JƠNAU TƠNGGIT TÀM LƠGAR.

 Ngai òr 18/5, di tơng kah 124 nam ngai deh Bác Hồ, ngai 19-05-1890-19-05-2014, mpồl kuang bàng đơng lam Đảng dà lơgar, Kuang atbồ lơgar, Gơnoar ala măt dà lơgar, Gơnoar atbồ lơgar, Anih duh broă gah tề lam gùng dră bal Việt Nam neh tus ơn goàng bơkào mờ mu\t tàm gơlang còp bồc Bác Hồ, kuang bàng jăk chà lơgar Việt Nam dê. Goàng bơkao geh jơnau cih: “Rài rài kah yal yau Hồ Chí Minh, kuang atbồ lơgar jăk chài”. Mpồl kuang bàng Đảng, Dà lơgar mu\t còp bồc Bác Hồ geh: Ồng Nguyễn Phú Trọng kuang atbồ đơng lam Đảng dà lơgar, ồng Trương Tấn Sang kuang atbồ lơgar, ồng Nguyễn Tấn Dũng kuang gơs gơnăp gơnoar atbồ hờ đang rơlao jơh dà lơgar, ồng Nguyễn Sinh Hùng kuang atbồ Gơnoar ala măt dà lơgar. Ồng Nông Đức Mạnh kuang atbồ đơng lam Đảng dà lơgar lài do; ồng Trần Đức Lương kuang atbồ lơgar lài do; ồng Nguyễn Văn An kuang atbồ Gơnoar ala măt dà lơgar lài do; ồng Phạm Thế Duyệt kuang atbồ anih duh broă gah tề lam gùng dră bal Việt Nam lài do; ală kuang bàng đơng lam Đảng, Dà lơgar lài do; ală kuang bàng geh jơng tàm gah gùng dră bal dà lơgar, atbồ đơng lam Đảng dà lơgar, kuang jăt jơng atbồ Gơnoar ala măt dà lơgar, kuang jăt jơng gơs gơnăp gơnoar atbồ hờ đang rơlao jơh dà lơgar. Kung tàm drim òr 18/5, mpồl kuang bàng đơng lam Đảng gah ling klàng dà lơgar mờ gah sền gàr dà lơgar, mpồl đơng lam Đảng gah kuang àng dà lơgar mờ gah kuang àng dà lơgar, gah cri bơyai broă lơh bal mờ lơgar ndai, mpồl đơng lam Đảng [òn dờng Hà Nội, mpồl đơng lam broă pơgồp bal broă lơh tiah tềl kah yau chài rơgơi Ba Đình neh tus ơn goàng bơkào mờ mu\t còp bồc Bác Hồ.

Lơh jăt bơta jàu kơnòl bơh Kuang atbồ lơgar dê, ngai òr 18/5, ồng Đào Việt Trung kuang atbồ Cơldu\ lơh broă Kuang atbồ lơgar neh tus còp mờ yal jơnau pơyua còp să pơndờm pơnđiang bơh ồng Trương Tấn Sang kuang atbồ lơgar dê tus mpồl kảnh sát dà lềng mờ mpồl sền gàr cau lơh ka lơgar Việt Nam. Ồng Đào Việt Trung neh tơlik nùs nhơm sền ngềr ngan tềng đăp bơta lơh ngan jơh nùs sền gàr gơnuar tờm ù tiah dà lơgar bơh ală mpồl lơh broă do dê tàm ală ngai do mờ pà gi\t, Kuang atbồ lơgar đơs niam ngan bơta lơh ngan jơh nùs mờ nùs nhơm sơr lèt gan kal ke bơh ală mpồl kảnh sát dà lềng mờ mpồl sền gàr cau lơh ka bal mờ ală làng bol lơh ka lơgar Việt Nam dê neh sùm ơm rềp tàm tiah geh ngan, kràn cê jơh nùs tam dră dră wơl broă lơh bơh lơgar Lo dê ơn dra khuàng zờu Hải Dương 981 tìs mờ kơrnuăt boh lam tàm tiah geh gơnoar lơh sa bơh lơgar Việt Nam dê. Ngoh rơngăc tềng đăp bơta sền gròi bơh Kuang atbồ lơgar mờ ală kuăng bàng đơng lam bồ đảng, dà lơgar dê bal mờ uă ngan mpồl cau, mpồl lơh broă mờ làng bol neh lời ai ală mpồl lơh broă do in gam ngai mang tam dră wơl kờn sền gàr gơnuar tờm ù tiah dà lơgar tàm dà lềng, thiếu tướng Nguyễn Quang Đạm kuang atbồ đơng lam kảnh sát dà lềng mờ kuang đơng lam bồ mpồl sền gàr cau lơh ka Việt Nam đơs tờm, bulah gam ală kal ke mơya ală mpồl lơh broă do sùm tơngo\ nùs nhơm bồ tơngoh lơh ngan ơm tàm dà lềng sền gàr gơnoar tờm ù tiah king cru\ ngan bơh dà lơgar dê.

