JƠNAU TƠNGGIT TÀM LƠGAR.

Mho òr 7/7, ồng Trương Tấn Sang kuang atbồ lơgar neh tus hìu sơ nơm lơ hò dà lơgar, là anih gam lơh ngan sơm ală cau gơtìp sồt să kơn jơ\ in tàm dơ\ dùh rơndeh par duk Mi-171 tàm Thạch Thất, bòn dờng Hà Nội. tàm hìu sơ nơm lơ hò dà lơgar, ồng Trương Tấn Sang neh tìp mat ală bác sỹ, y tá gam sơm tơn ală cau ling in, iat jơnau yal bè bơta pràn să jan tu\ do ală cau gơtìp aniai dê. Ồng tơngkah mpồl y bác sỹ hìu sơ nơm dê lơh broă jơh pràn, ngui tơl bơta phan bơna, mai\ mok nàng sơm ală cau ling gơtìp aniai in.

 Gơrềng tus broă rơndeh par du\k Mi-171 gơtìp rềs àr tàm kơnhoàl Thạch Thất, bòn dờng Hà Nội tàm tu\ tàp ling, mho òr 7/7, ồng Nguyễn Thế Thảo kuang atbồ anih duh broă bòn dờng Hà Nội neh tơl^k jơnau hòi jà ală mpồl lơh broă geh gơnoar pơn jăt tai pơgồp bal, bơ\t bơtàu wơl bơh rềs àr. Ồng Nguyễn Thế Thảo sồr: mpồl đơng lam ling klàng càr lơgar, gah lơh sơnơm bòn dờng Hà Nội pơgồp bal nền nòn mờ ală anih lơh broă geh gơnoar bal mờ gơnoar atbồ kơnhoàl lơh jăt ală broă sơm niam ngan tus mờ ală cau ling gơtìp lơhò, lơh jăt nền nòn ală broă lơh tus mờ ală cau ling neh phi să, bơyai lam sồr, tam pà bal ală jơnau moăt tus mờ hìu nhă, cau pròc mhàm ală cau ling; pơgồp nền nòn mờ ală anih lơh broă gah sền gàr dà lơgar lơh jăt ală kơnòl jăt mờ broă neh ai.

Mho òr 7/7, tàm Hà Nội, ồng  Nguyễn Xuân Phúc kuang jat jơng gơs gơnap gơnoar atbồ hơđăng rlao jơh dà lơgar, mơlà kuang atbồ mpồl đơng lam rơcang sơndră cau tìs bơh gơnoar atbồ lơgar dê, hòi pơ gồp bal là mpồl đơng lam 138 neh đơng lam dơ\ lơh broă mờ đah cảnh sát rơcang sơndră cau tìs di gah kuang àng dà lơgar bè broă rơcang sơndră cau tìs, blơ\ blac kă bro mờ phan ờ ngan 6 nhai bòo nam 2014. đơs tàm dơ\ lơh broă, ồng Nguyễn Xuân Phúc jờng rơ mờ đơs niam ală cồng nha pơn rơ ngan bơh đah cảnh sát rơcang sơndră cau tìs neh lơh geh tàm tơngai lài, ngan là neh kơryan uă dơ\ sa kuề sa kùa dờng, kơryan geh uă mpồl lơh tìs bè ma túy, cau tìs tiah ơm kis, pơ gồp bơnah mut lơh ringbal gàr niam ngap lơngai ờ do ờ dă mpồl bơtiàn mờ tơnguh bơta git wă làng bol dê bè rơcang sơndră cau tìs.

