Anih tờm yal lài dơ̆ tơrluh ù mờ yal lài ñsừc dờng dà lềng gơwèt Viện Vật Lý Địa cầu, Viện Hàn lâm Khoa họk mờ Kong nghệ Việt Nam pa yal lài, phan lơh broă bơh Anih do pa pơn jăt tai geh dờp 2 dơ̆ tơrluh ù gơtìp tàm tŭ 7 jơ 41 phút drim, mờ 8 jơ 32 phút ngai 08 nhai 11, geh bơta pràn là 3,7 mờ 2,9 độ richter.

Bè hơ̆, tus tŭ do, tàm ngai 08 nhai 11, tàm tiah kơnhoàl Kon Plong, càr Kon Tum neh dờp geh 3 dơ̆ tơrluh ù gơtìp tàm do. Lài mờ hơ̆, tàm tŭ 6 jơ 01 phút mang, dùl dơ̆ tơrluh ù geh bơta pràn 2,6 độ richter kung neh gơtìp tàm tiah geh tọa độ (14.860 độ vĩ Bắc, 108.244 độ kinh Đông). Anih yal lài bè dơ̆ tơrluh ù mờ ñsừc dờng dà lềng gơwèt Viện Vật lý Địa cầu kung pà git, kung gam pơn jăt tai sền gròi nền nòn ală dơ̆ tơrluh ù do.