JƠNAU TƠNGGIT TÀM LƠGAR.

 Mho òr 28/5, Gơnoar ala mat dà lơgar pơrjum bal tàm hìu pơrjum, iat jơnau yal mblàng, cih dờp, bơ song rơndap adat công chứng tam gơl mờ cribơyai bè ờ uă tơngume gam geh jơnau đơs krơi is bơh rơndap adat do dê. Jat jơnau yal mblàng, uă ngan jơnau đơs kuang bàng gơnoar ala mat dà lơgar dê ringbal mờ broă rề ơnàng gơnoar lơh broă bơh ală mpồl lơh broă công chứng, jàu cau lơh broă công chứng in mut lơh broă dờp di ngan sră mblàng jơnau đơs sră pơ àr, dờp di ngan akhar ki\, dờp di ngan sră photo bè ală anih lơh broă dà lơgar, lơh gơs bơta buơn làng bol in, kung bè tơmù khà broă lơh ală anih lơh broă dà lơgar in. Nàng sền gròi bơta niam sră mblàng dà đơs, mpồl lơh broă công chứng pal sac rơ wah cau lơh broă bal mblàng dà đơs geh bơngă pin dờn, geh bồ tơ ngoh bơsram jak, bal mờ hơ\ cau lơh broă bal mblàng dà đơs pal kong kơ nòl tus mờ mpồl lơh broă công chứng bè bơta di ngan, dipal bơh tơngume mblàng dà đơs dê jat jơnau cih adat boh lam bè broă làng bol.

 Ngai òr 28/5, Tàm gơlang kuang atbồ lơgar, ồng Trương Tấn Sang kuang atbồ lơgar neh wă ồng Benjamin Cardin kuang atbồ anih duh broă Đông Á-Thái Bình Dương, gơwèt anih duh broă, broă lơh bal mờ lơgar bơdìh Gơnoar ala măt dà lơgar Mỹ gam geh dơ\ tus còp mờ lơh broă tàm lơgar Việt Nam. Tàm dơ\ wă, ồng Cardin neh yal, pa do, anih duh broă, broă lơh bal mờ lơgar bơdìh Gơnoar ala măt dà lơgar Mỹ neh tơl^k jơnau dră wơl geh nùs nhơm bơchồt lơgar Lo dê ai dra khoàng jờu Hải Dương-981 ờ mìng lơh aniai tus lơgar Việt Nam mờ gam tus mờ bơta lơngăp lơngai, ring niam tàm tiah do Ồng Cardin đơs, lơgar Mỹ kờ` bal mờ broă lơgar Việt Nam lơh tơmù kal ke, tơmù nùs nhơm gơjra` mờ bơsong mờ ală broă lơh lơngăp lơngai. Bè đah lơgar Việt Nam, ồng Trương Tấn Sang đơs sơl, tơngai do, lơgar Việt Nam neh tơmù uă ngan nùs nhơm, ờ ai ling klàng, mờ mìng geh mpồl lơh broă di pal mờ adăt boh lam tàm dà lềng. Mơya lơgar Lo neh ngui ơhò tam lơh mờ rơndeh par tam lơh kờ` dong kờl. Tàm nùs nhơm hơ\, ồng Trương Tấn Sang kơ\p kờ` là, Gơnoar ala măt dà lơgar Mỹ geh kờ` bal uă tus mờ broă tơl niam broă lơh jăt kơrnoăt hơ bal anih duh broă dunia dê bè adăt dà lềng, mờ jơnau yal bal DOC sền gàr lơngăp lơngai, ring niam tàm tiah do, ờ dờp gùng mpiăt ờ di pal, mờ tam gơl broă gơl^k geh do mờ uă lơgar ndai.

 Mho òr 28/5, ồng Bùi Thanh Sơn kuang jat jơng atbồ gah cri bơyai broă mờ lơgar ndai dà lơgar neh geh dơ\ cribơyai tàm điện thoại mờ ồng Hugi Swire kuang dong broă gah cribơyai broă mờ lơgar ndai lơgar Anh nàng cribơyai ală broă lơh chồl pràn git gơp lơh broă bal Việt Nam mờ Anh tàm tơngai tus, kuơ màng tàm ală gah ai lơh lài bơh 2 lơgar dê bè gùng dră bal, cribơyai broă mờ lơgar ndai, lơh sa, kă bro, bơcri priă, bơto bơtê mờ bơsram. Bàr gah đơs niam kơrnuat cri bơyai broă lơh kuơ màng Việt Nam mờ Anh tàm tơngai pa do mờ ring bal geh mut lơh cri bơyai broă lơh kuơ màng Việt Nam mờ Anh dơ\ 4 tàm nam do tàm Hà Nội. Tàm dơ\ cribơyai, 2 gah kung tam pà bal nùs nhơm bè ală bơta tàm dunia mờ kơnhòal sền gròi bal, tàm hơ\ geh ală bơta gơlik geh rềp do tàm dà lềng đah mat tơngai lik.

