JƠNAU TƠNGGIT TÀM LƠGAR.

Ngai òr 3/6, ồng Nguyễn Sinh Hùng kuang at bồ Gơnoar ala mat dà lơgar neh wa\ rềp mềr mpồl kuang bàng Gơnoar ala mat bòn lơgar lơgar Mỹ bơh ồng John Kline kuang geh jơng bơh đảng Cộng Hoà, kuang at bồ Anih duh broa\ bơto bơsram mờ lơh broa\, kuang geh jơng lơh broa\ ling klàng lơh  cau lam bồ gam geh dơ\ tus còp mờ lơh broa\ tàm Việt Nam. Ồng John Kline ai git, đah Mỹ sùm sền jat ngan broa\ gơlik geh tàm dà lềng đah mat tơngai lik mờ ai go\ bơta sền gròi, geh bơta ờ suk ngan ngồn, ngan  la broa\ lơh bơ chồt bơh lơgar Lo mờ Việt Nam. Mỹ kờ` ngan broa\ lơh bơh lơgar Việt Nam tàm broa\ ntàu dra\ sền gàr gơnoar tờm mờ kơp kờ` ala\ gah gờ` geh broa\ lơh nàng bơsong jơnau gơbàn tu\ do mờ broa\ lơh cri bơyai ngap lơngai.

Mho ngai òr 3/6, tàm Gơlang Kuang atbồ lơgar, ồng Trương Tấn Sang kuang atbồ lơgar wa\ rò rềp mềl ồng Stefan Harabin kuang atbồ anih cah r`\a jơnhoa hơđăng rlau jơh lơgar Slovakia, gam lam bồ mpồl kuăng bàng dờng màng còp mờ lơh broă tàm lơgar Việt Nam. Tàm dơ\ wa\, ồng Trương Tấn Sang đơs niam ngan jơnau kờn bơh dơ\ lòt còp bơh ồng Stefan Harabin dê, mờ pin dờn mờ bơhiàn tam klăc lơh broă bal jo\ rài đah Việt Nam mờ Slovakia, gah cah r`\a 2 lơgar geh pơn jăt tai lơh geh uă cồng nha tam klăc lơh broă bal pal cih dờp ngan. Đơs niam ngan ală broă lơh tam klăc bal đah 2 lơgar kuơmàng bè lơh broă kơr nuăt boh lam, ồng Stefan Harabin đơs tờm, bulah 2 lơgar ơm ngài ngan, mơya bơta gi\t gơp tam klăc bal đah 2 lơgar, 2 jơi bơtiàn kung bè bơta tam klăc bal bơh cau Việt Nam tàm lơgar Slovakia mờ làng bol bòn lơgar tàm tiah ơm kis gam ngai sơlơ geh mu\t lơh uă mờ geh cồng nha ngan ngồn.

Ngai òr 3/6 tàm Hà Nội,  đại tướng Trần Đại Quang kuang at bồ gah kuang àng dà lơgar neh tus lơh broa\ mờ Gah kảnh sát at bồ sra\ nggal bè ờ do ờ da\ mpồl bơtìan, đơs wơl ala\ broa\ neh lơh geh tàm 6 nhai bồ sơnam 2014 mờ mut lơh ala\ broa\ lơh tờm dờng bơh tu\ do tus lồi nam bơh gah do dê. Đơs tàm bùi lơh broa\, ồng Trần Đại Quang  đơs tờm, tơngai tus mpồl kảnh sát at bồ sra\ nggal bè ờ do ờ da\ gùt mpồl bơtìan kờ` geh lơh lài git ngan jơnau geh, bơsong ờ do ờ da\ mo bơh  broa\ bòn lơgar, bal mờ ala\ mpồl ndai sền gar ngap lơngai, ờ do ờ da\ broa\ jàu, anih tiah tờm sền gàr,  ala\ jơnau gùng dra\ bal kuơ màng bơh dà lơgar…Pơnjat tai mut lơh geh cồng nha kơrnuat dà lơgar 4 kơna\ XI bè ờ ua\ bơta jar mhar bơt bơtàu Đảng tu\ do,  lơh geh mpồl kảnh sát at bồ sra\ nggal bè ờ do ờ da\ mpồl bơtìan sàng goh, pràn kơljap, lơh jak ngan ala\ broa\ jàu, pơ gồp bal bơtàu tơngguh lơh sa mpồl bơtìan bơh dà lơgar.

