JƠNAU TƠNGGIT TÀM LƠGAR.

Mho òr 20/6, tàm hìu lơh broă gơnoar atbồ lơgar, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar neh geh dơ\ lơh broă mờ kuang bàng tòm càr Sóc Trăng bè broă lơh jăt rơndăp broă tơnguh bơtàu lơh sa-mpồl bơtiàn càr do dê. Tơl^k loh bơta ờ pràn uă ngan càr Sóc Trăng tu\ do dê là khà hìu rơbah gam uă, tus 30% jăt khà pa mờ mìng tơrgùm tàm tiah làng bol kòn cau, ồng Nguyễn Tấn Dũng sồr càr Sóc Trăng chồl pràn lơh broă broă tơmù rơ[ah tàm tiah làng bol kòn cau, tàm hơ\ uă ngan là ală broă lơh mùl màl dong kờl làng bol tơnguh bơtàu lơh sa, ròng phan kờ` tơnguh rài kis. Ồng Nguyễn Tấn Dũng sồr càr Sóc Trăng tơrgùm đơng lam chồl pràn broă bơ\t bơtàu wơl broă lơh sa suơn sre pơgồp bal mờ bơ\t bơtàu bòn lơgar pa kờ` cồng nha broă lơh sa geh uă rơlao. Tàm hơ\, sền kuơ broă ngui uă khoa học công nghệ tàm broă lơh sa suơn sre, ròng phan, pal kah rơwah ală sơntìl phan tam, phan ròng geh cồng nha uă mờ ờ hoan gơbàn kòp…

Ngai òr 20/6, tàm tu\ ală ơ hò mut ngui adat boh lam lơgar Việt Nam dê tus rềp dra khoàng Hải Dương 981 nàng mblàng lam, sồr đah lơgar Lo lơh jat adat boh lam dunia, den geh rơndeh par duk tam lơh Z- 9C là 1 bơta rơndeh par sền gròi nđar ring mờ rơndeh par tiêm kích Su 30 MKK, tàm pơdar par uă dơ\ rềp ngan tàm kơl wàng trồ. Tu\ tus rềp dra khoàng Hải Dương 981 ngài 9,9 hải lý, ală cau lơh broă sền gàr cau lơh ka di mpồl ơ hò mut ngui adat boh lam lơgar Việt Nam dê mut lơh broă mblàng lam jat gah yal jơnau tơngit bal dunia VHF - 16 mờ dà yoan mờ dà Lo, đơs tờm gơnoar tờm tiah dà lềng bơh tiah geh gơnoar lơh sa lơgar Việt Nam dê, sồr đah lơgar Lo tơn rê jơh ală ơ hò gròng sền gàr mờ tă dra khoàng Hải Dương 981 lik bơh tiah dà lềng di gơnoar tờm bơh lơgar Việt Nam dê jat jơnau cih adat boh lam dunia. Di tu\ hơ\ mơ, ală ơ hò gròng sền gàr dra khoàng Hải Dương 981 bè 3 nơm ơ hò cảnh sát dà lềng 3383, 45102, 13, ơ hò sền gròi dà lềng 2168, ơ hò dui\ 263 mờ Haisan lơgar Lo dê neh ntoat răt tơm tàm ală ơ hò lơgar Việt Nam dê. tềng đăp bơta jà` bơsak bơh ală ơ hò lơgar Lo, mpồl mut ngui adat boh lam tàm dà lềng lơgar Việt Nam neh ai ơ hò ơm ngài dra khoàng mờr 13 hải lý.