 Mho òr 28/5, tàm Hà Nội, Mpồl ơruh pơnu dà lơgar neh pơgồp bal mờ mpồl tam klăc ơruh pơnu lơh tòm dunia bơyai pơrjum mpồl duh broă đơng lam bal mpồl tam klăc ơruh pơnu lơh tòm dunia. Tàm pơrjum, ală kuang bàng ala măt neh iăt ală jơnau yal bè broă lơgar Lo ai dra khoàng jờu ờ di pal tus tàm dơlam tiah dà lềng mờ tiah geh gơnoar lơh sa lơgar Việt Nam dê bơh bồ nhai 5 tus tu\ do. Broă lơh geh nùs nhơm iơh bơsăk do lơgar Lo dê neh tìs dờng ngan tus mờ gơnoar tòm mờ ù tiah dà lơgar, gơnoar tòm gơnoar, gơnoar cri bơyai lơgar Việt Nam dê, tìs dờng ngan mờ adăt boh lam. Đơs tềng đăp mờ broă lơh tìs mờ adăt boh lam dunia lơgar Lo dê, ồng Dalfino Hoster Guila kuang jăt jơng atbồ mpồl tam klăc ơruh ponu lơh tòm dunia đơs “Bol a` ờ kờ` mờ broă lơh lơgar Lo dê, ờ kờ` mờ broă sơgràm bơh lơgar dờng tus mờ lơgar dềt. Lài mờ tu\ tus lơgar Việt Nam, bol a` neh g^t lơgar Việt Nam ai 3 rơbô nă ơruh pơnu tus lơgar Lo, broă lơh do pà go\ bè bơta lơngăp lơngai mờ tam klăc bal tàm tiah do. Bu\ lah bè hơ\, tơnơ\ mờ hơ\ a` neh g^t jơnau yal bè bơta tàm dà lềng đah măt tơngai l^k, să tòm a` mờ mpồl tam klăc đơs bal ờ su\k ơm ngan bè broă do, bol a` go\ bơta gam gơl^k geh kal ke ngan”.

 Drim òr 28/5, lơh broă sùm mpồl đơng lam Đảng càr Dak Lak neh geh dơ\ lơh broă mờ mpồl đơng lam Đảng hìu bơsram dờng Tây Nguyên, kờ` sền mờ đơs broă mut lơh kơ nòl bơh mpồl Đảng hìu bơsram dờng Tây Nguyên dê 5 nhai bồ nam 2014. Ồng Cao Đức Khiêm kuang jat jơng atbồ mpồl đơng lam Đảng càr Dak Lak jờng rơ ală cồng nha lơh geh bơh mpồl Đảng hìu bơsram dờng Tây Nguyên dê tàm tơngai do, mơkung đơng lam ờ uă kơ nòl kuơ màng tàm tơngai tus, mpồl Đảng pal pơnjat tai tơr gùm, sền dờng màng tus broă tơnguh jơnhua cồng nha pơrjum Đảng, pơnjat tai chồl pràn broă bơt bơtàu, bơ song Đảng jat kơrnuat dà lơgar 4 “ Ờ uă bơta jal mhar bè bơt bơtàu Đảng tu\ do”, pơnjat tai chồl pràn broă bơsram mờ lơh jat ơnà jak Bác Hồ, sền gròi broă bơtàu tơnguh cau pa mut Đảng, ngan là broă bơto bơtê lài, bơto pơlam, dong kờl cau tàm mpồl ơruh pơnu jak chài tàm kuang bàng, cau pơgru, cau bơsram dờng, sền dờng màng tus ală cau bơsram dờng là cau kòn cau Tây Nguyên, bơt bơtàu mpồl lơh broă pràn kơldăng, kơ\ kơljap. Tàm broă bơto bơtê pal sền gròi tus broă rề ơnàng ală gah bơto bơsram, bơh hơ\ tơnguh jơnhua cồng nha bơto bơsram, kơ lôi sơ nơng ală tơngume jak chài, drơng broă lơh tam gơl pa dà lơgar mờ bơtàu tơnguh lơh sa mpồl bơtiàn càr dê.

