Ƀộ Ngoại giao tàm ngai 28/10 bơyai lơh dơ̆ yal Kơrnoăt bơh Ƀộ trưởng Ƀộ Ngoại giao dê bè broă lơh mờ ai lơh jăt Kơrnoăt lơh broă bơh Mpồl đơng lam bơh Ƀộ Ngoại giao dê bè broă lơh sền gàr dong kờl làng bol Việt Nam tàm lơgar ndai mơkung bơyai lơh dơ̆ pơrjum Mpồl đơng lam dơ̆ sơnrờp. Thứ trưởng Ƀộ Ngoại giao ồng Phạm Quang Hiệu, Kwang ătbồ Mpồl đơng lam neh đơng lam dơ̆ pơrjum.

Thứ trướng Ƀộ Ngoại giao ồng Phạm Quang Hiệu đơs tàm dơ̆ bơyai lơh yal

Đơs tàm dơ̆ pơrjum, Thứ trưởng Ƀộ Ngoại giao ồng Phạm Quang Hiệu đơs nền, Mpồl đơng lam Đảng, Kwang đơng lam bồ Ƀộ Ngoại giao gĭt nền broă sền gàr dong kờl làng bol tàm lơgar ndai là dùl kơnòl broă cíñ trị bơh Ƀộ Ngoại giao dê, geh lơh jăt sùm mờ kơ̆p kờñ broă lơh do ngai sơlơ dĭ tŭ mờ cồng nha rlau, gàr sùm bơta sồr lơh sùm mờ pơgồp bal bơnĕ bơnài đah tàm lơgar mờ bơdìh lơgar. Broă lơh mờ lơh broă bơh Mpồl đơng lam dê geh tơnguh cồng nha, bơta mờng chài bơh broă lơh sền gàr dong kờl làng bol tàm tơngai tus.