JƠNAU TƠNGGIT TÀM LƠGAR.

 Mho òr 25/7, tàm hìu lơh broă Gơnoar atbồ lơgar, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar neh wă ồng Kuroiwa Yuji kuang atbồ càr Kanagawa, lơgar Nhờk gam còp mờ lơh broă tàm lơgar Việt Nam. Ồng Nguyễn Tấn Dũng đơs niam cồng nha lơh broă bơh ồng Kuroiwa Yuji mờ ală gah, mpồl lơh broă dà lơgar bal mờ ală tiah tàm lơgar Việt Nam mờ đơs là, dơ\ tus còp geh pơgồp bal niam tàm broă chồl pràn broă lơh bal bơh lơgar Việt Nam mờ lơgar Nhờk. Ồng Nguyễn Tấn Dũng đơs, tàm tơngu me broă lơh bal kuơ màng, lơgar Việt Nam geh lơh jơh pràn kờ` bal mờ lơgar Nhờk geh ai broă lơh bal bơh 2 lơgar sơlơ ngai sơlơ tơnguh bơtàu, mùl màl mờ geh cồng nha. Mờ nùs nhơm bè hơ\, ồng Nguyễn Tấn Dũng đơs, Gơnoar atbồ lơgar Việt Nam kờ` bal, ai tơl^k ală bơta [uơn ai ală broă lơh bal bơh ală tiah, anih lơh sa kă bro lơgar Việt Nam mờ càr Kanagawa, lơgar Nhờk.

Ngai do 26/7, mờr 3 rbô blàng tơp bồc cau ling chơt màng tàm gùt lơgar 1 ròt bơyai lơh chu jrềng kah ưn ngài ală cau ling chơt màng. Do là nam dơ\ 7, broă lơh do geh mpồl ơruh pơnu ală càr, bòn dờng mut lơh ringbal. Mang do, tàm blàng tơp bồc cau ling chơt màng kơnhòal Vị Xuyên, càr Hà Giang, geh mờr 1 rbô nă ơruh pơnu, cau bơsram dờng càr Hà Giang mờ ală càr tiah kơh bơ nơm đah tô dà lơgar chu `àng, chu jrềng tàm rlau 2 rbô bơ tô bồc cau ling chơt màng. Di tu\ do, ală mpồl geh tus còp, pà phan 30 hìu nhă mè Việt Nam khin cha jak chài, cau ling sồt să, cau ling chơt màng, tơl bơnah phan kờp priă 1 tơlak 500 rbô tàm kơnhòal Vị Xuyên mờ bòn dờng Hà Giang. Ală y, bác sĩ kơ nòm să tàm mpồl cau lơh sơ nơm kơ nòm să càr Hà Giang geh kham, sơm kòp, pà sơ nơm mờr 500 nă mè Việt Nam khin cha jak chài mờ cau geh màng mờ dà lơgar tàm hìu sơ nơm kơn hòal Vị Xuyên. Mpồl ơruh pơnu dà lơgar kung pà 20 bơnah priă dong kờl bơsram Nguyễn Thái Bình, tơl bơnah geh 1 tơlak, 30 bơnah priă dong kờl bơsram Vừ A Dính, tơl bơnah geh 500 rbô ai ală kơ nòm bơsram jak là oh kòn ală hìu nhă geh khà sră dong kờl bơh dà lơgar tàm kơnhòal.