 Mho òr 7/7, tàm Hà Nội, ồng Nguyễn Thiện Nhân kuang atbồ anih duh broă gah tề lam gùng dră bal Việt Nam neh tus còp mờ lơh broă mờ mpồl lơh sa Viễn thông ling klàng Viettel. Đơs tàm dơ\ lơh broă, ồng Nguyễn Thiện Nhân neh đơs niam ală broă lơh ngan bơh ală kuang bàng, cau lơh broă tàm mpồl lơh sa do, tàm broă lơh tòm công nghệ thông tin kờ` tơnguh bơtàu pràn, kơl jăp tàm lơgar mờ l^k tus lơgar bơdìh. Ồng Nguyễn Thiện Nhân pin là, mpồl lơh sa kă bro Viettel geh là anih lơh sa kă bro lam lài tàm broă lơh gơs phan geh pràn tam pơlòng lơgar Việt Nam dê, hòi jà ală anih lơh sa kă bro ndai, pơgồp bal tàm broă tơnguh bơta pràn ling klàng dê, tơnguh bơtàu dà lơgar pràn kơl dang…

Ngai òr 7/7, mpồl kuang bàng gơnoar ala mat dà lơgar kơnă 13 neh geh dơ\ tìp mat cau te\ khà tàm ală ntum kal ke bơh kơnhòal Ea Hleo mờ kơn hòal Krông Buk, càr Dak Lak. Tàm ală dơ\ tìp mat, ală kuang bàng gơnoar ala mat dà lơgar neh yal mờ cau te\ khà bè cồng nha pơrjum dơ\ 7 gơnoar ala mat dà lơgar pa do. Gal ngan cau te\ khà càr Dak Lak neh ràng tơlik bơta pin dờn tàm ală gùng dà broă lơh dipal bơh gơnoar ala mat dà lơgar dê, tàm broă chồl pràn broă rơcang sơndră sa kuề sa kùa, gơ hòi bơcri priă, tơn jơh jơ gloh tơmù rơbah, mờ ngan là yal gùng dà broă lơh song dơpă bơh lơgar Việt Nam dê tềng đăp broă lơgar Lo ơn tìs dra khoàng tàm tiah dà lềng lơgar he dê. Cau te\ khà Ksor Y Vam, ơm tàm bòn Treng, ntum Ea Hleo, kơnhòal Ea Hleo đơs:“ Lơgar Lo neh ngui kai tơm gơ krăm ơ hò Việt Nam dê, ngui ding bruh dà nàng ting bơ trơh ơ hò cảnh sát dà lềng Việt Nam dê, bè broă do kòn cau tàm tiah kơh bơ nơm Tây Nguyên kung ờ suk ngan. Kơp kờ` Đảng, dà lơgar he pal geh broă lơh pràn, cribơyai niam mờ lơgar ndai nàng kờ` geh dong kờl lơgar Việt Nam he, sồr Lo pal tă dra khoàng lik bơh tiah dà lềng Việt Nam dê, sền gàr cau lơh ka tàm dà lềng.”

 Mho òr 7/7, Hìu bơsram dờng Luật bòn dờng Hồ Chí Minh neh bơyai pơrjum mờ tơngu me “Ală broă tàm adăt boh lam bè broă lơgar Lo ơn dra khoàng jờu Hải Dương-981 tàm dà lềng đah măt tơngai l^k”. Dơ\ pơrjum neh geh gal cau bơsram dờng tus bal. Tàm pơrjum gam geh ràng tơl^k rùp, sră mờ tơngu me “Hoàng Sa-Trường Sa là lơgar Việt Nam dê” mờ ală broă nhắn tin dong kờl broă “Pơgồp bơta pràn tài dà lềng, bồt dà lềng dà lơgar”, cih măt dong kờl broă lơh “Tơlăk plai nùs, tơl^k akhar cih” geh mpồl tam klăc ơruh pơnu Việt Nam [òn dờng Hồ Chí Minh lam sồr.