 Mho òr 20/6, mpồl đơng lam tiah đh jum măt tơngai mu\t dà lơgar neh bơyai pơrjum băo bè broă lơh jăt broă tìp bal đơs crih tamya mờ tơngu me “Nùs nhơm tiah nhàr dà lơgar, tiah bồt, dà lềng dà lơgar”. Broă lơh “Nùs nhơm tiah nhàr dà lơgar, tiah bồt, dà lềng dà lơgar” geh bơyai lơh tàm mang ngai 26/7/2014 tàm [òn dờng Cao Lãnh, càr Đồng Tháp. Broă lơh “Nùs nhơm tiah nhàr dà lơgar, tiah bồt, dà lềng dà lơgar” kờ` lam sồr gùng dà, broă lơh tus mờ làng bol kis tàm tiah nhàr dà lơgar, tiah bồt, dà lềng. Bơh tu\ hơ\, kờ` tơnguh kơnòl bơh ală gah, mpồl lơh broă bal mờ ală làng bol bè gơnoar tơl niam ù tiah dà lơgar. Bơh tàm broă lơh do, kờ` hòi jà, lam sồr tă priă rài kis mpồl bơtiàn bơh ală cau geh nùs nhơm niam, ală anih lơh sa kă bro tus bal, tam pà bal, dong kờl phan bơna ai ală mpồl ling sền gàr tiah nhàr dà lơgar, mpồl ling Cảnh sát sền gàr dà lềng, mpồl sền gàr cau lơh ka mờ ală hìu nhă rơ[ah geh rài kis kal ke tàm tiah nhàr dà lơgar, tiah bồ, dà lềng; dong kờl ală cau lơh ka sùm tàm dà lềng.

 Mho òr 20/6 tàm Hà Nội, ồng Vũ Đức Đam kuang jat jơng gơs gơnap gơnoar atbồ hơđăng rlao jơh dà lơgar, mơlà kuang atbồ mpồl đơng lam làm gah dà lơgar bè kloh niam ờ do ờ dă phan sa neh đơng lam dơ\ pơrjum mờ ală gah, sơnah lơh broă gơ rềng bal, sền wơl broă mut lơh broă lơh gàr niam ờ do ờ dă phan sa 6 nhai bồ nam, mut lơh kơ nòl 6 nhai lồi nam. Jat jơnau yal bơh mpồl đơng lam làm gah dà lơgar bè kloh niam ờ do ờ dă phan sa, 6 nhai do, bơta lơh tìs bè kloh niam ờ do ờ dă phan sa gam uă. Khà cau gơtìp khih mờ chơt tài khih phan sa gơguh uă pơn drờm mờ tơngai bal nam lài dê. Đơs tơn jơh pơrjum, ồng Vũ Đức Đam sồr ală gah lơh broă geh gơnoar mờ ală tiah chồl pràn mờ tam gơl broă mblàng yal, sền dờng màng đơs lài ală jơnau pơhìn ờ kloh niam phan sa tus mờ làng bol.

 Mho òr 20/6, tàm Hà Nội, geh bơyai k^ hơ bal broă pơgồp bal broă lơh bơh anih duh broă kòn cau mờ pang băo Cộng sản tơngai bơh nam 2014 tus 2020. Jăt mờ hơ\, anih duh broă kòn cau geh pơgồp bal mờ pang băo Cộng sản tơng^t tơl, di pal, di tu\ bè gùng dà, broă lơh Đảng dà lơgar dê pơgồp bal tàm broă tơnguh bơtàu lơh sa-mpồl bơtiàn tàm tiah làng bol kòn cau, tơnguh rài kis phan bơna mờ nùs nhơm, lơh jăt broă tam klăc gùt jơi bơtiàn kòn cau, broă tòm là broă tơn jơh jơgloh tơmù rơ[ah, bơ\t bơtàu [òn lơgar pa, bơto broă lơh tàm tiah làng bol kòn cau in tàm tiah geh broă lơh sa gơtìp kal ke; tơnguh broă lam sồr vè cồng nha ală broă lơh, ală rơndăp broă lơh tàm tiah làng bol kòn cau; pơn jờng bè cồng nha ală broă lơh, ală rơndăp broă lơh tàm tiah làng bol kòn cau; pơn jờng mờ tơnguh uă cau niam, broă lơh niam, yal bè broă lơh pa, bơceh pa mờ bơto sồr ngui broă lơh sa pa tàm broă lơh sa, kuơ màng ngan là lam sồr làng bol kòn cau tơnguh broă rơcang lài mờ ală nùs nhơm cau ờ niam kờ` sơgràm broă kòn cau, jăt yàng kờ` tam dră mờ cách mạng Việt Nam dê.