 Tơl^k nùs nhơm niam “Hùc dà, kah tô dà”, mho òr 25/7, tàm Hà Nội, geh lùp sền Gơnoar atbồ lơgar neh bơyai tơnkah 67 nam ngai cau ling sồt să, cau ling chơ\t màng kờ` lam sồr ală kuang bàng, cau lơh broă tàm anih lơh broă gah lùp sền Gơnoar atbồ lơgar là cau ling sồt să, cau pròc mhàm cau ling chơ\t màng geh tơnguh tai bơhiàn cách mạng, cau ling Bác Hồ tàm rài kis. Tu\ do, Gah lùp sền Gơnoar atbồ lơgar neh mờr 30 nă cau cau ling sồt să, cau pròc mhàm cau ling chơ\t màng. Ală cau do là ală cau lam lài, sơlèt mờ kal ke tàm rài kis, lam lài tàm ală broă lơh gah lùp sền Gơnoar atbồ lơgar dê. Geh uă kuang bàng lơh broă lùp sền là cau ling sồt să, cau pròc mhàm cau ling chơ\t màng `hăp `har, ai tơl^k nùs nhơm pin dờn tus mờ làng bol tàm broă bơsong jơnau yal yă, pơgồ bal tàm cồng nha broă lơh bal gah lơh broă do dê. Di tàm dơ\ do, gah lùp sền Gơnoar atbồ lơgar neh bơyai uă broă lơh bè còp să, pà phan tus mờ ală hìu nhă geh màng mờ dà lơgar tàm gah lơh broă do, kuơ màng ngan là ală cau ling sồt să, hìu nhă cau ling chơ\t màng geh rài kis kal ke tàm hìu ròng siam cau ling sồt să Thuận Thành, càr Bắc Ninh.

Tơnkah 67 nam ngai cau ling sồt să, cau ling chơt màng, drim òr 25/7, mò Nguyễn Thị Kim Tiến kuang atbồ gah lơh sơ nơm dà lơgar tus bal dơ\ mut ngui hìu kuơ\ gơlăng  klờng tàm blàng tơp bồc cau ling chơt màng kơnhòal Gio Linh, càr Quảng Trị. Broă lơh do geh bơcri lơh bơh priă jền kuang bàng, cau lơh broă sa priă nhai dà lơgar tàm gah lơh sơ nơm gùt lơgar tă pơ gồp geh mờr 400 tơlak priă. Di tu\ do, mò Nguyễn Thị Kim Tiến kung tus chu `àng tàm blàng tơp bồc cau ling chơt màng dà lơgar Trường Sơn, blàng tơp bồc cau ling chơt màng gùng 9 mờ bòn dờng yau Quảng Trị.

 Di tơnkah 67 nam ngai cau ling sồt să, cau ling chơ\t màng, kah yal yau ală cau lingchơ\t màng, ngai òr 25/7, tàm hìu yàng phờk Hoa Lâm, bòn dờng Buôn Ma Thuột, càr Dak Lak, cau chài Võ Văn Hải la cau tàm mpồl cih jơnau chài rơgơi-đơs crih tamya càr Dak Lak bal mờ ală cau jăt yàng phờk neh bơyai răc yàng mờ pà 3 pang sră rùp ù tiah sơnđan “Huyềng soàn dà lơgar Việt Nam”, ală pang rùp do geh bơkiar bal bơh ù blàng tơ\p [ồc cau ling chơ\t màng 63 càr, [òn dờng tàm gùt lơgar ai ală gah, mpồl lơh broă in ràng tơl^k, ờ mìng là phan chài rơgơi mờ gam geh nùs nhơm pin dờn. Bơta kuơ màng rơlao là cau chài Võ Văn Hải gam gơtìp kòp jroă, mơya kung gam lơh ngan tam dră mờ kòp tê jê să mờ tăc jơh ù tiah, phan bơna hìu nhă kờ` lơh gơs pang rùp do. Ală broă lơh niam bơne\ do pà go\, nùs nhơm g^t jơnau ồng Hải dê tus mờ ală cau ling chơ\t màng, ală cau neh phi să tus mờ bơta lơngăp lơngai dà lơgar dê.