Mho òr 7/7, anih duh broă gah tề lam gùng dră bal dà lơgar càr Dak Nông bơyai mut lơh pơrjum kuang ala mat gah tề lam gùng dră bal dà lơgar càr Dak Nông dơ\ 3, tơngai lơh broă bơh nam 2014 tus nam 2019 mờ tơngume “ Brồ guh bơta pràn tam klac dờng, tơnguh jơnhua gơnoar, kơ nòl bơh gah tề lam gùng dră bal dà lơgar, ngap lơngai mờ bơtàu tơnguh kơ\ kơljap.” mờr 270 nă kuang ala mat tus bal pơrjum. Pơrjum kuang ala mat gah tề lam gùng dră bal dà lơgar càr Dak Nông dơ\ do pơnjat tai ai tơlik broă mut lơh 5 broă lơh dờng, tàm hơ\ sền dờng màng ală broă lơh gơ rềng tus rài kis làng bol dê, pơ gồp bal broă mut lơh ală dơ\ lam sồr mờ 19 khà bơt bơtàu bòn lơgar pa, bơt bơtàu tiah drà gơguh jak. Ồng Phan Thanh Ba kuang atbồ mpồl lam sồr làng bol bơh mpồl đơng lam Đảng càr, mơlà kuang atbồ anih duh broă gah tề lam gùng dră bal dà lơgar càr Dak Nông tơngai lơh broă dơ\ 2  pà git, bơta pa tàm tơngai lơh broă tus là gah tề lam gùng dră bal ală kơnă geh chồl pràn ală broă lơh sền gròi mờ tơnguh jơnhua bơngă cribơyai mpồl bơtiàn. Ồng đơs:“ Kuơ màng tàm tơngai lơh broă do, bol a` mut lơh ringbal jat 2 kơrnuat bơh dà lơgar dê bè broă lơh cribơyai mờ sền gròi bơh gah tề lam gùng dră bal dê. Jơnau kờ` là tă pơ gồp jơnau đơs, bơt bơtàu mờ cribơyai ală bơta gơ rềng tus gơnoar kuơ dipal làng bol dê. Bol a` geh bơyai lơh mblàng, bơsram tus mờ gùt làng bol in git bè bơta do, mờ kơ nòl bơh tơl nă cau dê là pal sền gròi tơl broă lơh bơh gơnoar atbồ, kuang bàng, cau geh Đảng, ngan là sền gròi broă lơh bơh kuang bàng cau geh Đảng tàm tiah ơm kis, pơ gồp bơnah bơt bơtàu Đảng, bơ song bơta ờ niam.”

Mpồl lơh broă sền gàr niam ờ do ờ dă gùng lòt càr Lào Cai đơng lam ală mpồl lơh broă geh gơnoar tơnguh broă sền gròi gùng lòt tàm càr do, uă ngan là tàm tiah bơnơm `hoa ngòt rơngơ\t. Neh g^t, tơngai pa do, bơta niam ờ do ờ dă gùng lòt tàm tiah `hoa càr Lào Cai gơl^k geh kal ke, tàm hơ\ uă ngan là gơl gùng lòt tàm bòn. Mpồl cảnh sát sền gàr gùng lòt càr Lào Cai neh pơgồp bal mờ kuang àng ală ntum tơnguh broă lam sồr mờ lơh glài nền nòn ală cau tìs. Tàm 6 nhai, geh mờr 2 rơbô nă cau gơtìp lơh glài, ku\p g^t nđờ rơhiang nơm rơndeh Honda mờ mờr 100 pang sră măy rơndeh.

JƠNAU TƠNGGIT DUNIA.

Jat jơnau yal bơh gah cribơyai broă mờ lơgar ndai lơgar Lo, bơh ngai 15 tus ngai 23/7, ồng Tập Cận Bình kuang atbồ lơgar Lo geh tus bal pơrjum dờng màng dơ\ 6 ală rài lơh sa pa bơtàu tơnguh tàm lơgar Brazil, tơ nơ\ hơ\ ồng Tập Cận Bình geh tus còp ngan ngồn 4 lơgar là Brazil, Achentina, Venezuela, Cuba mờ tus bal dơ\ tìp mat mờ ală kuang bàng đơng lam bồ ală lơgar châu Mỹ Latinh.