Mho òr 28/5, Anih lơh broă Cảnh sát lùp khàu gơwèt gah kuang àng kơnhoàl Dak Song, càr Dak Nông neh tơl^k kơrnoăt yă mờ tơl^k kơrnoăt ku\p jàm tus mờ Trương Văn Khoa, 45 sơnam, kis tàm [òn Thuận Nam, ntum Thuận Hạnh, kơnhoàl Dak Song bè broă lơh hoàc huơr phan bơna. Jăt cồng nha lùp khàu, nam 2008, Khoa neh bal mờ hìu nhă tus tàm [òn Thuận Bắc, ntum Thuận Hạnh mus, kơl chi brê geh 9 sào ù brê gơwèt tàm ù tiah anih lơh sa kă bro tam brê Thuận Tân sền gàr kờ` lơh sa. Tơnơ\ mờ hơ\, tàm ù tiah do, anih lơh sa kă bro Thuận Tân lơh hìu mpàn kờ` sền gàr brê; mờ ai wơl ù neh gơtìp sơgràm kờ` tam wơl brê. Ờ su\k ơm mờ broă do, tàm tu\ 10 jơ drim ngai 5/5, Khoa neh chu hìu sền gàr brê anih lơh sa do dê. Mờ hìu do neh gơtìp ồs sa jơh bal mờ ờ uă phan bơna, phan ngui kờp mờ priă hoàc huơr jơh mờr 60 tơlăk priă.

Jơnau yal bơh mpồl sền gàr brê kơnhòal Cát Tiên, càr Lâm Đồng pà git, tàm nam 2014, gùt kơnhòal do geh 145 hìu nhă cih mat tam 160 lồ, 4 sàu brê. Bă brê ơm tàm rơndap broă tam brê tàm ù klàr bơh anih duh broă làng bol kơn hòal Cát Tiên dê mờ khà priă dong kờl làng bol tam brê in la rlau 320 tơlak. Bơnah priă do geh tă bơh priă jền broă lơh sa suơn sre nàng dong kờl tờm sơntìl làng bol in tam brê. Tu\ do, làng bol gam pès nhơt, jì wàs nàng rơcang tam brê, bơh nhai 6 tus nhai 8. Bal mờ hơ\, anih duh broă làng bol ală ntum, bòn drà kung neh ki\ sră pơr gon ờng tờm sơntìl nàng drơng broă tam brê tàm kơnhòal.

JƠNAU TƠNGGIT DUNIA.

 Ồng Iouri Ouchakov kuang dong broă gah cribơyai broă mờ lơgar ndai bơh kuang atbồ lơgar Nga dê ngai òr 28/5 pà git, ngai 5/ 6 tus do, ồng Vladimir Putin kuang atbồ lơgar Nga geh tus càr lơgar Pari lơgar Tây mờ geh dơ\ tìp mat ờ ngan ngồn mờ ồng Francois Hollande kuang atbồ lơgar Tây. Dơ\ tìp mat geh bơyai lơh 1 ngai lài mờ dơ\ tơng kah dơ\ geh mat bơh ling klàng mpồl ală lơgar jat bal tàm ală tiah kềng gah dà lềng tiah Normandie ngai 6/6/1944, gam geh hòi là dơ\ tam lơh tài lơgar Tây, dùl tàm ală tơngai kah yau kuơ màng bơh tam lơh dunia dơ\ 2 dê. Jat ồng Iouri Ouchakov, dơ\ tung lơtăng tàm lơgar Ukraine kung là 1 tàm ală tơngume geh cribơyai tàm dơ\ tìp mat đah 2 nă kuang đơng lam bồ lơgar Nga mờ lơgar Tây.