 Ngai òr 3/6, lơgar Lo kung gam geh rlau 110 nơm ơhò, pơal sền ngăc ngan là 4 nơm ơhò ling klàng lơgar Lo dê, tàm hơ\ geh 2 nơm ơhò gròi sền mờ kơr yăn mền, mờ 2 nơm ơhò gròng sền gàr phàu ồs geh lời pơr đồng gơbu\ tàm tiah ngài mờ dra khoàng Hải Dương 981 bơh 15-25 hải lý. Mpồl sền gàr cau lơh ka Việt Nam sền go\ 2 nơm rơndeh par, tàm hơ\ geh 1 nơm rơndeh par đar ring mờ dùl nơm rơndeh par ling klàng KG 2000 lơh broă jòi sền jơnau ndơ\p ndơr tàm tiah dra khuàng do. Ală ơhò sền gàr cau lơh ka lơgar Việt Nam dê kung gam lam tam dră wơl mờ bơta pràn uă tàm ù tiah ngài mờ dra khuàng Hải Dương 981 bơh 7-8 hải lý nàng mblàng yal mờ sồr lơgar Lo tă sờr dra khuàng mờ ai rê jơh ală ơhò lòt gròng bal mờ rơndeh par lik bơh tiah dà lềng geh gơnuar lơh sa bơh lơgar Việt Nam dê. Tu\ lòt rềp tiah geh dra khuàng tàm bơta ngài pơgăp bơh 7 tus 8 hải lý, ală ơhò sền gàr cau lơh ka lơgar Việt Nam gơtìp ală ơhò lơgar Lo lam lơh gơs mpồl kơryăn wơl kràn cê ngan, tu\ lơi kung tơl iơt kèng dờng, tơm, bồm dà bruh dà tàm ală ơhò sền gàr cau lơh ka lơgar Việt Nam dê. Tàm tiah ngài mờ dra khuàng 981 bơh 18 tus 20 hải lý, ală ơhò lơh ka lơgar Việt Nam kung gam lam lòt lơh ka tàm tiah dà lềng ờs mờng. Ală ơhò lơh ka Việt Nam dê sùm pal ko\ng mờ bơta kơryan, pơhìn jăt tơl mpồl bơh 35 tus 40 nơm ơhò lơh ka geh să lòs bơh lơgar Lo dê, mơya, làng bol lơh ka kung gam jơh nùs lòt lơh ka tàm dà lềng.

Pa do, mpồl đơng lam at bồ gah yàng phờk Việt Nam càr Lâm Đồng neh bơyai lơh rac yàng kơp kờ` geh ngap lơngai tus dà lềng đah mat tơngai lik mờ bơta tus bal bơh kuang bàng at bồ càr, rlau 400 cau ala mat bơh gah at bồ, ala\ cau kơđơng yàng, cau jat yàng phờk bơh 12 kơnhoàl, bòn dờng tàm gùt càr. Tơnơ\ dơ\ rac yàng, ala\ kuang neh iat jơnau yal tơnggit tus cau jat yàng phờk bơh Đức Pháp Chủ mờ jơnau yal tơnggit mờ sra\ nggal bơh mpồl đơng lam at bồ gah yàng phờk la đơs lah dra\ ngan  broa\ lơgar Lo crap dra khoàng Hải Dương 981 tàm dà lềng lơgar Việt Nam la ờ di ngan, mờ hòi jà ala\ cau kơđơng yàng, cau jat yàng kờ`  bal mờ ala\ broa\ lơh bơh Đảng, dà lơgar ba` lơh gơbàn chul chồl bơh  cau ờ niam, lơh kràn ngan nùs nhơm kờ` gơboh dà lơgar, ntàu tam dra\ nàng sền gàr gơnoar tờm ù tiah dà lơgar Việt Nam.

 Mho ngai òr 3/5, Anih duh broă làng bol càr Dak Lak bơyai lơh Pơrjum pờ tơn tàm internet mờ ală kơnhòal, bòn drà, bòn dờng nàng đơs bơta lơh sră ngui ù tàm càr. Nàng lơh mhar broă lơh gơs broă lơh lơh sră ngui ù tàm nam 2014, ồng Đinh Văn Khiết kuang jăt jơng atbồ anih duh broă làng bol càr Dak Lak, sồr kuang bàng đơng lam bồ ală gah sơnah lơh broă, mờ anih duh broă làng bol ală kơnhòal, bòn drà mờ bòn dờng tơr gùm jơh bơta pràn nàng lơh jơh broă lơh sră ngui ù dơ\ sơn rờp ai mpồl cau, hìu bơnhă, cau dùl nă să is in mờ bă ù là 118 rbô 970 lồ; lơh broă mờ ală mpồl dong pơlam mu\t lơh broă lơh cih yal, đo was; lơh sră nggal ù tiah kờn drơng tus broă lơh ătbồ dà lơgar bè ù tiah tàm càr ngai sơlơ niam rlau; mblàng yal tơnguh jơnhoa jơnau gi\t wa\ bơh làng bol dê tàm broă cih yal is…