 Di tơngkah 89 nam ngai cau lơh bao\ kac màng Việt Nam, mho òr 20/6 tàm Hà Nội, bao\ Nhân dân bơyai lơh tơlik mat bao\ Nhân dân điện tử dà Tây. Bao\ Nhân dân điện tử dà Tây geh 12 jơnau đơs, tơngume tờm là mblàng yal gùng dà, broă lơh đơng lam bồ bơh Đảng, broă lơh, adat boh lam bơh dà lơgar he tus mờ gal ngan làng bol tàm lơgar, kung bè làng bol lơgar he kis tàm lơgar ndai, tam dră wơl ală broă lơh tìs, sền gàr Đảng, sền gàr rài dà lơgar, mblàng yal ală cồng nha bơh broă lơh tam gơl pa dê, yal rùp să dà lơgar, kòn bơnus lơgar Việt Nam, đơs bè tơl bơta gơlik geh tàm lơgar Việt Nam jat broă sac rơ wah, tơrgùm ală jơnau yal tơngit geh kuơ dà lơgar, geh kuơ jơi bơtiàn in, yal ală jơnau tơngit geh kuơ nàng lơh bơnàng jă kơrnuat boh lam, pơ gồp bơnah tàm broă sền gàr gơnoar tờm bồt dà lềng, tơl làm ù tiah dà lơgar.

Ngai òr 20/6, kes priă dong kờl kơnòm dềt càr Dak Lak neh pơgồp bal mờ hìu sơnơm Hoàn Mỹ Sài Gòn bơyai kham rơwah kòp jê nùs bơh dềt kơnòm dềt geh rài kis kal ke in. di gơlan geh rơlao 200 nă kơnòm dềt tàm ală hìu rơ[ah, hìu nhă geh khà sră dong kờl bơh dà lơgar, kơnòm dềt kòn cau geh rài kis kal ke geh kham rơwah. Kờ` ai tơl bơta niam tàm broă lòt rê làng bol in, kes priă dong kờl kơnòm dềt càr Dak Lak neh dong kờl priă lòt rê mờ priă sa tơl nă kơnòm dềt geh 100 rơbô priă. Kơnòm dềt tơnơ\ mờ tu\ neh kham rơwah, geh sồr reh geh dong kờl priă sa, priă ơm, lòt rê mờ reh tàm [òn dờng Hồ Chí Minh. Broă kham rơwah cau kòp jê nùs bơh dềt là dơ\ kuơ màng ngan kờ` kơnòm dềt tàm ală hìu nhă geh rài kis kal ke in sơm kòp.

 500 nă cau bơsram dờng lơh broă dong kờl is bơh hìu bơsram dờng Huế pa mut lơh broă lơh tus bal dong kờl nhai pơr lòng, pơlam jòi hìu ơm ơpah ờ kas priă, dong kờl ală dơ\ sàu ờ sa priă ai cau pơr lòng mờ cau tờm in. tus tu\ do, ală cau lơh broă dong kờl is neh lam sồr jòi geh 10 rbô anih ơm ơpah ờ sa priă mờ khà priă ờ kas. Bơh ngai 23 nhai 6 tus ngai 16 nhai 7, ală cau lơh broă dong kờl is geh tus tàm ală blàng rơndeh ơm, ală anih rơndeh ồs ơm, mpồng ală hìu bơsram dờng nàng pơlam cau pơr lòng in.

JƠNAU TƠNGGIT DUNIA.

 Ngai òr 20/6, tam lơh gơl^k geh tai tus ngai dơ\ 2 tàm tiah đah măt tơngai l^k lơgar Ukraine, 1 ngai tơnơ\ mờ tu\ ală dơ\ tam lơh bơh ling dà lơgar mờ ală mpồl cau kờ` mờ broă tam cah is dà lơgar tàm tiah đah măt tơngai l^k lơgar Ukraine lơh 300 nă cau chơ\t. Tềng đăp mờ bơta gơl^k geh ờ niam tàm tiah đah măt tơngai l^k lơgar Ukraine, ồng Vladimir Putin kuang atbồ lơgar Nga ngai òr neh tơrgùm 1 dơ\ pơrjum mhar mpồl duh broă sền gàr bơta lơngăp lơngai dà lơgar bè bơta tàm lơgar Ukraine. Ồng Putin kung geh dơ\ cri bơyai tàm điện thoại mờ ồng Petro Porosenko kuang atbồ lơgar Ukraine kờ` cri bơyai bè rơndăp broă tơn jơh tam lơh tàm tiah đah jum lơgar Ukraine. Lơgar Đức mờ lơgar Tây neh pơn jờng ală dơ\ tìp tơn bơh kuang atbồ lơgar Nga mờ lơgar Ukraine dê.

