtìp lơh glài, tàm hơ\ geh 13 nă cau gơtìp tơngkah, 2 nă gơtìp đơs lah, 39 nă gơtìp ờ ai pơr lòng tai mờ 7 nă tus jơla ờ geh mut pơr lòng.

Mho òr 4/7, tàm mpồl bơyai pơlòng mu\t bơsram tàm hìu bơsram dờng Dà Làc, càr Lâm Đồng geh 2 rơbô 250 nă kơnòm bơsram mu\t pơlòng môn dơ\ 2, ờ tus pơlòng 9 nă jăt mờ môn pơlòng sơnrờp ngan tàm drim òr. Kơnòm mờ broă rơcang niam ală broă lơh bè phan bơna, broă bơyai lơh pơlòng geh lơh jăt nền nòn, bơta lơngăp lơngai sùm geh tơl niam, bal mờ trồ tiah niam, ngai pơlòng sơnrờp ngan tàm mpồl bơyai pơlòng hìu bơsram dờng Dà Làc neh bơyai lơh niam ờ do ờ dă, nền nòn. Kuơ màng ngan, broă gơl^k geh ờ niam mờ kòl rơndeh jo\ tềng mpồng hìu bơsram dờng Dà Làc bè ală nam lài neh ờ geh tai.

JƠNAU  TƠNGGIT DUNIA.

 Tàm tu\ ală lơgar tàm dunia yă sùm broă lơgar Lo ơn dra khoàng jờu Hải Dương-981 ờ di pal tàm tiah dà lềng mờ tiah geh gơnoar lơh sa lơgar Việt Nam dê, den lơgar do gam geh tai ală broă lơh, lơh gơl^k geh bơta kal ke tàm do geh uă rơlao. Pơn jăt tai broă yal is pang sră rùp ù tiah ai jơh đah dà lềng măt tơngai l^k, ai jơh dà lềng đah măt tơngai l^k tàm tiah geh yal lài mìu càl dờng, den pa do, lơgar do yal tai lơh gơs anih prăp dà lềng, bồt dà lềng tàm bồt Hoàng Sa, ai phan pơrdồng tơl^k bơta àng tàm bồt Phú Lâm, gơwèt bồt bal mờ bồt Hoàng Sa dê kờ` drơng tàm broă sền gròi gùng lòt tàm dà lềng, pơgồp bal mờ anih lơh sa kă bro nhơm jờu lơgar bơdìh lơh broă bal tam pà phan geh bơh tàm dà lềng đah măt tơngai l^k.

 Tơ nơ\ dơ\ pơrjum tàm ngai òr 4/7, gơnoar atbồ lơgar Nhờk neh ngan ngồn lơh thòar 1 bơnah kơrnuat lơh glài is tus mờ Triều Tiên, tàm tu\ 2 gah neh lơh geh uă tam gơl tàm broă bơ song ală bơta gơ rềng tus broă cau lơgar Nhờk gơtìp kup tàm ù tiah lơgar Triều Tiên tàm ală nam 1970- 1980. Jat kơrnuat do, Nhờk geh tơn jơh broă ờ ai cau lơgar Triều Tiên lik mut tàm lơgar Nhờk mờ ai gơnoar ală ơ hò lơgar Triều Tiên dê geh mut tàm anih ơ hò ơm lơgar Nhờk dê tài jơnau kờ` dong kờl cau. Bal mờ hơ\ gơnoar atbồ lơgar Nhờk kung săng jơnau sồr ba` lòt tàm lơgar Triều Tiên tus mờ cau lơgar Nhờk.

 Lài mờ te\ khà tàm ngai 09/7 tus do, 2 nă kuang bàng geh tơl^k măt pồ te\ khà lơgar Indonesia gam lơh ngan ngui ală pang internet kờ` lam sồr te\ khà. Tàm anih lơh broă ồng Prabowo Subinto kuang bàng gah ling klàng lài do, geh 1 mpồl cau lơh broă neh lơh broă mhar ngan kờ` tơl ală cau geh tàm facebook mờ Twiter lơh broă sùm Tàm tu\ hơ\, ồng Joko Widodo kuang atbồ bòn dờng Jakarta lài do kung sền pang internet do là broă lơh kuơ màng tàm broă lam sồr te\ khà.

 Ală mpồl ling bơh gơnoar atbồ lơgar Ukraine dê tu\ do neh ai wơl gơnuar sền gròi 2/3 tiah đah mattơngai lik tàm dơ\ tam lơh mờ ală cau tam cah is. Ồng Anđriy Parubiy kuang dong broă mpồl duh broă sền gàr ngap lơngai lơgar Ukraine pà git, ling lơgar Ukraine kung gam pơnjat tai sò tơm tàm ală pôs đồng cau tam cah is dê. Jat ồng, bơh tu\ kơrnuat ơm tam cuh jơh tơngai mut ngui tàm bồ poh do, mpồl ling gơnoar atbồ lơgar neh ai wơl gơnoar sền gròi 17 bòn tàm tiah đah jum mattơngai lik. Tu\ do geh 23 tàm khà 36 pôs đồng tàm Donesk mờ Lugansk gam ơm tàm gơnoar sền gròi bơh ling gơnoar atbồ lơgar Ukraine dê.

Gah priă jền lơgar Hylạp ngai òr 4/7 pà g^t, mpồl lơh broă ơrô, tàm hơ\ geh kuang bàng gah priă jền bơh 18 lơgar tàm mpồl ngui priă ơrô mờ ala măt anih duh broă châu Âu, anih priă jền dà lơgar châu Âu neh ring bal broă bơcri priă tơngai pơn jăt tai geh 1 tơmàn ơrô, ndrờm mờ 1 tơmàn 360 tơlăk dolar tàm khà priă dong kờl ai lơgar Hylạp in. Kơrnoăt do geh mpồl lơh broă ơrô ai tơl^k tơnơ\ mờ tu\ bơ\t bơtàu, priă là bơta kờ` nàng lơgar do geh dờp dong kờl bơh mpồl tam klăc châu Âu mờ kes priă dunia. Kơrnoăt bơh mpồl lơh broă do, di gơlan geh ring bal tàm pơrjum ală kuang atbồ gah priă jền tàm mpồl ngui bal priă châu Âu dê, geh bơyai lơh tàm ngai 07/7 tus do tàm càr lơgar Brucsel, lơgar Bỉ.