Ngai òr 3/6, ngai pơr lòng dơ\ 2 bơh dơ\ pơr lòng jơh bơsram kai III nam 2014 geh 3 môn pơr lòng la Toán, Hoá học mờ Địa lý. Khà  kơnòm bơsram  tus pơr lòng ala\ môn geh tus rlau 99% pơndrờm mờ sồ dan pơr lòng. Jat jơnau yal mhar bơh Gah bơto bơtê mờ bơsram dà lơgar, den jơnau  ai pơr lòng ala\ môn geh sền gàr  ndơp ndơl ngan  jơh ala\ bơta lơh. Jơnau pơr lòng bơh ala\ môn Toán, Hoá học mờ Địa lý geh tơnggu me di pal mờ jơnau bơsram tàm kai bơsram III, di pal bơta kờ` tam gơl pa  pơr lòng jat gùng jak rlau. Jơnau pơr lòng địa lý geh jơnau lùp đềt mềr mờ gơnoar tờm dà lềng, bồt dà lềng, geh ai go\ nus nhơm kờ` gơboh dà lơgar, nus nhơm jơi bơtìan  dà lơgar geh  git wa\ kơnòl cau làng dê. Ala\ bơta sền gàr ngap lơngai, niam gùng lòt mờ  ồs đèng, dà geh tơl niam drơng ngan tus broa\ lơh bơyai lơh  pơr lòng mờ cau tus pơr lòng. Ala\ cau gơbàn tìs pơr lòng neh geh git mờ bơsong mo di pal. Tàm 3 mồn geh 6 na\ cau pơr lòng gơbàn tìs kơrnuat pơr lòng gơbàn tơn lời pơr lòng. Gah bơto bơtê mờ bơsram dà lơgar đơs, ngai pơr lòng dơ\ 2 bơh dơ\ pơr lòng jơh kai bơsram III nam do geh lơh niam, ờ do ờ da\, kràn cê, di kơrnuat jàu.  

Drim do 4/6, ală kơnòm pơr lòng jơh bơsram kai III nam 2014 mu\t tàm bùi pơr lòng du\t ndơl geh 2 môn pơr lòng rơ wah is là Sinh học mờ dà đơs lơgar ndai jăt broă lơh trắc nghiệm, tơngai ai lơh jơnau pơr lòng là 60 phuk. Tàm hơ\, môn dà đơs lơgar ndai geh rlau 144 rbô nă kơnòm pơr lòng lơh sră dan pơr lòng, môn sinh học geh mờr 280 rbô nă kơnòm pơr lòng lơh sră dan pơr lòng. Nam do, kơnòm pơr lòng geh rơ wah is môn pơr lòng den tàng uă anih pơr lòng neh tơn jơh dơ\ pơr lòng bơh ngai òr tài ờ geh kơnòm pơr lòng lơh sră dan pơr lòng môn dà đơs lơgar ndai mờ sinh học. Uă anih pơr lòng mìng geh dùl ê\t ngan kơnòm pơr lòng lơh sră dan pơr lòng 2 môn do mơya kung gam bơyai lơh pơr lòng tàm hìu bơ srăm jăt di kơrnuat, lơh geh tơl ală bơta niam ai kơnòm pơr lòng in. Mờ ală anih pơr lòng neh tơn jơh pơr lòng tàm ngai òr 3/6, Gah bơto bơtê mờ bơsram dà lơgar tơng kah là kờn pal sền gàr niam ngan jơnau lơh jơnau pơr lòng bơh ală kơnòm pơr lòng dê jăt di jơnau cih. Mho ngai do, Gah bơto bơtê mờ bơsram dà lơgar geh bơyai lơh pơrjum bău nàng yal nền cê bè broă lơh bơyai lơh pơr lòng tàm gùt lơgar bơh dơ\ pơr lòng jơh bơsram kai III nam 2014.

JƠNAU TƠNGGIT DUNIA.

Dùl kuang bàng Gah sền gàr dà lơgar Mỹ pa ai git, Mỹ geh pơnjat tai mut lơh jơnau pơrgon nàng sền gàr ngap lơngai mờ ờ do ờ da\ tàm Đông Âu, tàm tu\ dơ\ tung lơtang tàm lơgar Ukraine gam gơbàn ua\ ngan. Đơs tàm dơ\ pơrjum cri bơyai bơh anih yal tơnggit jơnau bơh ling klàng lơgar Mỹ, ồng Derek Chollet kuang dong broa\ Gah sền gàr dà lơgar Mỹ bè ala\ bơta sền  gàr ngap lơngai dunia, đơs loh, Mỹ geh mut lơh pơrgon sền gàr ngap lơngai bal tàm Đông Âu bơh dùl ròt ala\ broa\ lơh dong kờl ala\ lơgar tàm mpồl tam klac NATO mờ ala\ lơgar lơh broa\ bal mờ Mỹ. Ồng Derek Chollet đơs tờm, broa\ Mỹ tơngguh broa\ ai mpồl ling gah  rơndeh par, tàm dà lềng mờ đang ù gờl tàm Đông Âu la jơnau ai go\ ngan tus dơ\ pơrgon do.