 Ồng Shonzo Abe kuang gơs gơnăp gơnoar atbồ hờ đang rơlao jơh dà lơgar Nhờk pà g^t, do là tu\ geh kuơ kờ` pồ 1 nă kuang atbồ gah sền gàr dà lơgar pa, dờp kơnòl ală broă rơcang gàr dà lơgar tàm tu\ bơta lơngăp lơngai tàm tiah do gam gơtìp pơhìn. Kơrnoăt do geh ai tơl^k tơnơ\ mờ tu\ ală kuang bàng tàm gơnoar atbồ lơgar Nhờk ring bal lơh wơl sơnoa boh lam kờ` di pal mờ broă sền gàr dà lơgar pa lơgar do dê bè gơnoar rơcang gàr mpồl bal. Ồng Shinzo Abe đơs, tơngu me tòm kơrnoăt do dê là kờ` rơcang niam ngan tus mờ broă sền gàr làng bol lơgar Nhờk tềng đăp mờ ală bơta pơhìn tu\ do.

 Pa do, mpồl lơh broă sùm đơs dà Tây, là anih lơh broă gùng dră bal bơh mpồl dunia đơs dà Tây neh pơrjum dơ\ 91 tàm Pari lơgar Tây bơh ồng Ap-đu Đi-up kuang atbồ mpồl dunia đơs dà Tây đơng lam, geh bơta tus bal bơh kuang atbồ anih ala mat, ala mat 77 lơgar mờ gơnuar atbồ lơgar geh jơng mờ kuang bàng gròi sền nàng cribơyai ală bơta gùng dră bal, tam klac, lơh broă dà lơgar, priă jền bơh mpồl đơs dà Tây dê. Tàm dơ\ pơrjum, ồng Ap-đu Đi-up neh ràng tơlik bơta ờ suk uă ngan tềng đăp ală kal ke tu\ do tàm dà lềng đah mattơngai lik, hòi jà jơh ală gah geh gơ rềng git ơt ơl mờ bơ song bơta ờ niam mờ broă lơh ngap lơngai, cribơyai bal mờ sền dờng màng adat boh lam dunia.

Lồi poh lài, 1 nă kuang bàng tàm Gơnoar ala măt dà lơgar, lơgar Venezuela neh hòi jà mpồl coh plai dunia tă 10% khà priă geh bơh tàm pơlòng coh plai World cup 2014 kờ` dong kờl ală lơgar rơbah. Đơs mờ cau lơh [ăo tàm lơgar, ồng William Ojeda đơs là, mpồl coh plai dunia lam lài di lah geh lời ờ uă ngan 10% khà geh kờ` dong kờl ală lơgar rơ[ah in lơh hìu bơsram, hìu ơm, hìu sơnơm mờ [làng tàp pràn să jan. Ồng pà g^t, geh ờ uă mpồl coh plai dà lơgar neh lơh broă niam do tàm coh plai. Bè mpồl coh plai lơgar Urugoay neh lơh hìu bơsram, anih tàp pràn să jan. Mpồl coh plai Barcelona, lơgar Tây Ban Nha neh dong kờl kes priă kơnòm dềt anih duh broă dunia.

Gah lơh broă làng bol lơgar Lo pà git, mìu sơr sùm bơh uă ngai do neh lơh gơbàn ngơr bam uă tiah tàm uă càr, bòn dờng tiah đah jum lơgar do. Ală càr kong hoàc huơr kơnjơ\ ngan rlau jơh là Tân Cương, Quảng Tây, Vân Nam, Quý Châu neh yal geh cau chơt tài bu\ dà mờ gơtìp bo\ ù bồr. cơldu\ lơh broă anih duh broă tơmù dimơ trồ tiah lơh aniai lơgar Lo kờp du\, dơ\ dà ko\ dà cò kơn jơ\ ngan tàm tiah đah jum lơgar do neh lơh aniai 5 rbô nơm hìu, git nđờ jở rbô lồ chi tam gơtìp săng gời jơh, rlau 60 rbô nă cau pal ntrờn anih ơm, lơh aniai tus rài kis bơh mờr 6 tơlak nă cau. Hoàc huơr lơh sa bơh sơn rờp pơgap 3 tơmàn 400 tơlak Nhân dân tệ priă lơgar Lo, ndrờm 547 tơlak đôlar.