 Ờ uă kuang bàng cribơyai broă mờ lơgar ndai Phương Tây dê ngai òr 20/6, pà git, ờ ring bal đah Iran mờ mpồl 5 lơgar lơh broă sùm tàm mpồl cribơyai sền gàr ngap lơngai anih duh broă dunia mờ  Đức gam geh tơmù tàm ală dơ\ cribơyai geh bơyai lơh tàm Viên lơgar Áo. Ală dơ\ cribơyai jo\ jòng 4 ngai do kờ` tơmù bơta ờ ringbal, dong 2 gah tơlik ai geh 1 rơndap jơnau ringbal hạt nhân lồi dut lài mờ tơngai dut ndơl tàm nhai 7 tus do. Jat ală kuang bàng cribơyai broă mờ lơgar ndao, ală bơta tam gơl là ờ uă tus mờ broă lơgar Iran dră wơl ală khà lơh uă Urani bơh lơgar do dê. Ală broă lơh uă Urani digơlan geh ngui nàng lơh phàu crong hạt nhân, gơ jat tàm kơnă lơh uă. Mpồl P5 mờ 1 sồr Iran koh tơmù khà mai\ li tâm mờ lơgar do gam ngui. Iran ờ dờp broă bơtàu tơnguh phàu crong hạt nhân, mơya đơs tờm geh pơnjat tai bơta pràn lơh uă Urani tu\ do.

 Ồng John Kerry kuang atbồ gah cri bơyai broă lơh bal mờ lơgar bơdìh lơgar Mỹ geh tus Trung Đông mờ châu Âu kờ` chồl pràn ală broă cri bơyai bal, wèt tus bơsong bơta ờ niam tàm lơgar Iraq. Jơnau yal geh ai tơl^k tàm tu\ mpồl dră wơl dà lơgar islam lơgar Iraq mờ Cận Đông gam rề ơnàng tiah sền gròi tus hờ đah jum tơnơ\ mờ tu\ neh sơgràm geh Mosul, do là [òn dờng dơ\ 2 lơgar Irăc dê. Jăt ồng Barck Obama kuang atbồ lơgar Mỹ yal, lơgar Mỹ mờ lơgar Iraq geh crơng gơs 1 anih lơh broă bal kờ` tam pà jơnau tơng^t bè mpồl dră wơ. Tus tu\ do, lơgar Mỹ kung gam ờ dờp broă ai ling tus lơgar Iraq mờ đơs, broă do pal geh làng bol lơgar Irăc lơh. Ồng kung hòi jà ồng Nuri al-Maliki kuang gơs gơnăp gơnoar atbồ hờ đang rơlao jơh dà lơgar Iraq mhar crơng gơs gơnoar atbồ lơgar tam klăc mờ geh broă tus bal bơh cau jăt yàng Islam Sanni mờ cau Cuoc tàm lơgar do.

 Ồng Bankimoon kuang atbồ anih duh broă dunia đơs là, Mỹ geh ờ duh kờ` geh mpồl cribơyai sền gàr ngap lơngai anih duh broă dunia ring bal broă ai ling tus tàm lơgar Iraq dilah lơgar do lơh broă jat jơnau sồr bơh gơnoar atbồ lơgar Iraq dê. Ồng Bankimoon kung đơs niam broă ồng Nuri Al Maliki kuang gơs gơnăp gơnoar at bồ hơđang rlao jơh dà lơgar lơgar Iraq bè dơ\ tìp mat pa do mờ ală cau đonưg lam bồ cau Sunni, mơya đơs tờm, ồng Maliki geh kờ` bơta dong kờl bơh ală lơgar geh gơ rềng tàm kơn hòal nàng tơmù kal ke đah ală gah mpồl tàm lơgar Iraq

 Anih duh broă dunia ngai òr 20/6 pà g^t, kờp tàm gùt dunia, khà cau dô pleh mờ ntrờn ơm kis dơ\ sơnrờp bơh tơnơ\ mờ tam lơh dunia dơ\ 2 neh rơlao 50 tơlăk nă cau. Kờp tus lồi nam 2011, geh tus 43 tơlăk 300 rơbô nă cau roh hìu tài tam lơh ha là gơtìp rồn bơklơn. Cau dô pleh tơnguh mìng geh bơh dơ\ tam lơh is tàm lơgar Syri, bơta gơl^k geh ờ niam tàm lơgar Iraq, dunia geh gam gơtìp mờ bơta ờ niam cau dô pleh sơlơ ngai sơlơ geh uă.