 Ồng Shinzo Abe kuang gơs gơnăp gơnoar atbồ hờ đang rơlao jơh dà lơgar, lơgar Nhờk ngai òr 28/5 pà g^t, ồng kơ\p kờ` geh chồl pràn broă lơh bal mờ mpồl tam klăc ală lơgar Đông Nam Á (ASEAN) kờ` tơl niam la, ală kơrnoăt tàm adăt boh lam geh g^t bal tàm ală broă tam phà ù tiah tàm dà lềng đah măt tơngai l^k. Lài mờ hơ\, tàm dơ\ hơ jơnau lùp geh cih tàm “Pang [ăo [òn Wall” lơgar Mỹ ngai òr 28/5, ồng Shinzo Abe ờ su\k ơm ngan bè ală broă lơh lơgar Lo dê tàm dà lềng đah măt tơngai l^k, lơh gơl^k geh kal ke tàm tiah do mờ đơs, nùs nhơm lơgar Nhờk dê là ờ dờp broă tam gơl bè ờs mờ broă ngui phào crong ha là rồn bơklơn.

 Cơldu\ lơh broă yal jơnau tơngit internet dà lơgar Lo pa do neh sồr anih drơng broă yal jơnau tơngit internet ală càr, bòn dờng lơgar do sơ lơ sền gròi jơnau yal tơngit geh pờ tơlik tàm internet. Tơ nơ\ 1 ròt ală dơ\ sò tơm iơh bơsak gơlik geh tàm tơngai rềp do bè dơ\ sò tơm mờ pềs tàm hìu rơndeh ồs ơm tàm Côn Minh ngai 1/3, halà ală dơ\ lơh bơr toh bồm tàm Urumqi ngai 30/4 mờ ngai 22/5, cảnh sát git go\, ală jơnau đơs, rùp tàm ală internet neh gơs là bơta geh bơngă dờng màng tàm ală dơ\ sò tơm iơh bơsak, jơh ală bol sò tơm iơh bơsak neh geh tu\ cri bơyai, đòm jat mờng chài, jòi broă mut lơh sò tơm iơh bơsak bơh ală jơnau đơs do.

 Kal ke pa tàm tiah đah măt tơngai l^k lơgar Ukraine tơnơ\ mờ te\ khà neh gơl^k geh tam lơh cui rơcai ngan, mờ jơnau yal bè khà cau chơ\t jê mờ sồt să uă tơnơ\ mờ 2 ngai gơnoar atbồ lơgar Ukraine pờ tơl^k dơ\ tam dră mờ mpồl kờ` tam cah is. Cri bơyai geh kuang bàng đơng lam pa lơgar Ukraine mờ lơgar Nga đơs tus bè là broă lơh kờ` tơmù kal ke tàm tiah đah măt tơngai l^k. Do là kal ke sơnrờp ngan tus mờ ồng Petro Porosshenko kuang atbồ lơgar Ukraine pa geh pồ dê.

 Drim òr 28/5, tàm hìu sơ nơm Khokpho, càr Pattani đah jum lơgar Thái Lan gơlik geh 1 dơ\ bơrtoh bồm lơh 10 nă cau gơtìp sồt să, tàm hơ\ geh 4 nă ling mờ mpồl rơcang gàr bòn, bal mờ 6 nă làng bol. Jat lùp khàu bơh sơn rờp bơh cảnh sát Thái Lan dê, cau tờm mut lơh dơ\ bơrtoh bồm do digơlan là mpồl jat yàng Islam duh nùs tàm bòn lơgar, jòi kai nàng lơh gơlik săp ntas pơhìn làng bol. 2 nă cau tờm mut lơh neh ngui rơndeh mai\ pơndiang 1 nai bồm mờr 10 kơi sồ mờ lơh bơr toh tàm blàng rơndeh ơm bơh hìu sơ nơm do dê. Bơdìh mờ cau sồt să, geh mờr 50 nơm rơndeh dờng mờ rơndeh mai\ neh gơtìp ồs sa halà gơtìp aniai tàm dơ\ bơr toh do.

Ngai òr 28/5, dùl gơl gòng rơndeh ồs tàm càr lơgar Seoul lơgar Hàn Quốc neh ni sơna ồs sa tu\ gam rơcang mu\t tus tàm anih ơm. Broă gơl^k geh do ờ geh cau gơtìp aniai. Do là dơ\ ồs sa rơndeh ồs dơ\ 2 tàm càr lơgar Seoul mìng tàm 1 poh. Lài mờ hơ\, dơ\ ồs sa anih rơndeh pơn diang năc ơm ngai 26/5 tàm Goyang, tiah đah tô măt tơngai mu\t càr lơgar Seoul, lơh 2 nă cau chơ\t, 41 nă cau sồt să.