 Mho òr 25/7, tàm bòn dờng Hồ Chí Minh geh bơyai lơh pơrjum bau\ bè cribơyai dunia “ Ală bơta adat boh lam gơ rềng tus broă lơgar Lo ơn dra khoàng Hải Dương 981 tàm tiah dà lềng lơgar Việt Nam dê”, bơh mpồl cau chài cah rơ`a lơgar Việt Nam pơ gồp bal mờ hìu bơsram dờng Luật bòn dờng Hồ Chí Minh bơyai lơh. Cribơyai dơ\ do tơr gùm tàm gah adat boh lam, sền mờ đơs, mblàng broă lơgar Lo ơn dra khoàng Hải Dương 981 tàm tiah geh gơnoar lơh sa mờ tiah dà lềng lơgar Việt Nam dê jat bơta adat boh lam dunia. Bal mờ hơ\, dơ\ cribơyai kung sền sơ wì, bơyai bè ală broă lơh ngap lơngai bơ song tam pìt tam phà tàm adat boh lam dunia, tàm hơ\ geh ală broă lơh gùng dră bal, cribơyai mờ lơgar ndai mờ broă lơh adat boh lam. Tàm hơ\, ală cau jak chài tus bơh ală lơgar bè Indonesia, Philippines, Thái Lan, Hàn Quốc geh yal mờng chài bơ song tam pìt tam phà tềng đăp ală anih cah rơ`a dunia. Kuơ màng, bơnah mblàng bơh ală cau jak chài dê neh geh tu\ tus bal bơ song ală dơ\ tam pìt tam phà dunia mờ gơnoar là kuang atbồ dơ\ cah rơ`a, cau chài rơ`a, kờ` dong Việt Nam geh tai jơnau yal tơngit, mờng chài nàng bơ song ngap lơngai broă do.

 Ngai òr 25/7, anih duh broă lùp sền mồl đơng lam Đảng càr Dak Nông neh bơyai pơrjum tơn jơh broă lùp sền 6 nhai bồ nam, lơh jăt kơnòl 6 nhai lồi nam 2014. Jăt jơnau đơs tàm pơrjum, tàm 6 nhai bồ nam, anih duh broă lùp sền ală gah lơh broă neh sền gròi di tàm kơnòl gùng dră bal càr dê, tus bal pơlam mpồl đơng lam Đảng lơh broă, tơl^k broă lơh, rơndăp broă lùp sền, sền gròi nam 2014 bơh mpồl đơng lam mờ gah lơh broă geh jàu. Kuơ màng ngan là tàm broă mhar, di tu\ lơh wơl, tơmù ală broă ờ di pal, pràn tơnơ\ m tu\ neh sền di jăt mờ nùs nhơm kơrnoăt dà lơgar 4, kơnă 11 bè ờ uă broă lơh mhar bè bơ\t bơtàu Đảng tu\ do.

 Gơ rềng tus jơnau sồr ờ ai tac ơlak bìer tơ nơ\ 10 jiơ màng tàm rơndap cih dơ\ 1 bơh adat rơcang sơndră bơta aniai bơh bơta `ô ơlak bìer, ngai òr 25/7, gah lơh sơ nơm dà lơgar neh geh sră nggal pơyua ală anih lơh bau\, yal cih dờp ală jơnau đơs tă pơ gồp bơh sră bau\ mờ gal ngan làng bol bè rơndap adat do. tềng đăp uă jơnau đơs đơs là, kơrnuat ờ ai tac ơlak bìer tơ nơ\ 10 jiơ màng pà git, do mìng là rơndap cih ing sơn rờp, den tàng pal geh pơnjat tai kơ lôi sơ nơng, bơ song rlau. Tơ nơ\ mờ tu\ bơ song rơndap adat, geh pơnjat tai ai jơnau đơs ringbal uă mờ geh mìng yal mờ gơnoar ala mat dà lơgar ală jơnau cih cèng bơta mut ngui ngan ngồn, geh kuơ ngan rlau jơh làng bol in.

JƠNAU TƠNGGIT DUNIA.

 Mpồl tam klăc châu Âu mờ lơgar Ukraine pa ring bal crơng gơs 1 mpồl pơlam bè nhơm chu. Jơnau yal do neh geh ồng Yuri Prodan kuang atbồ gah Năng lượng mờ lơh chah mờ măy mo\k lơgar Ukraine yal ngai 24/7 tơnơ\ mờ ală dơ\ cri bơyai mờ ồng Guenther Oettinger kuang dong broă anih duh broă châu Âu drơng broă năng lượng yal. Jăt ồng Yuri Prodan yal, mpồl pơlam do geh 2 nă tus bơh anih duh broă châu Âu mờ 2 nă bơh lơgar Ukraine. Kuang bàng do kung 1 dơ\ tai đơs là, lơgar Ukrai ne tu\ lơi kung dờp ală kuang bàng sền gròi tus bơh mpồl tam klăc châu Âu kờ` tơnguh jơnau ring bal tàm broă pơn diang nhơm chu lòt gan lơgar Ukraine.