 Lơh jăt nền nòn jơnau sồr sồ 697 ngai 15/5/2014 mờ kơrnuat sồr ngai 17/5/2014 bơh kuang gơs gơnăp gơnoar atbồ hờ đang rơlao jơh dà lơgar dê bè broă tơl niam bơta lơngăp lơngai, ờ do ờ dă, lơh ngan ba` lời gơl^k geh l^k dră ờ di mờ adăt boh lam, gah kuang àng dà lơgar neh sồr kuang bàng ală mpồl lơh broă, ală càr, bòn dờng ai mpồl cau, phan lơh broă tus lơh ală broă, rơndăp broă kơrian broă l^k dră lơh ờ niam tus mờ mpồl bơtiàn. Kuang bàng ală càr, bòn dờng neh rơcang lơh ală broă; pơgồp bal mờ ală mpồl sền gàr ală anih lơh broă, anih lơh sa kă bro tơl niam ală tiah lơh sa mờ măy mo\k, anih lơh sa kă bro geh priă bơcri bơh lơgar bơdìh, tàm hơ\ uă ngan là anih lơh sa kă bro lơgar Lo mờ Đài Loan. Jăt jơnau yal lài ngan bơh kuang bàng ală càr, bòn dờng dê, tàm hơ\ uă ngan là ală càr, bòn dờng bè bòn dờng Hồ Chí Minh, bòn dờng Hà Nội, Cần Thơ, Đà Nẵng, Hải Phòng,  ala\ càr Bình Dương, Đồng Nai, Bà Rịa-Vũng Tàu, Khánh Hoà, Thừa Thiên-Huế, Hà Tĩnh, Nghệ An, Thanh Hoá, Thái Bình, Vĩnh Phúc, Hải Dương, Hưng Yên, Quảng Ninh, Bắc Ninh, Bắc Giang bal mờ ờ uă càr, bòn dờng ndai tai. Tus 11 jơ ngai òr 18/5, tàm gùt lơgar, làng bol neh lơh jăt jơnau sồr bơh kuang gơs gơnăp gơnoar atbồ hờ đang rơlao jơh dà lơgar dê, ờ l^k dră ờ di pal mờ adăt boh lam; bơta lơngăp lơngai, ờ do ờ dă mpồl bơtiàn geh niam, ờ gơl^k ală broă lơh ờ niam tàm mpồl bơtiàn. Ală broă lơh sa, kă bro tàm ală tiah lơh sa mờ măy mo\k, ală anih lơh sa geh priă bơcri bơh lơgar bơdìh ndrờm geh bơyai lơh bè ờs.

 Ngai òr 18/5, tàm tiah tềl lời wơl kah yau dà lơgar dờng màng Tân Trào, kơnhòal Sơn Dương, càr Tuyên Quang, Mpồl tam klăc ơruh pơnu dà lơgar Việt Nam, Mpồl cau lơh sơnơm kơnòm să Việt Nam bơyai lơh Ngai chờ cau lơh sơnơm kơnòm să lơh jăt jơnau Bác Hồ bơto sồr, lơh broă dong kờl is tài pràn kơldăng să jan\ mpồl bơtiàn nam 2014. Tus bal ngai chờ do geh ală kuang bàng: mò Hà Thị Khiết kuang đơng lam đảng dà lơgar, Kuang atbồ Mpồl lam sồr làng bol dà lơgar; ồng Nguyễn Sang Vang kuang atbồ đơng lam Đảng càr Tuyên Quang; ồng Nguyễn Đắc Vinh kuang atbồ đơng lam dơ\ dùl Mpồl ơruh pơnu cộng sản Hồ Chí Minh dà lơgar Việt Nam; ồng Nguyễn Thanh Long kuang jăt jơng atbồ Gah lơh sơnơm dà lơgar; bal mờ ala măt ală gah sơnah lơh broă tàm càr Tuyên Quang…Tàm ngai chờ, ală kơnă mpồl ơruh pơnu, mpồl tam klăc ơruh pơnu neh lam lơh ală broă lơh sền gàr pràn kơldăng să jan\ ai làng bol in, mu\t lơh ală broă mờ bơnah broă ơruh pơnu, dong kờl làng bol bòn lơgar bè lơh sơnơm mpồl bơtiàn; kham kòp mờ pà sơnơm ai 1000 nă làng bol in; reh măt ờ sa priă mờ pà phan ai 100 nă cau dờng sơnam mờ cau geh màng mờ dà lơgar in.