Iran mờ Mpồl 5 lơgar lơh broă sùm tàm Mpồl ]ri bơyai sền gàr ngăp lơngai anih dunia mờ lơgar Đức geh dơ\  lơh wơl dar cribơyai kơnă kuang bàng mờng chài bè broă lơh hạt nhân bơh lơgar Iran dê tàm càr lơgar Viene, lơgar Autria dê tàm ngai do. Ồng Hamid Baeidinejad kuang atbồ gah lơh broă gùng dră bal mờ sền gàr bơta ngăp lơngai dunia di Gah cri bơyai broă mờ lơgar ndai dà lơgar Iran pà gi\t, ală cau mờng chài bơh lơgar Iran dê mờ mpồl 5 lơgar lơh broă sùm mờ lơgar Đức geh dar cribơyai pa tàm pơgăp 2 ngai, ngai do mờ ngai hìng. Jăt ồng Baeidinejad, dar ]ri bơyai do geh lơh dùl dơ\ bal mờ dơ\ pơrjum bơh Mpồl duh broă Kuang atbồ anih lơh broă năng lượng nguyên tử dunia. Ồng Baeidinejad dờp lơh gơnoar broă lam bồ mpồl kuang bàng ]ri bơyai broă bơh lơgar Iran dê, tàm tu\ hơ\, kuang dong broă anih duh broă lơh kơnòl broă lơh broă mờ lơgar ndai bơh Mpồl tam klăc Châu Âu dê la mò Catherine Ashton lơh kuang atbồ Mpồl kuang bàng ]ri bơyai broă 5 lơgar lơh broă sùm mờ lơgar Đức.

Bơh 7 jơ drim ngai òr 3/6, rlau 15 tơlak na\ cau te\ khà bơh lơgar Syria neh sơnđờm tus đùh sra\ tàm dơ\ te\ khà kuang at bồ lơgar tàm lơgar do mờ dơ\ tam lơh is neh jo\ jòng  rlau 3 nam do, lơh git nđờ jơt rbô na\ cau chơt. Ala\ anih đùh sra\ kờp du\ geh til mpồng tu\ 7 jơ mang bal dùl ngai. Gah lơh broa\ kuang àng dà lơgar Syria ai git, rlau 9 rbô 600 anih đùh sra\ pồ tàm gùt lơgar neh pờ mpồng mờ gơnoar at bồ lơgar neh ntrờn thùng sra\ tus ala\ anih krài lời tus ala\ cau te\ khà  roh hìu đam. Do la dơ\ te\ khà kuang at bồ lơgar sơnrờp tàm Syria tàm di 50 nam do. Lài hơ\, mìng geh jơnau lùp lap làng bol nàng kờ` bal tus mờ ồng al-Assad mờ cau bèp neh chơt ồng dê la ồng Hafez al-Assad. Tàm dơ\ lùp lap làng bol nam 2007, ồng al Assad geh 97% sra\ pồ tus tơngai lơh broa\ kuang at bồ lơgar 7 nam.

 Mò Dilma Roussef kuang atbồ lơgar Brazil pa đơs tờm tai jơnau pơrgon sền gàr bơta ngăp lơngai ờdo ờdă ai ală mpồl tus bal tàm pơr lòng jak, ală kuang bàng mờ cau kờn in tàm tu\ tơngai geh lơh Dơ\ pơr lòng jak ngan coh plai dunia-World Cup rơcang lơh jo\ jòng bơh ngai 12 nhai 6 tus ngai 13 nhai 7. Đơs tàm dơ\ tìp măt mờ ồng Joseph Blatter kuang atbồ Mpồl tam klac ală mpồl coh plai dunia-FIFA tàm ngai òr nau 2/6, mò Dilma Roussef pà gi\t, broă lơh sền gàr bơta ngăp lơngai mờ gơnoar atbồ lơgar Brazil mu\t lơh geh ờdo ờdă ai jơh tơl nă cau in, dong lơh geh dùl dơ\ World Cup geh cồng nha. Mò kung hòi jà jơh ală làng bol lơgar Brazil mờ năc nhơl chờ dunia tam klac bal, tam klac bal tài bơta ngăp lơngai mờ tam dră bơta tam cah ờ rờm bal jơi bơtiàn.