 Gah yal jơnau tơngit AP pơlam jơnau đơs bơh kuang bàng sền gàr dà lơgar Israel pà git gơnoar atbồ lơgar do gam pơrjum nàng cribơyai bè ală broă lơh ngan ơm tam cuh dunia, mơya kung sền sơ nơng sac rơ wah rề ơnàng broă lơh tàm dòr bơ nơm Gada. Jơnau yal tơngit pà git, ală dơ\ cribơyai ngai òr 25/7 gam geh bơyai lơh dơp ndơr. Tu\ do cơldu\ lơh broă bơh kuang gơs gơnap gơnoar atbồ hơđăng rlau jơh lơgar Israel kung ờ hềt geh 1 jơnau đơs lơi.

 Broă lơgar Iraq geh kuang atbồ lơgar pa là cau Kurd geh sền là bơta niam geh dong kờl kơrian kal ke gùng dră bal bơh tơnơ\ mờ dơ\ te\ khà nhai 4 lài do tàm lơgar do. Bè hơ\, tàm 15 ngai tus, Gơnoar ala măt dà lơgar Iraq geh pồ kuang gơs gơnăp gơnoar atbồ hờ đangr ơlao jơh dà lơgar, là kuang bàng dờp kơnòl crơng gơs gơnoar atbồ lơgar pa tơl pràn sơndră mờ ală pơhìn bơh ală mpồl dră wơl gam ntào tam dră pràn ngan.

Ngai òr, ồng Shinzo Abe, kuang gơs gơnap gơnoar atbồ hơđăng rlao jơh lơgar Nhờk sơn đờm dơ\ tus còp jo\ ngai tus 5 lơgar châu Mỹ Latinh kờ` chồl pràn git gơp mờ sơ lơ tam klac tam uă gah. Gah yal tơngit lơgar Nhờk yal, tàm dơ\ tus còp 11 ngai, ồng Abe geh tus còp ală lơgar là Mehico, Tobago, Colombia, Chile, Brazil, kờ` sơ lơ tơnguh git gơp lơh sa, tam klac tàm ală gah phan geh is, bơtàu tơnguh năng lượng mờ phan bơna. Lơgar tus lài ngan bơh ồng Abe dê là Mehico. Đơs mờ cau lơh bau\ lài mờ dơ\ tus còp, ồng đơs tờm, lơgar Nhờk kờ` rề ơnàng rlau tai git gơp mờ ală lơgar Mỹ Latinh, tài tiah do geh ală bơta pràn uă ngan, mờ ală mpồl lơh sa kă bro lơgar Nhờk kơp kờ` jòi git bơta niam kă bro tàm tiah do.

Anih yal tơng^t lơgar Đức pà g^t, lơgar do neh tơl^k rơndăp broă sền gròi sơnđan “Đah sền 360 độ”, kờ` ơla mờ broă tơrgùm sền gròi lơgar Lo, Nga mờ Iran geh tam gơl tus mờ ală lơgar lơh broă đềt mềr ndai là Mỹ, Anh. Broă lơh do bơh lơgar Đức dê geh sền là sal tê wơl broă sền gròi bơh anih lơh broă ndơ\p ndơr lơgar Mỹ kờ` di tàm lơgar do neh geh tơl^k tàm tơngai lài do.

Ngai òr 25/7 tàm càr Ghor tiah đah tàm gùl lơgar Afghanistan, 1 mpồl cau geh phàu ờ git loh mat sơnđăn neh sò tơm 2 nơm rơndeh pơn diang nac nhơl chờ mờ gơ sơt rlau 15 nă. Kuang bàng tàm bòn lơgar pà git, tơ nơ\ kơryan gùng 2 nơm rơndeh, ală bol sò tơm neh sồr tơl nă cau mù bơh rơndeh, săp sèng, hơ\ sồng gơ sơt 15 nă. 1 nă cau bơtuah dô klàs. Tàm khà ală cau gơtìp aniai geh 3 nă cau ùr mờ 1 nă kơ nòm dềt. Tu\ do ờ hềt geh mpồl lơi dờp kơ nòl, mơya kuang bàng lơgar Afghanistan lah yă mpồl Taliban ơm tơ nơ\ dơ\ gơ sơt aniai do.