 Bal mờ cau kơnòm să tàm gùt lơgar, ngai òr 18/5, mpồl tam klăc ơruh pơnu ală kơnhoàl tàm càr Dak Lak neh bơyai ală broă lơh ngai chờ nùs nhơm tài bơta pràn kơl dang să jan mpồl bơtiàn. Broă lơ do geh kuơ màng geh càr Dak Lak ai bơyai lơh tus tàm tiah sar lơgar ngài, tiah làng bol kòn cau. Dờp bal ngai chờ nùs nhơm tài bơta pràn kơl dang să jan mpồl bơtiàn, drim òr 18/5, mpồl tam klăc ơruh pơnu càr Dak Lak neh pơgồp bal mờ mpồl cau lơh sơnơm kơnòm să càr Daklak bơyai kham mờ pà sơnơm ờ sa priă, pà phan 600 nă cau rơbah tàm 3 bòn làng bol kòn cau ntum Ea Trang, kơnhoàl Mdrăk in. Kung tàm drim òr 18/5, ală kơnhoàl tàm càr Dak Lak ndrờm geh ală broă lơh ndrờm bal bè: kham kòp, pà sơnơm ờ sa priă, pà phan cau rơbah in, pà kơmùng geh tram dà sơnơm gơsơ\t sơmăc, lam sồr sơndră mờ kòp gơtòp, tàm hơ\ geh sền kuơ broă sơndră rềs àr kơnòm bơsram tàm kàl rơlô bơkang mờ ală broă lơh ndai tai.

 Tàm nùs nhơm tơng kah 124 nam Ngai deh Bác Hồ, drim ngai òr 18/5, tàm bòn drà Gia Nghĩa, càr Dak Nông, Mpồl yal tơngi\t bơhiàn gùng Trường Sơn-Hồ Chí Minh mờ Mpồl cau ling yau càr Dak Nông bơyai lơh dờng ngan Dơ\ tơngkah Ngai lơh gùng dờng màng Hồ Chí Minh mờ dờp sră săp khà dờng màng bơh Gơnoar atbồ lơgar dê bè tềl lời wơl gùng lòt kah yau ndu gơn rơh ngan do. Mờr 300 nă cau ala măt là cau ling yau, cau ơruh pơnu lam lài lài do gam ơm kis tàm ală càr Dak Lak mờ Dak Nông neh tus bal dơ\ tìp măt bềng nùs nhơm kờn gơboh cau lơh broă ling klàng bal do.

Chờ gờm di tơng kah ngai deh Bác Hồ ngai 19/5, ngai òr, gah chài rơgơi mờ nhơl chờ càr Sóc Trăng neh pơgồp bal mờ gah bơto bơtê mờ bơsram bal mờ anih priă jền Sacombank tàm càr Sóc Trăng neh bơyai pơlòng ntoăt càr do dơ\ 15. Do là broă lơh geh bơyai lơh pah nam, kuơ màng ngan dơ\ pơlòng ntoăt do là broă dờp geh ai broă lơh “Gùt làng bol bơyai tàp pràn să jan đòm jăt ơnà jăk Bác Hồ dê”, pơgồp bal tàm broă chồl pràn nùs nhơm pơlòng pràn să jan tàm kơnòm bơsram, cau bơsram dờng, mpồl ling mờ làng bol tàm càr do. Bơh tàm uă nam bơyai lơh, dơ\ pơlòng do sơlơ geh gal cau tus bal bơh uă gah tàm mpồl bơtiàn, broă sền gròi bơh ală gah, mpồl lơh broă tàm càr do dê.

JƠNAU TƠNGGIT DUNIA.

Jăt cau ai jơnau tơng^t VN tàm lơgar Lo yal, ngai òr 18/5, pơrjum kuang atbồ gah kă bro cri bơyai bè broă lơh sa bal châu Á- Thái Bìng Dương gam sơnđan là APEC dơ\ 20 neh tơn jơh tàm bòn dờng Thanh Đảo, lơgar Lo, mờ broă tơl^k jơnau yal is bơh ală kuang atbồ gah kă bro mpồl APEC dê kờ` mờ broă cri bơyai kă bro uă gah mờ ring bal bơ\t bơtàu broă lơh jăt bal tiah kă bro khăt gơboh châu Á-Thái Bình Dương. Mpồl kuang bàng lơgar Việt Nam geh ồng Vũ Huy Hoàng kuang atbồ gah kă bro dà lơgar neh lam bồ geh ală jơnau đơs pơgồp bal niam tàm cồng nha bal pơrjum do dê mờ geh uă broă tìp bal 2 gah pơgồp bal tàm broă chồl pràn broă lơh bal bơh lơgar Việt Nam mờ uă lơgar tàm mpồl APEC dê. Tàm ală dơ\ tìp bal 2 gah, ồng Vũ Huy Hoàng kung neh cri bơyai uă tơngu me gơrềng tus broă lơh sa, kă bro, bơcri priă tàm broă lơh ală dơ\ cri bơyai uă gah mờ 2 gah bal mờ ală lơgar lơh broă bal.

 Cau ai tơngi\t jơnau đơs Việt Nam ơm lơh broă tàm lơgar Mỹ yal: Kuang bàng lơh broă gùng dră bal lơgar Mỹ pơn jăt tai dră wơl pràn kơldăng ngan bè broă lơgar Lo ơn dra khuàng zờu lơh broă tìs mờ kơr nuăt boh lam tàm tiah geh gơnoar lơh sa bơh lơgar Việt Nam dê. Ồng Jason Chaffetz kuang ala măt Gơnoar ala măt kơnă bòn lơgar lơgar Mỹ là dùl tàm ală kuang bàng lơh broă gùng dră bal geh bơngă dờng ngan tàm Gơnoar ala măt dà lơgar Mỹ ngai òr 18/5 neh geh jơnau yal bơr lah yă broă lơh lơh tơnguh bơta tàm gơ jran\ kal ke bơh lơgar Lo dê tàm dà lềng đah măt tơngai lik. Jơnau yal bơr đơs loh, broă lơgar Lo lơh is ai dra khuàng zờu tus ơn tàm dà lềng bồt Hoàng Sa tàm dà lềng đah măt tơngai lik là broă lơh lơh gơlik bơta kơlôi rơcăng uă ngan. Broă lơh pa ngan rlau jơh do bal mờ dùl ròt ală broă lơh lài hơ\ bơh lơgar Lo dê gam pơgồp bơnah lơh gơlik bơta kơlôi rơcăng ngai sơlơ uă tàm tiah do. Ồng Jason Chaffetz đơs tờm, làng bol Việt Nam kơp kờn geh kis tàm bơta ring lơngai mờ bơtàu tơnguh bal mờ bơta sền dờng màng bơh ală lơgar rềp bal dê, mờ Mỹ kờn lơh lơh ngan tơngo\ gơnoar broă bơh dùl dà lơgar đơng lam bồ geh kơnòl tàm tiah do nàng lơh geh rài kis ring lơngai mờ bơtàu tơnguh ai làng bol Mỹ kung bè làng bol Châu Á-Thái Bình Dương in.

 Geh di pơgăp 30 nă kuang bàng lơgar Mali neh gơtìp ală cau geh phào dră wơl Touareg ku\p ris tàm bòn dờng Kidal, tiah đah tô lơgar Mali. Tàm 1 jơnau yal, gơnoar atbồ [òn dờng Kidal pà g^t, ală cau geh phào neh sò tơm anih lơh broă gơnoar atbồ bòn dờng mờ ku\p 30 nă kuang bàng. Ală dơ\ tam lơh kung neh lơh 23 nă cau ling sồt să, tàm hơ\ geh 3 nă cau sồt să jroă.

Rlau 6 rbô nă cau neh pal dô ntrờn tài mìu lơh ngơr bam dà jo\ jòng sùm bơh ngai 13 nhai 5 tus tu\ do tàm lơgar Serbia. Neh geh rlau 2 nă cau chơ\t, 2 nă cau roh thit tàm dơ\ dà lơh aniai ờ niam ngan rlau jơh tàm dà lơgar tàm tiah Bal-căng do tàm pơgăp120 nam do. Gơnoar atbồ lơgar Serbia neh ai ngui bơta jal mhar mờ geh kơrnuat sồr ntrờn làng bol tàm ală tiah mìu ngơr bam dà gam lơh aniai. Ồng Aleksandar Vucic kuang gơs gơnăp gơnoar atbồ hờ đăng rlao jơh lơgar Serbia neh sồr ală làng bol lơh ngan ơm tàm hìu pal mhar ntrờn lik dô dilah ờ kờn gơnoar atbồ lơgar ngui bơta pràn.

Anih lơh broă yal lài bè trồ tiah bal mờ ù tiah lơgar Indonesia pà g^t, drim òr 18/5 neh gơl^k geh 1 dơ\ tơrluh ù pràn 6,4 độ richter tàm càr Aceh, tiah đah tô bồt Sumatra, lơgar do dê, mơya ờ gơl^k geh `sừc dờng dà lềng. Klo\ tòm bơh dơ\ tơrluh ù do ngài mờ kơnhoàl Aceh Java 342 kơi sồ hờ đah jum măt tơngai mu\t mờ jrô 15 kơi sồ tàm tiah dà lềng. Tu\ do, ờ hềt geh jơnau yal bè sồt să mờ chơ\t jê ha là hoàc huơr lơi tàm dơ\ tơrluh ù do.